السلام عليكم

[ذكريات]

بنات انا محتاره وعندي مشكله ... انا مخطوبه من سنتين واتفقنا انو يحصل الزواج بعد ما اتخرج بأذن الله وانا الحين ماباقي لي غير شهر وإن شاء الله بتخرج بس احس في برود في موضوعنا يعني محد يبي يرمس عن مع انو قبل شهرين لعوزيني وايد عشان الموضوع هاذا ... الحين انا مشكلتي استحي اسأل أهلي اقولهم متى الموعد .. والله استحي ما تتخيلوون كيف ..اباكم تساعدوني بخبرتكم كيف ممكن اعرف الرد لسؤالي ... وجزاكم الله خير:s:o

[ذوق]

هلا ذكريات... انتي خلصتي تجهيزات!!؟؟؟؟
اذا لا اسئليهم متى ابدا التجهيزات او ممكن تسالين امج اتقوليلها متى اليوم المحدد عشان احجز للمكياج والشعر وانا اشوف ماله داعي هالمستحى كله....!!!;)

[ذكريات]

لا تجهيزات بعدني ما بديت .. لكن تعرفين جم مره حاولت اسأل امي بطريقه غير مباشرة يعني لف ودوران وما لاقيت الاجابه .. بحاول مع اني واييييييييييييييييييييييي ييييييد استحي ما تتخلين كيف ..:o

[ذوق]

الله يعييييين شانج تستحين من امج كيف عيل عند الريل:D ;)
اذا مره ماقدرتي خلي حد من خواتج او خالاتج يتخبرن عشان تبدين ولا تنضغطين مره وحده

[يو يو]

يا هلا ذكريات عندج حد أكبر عنج مثلا أخت بتكون تعرف كل شي وبعدين تستحين من أمج تقولينها متى الموعد هذا من حقج تسالين عشان الزهبة

ها قلتي لعوزوكم شهرين شافوكم ما سويتوا شي قالوا يسكتون أحسن:( الله يوفقج ان شا الله وتتهنين اللهم آميييين وعقالنا ;)

سمعي حاولي تسألين أمج لا تستحين توكلي على الله وقولي لها
وان شا الله يصير خير

[ذكريات]

ترى المشكله ما عندي خوات اكبر مني ولا ازغر مني انا وحيده بين اربع اولاد.........................بس تعرفون انا استحي من ظلي ربعي بالجامعة اذا غبت عنهم فتره يوم ارد حقهم احس اني مستحيه منهم ... على قولتكم كيف عند الريل.. انا بحاول اسألها وبقوي من عزيمتي شوي ... بصراحه لو داشه حرب ما بكوي جي مرعوبه... مشكورييييييييييين بنات ..بصراحه انتو خواتي... :o

[يو يو]

يالله يوفقج ان شا الله وتعرسين ;)