المساعد الشخصي الرقمي

مشاهدة النسخة كاملة : حليب بيبي لاك .. الي تستخدمه تدخل



شذى الوجدان
28/07/2008, 09:04 PM
السلام عليكم بنات

انا استخدم لولدي حليب بيبي لاك .. وعمره 19 يوم الله يحفظه اعطيه 60 ملل اي ما يعادل 2 اونس وملعقة حليب .. بس بعد ما قريت التعليمات على العلبه شفت ان المفروض اعطيه 120 ماي و 4 ملاعق حليب .. فأستغربت لأن حسبت الكميه الي اعطيها اياه عدل طلع كل مكيالي غلط

انا احس 120 كثير على رضيع ...

فيا ريت الي تستخدم الحليب تخبرني هل تتبع التعليمات الي على العلبه ولا شلون ؟؟

**ام عبادي القمر**
29/07/2008, 12:22 AM
اني استعمل هالحليب لودي من يوم كان صغير
ولازم تتبعين الي مكتوب على العلبة
ولا مو كثير علية لانة بعدة رضيع يعني ماياكل ولا شي
وهذه مجرد سوائل بسرعة تروح ويرد يجوع
ولازم كل ساعتين اسوين لة رضعة
اتبيعي التعليمات لانة اذا سويتي المكيال غلط
ممكن يصير الجاهل لا سمح الله تلبك معوي او امساك او بالعكس سهال
هم اخبر منا بالمكية ال يتكفي الاطفال
واذا كان هو يخلص الرضة الي ابو 120 خلاص معنها مو كثير علية
موفقة اختي

& ام ميمي&
01/08/2008, 08:29 AM
يااختي انا استخدم الحليب لبنتي عمرها 7 شهور الله يحفظها واسويلها الرضعة 100مل ع 3ملاعق لانها ماترضع والتعليمات احسها حقت الاجانب لانة موكويس الحليب يكون ثقيل يسبب مغص هذي اللي انا اسويها وحبيت افيدك
اشترك في المنتد عشان اردلك ودعواتك ان الله يشفيني

ضحكة كذوووووووووبة
16/08/2008, 05:53 AM
ام ميمي الله يشفيكي ان شاء الله ويفك ضيقك يارب

شذي الوجدان كمية الحليب اللي يشربها طفلك تعتمد على احتياجاته يعني انتي لما تسوين له رضعة 120 و 4 مكاييل وما يكملها سوي رضعة اقل واللي هي 60 ماي و2 مكاييل على حسب الحليب

ام عبادي مو شرط كل ساعتين في اطفال يشربون كميات قليلة بس على رضعات اكثر

بس يا شذى الوجدان لاتنسين لازم القياسات تتوافق مع اللي على العلبة انا ولدي كان ما يشرب الحليب كثير كنت استخدم قياسات اقل ورضعات اكثر عادي لا تحاتين

الغناة
01/09/2008, 04:19 AM
هلا الغاليه اذا هو بعده رضيع .... 60 ملي وملعقتين واذا عمره اربع شهور وفوق 120 ملي و3 ملاعق

هذا احسن ترتيب لحليب الطفل الغاليه انصحج ما تتبعين اللي في مكتوب على العلبه ليش.....


لان يخلي البيبي يغتث وما عاد يرضع الطفل وينحف ....

ومثل ما قالو قليل هناك ولا كثييرا غثااااك ....

عسل زوجها
21/09/2008, 04:16 AM
اهلين حبيبتي انا احطله لماكان رضيع ملعقتين والحين عمر ولدي 7 أشهر اعطيه اربع ملاعق :21_213:تقبلي مروري

petooo
19/10/2008, 01:50 AM
انا بنتى عمرها شهرين

بحطلها 60 مع معلقتين
اذا خلصتهم وحسيتها مشبعتش برضعها منى
او اروح اعملها تاني بسرعه

واحيان لو حسيتها جعانه بعملها 90 مع 3 معالق




المهم انك تتبعي التعليمات الخاصه بالمكيال اللي ع العلبه


لكل 30 ماء معلقه واحده

فاطم بدر
21/10/2008, 12:10 AM
هلا خيو ..


اني بنتي كنت اسويلهاا 60 وملعقتين.. وبالعكس تشبع وتنام مرتاحه ..

ولمن اشوفها ماشبعت قمت اسوي لها 90 وثلاثه ملاعق ..

والحين عمرها ثلاثه اشهر اسوي لها 120 وتشرب منها 100 واحيانا تشربها كامل ..

رغم انها ماترضع مني لكن ماتحتاج الى رضعة كل ساعتين ..

انصحش اتبعي تعليمات العلبة .. كل 30 ماء ملعقه حليب .. علشان صحة البيبي ..

حنان بس جنان
21/10/2008, 06:23 PM
انا ولدي عمره اربع شهوور واعطيه نمره 5 واربع ملاعق هو يشرب بس مايكمله يوصل دايم لاثنين مادري ليش؟ بعدين يرجع بعد ربع ساعه يبي حليب وانا مو عارفه طريقتي صح معه ام ايش مع العلم انه اول مره انا اكون ام وبعدين ماعندي احد يعلمن اخاف اذبح ولدي بس انا استفدت كثير من العضوات هنا بس هل طريقتي صح معه

غرام البحرين
22/10/2008, 11:34 AM
انه كنت استخدمه
كنت لمن اعطي ولدي يرجع بطريقه مو معقووله
والحمدلله بعد ما تركته رجع تمام يعني ارضعه مني بس
خف عنه الترجيع

وكنت اول شي ما اطبق الي مكتوب على العلبه ما ادري
وبعدين طبقت الي على العلبه

بس ماكو فاايده احسه ما يعجبه

الحزينة84
23/10/2008, 03:46 PM
انا استخدم لولدي حليب بيبي لاك .. وعمره 19 يوم الله يحفظه اعطيه 60 ملل اي ما يعادل 2 اونس وملعقة حليب .. بس بعد ما قريت التعليمات على العلبه شفت ان المفروض اعطيه 120 ماي و 4 ملاعق حليب .. فأستغربت لأن حسبت الكميه الي اعطيها اياه عدل طلع كل مكيالي غلط

انا احس 120 كثير على رضيع ...

فيا ريت الي تستخدم الحليب تخبرني هل تتبع التعليمات الي على العلبه ولا شلون ؟؟
حبيبتي اتبعي التعليمات احسن لا زيادة ولا نقصان اذا زايدة بسسب له جفاف و اذا ناقص راح يسبب له سوء تغذية و مره دكتور يقول لي اذا المكيال ناقص لو شوي يسبب امساك ، و اذا60 مل مع ملعقتين حليب و مو شرط نفس الكمية اللي مكتوب على العلبة بس اهم شي عدد المكاييل