بنات تعالوا وبجلكم شوى لي البارحة

[ام وديمة]

صباح الخيرات والدولارات ,,,

بنا ت الفزعة على ,,,
:confused:

البارحة سويت عجينة البيزا وكنت عازمين الأهل وشى أخذت مقلب وايا ما اقدر اجولها وحتى الأهل ما جصروا في الذم البسكويت اة اقصد البيتزا لكنهم صدقهم لكن مب بيتزا طلعت بسكويت يابس

المهم ان الهذة لوصفة أخذتها من المنتدى
المهم العجين مكتوبة على أساس
المقادير :-
2 كاس ماء دافى
1كوب حليب
نصف كوب زيت
ذرة ملح
وشويه سكر
4 كوب طحين
1ملعقة كبيرة bp
المهم سويتها مثل ما كانت ونفس الطريقة وخليتها لمدة ساعة وشوى طلعت العجين شو محلاتها
جلت هذه العجين ولا بلاش
سويتها وطلعت مثل البسكويت يابسة وايد ضعيفة مب من تفخة
والشي الثاني سويت لهم عصير مانجو على العموم المانجو طلع حامض وحاولت احسن من الطعم حاولت اظيف اسكريم والسكر والفينتو المهم نفس الطعم وما تغير ,,,,

والله حرام طلعت البارحة حرمة بيت فاشلة وايد واييييييييييد...حسيت أنى أول مرة أدش المطبخ وأنى سويتها من غير نفس والله وايييييد تعبت من السالفة اكيد حسين بالمأساة اللى اتا فيها وعاد زوجي يقول والله مب منك من الغاز او شيئ ثانى يحاول يخففعنى وطلبت منة يجيب آكل من المطعم

والباحة حتى من الغصة نمت وأنا مب متعشية راجا منكم تعطوني وصفة مجربتها ومظمونة ما تطلع بسكويت ابغيها تنتفخ وتكون طرية مثل القطن
وهل عجينه البيتزا نفسها عجينه الخلية النحل والفطائر الأخرى والكر وسان


أفيد ونى يا ذوات الخبرة فى الطبخ ...



ام وديمة .....

[نفحة العود]

أفيدك أحتي بهذه العجينة الرائعة وأنا مجريتها:

المقادير:

1 فنجان قهوة سكر
2 ملعقة اكل خميرة فورية
2 كاس ماء دافي
ذرة ملح
3 كاس دقيق
نصف كاس زيت

الطريقة :
نضع المقادير كلها مع بعض وتعجن جيدا

هذه العجينه لجميع الاستخدامات وانا سويت فيها خلية نحل وفطائر .... الخ

اتمنى تعجبك وبالهناء والعافية

أختك / نفحة العود..:)

[ام وديمة]

مشكورة وايد اختى وترى اشوف انها نفس المقادير
لكن بروح اجرب اليوم

[عاشقة الفردوس]

هلا فيكِ غاليتي أم ديمه...

احياناً عزيزتي السبب يكون في طريقة اعداد البيتزا..

وليس في العجينه..والبيتزا والفطائر تحتاج لتحمير بسيط يعني نار

هاديه عشان ماتطلع قاسيه وناشفه..وكذلك العجينه لما تفرديها

في الصينيه تكون سميكه نوعاً ما يعني ماتكون رفيعه..فهمتِ علي

وكمان العجينه لازم تآخذ وقت كاااافي عشان تنفش معكِ

يعني مو أقل من ساعتين وفي مكان دااااافئ...وممكن تلفين

العجينه بفوطه مبلله بالماء الدافئ...

وهذي مقاديري انشاءالله تضبط معكِ وجربي اللي قلته:)...

المقادير:

3 كاسات ونص دقيق

2 كاس حليب دافئ

3 ملاعق خميره فوريه

شوية ملح

ثلاث أرباع كاس زيت

طبعاً تغطي عليها وتتركيها لمدة ساعتين..

انشاءالله أكون افدتك..

تحياتي لكِ,,