شنطة البيبي

[zaineb]

مرحبا خواتي هذا اول حمل لي وحبيت اعرف شنطة البيبي او ملابس البيبي اللي بياخذوها للمستشفى من شنو تتكون لان هذا ا ول حمل لي وماعندي خبرة حبيت اخذ راييكم

[L0vEly]

هلا اختي انا بعد اول حمل لي الله يسهل علينا جميعا..انا عن نفسي حطيت الملابس الداخليه والملابس الخارجيه فوطه وقماطات, الحفاظات محارم التنظيف سليبنق باق وحده وان شاءلله البنات يفيدونا اكثر

[zaineb]

ان شاء الله باقي الاخوات يفيدونا والله يسهل علينا

[ايوت]

على حسب الايام اللي بتنامين فيها ..

يعني اذا ليلة وحده مثلا او ليلتين لا تكثري من الثياب لانه ما له داعي تزحمين نفسك ..

وبعد اذا المستشفى مو بعيده وبيجون لك الاهل يعني عادي لو احتجتي شئ يجيبونه وياهم ..

الاشياء الضرورية هي :

بدلات تكون مقاس نيو بورن او من 0-3 .. يعني صغيييييرة عشان تجي قياسه ..

جوراب للقدم خفيف ولليد عشان ما يجرح نفسه بالاظافر ..

مشط ..

قماطات ..

برنص ..

لحاف خفيف ..

سليبينك باك .. او نسميها احنا بيت الطفل اللي مثل الحقيبة تنومي فيها الياهل .. وتسكريها ..

في شئ احنا نسميه نشافة .. نحط عليه الياهل عشان نقدري نشيله فيه مثل الاسفنجنه وتتلبس بالقماش .. لان الياهل صغيير ما تقدرين تشيلينه بروحه ..

حبل القماط عشان تربطينه فيه ..

قبعه ..

مفرش بلاستيك عشان تبدلي عليه الحفاظ ..

حفاظات اصغر حجم ..

بوردة .. وكريم .. ومشط .. ومقص اظافر .. ومرضعه اصغر حجم للماء ..

السهاية ..

فوطة صغيرة .. فوطة كبيرة ..

بس هذا اللي اتذكره ..

اما شنطة الام هي :

ملابس ..

ملابس داخلية ..

شبشب ..او جواريب ..

ستيانة للرضاعه ..

فوط صحيه ..

شارج التلفون ..

كاميرا الفيديو ..

حجاب .. او شرشف .. لتغطية شعرها ..

مشط . معجون اسنان . فرشان اسنان . فرشاة للشعر . مزيل للرائحه . ربطة للشعر . مرطب للشفاه . كريم للوجه . كريم للجسم .. فازلين .. اسفنجات الصدر .. كريم للصدر .. فوطة للاستحمام . كتاب للادعية .. قرأن ..

ان شاء الله ما نسيت شئ .. واكيد البنات الباقين ما راح يقصرون ..

الله يسهل عليكم يا رب .. ولا تنسون تدعون لي بهون الطلق ويسر الولادة .. محتاجه لدعواتكم

[vinus]

ما شاء اللة ايوت قالت كل حاجة جزاها اللة خيير

[zaineb]

جزاكي الله الف خير والله يسهل عليكي الطلق يارب