اتمنى عزيزتي تردين علي

[جمـــــال الروح]

السلام عليكم ورحمه الله وبركاته ... انا صديقه ابوي تاج راسي تذكرينها هي كلمتني وقالتلي افتح موضوع هنا عشان تجاوبين ياساعه غروب عليها لانها مالحقت تشوف حل مشكلتها لانها الغت العضويه .. وعشان تتاكين اني ما اكذب ولا اضيع وقتك بقولك جزء من مشكلتها... هي مخطوبه لها يمكن سنتين واهل خطيبها مايبونها ياجلون الزواج بحجه الفلوس...هي تنتظر الرد اتمنى ماتفشيليني واذا بتسالين اي سؤال عشان تتاكدين انا حااااااااضره

[ساعة غروب]

خليها تكلم خالها صديق خطيبها بالمشكلة ويتفاهم معاه يعني ما يصير البنت معلقه لا طايله سماء ولا ارض

[جمـــــال الروح]

اتصلت عليها وقلتها و قالتلي كذا ...المشكله ان خالها يدري بالمشكله بس مايبي يتصرف لانه يشوفها غلطانه يوم وافقت عليه عشان اهله يقولها اعرفك مابتقدرين تعيشين مع ناس زي كذا هو مايعيب الولد يقولها هو طيب بس لابد الواحد ياخذ من تصرفات اهله .والله مسكينه كاسره خاطري هي في نار والباقيين كلهم عادي عندهم ولابد يستهبلون فيها يقولها الله يعينك بتشتغلين خدامه عندهم لان امه مره وحد قالتلها ان شاء الله الولد لما يكبر بيطلع وبتشتاقين له تخلي وش ردت قالت انا ماكبرت عيالي عشان تجي وحده تاخذه بالجاهز تجي هنا وتخدمنا .. وولدها مايبي عند اهله هو يعاند اهله عشانها عشان كذا مو متقبلينها..

[ساعة غروب]

شوفي حبيبتي

انا لو مكانها ما اقبل اتزوج من هالعايله

ليش ؟؟؟؟


الاسباب اولا ً الفرق الاجتماعي

الفرق الفكري

طريقة التعامل ما اقبلها على نفسي

صح هو ماله ذنب يشيل عيب اهله بس انا ما اقدر اعيش بهالوضع


هو اللحين متمسك ويعند اهله عشانها بعدين لما تصير زوجته في بيته ما يقدر يقول حق هله شي وحتى اذا قال اللي ما في خير في اهله ما فيه خير في زوجته


بعدين من البداية مشاكل وعوار راس

وعلى قولة المثل هذي اولها ينعاف تاليها


من راييي خليها تعيد النظر في هالزواج وتشوف وتحسبها صح هذا زواج مو لعبة

ومادام اهلها رافضينه ليش وافقوا عليه من الاساس


النسب نشب لا تجدم على خطوة تندم عليها بعدين

بعدين الزواج مو بس اثنين تزوجوا وخلاص لاء الزواج نسب عايلتين خليها تفكر وتنظر لبعيد ابعد من اللحظة الحالية بشوي

خليها تنظر لمستقبل اعيالها منه شلون راح ينصرف عليهم شلون راح يتربون

الله يوفقها فيما يحب ويرضى