بنت عذاري طليتك الله لايهينك

[خلود _82]

مرحباان تزوجت وحملت على طول وجبت بنتي اله يحفظها بس عندي كومة مشاكل بشرتي انعدمت مع الحمل بعد ما كانت زي الزجاج صافيه والحين انواع الكلف والحبوب والاثار ف وجهي
وبطني فيها خطوط حمرا وطبعا السواد حدث ولا حرج وتضبغات ولون جسم كل قطعه لون وركبي وبالعربي يبغالي اعاده سمكره وزوجي انسان انتقادي ينتقد كل شيء وصرت مستحيه منه وشعري صبغته وانعدم ابغى برنامج امشيء عليه يرجعني عروسه من جديد قبل ما يمل مني زوجي ويتزوج عليا تكفين ساعديني من راسي الين رجولي
واسفه على الاطاله

[الامورة شجن]

مرحبا

اولا اسمحيلي اني بدش عرض عليج وبرد عليج وخل تسمح لي اختي بنت عذاري وبقولج جم نصيحة لكن بشرط وعد انك تمشيين وياي خطوة خطوة وتكتبين النتايج لي عن كل شي يصير لج ويلا نتوكل على الله ونبدا


اول شي مشكلة الشعر ممكن اتسويين له حمام زيت مرتين الى ثلاث مرات بالاسبوع هذي إذا كان شعرج من النوع الجاف وبعدين اتقللييين الى مرة او مرتين ولا تصبغين شعرج حاليا وعطيه فترة يرتاح يعني تقريبا لمدة ستة اشهر وثانيا: عليج بالرياضة والمشي خصوصا لان يساعد على تناسق الجسم ويعطيج رشاقة داءمة وصحة على طول والاهم من هذا اول شي قبل ما تبداين بالمشي لازم تاخذين القياسات التالية:
1- طولج
2- ووزنج
3- محيط خصرج
4-محيط الصدر

وتبداين بالمشي لمدة ساعة يوميا ويفضل بعد صلاة العشا وبعدين اتزيد من ساعة الى ساعة ونص بالتدريج بس اذا ما قدرتي تكفي الساعة ولازم بمكان مفتوح يعني مو بالبيت وبعدين اتقيسين وزنج من عقب شهر كامل وتقيسين الباقي طبعا الطوا محتمل اتزيدين يعني فرق بسيط يعني يمكن سم او 2 بالحد الاقصى بس اهو عادة ما يزيد وتكتبين جم كيلو خسرتي من وزنج كل شهر مو كل اسبوعين .
وثانية لازم اتسويين الى روحج نظام غذائي يحتوي على الخضروات الخضرة مثل الخس والنعناع والبقدونس ....الخ لانها اتساعد على وقاية الجسم وتساعد على توحيد لونه لاااااااااااااا تخافين ما بتصيرين خضر هههههههههههههههه.

ثالثا لازم اتروحين بين فترة وفترة اتسويين لج حمام مغربي لان ينظف الجسم من الخلايا الميتة والاوساخ والاتربة المترسبة داخل الجسم ويفضل من بعد الدورة الشهرية يفضل بعد اتشيلين حلاوة في الصالون من بعده ، بعد حاولي تستخدمين مجموعة العناية بالجسم من the body shope مثلا عشان تعطيج نعومة وريحة حلوة واذا بشرتج مثل اليهال استخدمي مجموعة بيبي جونسون

ورابعا حاولي تشربين ماي بكثرة يعني من 6 الى ثمانية اكواب باليوم لان يساعد على تنشيط الدورة الدموية


وسامحيني على التدخل وسورررري اني طولت عليج واتمنى اني افدتج بالمعلومات ، ونسيت اقولج من عقب ما يرجع شعرج الى حيويته تقدرين اتروحين الى صالون معروف واتقصينه واتغيرين من اللوك اللي انتي فيه وبجذي بتكسبين ثقتج في نفسج وزوجك بشوفك احلى وحدة دايما وحاولي بين فترة وفترة اتغيرين اللوك تبعك عشان تغيير الروتين وبعد تكسبين ثقتك بنفسك وتكسبين زوجك


وتمنياتي لك بالتوفيق والسموحة منك

[خلود _82]

هلا حبيبتي شجن جزاك الله الف خير وانشأ الله ببدء امشي من اليوم ساعه ساعتين عادي انا احب المشي طولي 160
وزني 60 وكنت 50
كنت البس في البناطيل 38والحين 40
وصدري لني ارضع طبيعي صرت البس السنتيان 34c واول 34b



بنت عذاري عطينا وجه:o

[ريما الخليجية]

هلا اختي


ماشاء الله الاخت الاموره شجن ماقصرت كفت ووفت وصدقيني الغاليه ان بنت عذاري لما تشوف الاستفسار مكرر او الاجابه وافيه ما تزيد عليها

وانتي محتاجه شوية اهتمام وصبر لين يرجع كل شي لوضعه الطبيعي بس الاهم انج ماتهملين الخطوط الحمرا لان هذي فرصتج انج تتخلصين منها ودايما رطبي جسمج بزبدة الكاكاو واستخدمي خل التفاح بطريقة بنت عذاري

وموفقه اختي

[الامورة شجن]

هلا حبيبتي شجن جزاك الله الف خير وانشأ الله ببدء امشي من اليوم ساعه ساعتين عادي انا احب المشي طولي 160
وزني 60 وكنت 50
كنت البس في البناطيل 38والحين 40
وصدري لني ارضع طبيعي صرت البس السنتيان 34c واول 34b



بنت عذاري عطينا وجه:o

هلا بيج أختي خلود حاظرين للطيبين وإذا لازمج اي شي قول لي ، وتذكرت شي نسيت اقولج اياه يا ريت اتخصصين لج دفتر عشان تكتبين فيه كل التطورات اللي اتصير يعني مثلا كتبي من اليوم الفلاني طبعا قبل التمرين مثلا وزنج على سبيل المثال وبعد الرياضة بشهر صار هالكثر ....الخ واذا تبين بعد شي يرفع معنوياتج وااااااااايد سوي لج برنامج انه كل ما صار تطور عندج انه اتكافئين نفسج مثلا تشترين هدية حق روحج ، او تعزمين ريلج وتروحون مثلا السينما او مثلا اتسوين له حفلة عشا وسهرة محترمة وجذي تعطين جو الحب تجدد على طول وتكسرين الروتين على روحج وبعد سوي بعض حركات التغيير في بيتج لان ذي يساعد على تجدد النفسية وحاولي اضافة مثلا اشياء بسيطة في البيت يعني مثلا تقدرين اتحطين ورد على طاولة الطعام وبجذي تنفتح النفسية وتتعدل لان الخضرة في البيت والورد يعطي تجدد وحيوية، تمنياتي لج بالتوفيق والحياة السعيدة وقولي لي شنو ايصير عندج واي خدمة حاظريين(f)(f)(f)(f)