مشاهدة النسخة كاملة : تجهيز اغراض الام والبيبي بشكل عاام ؟ ساعدوني
السلام عليكم
امهات ابغي لسته مع اني سبحان الله ام وجهزت لولدي وبنتي لكن بعد هالمرة لما رحت اجهز حسيت نفسي ضايعه وموعارفه شاخذ وشخلي
بليز عطوووني لسته تجهيز لشنطه الام والبيبي للمستشفي
وتجهيز اغراض الام والبيبي بشكل عاام ؟
شنو اخذ وشنو اخلي
امس حسيت روحي ضايعه قاعده احوس في بيبي شوب ومخربطه ومتوتره
فلونة فلونة
10/03/2008, 11:38 AM
هلا اختي الله يتمم لج على خير ....
شوفي اختي انا هذا اول حمل حقي يعني ما خليت شي ما خذته واشتريته وبكتبلج اللي خذته وانتي عاد شوفي اللي يناسبج وسيري خذيه ....
اول شي ملابس البيبي ...
خذت كم وحدة (نيو بورن) مو وايد على الاقل 5
والباقي خذت كله من (0-3) (3-6( (6-9)
واخذت الوان مختلفة (وردي احمر اخضر بني غامق بيج برتقالي بنفسجي ابيض اصفر مارون ازرق ) ومن كل لون خذت اكثر من واحد بس اشكال مختلفةوخذت اطقم كاملة منها اللي يجي دبدوب ويا لبسة داخلية وكاب وقفازات
وخذت جواتي الله يعزكم مختلف الالوان ... وكابات مختلفة وقماطات تقريبا الخفيفة الين الحين تقريبا كم اكثر من 10 والقماطات الثقيلة تقريبا 5 ....
وملابس النوم خذت تقريبا 8 لبسات ....
وخذت كبت وطرحت طقم للغرفة كامل عند وحدة من الحريم .... تقريبا هذي الاشياء اللي خذتها ...
لا تنسي الكريمات والسرير والمراضع ولبساتهم عدة الاظافر ... عدة تعليق المراضع ... عدة تنظيف المراضع .... شفاطة حليب .... الحوض اللي يجي معاه ادراج لتغيير ملابس البيبي ....
هذا اللي اتذكر شريته ....
حق الام ....
انا اشتريت لي ملابس جاهزة من دبي وقطر ومفتوحة من قدام ... وخيطت تقريبا 6 غيرهم بعد مفتوحات من قدام ....
ولا تنسي تاخذين الملابس الداخلية اللي تنفع للرضاعة والقطن بعد حق الصدر عشان الحليب ما يتسرب .... والمشط وفرشاة الاسنان والمعجون وشباصة وصابون ....
وجهزت غرفة البيبي كلها يعني هذا اللي قدرت اتذكره والسموحة ....
مشكورة عزيزتي والله يقومج بسلامه ويسهل ولادتج
بس اختي وايد كثرتي ثياب ومهادات بيبي مايلبسهم كلهم
وعن انج خذتي من 3-6و6-9 توا ناس سوق ينزل كل فترة كوليكشن وغير تغيير الجو
واختي لاتنسين اخذي مشط يكون شيكو لانه انعم للبيبي
وفرشاة غسل مراضيع شيكو افضل شي ونفس الشي غسول المراضيع رقم 1 شيكو اذا ماحصلتي رقم 2 بيجون ولاغيرررهم عن تجربه وخبرة
وعدة حرارة لاسمح الله في عن طريق مصاصه خذتها من مذر كير وعن طريق الاذن بصيدليات
ولاتنسين تراميس ماي وحده كبيره للبيت وصغيرة للطلعات
اللحين قمت انا انصحج هههههههههههههههه
مشكورة يالغلا
دانة الدنياء
12/03/2008, 01:49 AM
ههههههههه الله يقطع سوالفكم :D انا شريت 7طقوم كامله (غطا الراس- بربتوزداخلي وممكن تخلينه لوحده _ولبس خارجي-ولفه قطن_وغاء لرجول الي مثل الشرابات مادري وش يسمونها_وابة)مقاس 0-3
اخذته من بيبي شوب اشيائهم روعه
واخذت 6 بربتوزات تجي مع بعض في بيبي شوب 0-3وطقمها بجايم 3 برضو من بيبي شوب
واخذت 6 بربتوزات داخلية بيضاء اشكالها واكمامها ومقاساتها مختلفة
واخذت (غطاء لراس ابيض ساده_وغطاء لرجول ابيض سادة وابة بيضاء ولبسه كامله بيضاء ساده)
واخذت (غطاء لراس ابيض مع وردي ومعاه حق لرجول طقمه وطالع منه اذاني دبدوب روووعه)
واخذت مثله لبس مثل البربتوز وله كم قصير ابيض محدد بوردي ومرسوم عليه دباديب صغار ينفع مع غطاء الراس الي توني قلتلكم عنه
واخذت 4 لفات بيضاء قطن
واخذت 3 مناشف
-------------------------------
اما عن الاشياء الثانيه :)
اخذت طقم كامل من بيبي شوب(مفرش سرير متكامل ومدس وشنطتين وحده كبيرة ووحده صغيرة وحق تغيير الحفاض ممممممممم وش بعد:(
واخذت لي مفرش سكري سادة
و3 اقمصه نفاس سماوي ووردي وسكري باقي ماكملتهم
وسله للبيبي مع الحامل حقها لونه سكري
ـــــــــــــــــــــــــ ـــــــــــــــــــــــــ ـــــــــــــ
بقيلي اشتري بطانية للبيبي
ولفه صوف سناره لطلعات للبيبي
كماليات(مشط للبيبي-مقياس درجة الحرارة_مقص_مقص أظافر)
(4 رضاعات صغيرة _حفائض_غيار للماصه الي بالرضاعات-مصاصات_طقم بيبي جونسن_ حوض استحمام-ليفة أستحمام ناعمة)
وملابس داخلية لي واقمصة ناعمة واقمصة نفاس وشيلاات ملونه طقم الاقمصة
وخرابيط النفاس(حلبة وطقتها هذي على الوالدة :wink:)
وووووووووووبس:D ذكروني لا يكون نسيت شيء؟؟
Edmaney
16/03/2008, 12:24 AM
للرفع
فلونة فلونة
16/03/2008, 09:21 AM
فديتج اللي نصحتيني اياهم كلهم يوني هدايا من حماتي وامي فديت عمرهم ....
وبعدين حبيبتي منو قال لسة بدري .... انا شفت خالتي وربيعتي تبارك الرحمن الياهل يكبر بسرعة .... (0_3) فترة بيلبسها وعقب بتشوفينها تصغر ....
مجرد نصيحة وانتي ادرى عيني ....
غرقانه أبهمي
16/03/2008, 06:51 PM
أنا مب أول طفل عندي بس صراحه يوم جهزت كأني أجهز أول مره . لأن الي كنت ممكن أستعمله لعيالي الي قبل كله كنسلته
لأني ماكنت أمقرره أني أحمل بس الحمد الله صار الحمل بعد ماصار عمر ولدي 3 سنوات .
لكن بقولج شو الي شريته لأني أحس في فرق بعد ماكان عندي أولاد قالو لي أني حامل أبنت ..
ياله أخذي اللسته بس أتحملي على جيب ريلج::D
للبيبي :
فوانيل داخليه بيضاء عليها رسوم أو فوانيل ملونه تناسب اللبسات منها الوردي والبنفسجيي......
بجامات نوم ,ملابس قطنيه تسكر الين اللأرجل لأن هوا المكيف أضر في الليل .
ثياب الخروج أذا عرفت أحطهم لج أنشاالله ولايهمج بحطهم.
شنطتين وحده كبيره للأطفال حق المستشفى نحط فيها ملابس قطنيه أوملابس حلوه للطفل يوم بيونج الزوار والبامبرز ومهادات .
وحده صغيره حق الزيارات السريعه أو حق مواعيد المستشفيات، مفرش لتبديل البامبرزيجي مع الشنطه أحيانا ملبس الطفل لوضع البيبي فيه يجي نفس دزاين الشنطه والمفرش.
مكينه لتعقيم الرضعات،سرير صغير يوضع في الصاله عند زيارت الأهل
(5)مراضيع وحده أكبيره من زجاج أصب فيها الماي بعد مافوره أسرع للعمل الحليب , كفارات المراضيع أشكالهم حلوه
لحافات :(2) للسرير( 2 ) عاديات (1 ) صوف
جلابيات +مهاد ، قحفيه ودلاغات ،فوط صغار لترجيع البيبي ، فوطين كبار فوطه متوسطه.
أما أغراض الجمعيه: قطن الأذن قطن عادي لغسل البيبي شامبو وصابون للجسم صابون خاص للأطفال لغسيل الملابس ،فرشاه لغسيل المراضيغ دلتين حق الماي وحده كبيره والثانيه صغيره توضع في الشنطه,
سله لوضع الشامبو والزيت والمشط والقطن والصابون والبامبرز يعني عدت الأستحمام.
موسده تكون نازله من الوسط و شنطه صغيره أيكون فيها مقراض وجهاز لقياس الحراره وملعقه للدواء بتحصلينها في البيبي شوب في منها أنواع كبار وصغار , أنا خذت الصغيره عشان أقدر أحطها
في السله الخاصه للستحمام طشت ليفه ناعمه أو آخر شي ماظن أنه أخر لأني كل ماذكر شي أروح وأشتريه سله خاصه لملابس البيبي أوغساله صغيره خاصه .أوباقيلي أشتري سرير النوم كبير ألي بحطه في غرفة النوم .
2_أغراض المستشفى للأم :
شنطه أنحط فيها الجلابيات فيهم دانتيل ,صدريات خاصه للرضاعه,شلح ,هافات خاصه للولاده بتحصلينها في البيبي شوب ولافي الصيدليه ,كوتكس للولاده حجم كبير ,فرشاة+معجون , حفاظات الصدر, شامبوالسائل للجسم و ليفه ,شفاطه أذا أحتجتي لها ,نعال (كرمج الله) فوطه للأستحمام وفوطه صغيره لبعد غسيل الوجه مشط شباصات للشعر و شيله, فراش طقم للمستشفى أوخلصت التوزيعات سويتها أبنفسي أوعدلت الستاند بس صراحه طلع كأني أمسويته عند المحمصه...
...........وسمحي لي عالأطاله.............
بلبله عزيز
23/04/2008, 08:51 PM
روعة ما شاء الله ربنا يقومنا بالسلامة
بلبله عزيز
17/05/2008, 10:43 PM
مشكورة على المجهود
:9_28::9_28::9_28: