السفر الى استراليا

[(درة)]

السلااام عليكم عرااايس


شلونكم شخباااركم؟؟؟؟



انا ان شاء الله باقي لي شهر بالضبط على عرسي :15:


ادعوااا لي ربي يتمم لنا على خير ويوفقنا وما يردنا بشررررر




المهم زوجي اليوم خبرني انه حجز شهر العسل على استراليا


بنروح ان شاء الله سدني اول شئ بعدها بنروح على ملبورن بعدين جولد كوست




كل مضبط والحجز كله اوكي ان شاء الله



بس السؤال اللي راحوا على استراليا بشهر 7 شمستوى البرد هناك؟؟؟ واللبس كيف يكون؟؟؟؟




وهل بحتاج بجااايم ولبس شتوى حتى وقت النوم؟؟؟؟؟؟ والا بس بالطلعه؟؟؟؟





ردوووا علي الله يرزقكم ويوفقكم وينولكم كل اللي ببالكم آميييييييييين يارب

[remeia]

مرحبا اختي , الصراحه استراليا روووووعه وكل مدينه لها طابعها الخاص وراح تستانسون ان شالله هناك خصوصا في جولد كوست كلها العاب وملاهي ومطاعم , المهم بالنسبه لسؤالج عن الجو هو شهر 7 يكون شتا عندهم ملبورن ابرد شي يعني ممكن توصل درجة الحراره 5 بالليل وسدني بعد برد بس جولد كوست بردها متوسط على العموم راح تحتاجين كم جاكيت خفيف للطلعه اما بالنسبة للنوم لا ماعتقد لاني كنت انام ببجامتي العاديه وماكان برد وايد , الله يوفقج حبيبتي واي سؤال عن استراليا انا حاظره :)

[رسالة محبه]

الاخت remeiaقالت كل اللي كنت بقوله. والله يوفقكم يارب

[روبينا]

وااااااااااااااو استراليا عششششقي تجنن تجنن تجنن اتعب وانا اقول تجنن

لي ذكريات مرررررررررررره حلوه فيها

المهم انتي سألتي عن الجو

هما عكسنا بالصيف عندنا يكون شتا عندهم

انا رحت لها بأوااااااااااااخر الشتا وكان الجو رااااائع بالنهار وبالليل برد لازم البس جاكيت

انتي يمكن روحتك تكون بعز الشتا يبغالك ملابس شتويه

[ღ جواهر ღ]

هم عكسنا بالجو..

الله يوفقج..وايد بتستانسن هناك..

[(درة)]

الله يسلمكم خوااااتي



ماقصرتواااا





اوووكي حبيباتي انا عارفه شتاا



سؤالي عن ملبورن كم البس في الطلعه هل بلوزه شتويه وحده تكفي؟؟؟ والا مضطره البس تحتها ثانيه؟؟؟؟؟؟؟

[تفاحة حواء]

اي والله ياريت تفيدونا انا بعد باقيلي شهر على عرسي وبروح استراليا هم شهر 7 بس انا عكسج اول شي جولد كوست بعدين ملبورن بعدين سيدني
انتي شكثر رايحه؟؟؟ لقااافه ههههه

[(درة)]

هلا اختي تفاحة حوااااء




احنا مدتها 26 يوم غير الرايح والجاي




وانتي؟؟؟؟؟؟