ابغي مساعدة في جدول الضرب

[طيف الإمارات]

السلام عليكم ورحمة الله وبركاته
أخواتي أعضاء المنتدى بغيت منكم مساعدة
أبغي أحفظ ولدي جدول الضرب بس ما عارفة حصلت برنامج فيه جدول الضرب ولكن المشكله الأرقام الأولية
وألحين عيالنا يتعلمون الرياضيات بالأرقام الإنجليزية
ياليت إلي عندها برنامج جدول ضرب بالأرقام الإنجليزية تفيدنا فيها
وتسلمون

[اسمي في دقات قلبه]

ان شاء الله البنات يفيدونك ان شاء الله... بس اقول انه ما في احلى انك تكتبيه على ورقة او كرتونة بخط عريض وتجلسينه جنبك وتحفظيه شوية شوية ... الطريقة الي نفعت معانا في الصغر والي استعملوها معانا الوالدين الله يجزاهم بالخير..

[حزن العالم سكني]

انا معلمة رياضيات ولله الحمد كل الطالبات اللي عندي حافظين جدول الضرب

والسالفه مايحتاج لها برنامج بالعكس تماما

اول شي يالغاليه خذي ورقه مكتوب فيها جدول الضرب وخليه ياخذ ورقه فاضيه هذه الورقة

يكتب فيها جدول الضرب الموجود في الورقة الثانيه حتى لو ينقلها وخليه يسوي هالطريقه في يوم محدد انتي

تختارينه يسلمك الورقه قي هذا اليوم

ولاتنسين ترى التكرار يعلم الشطاااار

وصدقيني اذا طبقتيها راح يحفظ جدول الضرب بكل سهوووووله

واذا احتجتي شي علميني انا في الخدمه

دعووووووواتك

[طيف الإمارات]

كلامكم صحيح أخواتي ومشكورات على الرد
وإن شاء الله أحفظه بهاي الطريقة

[ودوم الكيوت]

وين جدول الضرب اووووووووووووووووووووف