بنات القصيم الحقووني تكفون وخاصه عنيزه

[فنادي]

سلاااام عليكم
بنات القصيم وخاصه عنيزه الله يخليكم انا توهقت وتروطت ووقعت زواج اخوي عندكم الله يحييكم كلكم 000


وبس








خلاص



هههههههه لا من جد انا مو من القصيم وماعرف احد فيها ولا اعرف شي مرررررررره فابي منكم خده صغنونه مررررره
ابيكم تعطون اسماء وتلفونات المشاغل اللي في عنيزه لاني بجي قبل زواج اخوي بيوم واحد بس فاميمديني الفف وادور على المشاغل تكفون بنات الفزعه انا عارفه انكم ماتقصرون وقدها وقدود0000

[تسواهن]

ياللله يالقصمان ...........
شدو حيلكم معاها....................

[المميزه]

مرحبا باختي الغاليه..وان شاء الله اقدر افيدك بشي

بالنسبه للمشاغل صراحه فيه كثير وكل وحده بتقولك اللي اعجبها

وبالنسبه لي انا فيه مشغل بيوتي بلس (هذا يمدحونه بس صراحه ماجربت بنفسي) وفيه مشغل ثاني اسمه لمسات لبنانيه ..كمان فيه كوافيرات يجون للبيت يعني اذا انتي تبين ممكن وبالوقت اللي تطلبينه بس الحقي نفسك اذا تبينهم لازم تحددي اليوم والوقت لان الان مره زحمه ..ودعائـــــــــــي لاخوك وجميع معاريسنا بالتوفيق ان شاء الله
(u)
اتمنى اكون افدك بشي

الممـــــــــــــــــــــ ــــيزه:flower:

[فنادي]

تسواهن مشكوره على المرور
المميزه تسلمين والله بس تكفين ممكن تعطيني ارقام اللي يجون البيت بس ابيهن سنعات مرره واذا ماعليك امر ابي رقم لمسات وووومعليش ثقلت عليك بيوتي بلس هو نفسه بيوتفل ليدزوشكرا على الدعوه الحلوه وانتي بعد الله يجزاك خير ويوفقك وتراك معزومه عاد انا ماعرف احد بعنيزه بس لازم تجين 00 اتفقنا

[فنادي]

نسيت اذا ممنوع عرض الارقام هنا فاذا ماعليك امر ترسلي على الخاص او على ايميلي ممكن؟[email protected]

[أم فراس]

أختي فنادي تنور عنيزة بوجودكم

وبصراحه مشغل بيوتي بلس مررررررررره حلوووووو

وانا ما اتعامل الا معهم بس عليهم ضغط بالاجازات مو صاحي

وعلى فكره اللي بمشغل بيوتي كلهم مغربيات

وزميلاتي يمدحون مشغل اللمسه الاخيره

وفيه مشاغل كثيررررررررره بعنيزه بس والله انا ما اعرف الا بيوتي


أم فراس

[المميزه]

كان بعيوني اخدمك يااختي ومااقصر بس بيوتي بلس ماعندي رقمه..وبالنسبه للي يجون في البيت كثير وماادري انتي تبين سعوديه والا ..لا ..على العموم اذا انتي تبين سعوديه والامر عادي بالنسبه لك راح ارسلك على الخاص الارقام اللي عندي وانتي وشطارتك تتفقي معهم .. اوكي وبالتوفيق للجميع:up:

[فنادي]

ام فراس تسلمين وماتقصرين انتي والله اللي منوره

المميزه انتي فعلا ماقصرتي واستنا رسالتك وشكرا عيوني