انصحوني........

[خيال ملاك]

مرحبا حبيباتي الامهات
بنتي (4سنوات و 8شهور) الله يهديها ما تاكل زين و تحـــــــــب الحلويات على الرغم إن أحاول قدر الامكان ما تأكل منها قبل الوجبة....بس مافيه فايدة
و صايرة هالايام مرة ضعيفة تخيلوا وزنها 15 بس

ما أدري بشو تنصحوني حتى أزيد وزنها شوي

[galia2]

لاتحاتين .. ترى أغلب الاطفال جذي

بس انتي حاولي تبعدين عنها هالشغلات .. حلويات ككاو
خشيهم عنها ولاتعطينها الا اوقات معينة
واختاري لها الانواع اللي فيها حليب بندق ..

وبالنسبة للاكل الصحي .. نوعي لها
لاتجبرينها على شغلات معينة او ماتحبها
بس عوديها من الحين على الاكل المفيد
لأنها بمرحلة التأسيس والنمو ولازم تتغذى صح
واهم شي الحليب، الجبن،الخبز ،الحبوب،البيض ، الخضار والفواكه وغيرها
عطيها من كل شي كمية قليلة بحيث ان تمرين على المجموعات الغذائية كلها


وفي بالصيدليات فيتامينات اذا تحبين تعطينها
انا احسها وايد مفيدة للكبار والصغار
لأن ساعات مانقدر نعوض من الاكل بروحه

الله يحفظ لج بنيتج ..
وان شاءالله البنات يفيدونج اكثر

[خيال ملاك]

لاتحاتين .. ترى أغلب الاطفال جذي

بس انتي حاولي تبعدين عنها هالشغلات .. حلويات ككاو
خشيهم عنها ولاتعطينها الا اوقات معينة
واختاري لها الانواع اللي فيها حليب بندق ..

وبالنسبة للاكل الصحي .. نوعي لها
لاتجبرينها على شغلات معينة او ماتحبها
بس عوديها من الحين على الاكل المفيد
لأنها بمرحلة التأسيس والنمو ولازم تتغذى صح
واهم شي الحليب، الجبن،الخبز ،الحبوب،البيض ، الخضار والفواكه وغيرها
عطيها من كل شي كمية قليلة بحيث ان تمرين على المجموعات الغذائية كلها


وفي بالصيدليات فيتامينات اذا تحبين تعطينها
انا احسها وايد مفيدة للكبار والصغار
لأن ساعات مانقدر نعوض من الاكل بروحه

الله يحفظ لج بنيتج ..
وان شاءالله البنات يفيدونج اكثر


ماقصرتي عزيزتي و إن شاء الله أحاول معها...أني عندي لو تأكل بس ضعيفة أشوة
بس مشكلتها أكلها قليل نوعاً ما..

و ياللة انتظر المزيد من النصائح..

[خيال ملاك]

وينــــــــــــــــــــــ ــــــــ:(ـــكم

[عسل و يحبوني]

هلا عزيزتي

مثل ما قالت اختي لازم تخشين عنها الحلويات وهالسوالف - وعشان تشجعينها على الاكل قوليلها خلصي هذا وبعطيج وباسلوب حلو عشان تتقبل الاكل

ولا تحسسينها انه الاكل شي اجباري يعني حاولي تلعبين معاها مثل ما كانوا يقصون علينا حليلنا يقولولنا يالله كلي ايد اختك ومن هالسوالف عشان نخلص الاكل

واذا ابدا ما كانت تاكل او حبت تاكل لوحدها افرشيلها بساط الاكل وخلها تيلس فوقه وحطي صحنها في النص و خليها تخبص واللي بتقدر تاكله بتاكله

الاطفال كلهم كذا لازم تتتعبين وتحاولين معاها

[خيال ملاك]

واذا ابدا ما كانت تاكل او حبت تاكل لوحدها افرشيلها بساط الاكل وخلها تيلس فوقه وحطي صحنها في النص و خليها تخبص واللي بتقدر تاكله بتاكله

مشكورة عزيزتي بس بنتي كبيرة>>>كيف يعني تخبص!!!!:o

أني أريد وصفات معينة مفيدة للأطفال و تساعد على زيادة الوزن

[خيال ملاك]

??????????????

[Lady_bird18]

انا بقولج شو أسوي ويا بنات أخويي "أخواني خلوني مسؤولة عن الحلويات بسبب طفاستهم في الاكل"

1- اختاريلهم الحلويات اللي حجمها صغير (عشان ما ياكلون وايد)
2-لازم تقرين نسبة السكر والسعرات الحرارية اللي في الحلويات .. وتختارين الاقل
3-تسمحيلها مرة وحدة في اليوم تاكل (أنا كنت أخليهم العصر ياكلون)
4- اشرحيلها الوضع كيف بيكون.. انه بتسمحيلها مرة وحدة العصر تاكل الحلويات.. ويحقلها تختار نوع واحد بس(يفضل انه تعرضيلها مثلا نوعين أو ثلاث وتخلينها تختار.. فبتحس انه هيه شاركت في القرار ورايها مهم)
5- الحلويات تحطينها في مكان ما تقدر توصله.. وممممممنووووووووع منعا بات تاكل الحلويات قبل أي وجبة (أنصحج العصر أنسب وقت للأكل.. بس أو العصر... عشان السكر يخلي اليهال نشيطين)
6- ما ترضخين لصياحها وعنادها في حالة انه ما استجابت للوضع... عقب فترة يوم بتشوف انه ماشي فايدة من صياحها.. بتتقبل الوضع
7- أنا يوم أودي بنات أخويي الجمعية.. أقولهم شو اللي ممنوع يشترون وشو المسموح... ترى مايستوي تمنعين بدون ما توفرين البدائل
مثلا كنت أقولهم ككاو وحلاوة ممنوع.. وأقولهم تقدرون تاخذون حليب طازج عصاير (بس العصاير أقرا شو نسبة السكريات والسعرات الحرارية وعقب أخليهم يختارون) ومب شرط الاختيار يكون على أكل.. ممكن شغلة ثانية .. مثلا دفتر تلوين .. قلم .. أو لعبة..

بنت اخويي من عقب التطبيق وزنها زاد.. وشهيتها للأكل واااااااااااااايد تحسنت ... فعليج بالتطبيق .. وان شاء الله تستفيدين من هالنصايح اللي انا طبقتها ونفعت (يررررررررررررررررتفع ضغطي يوم أشوف اليهال ياكلون كاكاو وحلويات وايد.. وخصوصا قبل الاكل )
وان شاء الله تخبرينا شو استوى وياج بعد التطبيق:)

[مـاريــا]

انا لو مكانك اكافئها لما تاكل وجبتها ...واشوي اشوي قللي الحلويات لانها مضره..