ريحة الحلبة و ريحة الحلبة اشدعوه اشدعوه

[الأميرة نوره]

السلام عليكم بنات :shy:

أنا ملاحظه :21_209: ادا دشت الحلبة بأي موضوع يصير في انزعاج من ريحة الحلبة بين صفوف البنات لدرجة تخليني اقول اشدعوة اشدعوة اشدعوة :dontknow:

احنا بالكويت عندنا نوعين من الحلبة ....... هندية و نجدية .......... و انا استعمل الحلبة النجدية كمشروب او بخلطاتي و مااشم منها هالمسيكينة:sad: (اللي هي الحلبة) اي ريحة:dontkno و هالشي خلاني اشك ان الحلبة اللي استخدمها مو اصلية :down: ,.... فماأدري شنو نوع او مواصفات الحلبة الاصلية ام ريحة:sa32:

[تغلى]

هلا اختي

مع احترامي لرايج بس انا اختلف معاج الحلبه لها ريحه مزعجه والكل يعرف هالشي وتم فالجسم حتى العرق الله يعزج يكون بريحتها يعني تسوي ريحه فالجسم مو حلوة بالمررررررره

اذكر كانت عندنا دكتوره جسمها دايما فيه هالريحه ومره كانت تسولف معانا وتقول انا يوميا اشرب كوب الصبح وكوب بليل !!! ومسكينه ماتدري انها تشبعت من الريحه فماقامت تشم

جان زين نحصل هالنوع اللي عندج على الاقل نقدر نطبق هالخلطات اللي خواتنا فالمنتدى جربوها

اذكر اني صخنت شوي فالمكروييف والظاهر اني خليته مده اطول من الازم والله لا يهينج وتشمين ريحتها واهي حاره والوالده ماقصرت ههههههههههههههه معذوره خيست لها المكروييف

تحياتي لج يالطيبه

[الأميرة نوره]

اذكر كانت عندنا دكتوره جسمها دايما فيه هالريحه ومره كانت تسولف معانا وتقول انا يوميا اشرب كوب الصبح وكوب بليل !!! ومسكينه ماتدري انها تشبعت من الريحه فماقامت تشم


:21_133:

:21_133:

:21_133:

انتي دكية و جبتي سالفة دكتورتكم عشان توصلينلي معلومة ان يمكن انا اكون تشبعت من الريحة فماقمت اشم و ............. اللبيب باالاشارة يفهم ........................ :dd:

بس انا ماتشبعت من الريحة (محد قالي , ع الاقل امي تقولي) و بعدين انا مااستعملها وايد بس ادا استعملتها مااشم الريحة اللى تقولون عنها .. فصرت اتسائل :dontknow: و انا خطيرة لما اتسائل :bleh:
ياتري ليش مااشم اللى يشمونه لايكون حلبتي مو اصلية ؟؟ لان حاسة الشم عندي منيييييحه و ماتعاني من اي مشاكل و ل الله الحمد :21_209:

[تغلى]

لا حشى ماقصد انج تشبعتي من الريحه فديتج والله وين رحتي

انا من اسمع الحلبه سيده اذكر هالدكتوره الله يذكرها بالخير قالتها بطريقه فطستنا من الضحك

أنا كل يووووم اشرب كوب الصبح وكوووووب بليل

وخلاص اذاعرف السبب بطل العجب الله يهداها كانت تعفس لنا السكشن هههههههههههههه

وعلى العموم المره اليايه بسأل الحواي اللي اروحله اذا عنده حلبه نجديه وباخبرج ان شاء الله واذا ماحصلت باقولج اطرشيلني عندكم اجازة 5 ايام ههههههههههههههههههههه

[emaratia 8dha]

انتي لا تكثرين منها اهي لها ريحة ..........
انا استخدم الحلبة مع ماي الورد للويه كماسك واغسله بماي والريحة تروح بعد ما حط وراه كريم

[امنيه]

انا جربت النوعين الحلبة المطحونه وهذي ريحتها دمار تظل فيك لاسبوعين وماتروح والله يعينك على ريحتك ..

اما النوع الثاني وهو الحلبة حب يعني مش بودرة وصرت اشربها يوميا مع كاس حليب وتميت شهر كامل والكل مستغرب يقول عريبة مافي رحية حلبة منك وانا انبسطت بس تركتها لاني كان ودي وزني يزيد ولا تغير شي..

يعني نصيحة لاتتطحنين الحلبة خليها مثل ماهي واخذي ملعقة منها واطبخيها في كاس ونص ماي واشربيها ..
ربي يوفقكم..



امنيه

[الأميرة نوره]

حياج الله تغلي ادا ماشالتج الارض تشيلج عيووووني ,.........

emaratia 8dha أدري لها ريحه بس انا مااشمها و عشان جدي سالت عن مواصفات الحلبة ام ريحة بعرف الحلبه اللي استعملها اصلية و الا لا؟؟؟؟؟؟؟؟

[الأميرة نوره]

اهااااااااااااا عشان جدي يعني ,,, ادا عرف السبب بطل العجب :21_159:

انا مااطحن الحلبة .. استخدمها حبوب يمكن عشان جدي ماتطلع ريحة ..

ثانكس امنية

[*المحبوبه*]

العرايس يمدحون الحلبه للوجه كماسك
وما اعتقد بصير ماسك واهي ما انطحنت يعني المشكله مازالت قائمه
منو عندها الحل في ازله رائحتها بشكل نهائي
انتظركم؟؟؟؟؟

[الأميرة نوره]

:(
:(
:(

أنا ماادور على شي يشيل ريحتها .. أنا ادور على مواصفات او اسم الحلبة الأصلية لأن الريحة اللى تتكلمون عنها مااشمها بهالدرجة اللى تتكلمون عنها !! ادا كانت حبوب !!! اما لما تنطحن و تنحط ع الوجه كماسك ايه في ريحه :pain: .. أخاف قاعده اشرب حلبه مافيها فايدة :down: و اعتقد ادا غسلتي وجهج بعد الماسك ودهنتيه بزيت لوز مثلا ماراح يبقي ريحة حلبه بالوجه :B_wink:

[نوفمبر128]

موضوعج حلو
شوفي يا اختي انا اشتريت حلبة مطحونة و بصراحة ريحتها مش حلوة و ما اشربها بس احطها على شعري و الريحة الكريهة تروح بالشامبو لذلك ما سببتلي اي ازعاج

[Broken Girl]

الحلبه معروووفه ريحتها بس يمكن اللي عندك مو اصليه لان المعروف ينا ريحتها اووووف ههههههههه

[رونق روحي]

بيعي علينا في المنتدى من هـــ الحلبة بدون ريحه هههههههههه

[الأميرة نوره]

اوكي الكيلوو علي 10 دنانير و تكاليف الشحن و التوصيل عليكم :sm2441:

[يابانيه حلوه]

شوفي حبيبتي الاميره نوره مافي حلبه مغشوشه وحلبه اصليه الحلبه حلبه بس في ناس تطلعلهم ريحه وناس لا على حسب طبيعة جسمج زوجي مثلا لو يشرب عشر جلاصات في اليوم ما تطلعله اي ريحه في جسمه بسسسسس تطلع في البول الله يعزج يعني ريحة الحمام حدث ولاحرج

[الأميرة نوره]

صح :thumbs: يمكن على حسب طبيعة الجسم ...... ثانكس يابانية حلوة و زوجج ليش يشرب حلبة , موزين تزيد هرمونات الانوثة :21_11:

[منتظرة الفرج]

الحلبة ريحتها قوية تشميها من بعيد