مممممم لو ياج واحد

[يو يو]

السلام عليكم ورحمة الله وبركاته


كيف كم عساكم بخير


بناااات لوحده فيكن ياها معرس يصغرها بسنتين ولا ثلاثة شو يكون موقفج
معنى يدري انه هو أصغر عنها ليييش ترى امه خطبتها حقه وما كانت تدري انه أكبر عنه شكلها صغير وهي بيضه وأخلاقها زينه وأصلها قوي المهم بعدين أصروا على خطبتهم شو رايج صراحة راي انه صعب النااااس شو يسكتهم:D:cool:

اتريا ردودكم:)

[صمت الذكريات]

الله يوفقك حبيبتي ... بس انا برأي ان البنت تكون اصغر من الرجال افضل عشان تكون هي الدلع دايما وتكون اصغر منه احلى من تكون اكبر بكره لاسمح الله لو تهاوشو يروح يعيب عليها ويقولها لاتنسين اني ماخذك وانتي اكبر مني وفوق هذا بتكبر قبله حتى لو انه بسنه بعد اللرجال كل شي يحسبونه والله وماتدرين يمكن بس تكبر زوجته يروح يتحجج بأنه ماخذها وهي اكبر منه ويروح يتزوج عليها فابصراحه انا اشوف انه مو حلو الرجال ياخذله بنت اكبر منه يمكن تكون فيه زواجات نجحت بس ولو انا شخصياً ما أفضلها ...

ونشوف رأي بقية الأخوات :o

[يو يو]

كلامج صحيح
بس سالفة انه يتزوج عليها حتى الي يصغرن عن الرياييل يتزوجون عليهن
مب جذي;)

المشكلة مب جذي يا عمري وحياتي انتي;) المشكلة النااااااس وهي بعد ماترضى على نفسها على فكرة المشكلة مب مشكلتي وبعدين البنيه ما عندها جاه يعني فلوس أبوها حالته متوسطة يعني على قده اما الولد غني المشكلة يبون يخطبونها على أساس ان الناس زيينين
والله ما أدري بنااااااات وينكم نبغي ردودكم;)

مشكورة يالغالية على الرد;) ;)

[ندى الورود]

أخياتي سلام عليكم

لاتقولو هذاك الرسول صلى الله عليه وسلم من منا مثله ، وهذا كلام يقوله كثير من الناس وهو غلط وخطأ ....

تزوج الرسول صلى الله عليه وسلم خديجة رضي الله عنه وعمرها 40 سنة وهو عمره 25 سنه !!!!

مميزات هذا الزواج المبارك :
1) ساندته عندما نزل عليه الوحي من السماء.
2) أول من أسلمت برسالته .
3) أم جميع بناته بالرغم من سنها الكبير .

بعد ذلك هل تصدقون أن عائشة عليها السلام كانت تغار من خديجة وهي ميته وذلك عندما عدد مناقبها عليها السلام وقال كانت خديجة كذا وكذا فثارت عائشة ورد عليها الرسول صلى الله عليه وسلم برد جميل ...

[أم شمايل]

اختي ما اعتقد ان الناس بيقعدون يرمسون عنهم دوم .. هو ممكن يتكلمون في البدايه بس بعدين عادي ( طبعا ها ما ينطبق على كل الناس لأن في ناس عادي وياهم هالشي ) والزواج من واحد اصغر عنها مب عيب :) بس الله يخلي ان الناس اللي ما يخلون حد بحاله :(
والله يوفق ربيعتج ..

[سماهر]

مرحبا اختي

ما ظني انه فيها شئ لو يالج واحد يصغرج بسنتين او ثلاث

لان الفرق مب كبير وايد

اهم شئ هو الناحيه الدينيه الريال واخلاقه وخاصه انه عارف ان البنت

اللي يباها تكبره بكم سنه

والناس ما بيهتمون لهذي الدرجه لان الفرق شويه

وذا رمسوا لاتسوين ليهم سالفه تراهم اليوم بيرمسون وباجر بيسكتون

وبصراحه رمسة الحريم ماتخلص وياحبهم الحش

واذا الوحده خذت عليهم وعلى رمستهم لا بالله فلحت

[عاشقة عبود]

عزيزتي الأفضل انها البنت تكون اصغر من عريسها لأنها رح تتعرض للحمل والولادة والمرأة بتكبر قبل الرجال بس ما في مانع ما دام التفاهم قائم وموجود بين الطرفين ومادامت هي شكلها صغيرة وأمورة وهو عارف واختار بكامل ارادته بشرط انه يكون رجال بكل معنى الكلمة وبتقدر انهاتعتمد عليه بالفعل وما يهمها من كلام الناس

[المكابره]

اختي انا مريت بفس هالتجربه وياني ريال اصغر مني بسنتين

بس انا من داخلي ما كنت موافقه بس اهلي اقنعوني بقصة نبينا محمد صلى الله عليه وسلم واقتنعت بالسالفه بس قلت لازم اصلي صلاة الاستخاره فصليت وما تصدقووو اذا قلت لكم كل ما اريد اقولهم اني خلاص موافقه يصير شيء ويمعني من قوله وبعدين صارت سالفه اكبر من جيييييييييييييه بعدين عرفت ان ربي ما قدر لي هالشيء بدليل ان طلبت منه ان يسر لي وبس تصير عوائق تمنعي


فانا انصحها بصلاة الاستخاره ما خاب من استخار


اختج

[ذوق]

عادي حبيبتي.. الناس ماوراها غير الرمسه الفاضيه مادري شويبون او شودخلهم في السالفه اصلنا... اهم شي ان الريال خايف ربه ويصلي وقد المسئوليه....عادي ساعدت البنت فوق كلام الناس....
انا ريلي اكبر مني ابشهر:D وكله يقولي يالعيووز انا اصغر عنج:D سوالف يعني.... خلو البنت تتوكل واهم شي الاخلاق

[حبيبه]

تحياتي لكل الأخوات
وأنا برايي إنه الرسول عليه الصلاة والسلام أكبر قدوه لنا لكن السؤال هل العروسه ستكون بصفات خديجه رضي الله عنها في الصبر والتحمل والوقوف إلى جانب زوجها في كل الأمور وهل العريس سيتخذ الرسول عليه الصلاة والسلام قدوة له في جميع أموره حتى ينجح زواجه العمر عامل مهم لكن نستطيع أن نتغلب عليه إذا نظرنا للأمور الأهم وهي الأخلاق والتوافق الفكري بين الطرفين


والله يوفق الجميع

[يو يو]

يا هلا ندى الورود ممم والله مدري شقول صعب تلاقين واحد شرات الرسول قولي انسان يخاف ربه ممكن :)

تحياتي يال الغالية;)

[يو يو]

هلا ام شمايل شفتي الناس ما يسكتون وحتى ان نسوا بتموون يذكرونها اذا شافوها في عرس أو أي مكان;)

تسلمين يالغالية;)

[يو يو]

سماهر والله كلامج صج 100%

بس صعب البنيه حساسه شوي

قلت لها طبهم بس مدري ابي أخليها من صج ما تهتم
;)

[يو يو]

يا هلا عاشقة ام عبود
كلامج فيه نقاط مهمة لا زم يكون قد المسؤولية بعد شو يعني هي الي بتربيه وبتصرف عليه:cool:



;)

[يو يو]

يا هلا المكابره صج والله ماخاب من استخار هذي بقول عنها بس المشكلة ان ربيعتي اتقول اهلها يبون يزوجوها وهي تحس انها لو صبرت شوي بي أحسن عنه ممكن يكون هو بعد زين:(


;)

[يو يو]

الحبيبه وذوق لكم الف تحيه معطرة

حبيبه مممم والله ما دري بيكون جي ولا لا

ذوق طنش تعش;)

[خوالي]

يمكن نحن مقتقداتنا ماتسمحلنا بهذا الزواج.....بس انا اشوف اذا الريال مدين ويعرف ربه مستحيل يقلل من قدرها والصراحة مقياس السن مب عامل رئيسي للزواج الناجح....مشكورييييين

[يو يو]

يا هلا خوالي صج والله
تسلمين يالغالية;)

[مناهل78]

باتكلم عن تجربتي الشخصية، خطيبي يكبرني ب8 شهور، مع أننا من مواليد نفس السنة، في البداية عارضت الخطبة، خوفاً من المعاير، بس الصراحة صار لي معاه 7 شهور عمري ماحسسني بالفرق، وحتى بنت خالي ماعرفت أن زوجها أكبر منها بسنة إلا قبل الملجة بأسبوعين بس كل شي تم على خير وصار لهم 7 سنوات متزوجين وماشاء الله لا حسد شايل البيت شيل ومرتاحة معاه................. فأعتقد مافي أي مشكلة.

[RoOoOmy]

مشكورة اختي على طرح هالسؤال المهم

بالنسبة لي انا عايشة حالات في محيطي مشابهة لهالحالة

خالي حرمته اكبر منه ويموت فيها وفي التراب اللي تمشي عليه رغم ان صار لهم اكثر من ثلاثين سنة

توني حاضرة عرس يوم الخميس العروس عمرها 30 والمعرس 23 !!!! ويقولون انه خطبها اكثر من مرة يعني متمسك فيها حيل

صديقتي مخطوبة في عيد الاضحى لواحد من اهلها اصغر منها

انا اشوف ان مافيها شي يعني لو الوحدة جاها انسان فاهم متعلم متدين ملتزم واصغر منها ليه ما تاخذه اذا هو مقتنع فيها وعارف انها اكبر منه ؟ وين المشكلة ؟؟؟؟

بعدين كلام الناس ما يخلص للحين لمن يشوفون خالي ( ماشاءالله احلى من زوجته بالفين مرة ) يقولون انه احلى منها وانه اصغر منها بس هل ضرهم شي ؟؟؟ عندهم 7 عيال الله يخليهم انشاءالله وللحين كأنهم اول سنة زواج حتى لو الناس تكلموا وقالوا ترى كلام الناس ما يخلص والزوجين راح يعيشون حياتهم سواء بكلام الناس او بدون كلامهم


هذي وجهة نظري

تحياتي

[يو يو]

رانيا الله يوفقج ويوفق بنت خالج ويوفق الكل باذن الله ;)



تسلمين;)

[shahad999]

السلام عليكم,

انا ما اظن في اي مانع من ان البنت تتزوج رجل اصغر منها اذا كان على خلق ودين وخصوصا مثل ما قلتي ان البنت مو مبين عليها كبيرة ..ومع الأهتمام راح تظل دايما شباب وصغيرة ان شاءالله وانا اعرف وحدة عمرها 30 تزوجت من شخص عمره 24 صح الناس شوي تكلموا بس بعدين سكتوا وهم الحين الحمدلله متهنين والله يوفقك

[زمـــــــــرده]

اذا كانت شايفه انه زوج مناسب تتوكل على الله وماعليها من احد ....ولاتقول الى الناس انها اكبر منه ولاشي مدام ان شكلها مايوحى بكذا ...والناس ماراح يقارنو عمرها بعمر زوجها اذا ماعرفو بالامر من الاساس

[كيفي متسببه]

والله هذي ع حسب البنت اذا كانت متخرعه ع الزواج او لا


بالنسبه لي ارفض وانا اضحك اقصد الرفض وبروح رياضيه



سلملم