مشكلتي أبي مساعده

[نوفه الجميله]

السلام عليكم و رحمة الله و بركاته... اختي الأخصائيه طلبتج طلبه.. أنا سلمج الله عندي مشكله و أبي لها حل...

سلمج الله أنا في شخص يحبني من طرف واحد.. و هو جاد فعلا يبيني لكني أنا مو راغبه فيه هاذيك الرغبه الي مره واصله حدها.. المهم.. هالشخص من زمان حاطني براسه و كنا نداوم مع بعض.. المهم صارلتلي عدة مواقف معاه.. ان مره خلصلي أموري وتوسطلي و كذا..

هو ما خبرني انه فاتح أهله بموضوع " الخطبه" .. تسرع الله يهديه و خبرهم .. قاللهم أنا أبي "..." على سنة الله و رسوله.. و صارت بينهم خناقه ليش ان أمه تستحي تكلم أمي لأن شبتقوللها؟؟ ولدي يدرس؟؟ " هو كان يتدرب بس عندنا".. ان يعني من وين بيصرف و جذيه.. و قال لأبوه تعرف أبوها؟؟ قال لا ما أعرفه بس بسأل عنه..

المهم الولد تعبت نفسيته و جاني لين مكتبي و قالي " يا فلانه.. أرجوج وافقي أنا أبيج" و كان يبجي حيل و يخبرني عن أهله شقالو.. قالي أخاف أحد يتقدملج و توافقين " للعلم أنا ما تقدملي أحد لين ألحين" .. و ثاني شي هو فيه عيب يخليه ما يقدر حتى يمشي.. كان خايف أرفضه لهالسبب.. و يترجاني " ارجوج وافقي" و منها قلت خلاص..دامه حطني جدام الأمر الواقع خلاص بوافق " معني خايفه و متردد" أحسن من ما يسويلي مشاكل اذا حد ثاني تقدملي أو شي.. و بعدها على طول شسوى؟؟ عشان يضمن اني له؟؟ قام و حلفني ما أطلع من عنده إلا و رقم تلفوني عنده.. عشان يراقبني و يعرف أخباري على قولته .. تم يقولي اذا بتطلعين شاوريني.. دزيلي مسج أو أي شي عشان ما أشغل بالي وينها و وينها " كل خوفه انه يفقدني" و أنا ما أبي أكلمه بصراحه.. صح أدق و أسلم و جذيه بس أنا مو راضيه.. و جد قلتله ان هالشي يمكن يمنعنا ان نتزوج أو نتعرض للمسائلات.. قال ما عليه أنا بتحمل اللوم بس عشانج.. انتي أهم شي عندي و ما أدري شو..

ألحين أحس نفسي حاسه بالذنب.. كله مالي خلق أكلمه.. تقريبا لنا 9 شهور ألحين ننتظر لأن هاذي آخر سنه له بالجامعه و هو مواعدينه يخطبونا بالصيف هاذا.. بس ما في شي رسمي لحد ألحين و أبي كلمه جواب أي شي.. أبي اثبات.. ما يصير نبني علاقتنا بهالطريقه~..

ثالث شي يا عزيزتي.. بعد ما عرفته عرفت انه فيه طبعا مب حلوه.. صح انه ريال و شديد و له هيبه و أخلاقه ساميه.. لكنه مادي يعني عادي أي لحظه إيي يقولي هاتي راتبج.. عصبي و مزاجي " مرات يوم اخفف عليه يقولي لا تستهبلين أنا مالي خلق" بس الحلو الي فيه انه يعرف اني أزعل يوم يسوي هالحركه.. صح ما يتأسفلي لكنه يوم يتضايق ما يرد على تلفوناتي عشان ما يضايقني بس اكتفى بكلمة " أم سعيد اسمحيلي أنا متضايق و مب مركز وياج" الحمدلله عدل اسلوبه..

رابعا.. حكمت عليه انه مادي لأن قبل كان شارط عليي اني ما أداوم.. يبيني أقعد بالبيت.. بس حاليا لأن عنده مشروع من البيت و خسران فيه ما أدي شو مشكلته..يبيني أشتغل و أعطيه من راتبي و أساعده فيه و أنا خايفه.. بيسألونه من وين لك؟؟؟ و للعلم هو عنده راتب بسيط بس ما ينزله كل مره و من فتره موقف " أنا مو قاعده على بنك عشان أعطيه"

عزيزتي.. أنا لين ألحين مب عارفه أتصرف وياه.. من كم يوم دزيتله مسج و قلتله اني مريضه و فيني الضغط.. زعل و قالي " الله يعافيج من هالضغط .. بس قولي انج ما تبين تكلميني.. قصيتي عليي"

شأسوي وياه؟؟ شلون أتصرف؟؟؟ أحسن نحنا الثنين مو متفاهمين

[ساعة غروب]

شوفي انا من راي انج تقولين له انه انتي مو مرتاحة للمكالمات

وهو لما يحس انه عنده المقدرة على الزواج وحس ان الوقت مناسب للزواج يتقدم ويستوي خير عقب

بس فهميه انج تعبتي من هالعلاقة اللي ما ترضي الله ولا رسوله وانه خلاص ماراح تكلمينه لان الشي غلط وزاد عن حده

اذا عقب تقدم لج يستوي الف خير اما اللحين ما لازم هالمكالمات


بس حبيبتي شنو العيب االلي فيه هل يعني انه مشلول لا سمح الله او شيء من هالقبيل؟؟؟

[نوفه الجميله]

شوفي انا من راي انج تقولين له انه انتي مو مرتاحة للمكالمات

وهو لما يحس انه عنده المقدرة على الزواج وحس ان الوقت مناسب للزواج يتقدم ويستوي خير عقب

بس فهميه انج تعبتي من هالعلاقة اللي ما ترضي الله ولا رسوله وانه خلاص ماراح تكلمينه لان الشي غلط وزاد عن حده

اذا عقب تقدم لج يستوي الف خير اما اللحين ما لازم هالمكالمات


بس حبيبتي شنو العيب االلي فيه هل يعني انه مشلول لا سمح الله او شيء من هالقبيل؟؟؟
هو من كم سنه تقريبا من أربع سنوات مسوي حادث و تشوهت ريوله.. حاط في باله اني برفضه عشان هذا..

ثاني شي.. أنا بقولج.. أنا ما ألومه يوم ينازعني " ليش ما تردين على تلفوناتي؟" أو " ليش ما تتصلين تسألين".. دايما يرددلي عبارة " انتي ما في منج و أنا أخاف حد ياخذج مني.. أنا أبيج" و مع هاذا وايد يغار.. ما يباني أكلم حد.. ما يبا حد يتقرب مني.. يبيني له هو و بس " الله يهديه"

و أنا بصراحه كم مره قلتله اني ما أقدر.. بس هو ما يرضى.. و الله اني قلتله ترا بنتعرض للمسائلات و بعدين انته بتخسرني.. قالي لا ما عليج.. خليهم يعقون اللوم كله عليي أنا و لو يعذلوني عنج أنا باخذج باخذج و ما عليي من حد و أتحداه الي بيردني..

و الله ما أدري يا أختي..أنا دوم أقول في خاطري لو ما خبرني انه يبيني جان أحسن.. جان أحين أنا ما أفكر في عرس و لا شي ولا شاغله بالي.. الله يهديه هو شاغل باله و شاغلي بالي وياه..

[ساعة غروب]

هلا حبيبتي

شوفي انتي قولي له انج ماراح تكلمينه وهو اذا يبغاج يتقدم لج وخلاص

وبعدين لو اهلج اعرفوا شو بيستوي فيج ما حسب حساب اهلج

خبريه انج خايفة من اهلج يكتشفون علاقتكم وانتي ما تقدرين تكملين معاه بالمكالمات واذا مثل ما قلت له انك بتخسرني اذا اهلج اعرفوا بالعلاقة

وبالنسبة لموضوع الفلوس خبريه انج ما تقدرين تساعدينه لانه راتبج ما يكفي لمصاريف البيت يعني شو في لج قصة عن موضوع الفلوس مثلا ً انج تعطين امج وابوج او تسددين فيهم ديون يعني لا تخلينه يستغلج بالفلوس

اللي يوفقج

[نوفه الجميله]

أصلا أنا مب عارفه شو قصة الفلوس.. مرات يقولي عشان تكونين نفسج عشان مستقبلج و عيالنا.. مرات يقول أبيج توصلين لأعلى المناصب.. مرات يقول عشان تساعديني لين ما أرجع دوامي.. ما أدري و الله شو مشكلته..

مره قلتله انته ليش اخترتني؟؟ شو الي عيبك فيني؟؟؟ قام و خانقني جان يقول " انتي تبيني أتضارب وياج؟؟" و تم معصب و يخانقني.. قالي " انتي شفيج مجنونه؟؟ غبيه شو؟؟" شو تفكريني أبغيج عشان فلوسج؟؟ ما أبي فلوسج.. أبيج انتي.. أبيج تروحين تشتغلين عشان تغيرين جو و تنسين هم البيت " انا ما أحب الحرمه الركوده" أبيج تعلميني شو تسوين كيف تتصرفين و ما أعرف شو.. أنا خاطري أتعلم منج..

يا اختي.. في عباره دوم على لسانه.. دوم يقولي " خاطري أهتدي على ايدج" ... إن شاء الله ربي بيهديه بس خلي يتقدملي رسمي.. أنا ما أبي كل شي يضيع هباء منثورا.. كم مره حاولت اني أتهرب منه لكن ما في فايده.. اذا أنا صبرت هو ما يصبر عني..

من يومين مخليتنه على راحته ما أكلمه ولا شي لأنه مزاجه تعبان ما أدري شو فيه.. و أنا ما أتحمله يوم يكون جيه و عرف طبعا اني أزعل يوم أشوفه جيه.. تعرفين اختي الأخصائيه؟؟ قبل كان يقولي.. أنا أبيج و يحلف انه يبيني بس كان يقول " أنا ما أستهالج ومب حلوه في حقي اني كل شويه أقولج عطيني.. انتي جوهره ونادره و ما في منج و خلي بالج على نفسج"

المشكله يا اختي أنا بين الموافقه و الرفض.. ان رفضته و تزوجت غيره صدقيني حالف انه يسوي ضجه " على فكره هو غيوووور وايد و مره كان بيسويلي مشكله بسبة غيرته".. و ان خذته بعد أخاف من الي بيي في حياتنا وياه.. من شهر تقريبا تقدملي واحد بس مب رسمي و ابوي خبرني عنه .. ما عرفت شو ارد عليه.. و أصلا أمي و أبوي و أمه و أبوه يدرون بالسالفه بس ما يدرون اني أكلمه أو أتواصل وياه.. المهم أنا خبرته و قلتله ان في واحد متقدملي و جيه.. و الله يا اختي ان تم يصيح.. قالي ما توافقين عليه أنا أبيج صدقيني أخاف ياخذج واحد ما يقدرج أو ما يحبج أو شي.. أنا أخاف ياخذج مني انتي ما في منج " على فكره ترا هو حاط باله على كم صفه هو كان يدورها و لقاها فيني" و في شي غيره" هو كانت له تجربه مع بنت خالته.. تزوجت و راحت عنه معنه قبل كان يقوللهم اخطبولي اياها و أهله ما رضو.. و سوا مشكله لها" قلت يمكن هو خايف ان يعيدون الحركه وياه مره ثانيه عشان جيه يتصرف بهالأسلوب

[ساعة غروب]

انا نصيحتي لج ابتعدي عنه واذا يبيج يتقدم رسمي وخلج اقوى من جيه

لا تلينين له وتكلمينه

خليه يتقدم لج جيه على حالته شوفيه هل هو صاج ولا الا لاء