((( ارجو المساعده )))

[ام احــمــد]

السلام عليكم ورحمة الله وبركاته

يمسيكم ربي بالخير والسرور
انا جديده عندكم اتصفه هنا كثير واشارك قليل
ولكن المره هذي محتاجه مساعدتكم

انا اجهز لنفاسي وما لقيت محل فيه ارواب للرضاعه
انا من الاحساء وهذا اول تجهيز لي
اتمنى تساعدوني
ما يهم السعر المهم الشكل والجوده
وما يكون ستان او شيفون يعني كأنه قميص نوم
انتظركم فلا تتأخرووووووو

اختكم
ام احمد

[ركايز]

اختي ام احمد تلاقينه بالخبر في مركز طابا وفي الدمام مجمع المارينا مول الدور الثاني اتوقع اسم المحل فيه جلابيات بس مومتذكره الاسم بالضبط وتلقين في القطيف بمجمع الخنيزي اتمنى اكون افدتك

[ام احــمــد]

تسلمين غاليتي ركايز
ماقصرتي لكن ما اقدر اروح للخبر
لضروف حملي
فأتمنى تدلوني على اماكن في الاحساء
على الاقل قريب مني

الف شكر

[دلوعة زوجي 2007]

هلا حبيبتي

الله يسهل عليج ان شاء الله

وتولدين بالسلامه

البنات ان شاء الله ما راح يقصرررررون معاج بيساعدونج ..

[زهور بنفسجيه]

شوفي اختي الصراحة ماعرف محلات في الاحساء

بس اعرف ان فاتحين عندكم مجمع العثيم مول
وفي محلات رووعه روحي هناك يمكن تحصلين عندهم

[روح ابوهها]

مـا اعرف امـاكن في الاحسـاء بس شوفي لك يمك حرمه تخيط لك ملابس وتكون بعد احلى ماخذته على مقاسك


والـله يسهـل لك ولادتك يـارب

[حساويه ولكن!!]

السلام عليكم

مرحبا اختي ام احمد

انا مثلك بعد ابي اجهز ولين الحين ماشريت

بس قبل اسبوع رحت السوق ولقيت محل بعماره هفوف بلازا بالدور الثاني عنده ارواب قطنيه وملابس نفاس بس ماشيكت عليهم مضبوط روحي له وشوفي وش يعجبك منه وفي بعد اظن تلقين بمحل جنب مراحل اظن اسمه ماما كأني لمحت عنده ارواب ماني متاكده وشوفي لك بعد محلات قمصان النوم تلقين عندهم شغلات لان وحده قالت انها اخذت ارواب النفاس من الدانه انتي مري عليهم وشوفي وش يعجبك

وان شاءالله اكون افدتك

[inte_o_ana]

ان شاء الله بيفيدونج باجي العضوات ..

[ام احــمــد]

يابعدي انتو والله ما قصرتو
لمن اختكم طماعه
الحين ودي بمحلات خاصه بس للبيبي
فيها كل شي ويكون شيك يعني على مستوا
تعبت وانا ادور سرير وشيالات ( المدس )
كل الاشكال عاديه او تكون قديمه

يله همتكم معي
والف شكر مره ثانيه

[حساويه ولكن!!]

ام احمد طمنيني عساك لقيتي الي تبين ومن وين شريتي؟؟ لاني ناويه ابدا اجهز الشهر الجاي وماني عارفه وين اروح

وبالنسبه لشغلات الاطفال عندك العثيم مول فيه اكثر من محل سواء بالدور الارضي (مذر كير ونكست ...) والدور الثاني اشوف فيه اغلبه محلات اطفال وعندك ستي بلازا كثير يمدحون شغلاته بس ماقدر ااكد لك لاني بعدي مابديت اجهز وان شاءالله تحصلين الي تبين واذا لقيتي بليز علميني لاني محتاسه ومالي خلق انزل السوق الا الشهر الجاي عشان اكون متفرغه للتجهيز مضبوط

وربنا يسهل عليك وعلينا

[ام احــمــد]

غاليتي حساويه
انا شريت ارواب رضاعه شي قطعتين وشي قطعه واحده
لكن من جد شياكه وقماشهم بارد مره
لكن تستغربين اذا عرفتي من وين
لاني انا ما توقعت ابلاقي الشي هذا في المحلات هذي
في (( مركز عيون الشرق )) الي في بداية سوق السويق
دخلته بلاغة شف وسبحان الله شريت من عنده اربع اشكال
وما ادري اذا يبجيب بضاعه ثانيه ولا لا
وعلى فكره اسعارهم روعه

الله يهون علي وعليك وعلى من مثلنا اللهم آمين
اختي حبيت اسأل انتي بأي شهر
انا في الشهر الخامس ويمكن اكون مستعجله شوي بالتجهيز
لكني مشتاااااقه مره ........
الف شكر

[*جمال الروح*]

للاسف مااعرف الاماكن الي قريبه منكم :(

[حساويه ولكن!!]

اهلين ام احمد

تصدقين ماتوقعت المحلات هذي تجيب بس ان شااءلله اذا بديت اجهز بروح لهم

وانا حاليا بالشهر الخامس مثلك كلها اسبوعين وادخل السادس ومثلك متحمسه كثير بس لان الفتره هذي مشغوووووووووووله كثيره فماقدرت القى وقت اجهز فيه على رواقه فأجلت الموضوع لين الشهر الجاي عشان اكون فاضيه مضبوط واجهز وانا مرتاحه مافي شي يشغلني

والله يسهل علينا وعلى الجميع يارب

[ام احــمــد]

غاليتي حساويه الله يعينك ويهون علينا اجمعين
وماتدرين فرحة كثير يوم عرفت انك قدامي بأسبوع بس
يعني اي شي تشترينه لك او للبيبي قوليلي عنه وعن مكانه
وانا بعد
لاني يوم دخلت محل للاطفال حسيت نفسي ضايعه
من فرحتي مدري اشتري ايش واخلي ايش
طلعت وقلت لي رجعه ان شاءالله

طولت عليك لكن لاتبخلين علينا انتي وغيرك علشان الكل يستفيد

كل التقدير

[*جوهرة الدوحة*]

الله يهون عليج ان شالله
ان شالله البنات مابيقصرون معاج
ماعندي خلفية الصراحة عن المحلات في الاحساء

[ام احــمــد]

الف الف شكر للجميع
_________
غاليتي حساويه
على فكره في تنزيلات في سيتي بلازا تجنن
على كل شي وخاصه ملابس الاطفال (( البيبي ))
وعلى اسرتهم وكل شي
اتوقع بتستفيدين كثير

الله يهون على الجميع