شو اسوي لحقوا علي

[بنت دار زايد]

بنات مااعر فشو اقولكم

انا عقب شهرين بعرس انشاءالله بس اغاااااااار وايد على ريلي هو عقد علي يعني ملج علي

اغار موووووووووت حتى من خواته يوم يرمسهم جدامي وهو يعرف اني اغار وبالعمالة يقهرني مرات يوم اكمله بالتلفون يقول فديت اختي احبها ومادري شو صح هيه اخته بس انا اغار مااعرف ليش


واحينه بديت اشك والله اذا كان يرمسني وعنده خط اشك

ولو اتصل ومايرد عليه اقول اكيد عنده خط ويرمس وحده غيري

لو اتصلت فيه ومارد علي انقهر

واذا حصلت تلفونه مغلق اتصل على تلفون الغرفه وحصلت مشغول امووووووووووووووووووت قهر اقول اكيد يرمس وحده وسكره تلفونه عشان ماازعجه:confused::confused::mad:


والله مب عارفة يابنات شو اسوي

ساعدوني بليييييييييييييييييييييز

[بنت دار زايد]

حشى 16 وحده دشت ولا قالت شيء ولا قدرت اتساعدني

على العموم فيكم خير والله

[الصمت الحزين]

مسالخير أختي بنت دار زايد

قولي أعوذ بالله من ابليس

وثقتك بنفسك اهم حل لمشكلتك

وصدقيني لو استمرتي على ها الحال راح تخربي بيتك بإيدك

هو الحين بس يبغاك تغاري بس بكرة راح يمل منك ومن شكك

وين المشكلة لو قال انه يحب اخته؟؟؟

اتعوذي بالله من ابليس وخليك قريبة من زوجك

ترى الرجال ما يحب زوجته تراقبه خلي ثقتك في نفسك اكبر من كدة لأنك انت خايفة انه يتركك ويبعد عندك

والله وياك

[عذبة الروح]

كان الله في عونج على غيرتج ..

عزيزتي بنت دار زايد ..

ما نقدر ننكر ان الله خلق فينا ( احنا النساء ) الغيرة ..

بس انتي غيرتج زيادة عن حدها .. يعني انتي توج في بداية حياتج .. ما ينفع من اولها تشكين و تسوين مشاكل ..

و بكل سهولة تقدرين تقولينه و تفهمين ريلج انج انتي تغارين عليه .. و عليه هو يتجنب الاشياء اللي تستفزج ..

بس الظاهر هو مزووحي وايد .. و يمكن انه يبا يضيف جو من المرح او يبا يشوف غلاته عندج ..

الصبر .. الصبر .. ثم الصبر .. و بالتفاهم كل شي ينحل ان شاء الله ..

و الله يوفقج في حياتج الزوجية ..

و السموحة اذا طولت عليج

و لج خالص تحياتي

[نـــوراء]

السلام عليكم ورحمة الله وبركاته..

أختي بنت دار زايد..

حقيقة مو عارفة كيف أبدي..

بس انتِ طلبتي مساعدة وأنا مجرد شخص يعطيكِ رأيه..

أساس العلاقة بين الزوجين اهي الثقة..

مافكرتي مره من المرات أنه يجوز يبي يختبرك؟؟؟؟

الأكيد انه لاحظ فيكِ إنك تغاري عليه..

لأنه من كلامك أنه يقول لك فديت اختي احبها..يا اما انه متعود على هالشكل الفاظ مع خواته مو شرط انه يتلفظ بها لغير خواته او اللي يكون محرم لهم..

او انه يبي يشوف كيف انش تتعاملي معاه..

ويبيكِ تخففي..ويعطيكِ درس..آسفة ان اقول لك هالكلام بس من حق اي رجل انه يحاول يغير شي مايحبة في زوجته..

وإنك تغاري من اخته او انك تشكِ انه يكلم غيرك بالتلفون هذا شي اكيد انه مايحبة..

فأنا اقول لك شي ..إذا هالمرة حاول يتلفظ بهالشكل الفاظ عادي خلي الوضع فررررررررري ريلاكس امزحي معاه قولي له الله يخلي لك خواتك ويخليك لي.,.

امزحي معاه قد ماتقدري في هالشي..

إذا حسيتي ان الوضع ما فاد فهذي قضية ثانية والغيرة تكون من حقك..

والله يساعدك..

تراني اقول لك الغيرة هالشكل مرض..حاولي ماتغاري الا على امور دينية..

امور من حقك تغاري فيها..

مع اني مو فاهمة شنو يعني يرمس هذا اللفظ صراحة اول مره يمر علي:o
الا اذا قصدك يغازل.. :D
على العموم اتمنى اني افدتك بشي..

وانطر النتيجة..;)

أختك::::نـــــــوراء

[سماهر]

مرحبا اختي بنت دار زايد

صح الغيره مطلوبه بس اذا زادت عن حدها تحولت لشك

واساس العلاقه بين اي زوجين تكون مبنيه على الثقه بين الطرفين

وانتي كوني عاديه وياه لانه في البدايه صح انه يباج تغارين عليه

ويشوف معزته عندج بس صدقيني عقب الزواج راح يمل من كثرة الشكوك

وعادي اذا قال لج انه يحب اخته وايد تراها بتم اخته والوحده لازم

ما تغار على ريلها من خواته وامه ولازم الغيره تكون في مكانها

[بنت دار زايد]

مشكورين على الردود:)

[وهم الحياة]

اختي الغالية غيرتك الحين انتي مو بمحلها واذا تطورت اكثر راح تتحول لشك مو غيرة فالغيرة هي السم القاتل اللي يهدم الحياة بين الزوجين وانتي لسه ماتزوجتي حاولي حبيبتي تستعيذي من الشيطان تقري قران كثير وزي ماقالوا الخوات بعدين بيمل من غيرتك لانها راح تكون زي الشكوك الي تجرح رجولته اذا قل فديت اختي وكذا قولي له تفداك روحي انا بعد حاولي انك تتغاضي عن الشعور بالغيرة اللي بداخلك ومع الوقت راح تحسي انك عادي الوضع عندك الغيرة مطلوبة بس بشروط محددة
اسفة طولت عليك
اتمنى اكون افدتك:)

[ديـدي]

اختى الغالية صباح الخير استغفرى الله ولا تدعى الشيطان يسبب لكى مشاكل مع زوجك وحاولى ان تشغلى نفسك بامور اخرى اذا جاء هذا الموضوع على بالك واطلبى الهداية
هدو :D :D :D :D :D :D

[almazyo0ona]

ما سمعت ابحياتي غيره نفس غيرتج بعيد الشر هاذي ماغيره...اذا انتي اليوم غرتي عليه من اخته باكر بتغاري عليه حتى من امه اللي مربيته...وبعدها خذي اللي بييش منه يمكن الله لا جال يوردش ترى ما تعرفيلهم الرياييل هالايام عليهم دجات الله الساتر منها...المهم بغيت اجولج بعد يمكن هو يتعمد يسويلج شذيه وانتي عااااد والوجت الغيره مره عندج واصله الtop المهم بغيت اجولج اذا سوالج مره ثانيه شذيه وحب يغيظج وانتي اترمسينه خلي الامر عادي وسايريه بالكلام وحبه حبه ومره بعد مره بتلاحظي انه حتى هو راح يجول افخاطره خلاص ما شي فايده منها البنت ...بس هذا ما يعني انج ما تغارين عليه ابدا او بالاصح ما اتحاولي اتبينيله غيرتج ابدا ..لا بالعكس غيري عليه بس فالحدود المعجوله اللي انا وانتي وغيرنا من البنات لازم انغار عليها...وعسى الله يوفجج فحياتج الزوجيه...ويالله عااااد سمعينا اخبار حلوه عنج....تحياتي حجج اختج المزيوووونه

[almazyo0ona]

ما سمعت ابحياتي غيره نفس غيرتج بعيد الشر هاذي ماغيره...اذا انتي اليوم غرتي عليه من اخته باكر بتغاري عليه حتى من امه اللي مربيته...وبعدها خذي اللي بييش منه يمكن الله لا جال يوردش ترى ما تعرفيلهم الرياييل هالايام عليهم دجات الله الساتر منها...المهم بغيت اجولج بعد يمكن هو يتعمد يسويلج شذيه وانتي عااااد والوجت الغيره مره عندج واصله الtop المهم بغيت اجولج اذا سوالج مره ثانيه شذيه وحب يغيظج وانتي اترمسينه خلي الامر عادي وسايريه بالكلام وحبه حبه ومره بعد مره بتلاحظي انه حتى هو راح يجول افخاطره خلاص ما شي فايده منها البنت ...بس هذا ما يعني انج ما تغارين عليه ابدا او بالاصح ما اتحاولي اتبينيله غيرتج ابدا ..لا بالعكس غيري عليه بس فالحدود المعجوله اللي انا وانتي وغيرنا من البنات لازم انغار عليها...وعسى الله يوفجج فحياتج الزوجيه...ويالله عااااد سمعينا اخبار حلوه عنج....تحياتي حجج اختج المزيوووونه

[اليكه]

الغيرة شي طبيعي ..
بس اللي مب طبيعي انج تغارين من اشياء تقريباً تافهة و ما تستاهل ...

أنا معاج انه أي وحدة ترتبط بانسان تغار عليه . . و أعتقد لازم تخلي بالها متيقظ دوم لأنه الزمن تغير و انتي لو ظمنتي الريال ما تظمنين البنات الرخاص اللي تارسات البلاد .... :mad:

بس بعد أنصحج لا تبينين غيرتج .. كوني عادية و لا تبالغين ..... إلا إذا شفتي عليه شي :eek:

[نــــــوريـــن]

الله يكون بعونك ويساعدك
ما يحتاج اعلق الاخوات وفوااوكفوااااا

تحياتي
نورين