بنتي ارضعها وترجع الحليب بعد فتره شالحل

[نكهة حلوة]

السلام عليكم ,,

جمعه مباركه :)

خواتي العزيزات بغيت اسأل سؤال ..:eek:

اللي هو

بنتي مريوم ( الله يحفظها ) عمرها تقريبا 40 يوم ,, اذا ارضعها _____ ترجع الحليب اللي شربته

مادري ليش

هل يضر هالشي عليها

[غـــرااام..]

حبيبتي ..حبيت أنقل لج تجربتي..
انا بنتي كان عمرها ثلاث شهور تقريباً.. وكانت ترجع الحليب اللي تشربه (( كله)) من أشلها على كتفي ..
يعني كل اللي رضعته وماقلت شوي .. لأنه فيه يهال يرجعون شوي من تشدينهم ..(( تطلعين الهوا من المعدة )) .. بعدين وديتها حق المسادة الي تمسدني في الأربعين وبعد الولادة .. قالتلي البنت ((متملعة)) يعني وايد تنشل وتنحط وبدون مهاد ترى المهاد يصلب الياهل ولا يخليه رخو
المهم ..خليتها تمسدها والحمد لله صارت تشرب حليبها وتنام مرتاحة.. وعلى فكرة بنتي كانت كله تصيح .. ولا تنام عدل..بس انتي أول وديها للدكتور يمكن تكون معدها تعبانة أو الحليب مايناسبها .. بعدين شوفي المسادة ..
وع العموم ترى المساد وااااايد زين لليهال الصغار..شكلج>>>>>> New Mummy ..
وماتشوف شر بنتج ..

[نكهة حلوة]

مشكورة اختي وعساج عالقوه
صج انا نيو مامي

[أبتهال الروح]

هلا اختي ..بكلمك عن تجربتي مع بنتي ..

بنتي من واهي اصغيره شهر دايماً ترجع .. حالتها كسيفه ليما صار عمرها 6 شهور ..
من دكتور لدكتور .. وكله مثل الكلام .. طبيعتها جذي بعدين تكبر تصير زينه ... تخف عن القيئ .. قد يكون معدتها اصغيره ما تتحمل كمية كبيرة من الحليب وهيك يعني ..

حتى ادويه استخدمت لها اشكال وانواع عن القيئ .. ما فاد .. استمرت الحاله .. لانه اساسها جذي طبيعتها ...

اهم شي في كل رضعه تحاولين تتطلعين الهواء .. صدق يتعبون وهم اصغار بالغصب يجشأ بس تحملي .. حتى لو رجعت اثناء التجشأ طبيعي .. لانه احياناً الطفل يرضع اكثر من حاجته للحليب .. انتي تضنين انه ما ظل بمعدته شي كله استفرغه بس غلط هذا الاعتقاد .. ياخذ حاجته من الحليب والباقي يطلعه مع التجشأ ...

هم بتجربتي ببنتي اكتشفت شي .. انها لمن تشم روائح قوية .. يعني عطر قوي .. او اذا اخلي عطر على ملابسها .. على طول ترجع .. الحين الحمد لله صارت زينه ...



ان شاء الله استفدتي من تجربتي .. (f)

اوصيك بالتجشأ عند كل رضعه .. وتنظيم رضاعته كل ساعتين (هالتنظيم يخفف اشوي مشكلة القيئ )

[عسووووله]

كأنكم تتكلمون عن معاناتي مع ولدي دااااااايما يرجع سواء تجشأ او لا وحالتي حاله معاه صرت ما اطلع من البيت من زود ما يرجع باي وقت.. طبعا وديته الطبيب وقال شي طبيعي لين ما يوصل 6 شهور يعني استحملي اشوي علشانه.. وهذاني مستحمله بس فعلا الحاله كسييييييييييييييييييفه واااااااايد..الله يعني يا رب.

[يقينية]

نفس الحاله .. مع بنيتي
وحده من الحريم الكبار تقولي سويلها اعشاب من اليانسون وهيله وعلج البان وشوي قشر برتقال على ماي مغلي .. بس والله خفت من هالسوالف بس اعطيها ماي زهر

[دلوعة حبيبها]

نفس الشي مع بنتي


انا بعد الرضعة اخلي راسي عالي شوي عن جسمها لمدة 5 دقايق

بعدين لا تخافي هذا طبيعي وبترد عادي

[لوزة الدلوعه]

كيف ترجع زي النافورة يطلع او بدون دفع
هذا اهم شئ
اما انك تكثري الحليب وتاخذ اكثر من حجم المعده او عندها ابو عظيم اسقاط تلقين من علاماته النافوخ نازل الى بالراس ودقنها من تحت نازل شوو علاجها حطي رشاد مع ما وقصي كرتون مربع صغير وبلليه وحطي عليه الرشاد واصبخيه براس بنتك لين يجف وشوفي ايش يصير ولا تشيليه الابعد ما تزيتيه لانه راح يكون ماسك على الشعر

[عطر عمان]

انا بنتي من انولدت وهي تكره شئ اسمه حليب وكل ما اتعودت ع نوع من الحليب تبدأ ترجع
كرهت حياتي يعني لازم أغير الحليب _ تخيلو خلال سنتين غيرتلها تقريبا ل5 او 6 أنواع حليب
ولحد اللحين عمرها سنتين وشهرين وتشرب بس 150 مل حليب مستحيل اكثر (اتعودت )لا حول ولا قوة إلا بالله

[ღملك t ^s روحي ღ]

السلام عليكم يا بنات اتمنى راح افيدكم من تجربتي لابني والله على ما اقول شهيد الحمدالله والشكر صرت احسن بكثير مع الترجيع


وعلى فكرة انا ولدت ابني في الشهر السابع وكان وزنة كيلو


كل ما يشرب يرجعة كمية جبيرة والله متت من ما افكر واقول ليش وكل واحد يقلي شي حتى الدكتورة قالت عادي المهم

انا ابني يشرب حليب ابتيمل ما اعرف اذا تعرفونة اشتري من المانيا احسن نوعية نصحني فية اكبر دكتور في المستشفى المهم الحليب طبعا زين يعني اكبر غلط الام تغير نوعية الحليب نصيحة لاتغيرو


المهم بعد ما مليت رحت للمستشفى لان ابني دائما يرجع وتعب وهو صغير باكلوة يلا يرضع جابولي الاطباء حليبة ابتيمل وخلو معاة سيلرلاك نيسكولا بدون سكر يعني سمكو الحليب وابني صغير يعني نولد في السابع لحد الحين وهو مو مولود في موعدة قالو لمدة يوم يبقى عدنا في المستشفى ونشوف انا قلت ما يكدر علية وبعدين بعدة صغير شلون يرضعة قالو لا عادي المهم

يعني اخلي في علبة الحليل ماء مقدار 90 زائد 3 ملاعق حليب وربع ملعقة بودرة سيرلاك نيسكولا حتى يصير كثيف قلت ليش قالو ان اكثر الاطفال معدتهم بعدهي طرية والحليب يرجع بسرعة وتسميك الحليب يخلي يمسك وما يزوع ويرجعة والله الف الحمد الله الف شكر لله قل الزواع والترجيع نهائيا بدون مبالغة والله على ما اقول شهيد

الي تريد اكثر معلومات عن الحليب ونوع البودرة نيسكولا تقولي وانا انطيها المعلومات كلها وتشوف التجربة شلون وراح تدعيلي على فكرة انا اول ما رجعت للبيت يعني طلع ابني من المستشفى قام يرضع الحليب وقل الترجيع في البداية كنت اخلي ملعقة على 90 الحليب يصير وايد كثيف وحلمة الممة تسكر والطفل يقوم ما يطلع الة حليب بعدين خففتة وصار زين مع الكمية الي انا اخليها اهم شي الغازات والهواء الي في الطفل لازم يبقى فترة طويلة بعد الرضع على صدرج حتى يرتاح

اسفة ما اكدر اكمل اكثر لان ما عندي وكت اكتب واصور انوارع الحليب والسيرلاك لان ابني يبجي بس الي تريد اي سؤال انا في الخدمة تقولي

ولا تنسوني من الدعاء

[(& نغومه &)]

أنا مثلك يانكهة حلو ولدت وصار لي شهر وطبعا ماما جديده وبنتي روين نفس بنتك ( يصيرو صديقات ) ايش رايك :wink:
المهم بنتي من اول يوم رجعت فيه من المستشفى وهي كل ماترضع ترجع وهي ماترضع من صدري كتير عشان انا قيصري وأحاول اعوض بالحليب كنت اعطيها (اس جولد 26 ) ولاحظت انو يسببلها غازات ويخليها ترجع لكن غيرت الحليب ولاحظت الفرق والحليب هو (ابت ميل ) اللي قالت عليه اختي ملك روحي انصحك بيه لانه خفيف مره
وانشالله ربنا يسهلها عليكي وعليا وعلى جميع الأخوات