مشاهدة النسخة كاملة : أبغي طريقة المضروبة
أبغي من النشميات مقادير وطريقة المضروبة ، أنا أسوي مضروبة بس أحس انها عادية ، إلي تعرف طريقة مميزة ولذيذة تعلمني ويزاكم الله خير
شو السالفة ............ معقولة ربات البيوت ما يعرفون
ولا وحدة تعلمني طريقتها .. الله يسامحكم
نور الهدى
03/05/2003, 04:01 AM
هلا أختى المعذره يا الغاليه
ولا يهمك راح أكتب لج الطريقة
يمكن الى اكتبها تطلع زيك كمان
بس راح أكتبها
ولا تزعلين علينا
:):):):)
مشكورة اختي نور الهدى على اهتمامك ............... وانتظر ردك
والله ينولج مرادج انشاء الله :)
نور الهدى
04/05/2003, 12:40 PM
المضروبة
رز الكمية المطلوبة
دجاج أو لحم حسب الرغبة
توابل مفرومه
بصل مفروم ،، ثوم ،، فلفل أسود ،،
بهارات
الطريقة:
يقلي البصل قليل يضاف بعد ذلك باقي المقادير
حتى يستوى
وتحيااتى
مشكورة أختي نور الهدى على تلبية طلبي ، وأنا سمعت أن المضروبة يسوونها بالعيش ( الأرز ) ولكن علمتني حرمة أسويها بالشوفان ، بس تعرفين الغالية أن الطعم يختلف حسب نوعيته ويطلع حلو بالنوع البريطاني وأنا مقاطعة هاي البضايع ، فبجرب طريقتج أكيد بتكون لذيذة ،
وطريقتي باكتبها
الشوفان حسب الكمية ينقع في ماء
طماطم ، بصل ، ثوم ، فلفل حار حسب الرغبة
قليل من الليمون الأسود المطحون
قليل من الملح
صلصة
بهارات مطحونة ( كركم ، بزار ) قليل من الهال والقرفة
تونة أو دجاج مسلوق ومفتت
الطريقة :
يقلى البصل والثوم ثم الطماطم المقطع والفلفل الحار
ثم نضع باقي المقادير ويكون ماء الشوفان أكثر من مقدار الشوفان بقليل ونقلب الطعام على نار هادئة نسبيا حتى يتماسك ، ثم نسكره قليلا .
سهام الليل
11/05/2003, 07:40 AM
مرحبا بج الغاليه ...
انا بكتب لج طريقة مضروبة سويتها مره وعيبتهم بالحيل .
_ دجاجه
_ عيش
_ بهارات حلوه ( كزبره مطحونه ، هيل ، جرفه ، كمون ، كركم ، بزار الدجاج بارد ، .............ز )
_ كزبره خضرا
_ بقدونس اخضر
_ شبت
_ بصل
_ ثوم
_ معجون طماط
_ طماط
الطريقة :
تقطعين البصل صغار وتحطينه مع الدياي و شوية زيت .. تحمرينه.. وتحطين عليه الثوم المدقوق جيدا مع الملح والكزبره اليابسه ( تدقينهم مع بعض )
وبعدين تحطين البهارات وتخلطينهم مع البصل ... والدياي ... وتحطين المعجون الطماط ... وشوية طماط مقطع صغير ... وتخلطينهم
وتصبين عليهم الماي وتخلين الدياي لين ما يطبخ .. ويوم يطبخ الدياي حطي عليه العيش المنقع في الماي .. وتمي اخلطي مع بعض ... وبين كل فتره وفتره حركيهم لين ما يصير العيش مخلوط بالدياي ويكون وايد ناعم ... ومع الخلط شوية شوية بتظهر عظام الدياي كلها ..
وبعدين حطي على المضروبه الكزبره والشبت والبقدونس المفروم .. ويكون وايد هب شويه واخلطيهم مع بعض لين ما تستوي المضروبه زين ما زين ...
وبعدين ....
وبعدين بالهنا والعافيه على قلوبكم . :)
سهــــ الليل ــــــام
جزاك الله خيرا اختي سهام الليل ويعطيج الله ألف عافية ما قصرتي الغالية
سهام الليل
11/05/2003, 09:10 PM
تسلمين حبيبتي ..
واي امر ترى نحن حاضرين .....:)
تحياتي لج ...