القهـــــــــــــــــــــ ــوة السعودية

[om_saod]

أخواتي العزيزات من منكم تخبرني بعمل (( القهوة السعودية ))


ولها مني جزيل الشكر .....:clap:

[om_saod]

وينكم يا بنات المنتدى


وبخاصة الأخوات السعوديات من تخبرنا بعمل القهوة

[العوش]

ما عندي أي فكرة عنها ....ليتني أقدر أفيدج


.. وين أهل السعوديه ...........خبرونا يا جماعة الخير

[ضحى]

اختي ام سعود
راح اقول لك اللي اعرفه بالتقريب,,,لأني مالتزم بقادير معينه
أولاً: احضري بن قهوه لونه بني بين الغامق والفاتح ,, افتح من لون القهوه التركيه...واطحنيه زين
بعدين جيبي ماء مغلي حوالي 4أكواب في ابريق خاص للقهوه..وحطي عليه حوالي فنجان ونصف قهوه[الفنجان الخاص بالقهوه السعوديه الصغير]
طبعا حسب الرغبه اذا تبغينها خفيفه قللي البن
لاتنسين تحطين زعفران نصف ملعقة الشاي
واتركيه يغلي على نار هادئه مثل مايقولون
حوالي ربع ساعه
بعد ربع ساعه تقريباً اضيفي ملعقه صغيره هيل مطحون,,وطفي النار
اتركيها دقيقه وبعدين صبيها في ترمس القهوة او دله بس حطي مشخاله صغيره عشان تشخل الهيل
وان شاء الله تعجبكم
ودمتم :shy:

[ام الاتراك]

مقادير القهوة السعودية
1-اربع ملاعق متوسطة بن علي حسب الدالة
2-ملاعقتان متوسطة هيل
3-ملعقة صغيرة قرنفل
4-ملعقة صغيرة زنجبيل
5-ملعقة ونصف مبيض قهوة او حليب نيدو مذوب في فنجان
6-زعفران
الطريقة .
نضع البن في الدالة ثم نضع المبيض او الحليب والقرنفل و الزنجبيل ونصب عليهم ماء حار وتوضع علي نار هادئة ثم نضيف الزعفران ونتركها خمس دقائق حتي تاخذ لون الزعفران ثم نضيف الهيل وتترك لمدة عشر دقائق(c)

ان شاء الله تعجبك
ادعوا لي احبكم في الله

[om_saod]

:جزاكم الله خيــــــــــــــــــــــر أخواتي (( أم الأتراك و ضـــــــحى))

وأتمنى من أخواتي في المنتدى المشاركة لتعم الفائدة :up:

[حسـاسّـــــه]

:up: :up:

[درة نجد]

غاليتي ..............ام سعود تبين القهوه العربيه على اصولها :

اول شي تجيبين بن مطحون من محامص القهوه ويكون نوعيه ممتازه .
ثاني شي المسمار والزعفران نوعيه زينه.
وبعدين تجيبي البن وتحطي المقدار الكافي لك 3ملاعق تقريبا والكميه المناسبه لها من الماي يعني ماتكون خفيفه مره ولا ثقيله .
وتحطي عليها المسمار والزعفران وتتركيها تطبخ تقريبا لمدة ساعه او اكثر على نار هاديه لان القهوه كل ماتغلى اكثر تطلع اطعم......................جربي وقولي لي:) :)

[om_saod]

ألـــــــــــــــــــــــ ـــف شــــــــــــــــــــــــ ــــكر أختي


(( درة نجـــــــــــــــــــــــ ـــــــد )) :clap:

[ابو السعود]

القهوة السعودية
1) نضع الإبريق الخاص بالقهوة على النار ونضع فيه كمية كافية من الماء حتى يبداء الماء يغلي نضع فنجان صغير من البن ( الخولاني ) أحسن أنواع البن مطحون ثم نوطي النار عليه ونتركه يغلي لمدة ربع ساعة
2) نضع ملعقة صغبرة من الهيل وملعقة صغبرة من المسمار وملعقة صغيرة من الزنجبيل وقليل من الزعفران وملعقة صغيرة من المبيض أو الحليب في الدلة
3) نصقي القهوة على الخليط ونعيده على النار حتى يغلي ثم ننزلة
اذا كانت تقدم في دلة اما اذا كانت تقدم في ترمس فيوضع الخليط في الترمس ويصب عليه قليل من القهوة ثم يرج ويصفى الباقي علية ويقدم بالهناء والشفاء

[om_saod]

ألـــــــــــــــــف شكــــــــــــــــر أخي (( أبو السعود )) وجزاك الله خيرا

[كيفي متسببه]

الله يعطيك العافيه ام الاتراك


سلملم

[مملكة القلوب]

هلا حبيبتي وأنا عندي طريقه للقهوه وعلى فكره

كثييييييييييير من أقاربنا وجيرنا يحبوها

ودايم يمدحون الوالده الله يحفظها....


( ماتقولون الله يحفظها):D


المهم تحطين بالدله قهوه + هيل + زعفران+ مبيض (كوفي ميت)

وتصبين عليها المويه الغليانه

وشو الكميه مأدري :o

بس ولايهمك لما ترجع الوالده من السفر أسئلها

لأني مأعرف الكميه :o

وصدقيني بتعجبك رووووووووعه وتشربينها مع تمر أو حلو أو بقلاوه

تجنننننننننن


تحيااااااااااااتي