مشكله في نظري كبيره ولا ادري؟؟

[فنجال قهوه]

السلام عليكم اختي ساعة غروب
راح ابداء بمشكلتي على طول

بصراحه انا متزوجه من سنتين عمري 21 وزوجي 28 من بدية زواجنا وهو راعي استرحات وسهر الى الفجر:ss: و من سنه ونص بعد الزواج حسيت ان زوجي مايرغب في معاشرتي(اقصد في السرير)
فاتحته في موضوع السهر بس!!وقال انه لايرغب في الجلوس معي وبدون اسباب ويقول يمكن عين:mad:!!
بس مافيه سبب معين:eek:

والحين ابليس بس يلعب في راسي ويقول اكيد ان زوجك يشبع رغبته الجنسيه براالبيت:(!!!
ولا وشلون رجال يقدر يتحمل يعني في الشهر مره وحده او ثنتين
فاوش رايك اختي اساله ولا مالي داعي؟؟مثلا اقوله انت لاقيلك احد بدالي؟؟


وانا بصراحه اتضايق منه فهو يسافر لوحده وخاصه بعد امريكا رجع وهو مايشوفني شي<<<<مدري فتنوه هالشقر:ss:

تراني اكتب لك وانا ضايق صدري:confused:متزينه له ولا احد معبرني:confused:
واحم احم ولا امدح نفسي والله ان جميله وجسمي حلو بس على قولتهم الله المسخر:D

وملاحظه تراني نزلته في الخاص عشان مابي الاعضاء صديقاتي يقرونه
والله يعطيك العافيه والجنه العاليه

[ساعة غروب]

هلا اختي

يبدوا انج تشتكين من البرود العاطفي بينج وبين زوجج

انصحج بعدي كل الوساوس اللي في راسج

وقعدي معاه قعده حلوه وهادية قولي له كل اللي في خاطرج اقصد اسأليه عن المضايقه وعن الاشياء اللي يحبها فيج يعني حاولي من هالجلسه انج تعرفين اسباب عزوفه عن القعده معاج بس اياج تفتحين موضوع انه في وحده وما ادري شنو خلج عاقله في تفكيرج وركزي في كلامج على انج تحبين انه يقعد معاج ومستانسه معاه بس لو يغير بعض الاشياء عشان توصلون الى السعادة الكامله حسسيه انج ما تبين تفقدينه وانها عمود الحياة بالنسبه لج

وعاد انتي لا تنسين الكلام الحلو الزينه وديكورات البيت يعني رتبي كل شي وهالله هالله بالروايح الحلوه

خليها قعده رومانسية

وبعدين حاولي تسوين عناصر جذب لها داخل البيت يعني

الكلام الحلو

اذا هو راعي سهرات يبي لعبة الورق وتعلمي شلون يلعبونها ولعبي معاه

قولي له انج مثلا ً اليوم عازمته على العشاء الساعة الفلانيه ( الوقت اللي يناسبج ) وسوي له الاصناف اللي يحبها

الحياة الزووجيه يبي لها صبر اختي وانت توج في بسم الله توج 2 سنيت بس عيل اللي صار لهم 20 سنه شلون يتصرفون

[فنجال قهوه]

السلام عليكم
كيفك؟
اختي من ناحية وحد الثانيه تيب بنسى

بس يااختي ليش يطول مايجيني في العشره تخيلي اشوفها يبعد وهو نايم يحتلم ليش هذا كله
؟
بعدين الله يخليك ابيك تقولين لي وش اسوي بالتفصيل من يوم مايدخل يعني وشلون استقبله وش يحب الرجل
المراه الي تسولف ولا الساكته
بعدين انا ماقلت لك ان اهله عندي ساكنين بس في العطل الصيفيه واحس هذا الشي يخليني مااكشخ له مرره

واهـ بس
انا بعد تراني ماأحط له شموع وحركات انا كلش اعرفه واقراه بس كلش اقول انه مايستاهل عشانه مايجي الا متاخر ومو معبرني!!<<عارفه انو غلط بس ابليس

بعدين عندي استفسار الحين رسالتي هذي محد يشوفها الا انتي؟

[ساعة غروب]

شوفي حبيبتي بالنسبه لان زوجدج ما يستاهل حرام عليج

حتى لو انه ما يستاهل انتي تستاهلين عدل

وبعدين مادام تقرين عن الحركات الرومنسية سويها وشوفي تأثيرها

اقول ما دام تشوفينه يحتلم معنى هذا انه ما عنده احد ثاني يخونك ماعاها

وبالنسبة لرسالتك تطمني محد يشوفها الا انا وانتي

[فنجال قهوه]

اختي تكلمت معه وبصراحهقال ايجابياتي وسلبياتي
وقال ان فيه اشياء مضيقته وتجمعت وصار يحس ببرود تجاهي (من ضمن الاشياء بصراحه انا احس اي رجال يسويها بس بقولها
تكلفة العرس مع ان زواجنا وسط مو شي وزي كذا اشيا عاديه يقول يمكنها تجمعت واثرت على نفسيتي)
ولا يحس اني فاهمه وشلون الحياة صارت صعبه ومايحس اني بوقف معه ؟مدري ليش مع اني ماني راعية طلبات

يقول حتى في الجنس ماارغب في معاشرتك والحال كل ماله يزيد للاسوء
بعدين قال
قالي انا مااشوف انك المرأه الي بتعيش معي باقي حياتي!!

فهمت من كلامه انه مو متقبلني عرفتي كيف
وحسيت اننا اذا ماانفصلنا اليوم راح ننفصل بكره لانه من جد مو متقبلني
وش رايك اصبر واتمسك فيه وهو من جد مايبني ولا ننفصل مثل مايبي واشوف باقي عمري؟

ذكر من ايجابياتي اني نفسيتي احلى من نفسيته واني مرحه واني ادور رضاه
شفتي وشلون هو عارف اني ابي رضاه بس مدري ليش سبحان الله ماتقبلني!

شوفي ياغروب ياقلبي ترى انا متقبله الوضع يعنني لاتحاولي تخففي عني بس وجهيني لان من جد مو عجبتني الجلسه كذا وبنفس الوقت هل قد سمعتي ان فيه وحده تطلقت وتوفقت في زواجها الثاني؟
الله يجزاك خير ويسعدك دنيا واخره يارب

[ساعة غروب]

اختي بغيت اسألج

عندج عيال

[فنجال قهوه]

لاماعندي

[ساعة غروب]

هلا حبيبتي شوفي زوجج نفسيا تعبان

يبيلج شوي صبر وعادي مشي الحياة وياه بعدين راح يعرف قيمتج ولا تقارنين بزواجج الاول بالثاني كل حاله كانت لها ظروفها

الله يسعدج والله مشوارج شوي صعب بس انا ادري انج قويه راح تتعدين هالمرحله من التعب بس كله تكلمي معاه بالين واللطف خليه يادهينه لا تنكتين

وصلاة الليل لا تركينها عنج بالعكس ادعي له بأن الله يهديه ويحليج بعينه

سورة البقرة لا تتركينها كل ليله اقريها

الاذكار حصني نفسج فيها في الصباح والمساء

عسى الله يرزقج بالذرية الصالحة اللي تجمعكم على الخير والهدى والتقوى وعلى حب الله

الله يوفقج وسامحيني على التأخير

[فنجال قهوه]

غروب وش يبيلج شوي صبر وعادي مشي الحياة وياه بعدين راح يعرف قيمتج ولا تقارنين بزواجج الاول بالثاني كل حاله كانت لها ظروفها
انا ماتزوجت قبل هذا زواجي الاول؟ماتزوجه قبله ولا بعده
وهذي مو مشكله وتزول مناول زواجنا وحنانعيش حياة هاديه لدرجه انها ممله