صبايا وش افضل طريقه تشوفونها ؟

[احلام فتاة]

انا عروس وزواجي تقريبا بعد 6 شهور
وفي وجهي شعر خفيف وودي اشيله
وش أفضل طريقه جربتوها؟
أو تعرفون طريقه حلوه بحيث تشيل الشعر من غير
ماتترك حبوب بالبشر او تهيج خصوصا ان انا بشرتي حساسه .
انا سئلت وحده تشتغل بالمشغل وقالت لي ان تشيل بالخيط وشالت نفسها قبل واول مره يطلع حبوب وبعدين لما تتعودين ماعاد يطلع بس اول مره يطلع يطول في وجهك يأخذ اسبوعين او اكثر
وانا محتاره مدري وش اسوي في وجهي .

صحيح ان الشعر خفيف وماهو باين من بعيد الا لما الواحد يحسسه بس انا ودي اشيله عشان يطلع مع الميك اب احلى
عشان كذا قلت في نفسي مالي الا بنات عروس اسمع رأيهم وأخذ فيه .
وشاكره لكم تعاونكم .

[الإمبراطورة لي.لي كوتوموتو]

أولا مبرووووك والله يتمم لج على خير

ثانيا .. مادام الشعر خفيف ليش تشيلينه أصلا حف شعر الويه حرام ... لاتخلين الشيطان يقص عليج :)

[احلام فتاة]

الله يبارك بعمرك وعقبالك اذا انتي باقي آنسه
وبعدين اول مره اسمع انه حرام الوجه اذا كان صحيح اكيد ماراح اشيله
وشاكره لكِ مروركِ يالغلا وردكِ
وانتظر آراء آخرى تفيد

[نور دربي]

اذا كان خفيف ومو باين لا تشيلينه
لأنه يطلع بزيادة كل مرة عن الثانية
ويصير موال ما يخلص

[امنيه]

اذا كان خفيف خليه وشقري احسن لايطلع اكثر عن قبل وخصوصا انو بشرتك حساسة فراح تتبهذلي من الحبوب ويتشوه وجهك فنصيحه شقريه احسن

[احلام فتاة]

طيب يعني التشقير مع التكرار مايضر البشر او يسوده ؟؟

اذا كان التشقير مايضر لان انا قريت في منتديات انه يضر مع التكرار
اذا مايضر فأنا بعمل بنصيحتكم وأشقر أفضل ؟

شوركم وهدايةالله يابنات عروس وجزاكم الله خير .

[**كبرياء انثى**]

اولا مبرووووك يارب يتمم لكي ع خير

انا راي يا اختي اذا خفيف نصيحه لا تشيلينه

الصراحه التشقير ما جربته ما اقدر انصحك فيه

[الإمبراطورة لي.لي كوتوموتو]

ايوا صح حبيبتي :)

سئل سماحة الشيخ عبد العزيز بن باز

ما حكم إزالة الشعر الذي ينبت في وجه المرأة ؟

لجواب : هذا فيه تفصيل , إن كان شعرا عاديا فلا يجوز أخذه لحديث : ( لعن رسول الله صلى الله عليه وسلم النامصة والمتنمصة ) الحديث والنمص هو أخذ الشعر من الوجه والحاجبين , أما إن كان شيئا زائدا يعتبر مثله تشويها للخلقة كالشارب واللحية فلا بأس بأخذه ولا حرج , لأنه يشوه خلقتها ويضرها

يعني ما ينشال إلا إذا مشوه الويه ..!!

وأما بالنسبة للتشقير أنا شفت إنه فيه اختلاف
مع إن رايي أنا : أشوفه نفس الحف لأنه يخفي الشعر فيطلع الشعر من بعيد كأنه منتف ومرتب صح ..؟! ماتعرفين إنه تشقير إلا لما تقربين ..

أنا قبل كنت أشقر ويهي لان عندي جوانب ويهي فيها الشعر اغمج بشوية واكثف وكنت اشقر حواجبي .. بس كنت محتارة في الحكم ..

وبعدين قريت كتيب في دار تحفيظ أروح له عن حكم التشقير وأضراره ..
كان مكتوب انه يعتبر حرام بعد << لكن مثل ما قلت فيه اختلاف في ناس يبيحونه وناس يحرمونه وانا ما بحثت أكثر عن أقوال العلماء الكبار عشان أتأكد لأن أضراره خلتني أتركه .. ماذكر الكلمات بالضبط بس كانت أضراره إنه يترك مواد سامة فالجسم لمدة طويييلة لين ما يتخلص منها وتضر الكبد والكلى والأجهزة الداخلية ..

فقلت خلني أتركه وأفك عمري من هالبلبلة اللي انا فيها خخخخ ولحد ألحين اتيني أفكار إني أشقر أو أحف بس أصلا الدنيا ساعة وتروح ليش أضيع نفسي فيها ..@.@

[احلام فتاة]

مشكورين خواتي على النصائح والفوائد
واختي كبرياء انثى الله يبارك بعمرك ويتمم على الجميع بالخير
واختي دبلوماسيه حلوه صدقتي اختي
الدنيا فانيه وش ماخذين منها .

الله يجزاكم كل خير يابنات عروس