مشكلتي طويله ابي لهاا حل

[M!SS Cavalli]

السلام عليكم ورحمه الله وبركاته
والله من زمان ودي اكتب مشكلتي بس انحرج ان كل الاعضاء بيشوفونهااا
:o:o:o

ندخل على طول ابتدت مشكلتي لماا تعرف على صديقتي
انا كنت احب واحد من 8 سنوات
وهالشخص عمري في حياتي مازعلت ولا تضايقت منه
دوم كنى في فرح ووناسه
وتعرف على صديقتي 2006 وال 2007 انتقلت تعيش معاي بالبيت لاني وحيده ومحد عندي
وهي ضروفهاا
انها كانت عايشه برا البلاد
وماعندهاا سكن في قطر فقررت تعيش معاي لفتره محدوده
والحين احنى في منتصف 2008 والحال لحد الحين على ماهو عليه
طبعا حبيبي لاحظ تغير وخاف انه يخسرني
وتقدم لخطبتي
ولكن اهله واهلي ماتفقواا
ومن هني بدت المشاكل
واتفقناا ان نفضل نحب بعض لين الله يكتب لنا ونتزوج وبشرط ان محد منى يتزوج غير الثاني

اكتشفت بعد فتره ان صديقتي تعاني من نقص حب وعاطفه وتحتااج اهتمااام وحب
بس بعد فتره اكتشفت انهاا تحبني :rolleyes:

وتبي تتزوجني

وبدات بالضرب فيني لو درت اني كلمت حبيبي
وحبستني بالبيت
ولاروح مكان ولا اجي الا معااهااا
لو اي حد اتصل فيني
لو اي مسج وصلني
لو كلمت اي حد
وصار تتطبق علي دور الزوج الغيور
وانهاا قررت تسوي عمليت تحويل جنسي حتى تقدر تتزوجني
:confused::confused:

انا كسرت خاطري البنت :(

ادري ان هالشئ غلط

ففكرت اني اطلعهاا من اللي هي فيه
والحمد الله البنت اقتنعت انهاا بنت

بس مو مقتنعهاا اني مش ملكهااا
تقول اني لهاا حقهاا لحاالهااا

من كم يوم تقدم لخطبتي واحد
صار تضرب راسهاا في ارضيه الحمااام اعزكم الله
واللي المرحاض
وتضرب المرحض بوكس
وانا احاااول اشيلهاا مو قادره
وتناام على الارض على بطنهاا مثل البيبي

وتضرب برجولهاا
ولماا رفعتهاا وحظنتهاا ابي اطلعهاا من الحمااام
صار تشد على نفسهاا نفس البيبي تعرفين لماا البيبي يحقن دمه في جسمه كيف

وطلعتهاا وصرت اقرى عليهااا

وانا الحين مجروحه لاني حبيبي طردني من حياته
وصاير يتعمد يجرحني
بالرغم من اني طردتها من حياتي يقولي خلاص
وانا اعاااني كثير من داخلي
مو قادره اسوي شئ
ابد
صاير بايعني
بس في المواقف القويه تثبت لي ان هو واقف معاي
بس اي موقف هي لهاا دخل فيه
يصير مجنون ويحسسني
ان ولا شئ
وامس يقولي انا بتزوج :confused:
اكيد اني باتزوج يوم من الايام شو تضنين انا خلاص مابيج :confused::confused:

والله بموت من القهر

يحسسني ان هو بايعني
ادعلي ربي في كل صلاتي

ان يرجعه لي ويلم شملناا بالحلال


لاني صج احس انس خسرت شئ كبيرررررررررررررررررررررر رر

8 سنين مو شويه
انا مابي اقوللك اكثر مابي ادخل بالحلال والحرام اعرف ان العلاقه من بيناا حرام
والله مايرضى فيهااا
بس انا عايشه معاه طول يومي معاه
حتى ثيابي مكياجي عطوري بغرفته
ستشوار شعري
كل شئ كل شئ

اروح اي مكاان بالشارع يذكرني
كل شئ البسه من عنده
حتى يوم ابي اروح الجمعيه هو يجي يوديني
ابي اروح السوبرماركت

ابي اروح السوق
ابي اسافر يجي معاي


ابي انساه اقول هاي الله كاتب لي
اكيد الله بيكتب لي اللي احسن منه
بس مو قادره
احس اني صج احبه
واايد
مو قادره ابتعد عنه
مع انه هو يحاول يبعدني بس من غير مايجرحني

ليش طيب
هو قالي تبيني اتركي صديقتج


اول امس كنت طالعه رايحه حق صديقتي
واظطريت انا وخواتي اللي اكبر مني نكذب على بيتنا اني عند اختي

عشان هي ماترضى اروح عند صديقاتي
وتخيلواا
راحت حق اخو وهي تصيح
وتقول مددري اختك وين اخوي صار جيه ويهه :mad:

(6) والشيطان صار يوسس له
واتصل حق امي قالهاا روحي دوري بنتج وين
واختي مصره ان انا عندهاا
يكلمونهاا يقولن لها اختج وين تقولهم عنديي
شوي الا اخواني الاربعه يدقون حق اختي
يقولون لهاا اختج وين تقول هني
يقولون احنى جاينج
واركب السياره وبسرعه البرق اروح بيت اختي
والحمد الله الله ستر مع ان اهلي متفتحين
عادي اطلع واناام عند ربعي
واسافر
بس الواحد مابكذذب الا اللي يسوي شئ غلط
بس انا كذبت عشان صديقتي

بس محد بيفهم هالشئ
والحين هي تقولي انا ماسويت لج شئ

:confused:

اختي اذا تبين تسمعين اكثر عن مشاكلي ماعندي مانع
مدري اذا وصلت مشكلتي ولا لا
ادري سولفت اوجد
بس والله من همفي صدري
لو مو صلاتي ودعائي حق ربي بالصبر
كان انا الحين ميته :16:
وشكرا انكم فتحتوا هالقسم الخاص

[ساعة غروب]

اختي العزيزة عندي وايد تساؤلات وعلامات استفهام من رسالتج

شلون انتي عايشه بروحج وين اهلج وين امج وين اخوانج الاربعة

وصديقتج هذي ليش يات عندج وين اهلها هل اهي يايه زيارة ولا هي قطرية اصلا ً؟

اختي رتبي كلامج عشان افهم مشكلتج عدل

[M!SS Cavalli]

مممممممممممممممم

انا عايشه مع امي وجدتي

وصديقتي قطريه ابوهاا مهاجر وامها بحرينيه
واخوانهاا كل واحد من ام وكل واحد في مكان
وهي جات قطر لانها قطريه
عشان تستقر وتجيب اخواانها وتلم شملهم وفي من بيناا علاقه نسب

[M!SS Cavalli]

ساعه غروب مارديتي علي

[ساعة غروب]

شوفي اختى صراحة كل تصرفاتج تنم عن عدم نضوجج

اول شي تقطعين علاقتج بالبنت هذي اللي مسويه روحها ولي امرج

بعدين شنو تباتين برى البيت وحتى لو اهلج راضيين انتي لازم ما ترضين ترخصين بنفسج

واهلج لو يدرون بأنج مع هذا اللي تقولين عنه حبيبج عايشة معاه حتى ادق تفاصيل حياتج وتماسون الحياة كأنكم زوجين شلون انتي ما فكرتي انه مجرد كلام في كلام اللي انتي تعيشينه حلم ترى

مستحيل يتزوجج وهو عارف انج عادي معاه تطلعين وتسافرين وتنامين اصحي اصحي لنفسج

ورعي لوعيج ادعي رب العالمين انه يستر عليج ويهديج

واذا تقدم لج واحد زين روحي في طريجج ترى الحب اللي انتي تعيشينه مجرد سراب

التفتي لنفسج ولربج وتركي هالسوالف اللي ما بتنفعج

واهم شي تقطعين علاقتج بالبنت وبحبيبج على قولتج

وتبدين صفحة جديدة مع نفسج ومع ربج عسى انه يتوب عليج

الله يهديج ان شاء الله

[M!SS Cavalli]

حبيبتي نسيت اوضح لج نقطه ان احنى نخطبناا اناا وحبيبي
بس هالبنت خربت كل شئ ونفصلنااااا بس هو ليحين يكلمني
بس قالي انا بكون قريب منج لا اكثر ولا اقل
ولا راح يكون في شئ من اللي في بالج
وهالبنت هي عايشه معاي شلون اقطع علاقتي فيهااا
اطردهاااا مسكينه محد لهااا

[ساعة غروب]

شوفي ادري ان نصيحتي لج قاسية عليج بس ترى اذا تبين حياتج ترد مثل قبل لازم تطردينها من حياتج بالمرة

يعني اهي مالها عمام وماعندها جده او جد او حتى عيال عمها يلفونها عندهم او ترجع لامه في البحرين

اذا بتعيش معاج بكرامه وعدم تدخل من جهتها بعد يمكن الواحد يتقبل ان احد يكون عاله عليه بس هي مو محترمة نفسها وقاعده تخرب عليج حياتج فلازم تحطين لها حدود في تعاملها معاج

افول ترى انتي مو حاسة بحجم المشكله اللي انتي فيها تعرفين شنو يعني لما تحبين شخص 8 سنوات وتتزوجون وبعدين تنفصلون عن بعض بسبب رفيجتج هذي وانتي للحين تقولين عنها مسكينه

ترى انتي المسكينه مو هي بعدي عنها احسن كان تبين حياتج تستقر وحبيبج يرجعلج دام حبل المودة بينكم موصول

لا تخلينها تخسرج حياتج مرة ثانيه

ومثل ما يقول المثل

قالوا داوها تبرى قال قصها تبرى

[M!SS Cavalli]

شو تبيني اقولهاا طلعي براا
قلت لهاا كذا مره بس ترجع تكسر الخااطر
تخيلي هي ساكنه مع عمهااا
وعمهاا دوم سكراااان وعزوبي في ملحق ساكن وحوليني كله بيوت دعاره في المنتطقه اللي هو فيهااا
وترجع البحرين شلون وهي تشتغل هني وتحااول تدبر مسكن حق امهااا واخواانهاا

[ساعة غروب]

خلاص تطلع في مكان بروحها وتخلي امها واخوانها يجون لها


ثانيا انتي مو شغلج تساعدينها كفايه دامرة حياتج

وخل امها تدبر لهاالمبلغ حق السكن

[M!SS Cavalli]

هم على قد حالهم
تعرفين اختي عندنا بقطر اذا بتااجرين غرفه 10000 الف
وهي معاشهاا 7000 مقدر اطردهااا

[ساعة غروب]

خلاص عيل خلج خسري حياتج ولا تشتكي منها

لانج انتي اللي اخترتي