كيف أقدر اتخلص من ذنبي ساعديني

[@بنت السلطان@]

السلام عليكم ورحمة الله وبركاتة
اختي الغالية ...
كتبت مشكلة من فترة طويلة وارشدتيني وقلتلي اني على خطأ وحاولت اني اصلح علاقتي مع امي والحمدالله

لاكن انا مشكلتي الحين اكبر من اي مشكلة ثانية انا بهم وكرب عظيم
حاولت وبذلت الاسباب لاكن دون اي فائده
حبيت انسان وعشقتة وهالانسان بيتزوج بس عندي احساس انه هو بيتزوجني
ابغااه بالحلال وابي ابتعد عن معصية ربي
المشكلة اني عصيت ربي بمكالماتي له الغير شرعية
لاكني ربي العالم بحالي ادور ع الستر وابية يكون لي بالحلال
قصتي معه كان صدفة اجمعتنا الدنيا
مراح اقولك انه من الشباب الي كل واحد ينوي يلعب بمشاعر بنت ويرميها
لا حياتي معه وعلاقتي معه صدفه مافي احد ما توقعها
حبيتة وهو حبني وضميري يأنبني لأني اعصي ربي
ارشديني كيف اقدر اتركة وادعي الله سبحاااانة يسخر لي بالحلال وربي راضي عنا
شلووون
اكسر شريحة جوالي صعبة
اغير رقمي صعبة اطنش مكالماتة الشيطان شاطر بلحظة ضعف ارجع اكلمة
الحمدالله احافظ على صلواتي المفروضة واقرا القرآن وصلي السنن والرواتب وادعي الله
بس نفسيتي تعبت تعبت عطيني حل عشان ابتعد عنه ارجوووكي

[ساعة غروب]

هلا حبيبتي

اول شي لازم تفاتحينه في موضوع الزواج

واذا حسيتي مجرد احساس انه مختار وحده ثانية وانه اللي بتزوجها مو انتي خلاص قولي له رجاءً لا تتصل وانسى الرقم وانتي ادري صعبه عليج بس قوي قلبج وحطي في بالج

ان من ترك شيئا ً لله عوضه الله بأحسن منه

واحتسبي الاجر وادعي في صلاتك ان الله ينزل عليك السكينه والطمأنينة ويتوب عليك ويغسل قلبك من حب هذا الشخص

ارجعي الى الله حبيبتي فمن رجا الله لم يخيب الله رجاءه

كان الله في عونك