مشاهدة النسخة كاملة : لبس الجاكيت فوق العبايه موضوع للنقاش!!!!!!
m3rya7
08/02/2008, 09:57 PM
http://www.9o9i.com/download/263347aca5323a6c8.gif
السلام عليكم ورحمة الله وبركاته
كلنا نعرف ان الجو بارد ولازم نلبس ونتدفى
واحنا البنات نلبس اللبس الشتوي ونلبس العبيه بعد
لاحظت لما رحت السوق ان بعض البنات لابسين الجاكيت فوق عباياتهن وصاير شلكلهن شاذ
بعض من البنات تقول انهاماتحب شكلها اذا لبست لبس ثقيل وفوقهالعيايه
طيب ليش ماتلبسي شيء معقول يعني مو مره ثقيل وتحملي الجاكيت في يدك واذا وصلتي المدرسه او الكليه البسيه
سؤالي للبنات
هل ترضوا تلبسوا الجاكيت فوق العبايه ؟
وسؤالي للشباب
ويش رايكم في البنت الي تسوي كذا ؟
http://www.9o9i.com/download/263347aca5323a6c8.gif
Boo0ooBle
08/02/2008, 10:47 PM
وعليكم السلام.
شفت هالموضه اللى نازله الحين ..مش عشان البرد ولكن موضه..لأن لو عشان البرد جان من زمان سويناها..!!
وانا اعتبره زينه إلا إذا كان أسود واسع ..
وأصلآ اللى نزّل هالحركه من زماااان هن الخدامات الأثيوبيات .. وكانت عدنا وحده منهن جذيه تسوي !!
http://www.3roos.com/uploaded2008/149198/01201377623.gif
! أنــثــى !
08/02/2008, 11:23 PM
والله انك ذكية ياصاحبة الموضوع ، عن جد موضوع مهم و اتمنى انه يكون تنبيه للبنات اللي بالمنتدى ، اللي يلبسون الجاكيت فوق العباية ..
انا لاحظت من سنة 2005 بنات المدرسة يختارون احلى الجاكيتات و يلبسونها على العباية ، طبعا و بدون تفكير الهدف الاول و الاهم عندهم هو الشكل و لفت النظر !
و المبكي انه بحرم النبي ص من اسبوع تقريبا شفت حرمة من فوقها لتحتها اسود .. عباية و غشوة و جوارب سودة ! و وراها بنتين بعمر ال 20 و اكبر بشوي لابسين العباية و فوقها بلوزات اصلا مو جاكيتات بألوان ملفتة و نظرات الشباب عليهم بوسط الحرم ! .. اشقد ذنوب لمو بطلعتهم هذي ! .. اعوذ بالله ! ..
قبل كنا نقول انه الشتا يستر الناس ، اللي مو محجبة تلبس الحجاب عن البرد و تلبس الجوراب و تطول ثيابها شوي ! و الحين طلعت هالموضة البايخة و الله يستر من الجاي !
الله يهدي عقولهم و يستر عليهم و ياربي نسألك حسن الخاتمة ! ..
m3rya7
09/02/2008, 01:21 PM
مشكورين لنقاشاتكم الجاده
مدلعه نفسي
09/02/2008, 02:04 PM
انا اشوووف كيفهم
البنت بردانه خلهااا تلبس ومب شرط تلفت النظر
اهم شي اهم شيييي يكووون لبس المسلمه وسيييييع ومايفسر الجسم
تلببس الي تلبسه حتى مب شرط عبااه المهم وسيييع والناس المتخلفه الي تحصر الزي المسلم بالعباءه وبس
مدلعه نفسي
09/02/2008, 02:04 PM
انا اشوووف كيفهم
البنت بردانه خلهااا تلبس ومب شرط تلفت النظر
اهم شي اهم شيييي يكووون لبس المسلمه وسيييييع ومايفسر الجسم
تلببس الي تلبسه حتى مب شرط عبااه المهم وسيييع والناس المتخلفه الي تحصر الزي المسلم بالعباءه وبس
اشكرج على الموضوع اخوووتتيييي
صوت الحمام
09/02/2008, 03:17 PM
الصراحه مشكــــــــــــــوره على موضوعك
وانا شايفه بنات مايلبسون عبايات بالشتاءيلبسون بناطيل سوداء وبالطوات سوداء ويتغطون عادي
والله يستر الشتاء الجاي وش نشوف
mofida
09/02/2008, 04:05 PM
واللة موضوع حلو وهادف وانا اشوف كلة حسب المجتمع الموجودفيةالمراة
فمثلا الموجودة في بلاد عربية غير بلاد اجنبية لا اعني من ناحية الموديل فالموديل المخصر حرام سواء عباية اوجاكيت ولكن قصدي اللون ففي البلاد العربية يحبذ اللون الاسود والغوامق فوق تحت العباية مش مشكلة اهم شئ مش لون من الوان قوس قزح
اهم شئ عدم لفت النظر
حلمي اكون عروسه
09/02/2008, 04:27 PM
مشكووووووووووووره أختي لطرحج هذا الموضوووووووووع الحلو
بصراحه كلام صحيح خواتي ,, ايه والله أمس وانا طالعه ويالاهل
شفت وحده لابسه جاكيت قصير لونه أحمر وشيله نفس الشي
أحمر على أسود على لون العباة ,, فعلا لو ع البرد كانت بتلبس دجاكت
طويل واللا بتحط شااااااااال بس هي حاطاها ع الموضه ,,
بنششششوف اخرة الموضه وين بتوصل ,,
سبحان الله ,, الله يستر علينا وعلى الجميع
اااامين
رونق روحي
09/02/2008, 04:28 PM
لاحول ولاقوة الا بالله
nassam
12/02/2008, 08:53 AM
انا ما شفت وايد عندنا كذي بس ألاحظ يلبسون شال وصح يكون شكلهم شاذ بس بعده احسن من جاكت غريب!!!! انا اثلج لما اجي الدوام بس ألبس شي مناسب تحت العباة ماله داعي نخلي شكلنا غلط!!!!!
نقاش حلو :)
انا اشوفه شي عاااااادي .. يعني الوحدة جم بتلبس تحت العباة ؟!! وجونا محد عرفله ..
مادام الوحدة حاشمة عمرها ومايبين شي من جسمها هي حرة تلبس اللي تباه ..
حلومه البطه
12/02/2008, 09:10 PM
ما احب هالحركه ولا احب اللي يسويها هههههه
اذا بلبس اسود وطويل وواسع مو الوان تلفت النظر وضيج الله يهديهم
AL'MaNaMeA
12/02/2008, 10:23 PM
شكراً أختي على الموضوع
في بنااااااااات واجد يلبسون ولو زين يلبسون أسود أو جينز يلبسون ألوان تلفت النظر أني واجد شفت بنات يلبسون جاكيت فوق البالطوا وألوان ملفته للنظر
طلعت الموضه والكل يلبس منشوف في الصيف يلبسون بعد
نشمية بنت سونيته
12/02/2008, 10:46 PM
هاي عنكشه ما اعرف من وين يايبينها
يعني الوحدة لو بردانة تلبس ثوبين بعدين العباءة قميص تحت الثوب بعدين العباء يعني ما اعتقد بيفرق عن الجاكيت اللي فوق العباء واللي حب العنكشه طاغي
لجل حبك
12/02/2008, 11:55 PM
الله يهديهم ويستر علينا وعلى بناتنا وخواتناا وبنات المسلمين
الظبيانية 2007
13/02/2008, 07:27 PM
مدلعه نفسي أثمد بيانسيه
الله يهديكن ان شالله
قولواااااااااا آآآآآآآآآآآآآآآآآمين
suzysooz
14/02/2008, 12:21 AM
آنه رايي اللبس الشرعي لازم مايصف ومايشف وما يكون زينه في ذاته
واذا توافرت هالشروط بأي شكل أو موديل أو لون أو تنسيق بيكون لبس شرعي عجبنا أو ما عجبنا
وبالأخير كل وحده وشخصيتها وظروف بلدها وحركتها المهم انها ماعصت ربها
وعن نفسي مع اني ما لبست هالشي لكن ما أحكم على الناس الي يلبسونه بأنهم صح أو غلط الا على أساس من تعمد التعدي على أحكام اللبس الشرعي
http://sl.glitter-graphics.net/pub/2/2667xlgi0iyii4.gif
أنا الشوق
14/02/2008, 09:16 PM
وانا مع سوزي سوز
وهاذي الحركه منتشره عندنا من سنيييييييييييين، وانا شخصيا ما اسويها لاني احس انها مالها داعي كلش
وممكن اذا كنت طالعه في السياره ومابنزل البس جاكيت فوق العبايه اسرع واريح، بس بعد ماجربت
بس من فتره جفت وحده لابسه sweater فانيله فوق العبايه يعني مش مفتوحه ولا شي وصاير الشكل غريب
يعني لبسي تنورة وفكي عمرج
بس هي السالفه اصلا واساااااسهل في العباية الضيقه لانها لو ماكانت ضيقه جان بيقدرون يلبسون قميص صوف او اي شي من هالنوع تحتها
وبعدين بناتنا مساكين يشوفون الجاكيتات وخاطرهم فيهم فشيسوون خخخخ
*كلي شموخ*
15/02/2008, 02:37 AM
الله يهدي البناات بصرااحه اناا اعتبر اللي تلبس جاكيت ضيق ولونه قوس قزح انها هيلقيه يعني جاكيت اسود ووسيع اوكي بس احمر واخضر واصفرر!!! تبي تلفت النظر وبس
AL'MaNaMeA
16/02/2008, 12:32 AM
الله يهدي الجميع
..: لولو :..
16/02/2008, 04:49 AM
كلامك في غاية الأهميه أختي
أشكرك لإثرائك هذه النقطة المهمه صادقه بكل كلمه كتبتيها
الله لايبلانا ويهديهم الى الطريق المستقيم ...
هديل العصافير
17/02/2008, 04:06 AM
عاد بصراحه من جد بايخه
شفت بنات فيجده لابساتها
تخلي نضرات العالم كلها لها
واتوقع انها مهي نضره اعجاب
اللهم كملنا بعقولنا
ملكات
17/02/2008, 05:06 AM
لاحول ولاقوة الابالله
تلبس جاكيت فوق العباية انا ماعمري شوفت كذا وان شاءالله مااشوف الاشكال هذه لاتلبس جكت العباية تدفي خلاص ولا بس تبغى تلفت النظر وخلاص
دانـــة
17/02/2008, 08:43 AM
السلام عليكم، ما اعتقد ان موضوع الجاكيت فوق العبايه مشكله كبيره لان بالاصل في بنات الله يستر علينا وعليهم ماتكون اصلا عباياتهم تسترهم تكون هي بعد يبي شي يسترها فالجاكيت فوق العباية اذا ما كان يفصل ويطلع مفاتن البنت مافي مشكله وان ما يكون ملفت للنظر، هذا رايي واشكرج على طرح الموضوع