مشاهدة النسخة كاملة : بنتي والامساك
اهلا خواتي
بنتي عمرها 4سنوات وماشاءالله حركتها صحيه
لكن وزنها 12كيلو
غير انها ماتاكل الا وجبة في اليوم او وجبتين
ماتحب السندويشات ماتحب الا الاكل اللي يكون بملعقه........يمكن غلطتي عودتها عليها
المهم دايما برازها الله يكرمكم لونه اسود ورائحته كريهه وامساك
واذا اكلن لازم تكرع ولا ينتفخ بطنها لمن تكرع يروح الانتفاخ وهذا توها لها اسبوع مودايما بس احيانا
وابغى الحل ودي وزنها يتعدل وابغى ارائكم ليه ممكن يجيها امساك
جيسى روز
09/02/2009, 04:39 AM
السلام عليكم ورحمة الله وبركاتة
اولا سلامة بنتك حاولى تخليها تشاركك فى عمل السندويتشات
وديما شجعيها على الاكل
وبلنسبة للامساك الافضل انك تعرضيها على دكتور
الف سلامة
noreen24
09/02/2009, 08:01 PM
الله يشفي بنتك ويطمنك عليها بس انا رأيي انك لازم تعرضيها علي طبيب وان شاء الله الاخوات يفيدوكي
الله يعطيكم العافيه الظاغهر اني بحللها وتاشوف الله يسلم عمركم يالغاليات
أم حمادي
23/02/2009, 04:39 PM
اذا وزنها 12 كيلو اكيد من قلة الاكل
واذا تاكل قليل اكيد ماراح تنزل بشكل طبيعي وراح يكون عندها امساك
كثري وياها من اكل الفواكه قبل وجبة الغذا بفترة ساعه تقريبا وبعدين شجعيها على الاكل معاكم
مشكلتها في اسلوب الاكل عندها ،
اذا زاد وزنها بتروح عنها مشكلة الامساك ان شاء الله
وسلامتها
روح الطفول
23/02/2009, 05:15 PM
بنتي بعد قريب تكمل سنتين ووزنها عشرة وتعاني الامساك عطاها الدكتور ملين وتحميلات لانها كانت تعملها في الاسبوع مرة بس ويطلع منها دم اعرضيها ع الدكتور احسن
Lady_bird18
08/03/2009, 08:18 PM
حبيبتي الامساك له كذا سبب
1_قلة الحركة (ما اعتقد هذي مشكلة بنتج)
2-قلة أكل الطعام اللي فيه الالياف (أكيييييييد هذي مشكلة بنتج)
3-قلة شرب السوائل (احتمال تكون جزء من مشكلة بنتج)
الدكتور ممكن احيانا يعطيج مسهل الها.. بس هذا حل مؤقت... لازم تخلين بنتج تاكل أشيا فيها ألياف... يعني ممكن تسويلها سندويجات بالخبز الاسمر(سويلها سندويجات صغييييييييرة.. وبأشكال .. خذي القطاعات مال البسكوت اللي تكون على شكل قلب صغير أو أشكال ثانية) عطيها بعد كورن فليكس ماركة نستله اسمه "Fitness"لونه أبيض وأزرق.. فيها نسبة ألياف أعلى من باقي الانواع.. وطعمممممممه حلوو.. انا بنات اخويي يحبون ياكلونه.. ممكن تستبدلين الارز والمعكرونة العادية بالارز والمعكرونة السمرا..(عموما الاسمر أصح للكبار والصغار)
لااااااااااااااااازم بنتج تاكل خضروات وفواكه.. ممكن تسويلها عصاير.. أو سلطة فواكه.. يعني لازم تاكل فواكه وخضروات وانتي كوني مبدعة في التقديم والتحضير عشان تتشجع انه تاكل... ولازم تشرب ماي..
وبعد ممكن تقدميلها السوائل والخضروات بطريقة شوربة.. ممكن تقطعيلها الخضروات بأشكال تجذبها.. وممكن تساعدج هيه في التحضير... وبعد الشوفان زين .. فحطيه في الشوربة
أظمنلج انه اذا بنتج قامت تاكل أشيا فيها ألياف.. وتشرب سوائل.. انه مشكلة الامساك بتستوي مااااضي.. بس انتي وشطارتج كيف تخلينها تاكل
Lady_bird18
08/03/2009, 08:27 PM
نسيتي أقولج كمن نقطة.. العصاير لااااازم تكون فرش.. وابتعدي نهائيا عن العصير اللي مكتوب عليه "شراب" لأنه كله سكر وصبغات...
ويفضل الخضروات ما تقشرينها... لأنه القشرة اللي فيها نسبة الالياف العالية.. سواء قشرة الخضروات أو الفواكه..
مـاريــا
11/03/2009, 12:39 AM
الله يشفيها..كثري من الكوسا والكيوي..
mokka
14/04/2009, 01:17 AM
بصى وزنها قليل حاولى تديها فيتامين فاتح للشهية وبالنسبة للامساك شربيها عصاير كتير
دلوعة..
14/04/2009, 08:50 AM
الله يعافيها ويرزقها الصحه والعافيه
rose_rose7788
14/04/2009, 12:29 PM
عصير برتقال فرش .... وااايد مفيد ... وسلامتها اختي