موضوع للنقاش .. .. { مــا بقــى غيـــر الهنــدي ياخــذ القيــــاس } ..

[♥بنوته زايد UAE♥]

سلام عليكم ورحمه الله وبركاته ..

اليوم قريت هالموضوع وحبيت اكتبه لكم ونتناقش فيه ..

% ..... % ...... % ...... % ...... % ...... % ...... % ...... % ...... % ...... % ...... %

موضوعــي اليوم .. قد لا يكون منتشر بشكل كبير
الا ان لازالت فئه من البناات مستمرين في فعله
فوضعت حروفي هنا للتنبيه والنصيحه


{ مــــوقف }

قبل 3 أسابيع رحت محل العبي .. المهم وانا يالسه اطالع العبي
شفت بنيه تختار وتناقش الهندي عسب الموديل والـخ
الظاهر انهم اتفقوا على شي معين
وما بقى غير .. { القيــــــاس }
الحين منوو يلي بيي ياخذ قياس البنيـــه
طبعـااااا >>>الهندي
بصراحه انا يوم شفت البنيه انصدمت .. يعني البنيه كبيره
والهندي يقايسهاا .. وطبعا تعرفون شلون طريقه القياس
يعني في احتماال كبير وفي بعض الحالات الاكيييد انه بيمسك البنيه



بعد هالموقف .. اكيد عرفتوا عن شنو راح اتكلم
عن البنـــات يلي يروحوناماكن التفصيل .. سواء عبي او مخورات او بدل والخ
ويخلون الهندي ياخذ مقاساتهم ..
من وجه نظري هالشي غير لائق ابداا .. ومب حلوه بحق البنيه
والاغلب اهلهم يكونون معاهم .. سواء امها او اختها اولى انهم ياخذون قياسها
بداال هالهندي يلي ما تنعرف شنو نيته .. حتى نظرته ما راح تكون حلوه ..



{ نقـــاط التحـــاور }

هل انتي من البنات يلي يرضون وان الهندي ياخذ قياساتهم ؟
بالنسبه لـ الشباب ..
هل ترضى هالشي على وحده من قرايبك ..؟
وللـ الاثنين
وجه نظركم بالموضوع .. ؟

وللـ علم .. اخذ القياس
بمعنى انه ياخذ قياسها بشريط المتر ..



منقـــــــــــوول ..

وداعـــــه الرحمـــــــن ..

[انسانه بلا روح]

وعليكم السلام والرحمه

هلا وغلااا حبيبة قلبي

انا يوم اروح افصل لي عبايه اكون ويه اختي العوده وامي واختي هي اللي تاخذ قياسي ومرات اعطيه

قياس العبايه القديمه ..

واللي اجوفه مرات يوم اكون بالمحل انه الهندي ياخذ القياس من الصدر والخصر والاكتاف

اهني الوضع محررررررررج

لانه يده بيكون اقريب واااايد من البنيه الصراحه كلش مب شي

وطبعا اكيد اذ جاف الريال هالشي ماراح يرضى بهالشي

وربي يعطيج العاافيه ع الطرح

والسمووحه يالغاليه ^_^

[أسرار 5]

ما شا الله شاده حيلج بنت الامار ات ههههههه


أما عني أنا فنادر ما أشوف شرات هالبنات

بصراحه ما أشوف ان الريال هو اللي ياخذ القياس بس هو أكيد في

الحمدلله نحن نسير أماكن حريم اللي ياخذون القياس عنا

أكيد نحن ما نرضى بهالشي والبنات اللي من هالنوع ناقصات عقل ودين الله يهديهم

انزين عندي راي .... لو فرضا سارو مكان الرياييل هم اللي يقيسون هيه تفصخ عباتها في الغرفه الصغيره مال القياس وتلبس عباه ثانيه واتخلي الريال يقايس على العباه اللي هي لابستنها واذا تبى تعديلات اتقوله طوله قصره وسعه ضيجه وعقب تلبس عباتها ما فيها شي مثلن ...........


ثانكيوووووووووووو

[لفه]

يعطييج العافيه على المووضووع اللي صدق يستاهل النقاش اختي مش الا ف محل العبي حتى ف محل تفصيل الكنادير تحصلين هالفئه

يعني اقل شي من هالبنت انها تاخذ قياس جدييم وياها واذا تبى تعدل فيه تخبره وتقوله شوو التعديلات اللي تباهن يعني لازم يقعد يصككها عشان يطلع القياس مطلووب حتى لو كانت نتيها هيه سليمه بس الريال يتم ريال سواء هندي او عربي او ايان كان هالشخص بس يتم ريال

المفروض انه تشل عندها قياس جديم وياخذ القياس عليه عنبوه نحن قياس جديم والا يديد ونستحي نطلع الكنادير جدامه او العباه وين عاد ياخذ القياس

يعطييج الف عافيه على الموضوع وسلمت اناملج على النقل المفيد

والسموحه على الاطاله

[umjana79]

السلام عليكم ورحمه الله وبركاته ..

بالنسبه لي اختصر الموضوع على نفسي واعطيه دايما قياس العبايه القديمه ..

تقبلي مروري اختي ..

ام جنى

[♥بنوته زايد UAE♥]

مشكورين خواتي ..

[♥بنوته زايد UAE♥]

انا بتكلم عن نفسي ..
انا يوم اسير افصل او شئ ادش عنده المحل واختار الموديل الي ابيه و واودي وياي عبايه جديمه ..

او اني من البيت اكتب القياسات عدل مدل واوديه وياي واعطيه واذا في شئ انا اخلي الوالده تاخذ القياسات ..

بس صج شئ يقهر يوم اتشوف الهندي ياخذ المقاسات ..

وعاد هم مايصدقون خخخخخخخ

فمان الله ..

[حلا2006]

انا بالنسبة لي اختار عباة جاهزة واشتريها يعني ماتحتاج قياس

او اعطيهم عباة قديمة يكون نفس قياسها

اما بالنسبة للهندي الي ياخذ القياس مايصير حتى لو البائع مو هندي

اشوف مواقف لناس محرجة وتفشل الله يستر علينا


ويسلموو على طرحك الرائع..

[OM AIA]

والله انا بروح اقيس عند النساء وما ارضى ان الرجال يقيس للمراة بس هذا كل راجع للمراة الي ترضى قيسلها الرجال وممكن او اكيد ان يلمسها الله يهدينا ويسترنا

[♥بنوته زايد UAE♥]

أفا والله ماهقيتهاا منكم .........

عنبو 50 مشاهدات ،، و 8 ردود ..

زعلتوني والله ..

الله يسامحكم ..