يا تاجرات ربي يوفقكم، أبي تساعدوني في مشروعي الصغير

[همس القـلوب]

السلام عليكم ورحمة الله وبركاته




شلونكم يا تاجرات عروس؟؟ وعساكم بأحسن حال..

بغيت تساعدوني في شي وأتمنى ما تبخلون علي بإللي تعرفونه

والله يكتب مساعدتكم لي في ميزان حسناتكم إن شاء الله

وربي يرزقكم كل الخير وينور دربكم..

<< ما اعتقد بعد هالدعوة الطيبة بتردوني صح؟؟ (a)


المهم يا الغاليات، أنا ابي أسوي مشروع صغير على قدي بين الأهل والأقارب والصديقات...

أبي أغلف هدايا وأسوي توزيعات وهدايا المواليد.. بس المشكلة ما أعرف من وين

أقدر أشتري لوازم الشغل من شرايط وكرستالات وكل الأشياء اللي ممكن أستعملها

حق التغليف والتوزيعات.. ممكن تقولون لي من وين أشتريهم؟؟ يعني وين أحصل أشياء

راقية، ما ابي أشياء تبين أنها رخيصة وأي كلام.. يعني إللي يشتغلون في هالمجال

من وين يشترون اللوازم؟؟ ساعات أروح محلات أشوف عندهم أشياء وايد كشخة،

من وين يشترونهم؟؟

وسؤال ثاني لأهل قطر، من وين أقدر احصل هاللوازم؟؟ يعني أنا رحت الرونق

بس ما شفت أشياء راقية مثل إللي أشوفهم في محلات التوزيعات والهدايا،

تعرفون محلات ثانية يبيعون لوازم الهدايا؟؟


أتمنى تساعدوني وما تبخلون علي لأني صج محتاجة :(



وجزاكم الله خير مقدما وما قصرتوا

[أم سلمان وعائشة]

هلا اختي

اللي أعرفه ان بعض محلات التوزيعات اييبون شغلاتهم من دبي والصين
وياليت البنات اللي يعرفون يدلونج مكانها اذا عندهم فكرة (i)


بس أنا اعرف محلات عادية في البحرين وغير البحرين
أغراضهم يمكن عادية .. لكن اللي يسوون توزيعات حلوة ياخذون منهم ..
وبعدين عقب ما يضيفون عليها لمساتهم وحركاتهم .. ماتصدقين انها من محل عادي:rolleyes:

يعني .. بعض الأشياء البسيطة انتي وخبرتج ومهارتج تقدرين تسون منها إبداع (g)


وعساج تتوفقين يارب .. وتبشرينا بالنتايج الطيبة (f)

[{.. خَطوَآت ..}]

انتي من السعودية ؟؟

[همس القـلوب]

لا الغالية أنا من قطر :(

[همس القـلوب]

الغالية قـــصـايــد

مشكورة على مرورج وردج

بس شلون بييب اللوازم من الصين؟؟ شوي صعبة

يعني كل اللي يجيبون اللوازم يروحون الصين؟؟

مشكورة حبيبتي على المساعدة واتمنى اعرف محلات في قطر يبيعون

اللوازم اللي احتاجها..


ساعدوني :(

[rosemarry]

ان شاء الله بنات قطر يساعدونج ..

عن نفسي مارسة هالشغله وكنت اخذ اللوازم من محلات مخصصه لهسوالف واسعارهم جمله يعني اقدر اطلع فايده وابيع اقل من السوق فأنصحج ان تدورين على محلات تبيع بالجمله حتى لو برع قطر توصين احد يجيبلك من دبي وفي عندج بالسعوديه محلات جمله

[ام الزلوف]

مراحب
اشحالج اختي همس القلوب انا من الامارات وحابه اسويلي امشيريع اصغيروني اشرايج ايبلج بضاعه من عدنا وانت اطرشين من عندج واتحطين السعر واذا مشى الحال بنسوي شي حلوا
اتريا ردج ورد كل من يبغي ايشارك
والسمووووووووووحه

[مناليزا]

الله يوفقكم يا رب

[الـوانـ الـورد]

تمنيت اساعدك بس ماعندي خبره بهالموضوع

بالتوفيق ان شاء الله

والله يبارك لك فيه

ويرزقك الرزق الحلال والطيب منه

[همس القـلوب]

جزاكم الله خير جميع على المرور والرد

وباقي التاجرات أتمنى ما تردوني ربي يوفقكم

ساعدوني ..:(



:: ام الزلوف ::

إن شاء الله يكون بينا اتفاق بس شلون نرتبها مع بعض؟؟

وترا أنا أدور لوازم لعمل هالمشروع.. مو عارفة من وين احصلها في قطر

في الامارات متوفرة اللوازم؟؟

[ربي غفرانك]

اختي وفقك الله
اولا انا من قطر واغلب خاماتي انا اجيبها من الرونق ومن سوق القماش وانا ابتكر فيها افكار جديدة
الغاليه المحلات الكبيرة تجيب من لبنان ومن دبي بس نصيحه لا تكدسين مواد خام
لو عندك طلب وهنا الفن روحي اشتري مواد التغليف وابتكري لك طرق جديدة من حيث مزح الللوان
لو سهل عليك تروحين الدمام روحي محل اسمه الدنيا الصغيرة روعه
فيه مواد خام خاصه

طبعا بلدنا ما ناقصها شيء بس يعتمد على الي يشغل مخه ويبتكر

اخذي الاشرطة الساتان الرونق ثراه ارخص من اي دولة خليجيه
والاشرطة المخمل تعطي فخامة
وعندك الفلين اشتريه من اللوح بعشرين ريال , وتقدرين تقصينه وتصبغينه

الصبغ روحي محل الصبغ الماني اخي لتر واحد من اي لون يعجبك وابدي بالسكري طبعا صبغ مائي

قصي قلوب مربعات , الي تحبين وشكلي من عندك ,,,,,

[هفوفه]

الله يوفقك ويسر امرك وامر كل مسلم لا تفوتك محلات ابو ريالين عندهم حاجات مره حلوه بس يبيلها اضافات من عندك وابداعات والله يوفقك

[♥AL AMAL♥]

مشكورة حبيبتي وجزاك اللة الف عافية

[ام اوسف]

سبحان الله والحمد لله ولااله الا الله والله اكبر