عاجل جدا ( كريم ايديال )

[reemah]

اخواتي بالمنتدى والمستخدمات لكريم اديال للنمش والكلف وحب الشباب

ارجو منكن اعطائي فكرة حول هذا الكريم
ومتى تظهر نتائجه ( بعد كم يوم )
اللون الاصلي وغير الاصلي

واشياء من هذا القبيل


واشكركن مقدما :smile:

[ملاك الإمارات]

هلا reemah

بالنسبه لكريم ايديال الاصلي لونه تقريبا عاجي مو أبيض وعلبته لونها أصفر اعتقد

نتايجه تطلع تقريبا بعد اسبوع ونص او اسبوعين لأنه يقشر الطبقة السطحية من البشرة بس يحرق:eek2: يعني يبي له تحمل لأنه يحرق ووووووووووووايد وايد .... وبس تتعودين عليه يكون عادي ...


بس سمعت انه له أضرار والله أعلم ...


واذا بغيتي شي خبريني لأني استخدمته .. قبل ...


او كيك ...واذا بغيتي معلومات أكثر أنا في الخدمه ..




تحياتي لج ..;)

[reemah]

مشكوووووووورة ملاك الامارات على الرد

خبريني عاد اذا ماعندك مانع 00000 كيف كانت النتائج ؟
وبعدين لين متى يضل يحرق ....يعني بيستمر لكم يوم ؟
ولما يبدأ الوجه في الحرقان اتوقف عن استخدامه ولا كيف ؟

ارجوكي ردي عليي

ومشكووووووورة كثير

[ملاك الإمارات]

مرحباااا
آسفه على التأخير ...
صراحه النتيجه كانت حلوه لأن الكريم رجع بشرتي مثل ماكانت صافيه ..

لكن مشكلته يحرق موووت حتى تحسين انج خلاص تبين تشيلينه بس انا اقووولج تحمليه .. بتم يحرقج لين ما تتقشر تقريبا الطبقه السطحيه من البشره اللي مو منها فايده ...ولاتتوقفي عن استخدامه اذا حرقج أوكيك وتمي استخدميه لين ماتحسين ان بشرتج تحسنت ..


ونسيت أقولج ... ان الكريم بصعوبه ينشال من الوجه ...لشان جي أنا كنت اشيله بلوشن تنظيف البشرة من البحر الميت ...
فإنتي حاولي تشيلينه بأي لوشن عندج ... أول شي بعد اغسيليه بصابونه ايديال ...



واذا تبين شي انا في الخدمه ..;)

[حـــوراء]

الغاليه كريم ديال ...... روووووعه

وعمتي صارلها عشر سنين واهي مستعملته وبشرتها ماشاءالله

تججن ...... شوفي حبيبتي بالخليج ماتلقين الاصلي .....

يعني بالمحلات والاسواق ...... عمتي تشتريه من سوريه ....

مرات من لبنات لان اهو صناعه لبنانيه ,.,,,, بصراحه انا جربته

من سنه والحين قاطعته ..... مااجذب عليج بشرتي فتحت وصارت

صافيه ....ز والحين انا صارلي سنه ماحطيت منه ......

للامانه ماتغيرت بشرتي وايد .... بس الحب تطلع حب او حبتين ...

واحط عليها ديال بس الحبه ..... اكثر عليها ثلاث ايام تختفي ..

طولت وايد بالكلام ..... بس شسوي بقولج كل شيء عنه وبريحج

حبيبتي ديري بالج من الحراره .. مثل النار الشمس .. البخار ..

حطيه بليل بس .. وغسلي الصبح .. نظفيه عدل .. لانه ماينظف

بسهوله .. تحمليه اوكي ..... لانه يحرق حيل ... ويقشر لج بشرتج

وتصير جافه حيل .. وبلاوي راح تصير بشرتج ... لا تقطعينه هذا

مفعول الكريم جذي ..... وبسبوعين راح تبين النتيجه .....

ولون الكريم يميل للبيج ..... وريحته مقبوله وقويه ..

واللي مو اصلي .... لونه ابيض وريحته معطره ..

وبالتوفيق حبيبتي واي سوال من عيوني ..

تحياتي ....

[شجــ الليل ـون]

اختى الغاليه انا عن تجربه صارت جدامى وعشتها يوم بيوم اختى هنا معانا بالمنتدى وسمعت من احدى الاخوات عنه ووصت يجبونه لها من السعوديه واستخدمته لكن الله لايرويك وجهها تشوه وانملى حبوب وصار الكل يسالها وش سويتى بوجهك خرب وانتظرت فتره تقول يمكن النتايج تطلع بعدين لكن خلصه العلبه وعلى طول راح على دكتور امراض جلديه وقالها الكريم هاذ كل مو شى لا تستخدمينه والحين تتعالج ولسه اثار الحبوب باقيه وصارت على السالفه هذى اكثر من 3 شهور ... :down:

[reemah]

اشكر جميع الاخوات الي قاموا بالرد

وبالنسبة للاخت شجون الليل اشكرك على الرد و خوفتيني من ردك
واتمنى انك تردي على سؤالي

اختك اللي تضرر وجهها استخدمت الاصلي اللي لونه بيج او اللي لونه ابيض ؟؟

ارجووووك ردي عليي بسرعة

[reemah]

وييييييييييينك شجون الليل ؟؟؟؟
:confused: :confused: :confused: :confused: :confused: :confused: :confused: :confused: :confused: :confused: :confused: :confused:

[شجــ الليل ـون]

اسفه عزيزتى على التاخير

اختى استخدمه الاصلى كان لونه بيج وله رائحه نفاذه (قويه) بعض الشىء

بس صديقنى يا اختى الغاليه مانصحك به لانه فعلا خرب وجهه اختى ولسه

اثار الحبوب بوجهها مااختفت وهى تتعالج منها (تقدرين تتاكدى منها بنفسك

اسمها ريم البحرين ارسليلها على الخاص وهى تقولك القصه كامله )

تحياتى

[هفووف]

انا كتبت تجربتي المريره مع كريم ايديل :confused: ابتعدوا عن الاشياء التجاريه هذا الكريم يحتوي على مواد كيماويه تحرق البشره:(

[اوات]

:sad: :sad: :sad: :sad: :sad: :sad: :sad: :sad: :sad: :sad: :confused: :confused: :confused:
اسفه عزيزتى على التاخير

اختى استخدمه الاصلى كان لونه بيج وله رائحه نفاذه (قويه) بعض الشىء

بس صديقنى يا اختى الغاليه مانصحك به لانه فعلا خرب وجهه اختى ولسه

اثار الحبوب بوجهها مااختفت وهى تتعالج منها (تقدرين تتاكدى منها بنفسك

اسمها ريم البحرين ارسليلها على الخاص وهى تقولك القصه كامله )
صدقيني انا ايضا استخدمتة وصار وجهي من شوفيه تخترعين
انصحج لاتستخدمينها اوات:confused: :confused: :confused:

[بنت العز99]

مرفوع

[عسل دافي]

انا استخدمته وماناسبني ويهي تحسس وصارت خدودي خشنه وايد وتشقق وتركته على طول اما اختي ويها في حبوب استخدمته وناسبها واااااااايد

[ام هدى]

للرفع

[الاسلمية]

يسبب حفر بالوجه على المدى البعيد

خالي عنده حب شباب وخالتي كانت تريده للبياض نفعهم اول مرة بياض وصفاء

وبعدين وماادرااك مابعدين بلاوي بوجههم صار المسام توسعت وخربت بشرتهم .. ديروا بالكم منه

اقسم بالله اني صادقة باللي اقوله .

[ام هدى]

يسبب حفر بالوجه على المدى البعيد

خالي عنده حب شباب وخالتي كانت تريده للبياض نفعهم اول مرة بياض وصفاء

وبعدين وماادرااك مابعدين بلاوي بوجههم صار المسام توسعت وخربت بشرتهم .. ديروا بالكم منه

اقسم بالله اني صادقة باللي اقوله .

جزاك الله خير على ذكرك هذه التجارب والله يجعله في ميزان حسناتك

[-Mirage-]

خواتي نقدر بس نستخدمه بس على الحبه مو الويه كامل؟؟
ردو بليييز

[-Mirage-]

upppppppp

[بسمـة أمـل]

انا أختي استعملته وصار وجهها صافي وابيض

وكان عندها نمش في وجهها وقلل بشكل ملحوظ

والكل كان يمدح في الكريم لما أستخدمته

وانا بعد استخدمته ولحضة الفرق لأحسن بس ما كلمت وقطعته

[حلا علي]

الله يقطع كريم إيديال وسنينه
إستعملته للنمش عندي بظهري
كان عندي بمكان صغير و لما استعملت كريم إيديال
ما راح النمش ، بس حرقة ع الفاضي
و الحين الله لا يوريك ، ظهري كله صار نمش وكمان
كلف وسواد ، ولما سألت عرفت إنه يحتوي على زئبق
و لا كورتيزون ما أعرف أي واحد منهم ،
على فكرة أنا استعملت الأصلي ، كنت أشتريه من الصيدلية
وشفت التقليد بالأسواق وطبعا كان أرخص .

[الاسلمية]

والله يااخواتي هذا ايديال خراااب للوجه

وترى مو على بالكم يبين اثناء ماتستخدموه نتايجه تكون حلوة بس ورا ماتتركوه تخترب البشرة

اقسم بالله امي تحذركم منه لان هي واخوها واختها وقالوا لهم لاتستخدموه ومانردعوا وتالي بشرتهم اختربت ..

نصيحة اتركووه .. والاخت الي تريد شي بس على الحبة عند ظهورها انا وصفت لي الدكتورة دواء للحبة فقط تضعيه
يعني حب شباب وحبوب الدورة تخليه بس على الحبة ان شاء الله ينفعك ونصيحة بلاش ايديال ..

وهاي صورة الدواء وهو لطيف جدا على الوجه لا يقشر ولا يحرق الوجه ورائع مفعوله اسمه Duac وبتركيز 25% ويوضع فقط على الحبة

::
http://www.stiefel.co.uk/objects/img/prod_duac.jpg[/QUOTE]

[sanegirl]

للرفع

[sanegirl]

رفعته و ما حد جاوب ارجوكم الي جربته و نفعها تقولي ع النتيجة يعني ليش بيقولو مضر يمكن بس اشاعة . انا اشتريته بسعر مرتفع و بدي اجربه لحب الشباب فبشو بتنصحوني مع العلم انو بنت نصحتني فيه بس بدي اعرف خبراتكم مع اني عارفة انو كريم ايديال قديم بس ودي اعرف نتايجه يعني محتاجاها ها اليومين و خصوصا من اللبنانيات لانو صنع لبناني و شكرا مسبقا . امانة لا تدخلو و تخرجو ردو و لو بكلمة