مشكلتي للأسف زوجي

[اليائسه]

بنات انا بكتب لكم مشكلتي واتمنى اني ألاقي الرد من عندكم وصدقوني راح تنصدمون من زوجي

خواتي انا متزوجه من اربع سنوات وزوجي هو من اهلي مشكلتي وياه ان زوجي يستغل شخصيتي في لعبه على الشباب . بفهمكم شلون . زوجي يعرف ارقام شباب معروفين ولهم مكانه في الوظايف الحكوميه فيراسلهم على الموبايل ( يمسجهم ) بحجة انه بنت ويتعرف عليهم ويستغلهم في انه ياخذ عنهم بطايق تيلفون وياخذ عنهم فلوس ( وهم يتحرونه بنت ) ولما يواعدهم في المراكز او المطاعم ياخذني انا وياه على اساس اني انا اللي اراسلهم وواعدهم المهم هم ما يشوفون غير عيني لاني اتلثم بالشيله ويعجبون فيه. ( على فكره انا ما اعرف انه يواعدهم ولا ما بسيير وياه عشان جيه هو ما يخبرني غير بعد مده ) .
تدرون ولما يراسلهم يكتب لهم كلمات انا استحي اقولها ولا بعد يراسل ربعه ويراسل واحد من اهله وللاسف هم يتحروني انا اللي اراسلهم . والمشكله انه يجبرني اني اسولف وياهم على التيلفون عشان يصدقون اني بنت والله اني كم مره بكيت لاني ما ابي اكلمهم واصرخ عليه وتصير بينا مشاكل وللاسف هو ما يوقف عن هالشي لانه ادمن علي اللعب عليهم.
وانا ما اخبر اهلي او اهله لاني ما ابي المشاكل تكبر بينا ولاني انا احبه وايد وعلى فكره هو وايد يحبني وما يقصر وياي بأي شي .
المهم ابيكم تساعدوني شسوي عشان يوقف عن هالشي وعلى فكره اهو يراسل الحين واحد متزوج والمسكين طيب و ينقص عليه وحليله ما خذ لي عطور وورده جوري وعلبة كاكاو من ماركه معروفه وخذيناهم عنه ( كان يحطهم في المحلات وريلي يجبرني اني اخذهم ) المهم ريلي مخبرنه انه يبي خاتم ألماس وموبايل وهو يقول انه اشترى هذي الاغراض بس بيي من الدوام هل اليومين وبيعطيهم لي وانا الصراحه ما ابي منه شي
وفكرت اني اتصل به واكشف كل شي له بس متردده ...
ف الله يخليكم لأهلكم وعيالكم وربعكم خبروني شسوي ويا زوجي وشو اسوي ويا الريال اتصل به واخبره عن كل شي ولا لأ ..
الله يخليكم ابي جوابكم اليوووووووووم ..

[اسولة الامورة]

مشكلتك يا اختي تحيرني كثيرا, فانا لم اسمع من قبل عن رجل كزوجك, فالزوج الذي يحب زوجته لا يفعل تلك الافعال لانها شيطانية, وعواقبها وخيمة جدا, لذلك وفي البداية انصحك بالتحدث الى اخيه ان وجد له اخ او ابيه. وسؤالي لك هل تقدرين ان تعيشي معه لاخر العمر , وحياته كلها نفاق وكذب على الناس,وانت ايضا تشتركين معه , ثم ماذا لو طلب منك احد هؤلاء الشباب اشياء لا تقدرين عليها؟ واذا لم تجدي من اهله احدا تفضي اليه بقصتك , اتصلي بالرجل واخبريه بالقصة بطريقتك.

ارجو لك الخلاص من هذا المأزق

[حبيبه]

السلام عليكم

بصراحه قصه جدا غريبه وأول ما قرأت مشكلتك تذكرت أنه لا طاعة لمخلوق في معصية الخالق فما تقومين به هو ذنب وحرام فكيف تكونين مسلمه ومحصنه وتقومين بهذه الأعمال و كيف تستطيعين الحياه مع رجل ليس لديه أدنى غيرة عليك كيف تستطيعين العيش معه فأنا أنصحك أن ترفضي وبشده أن تفعلي ما يأمرك به زوجك وعليك أن تشرحي له موقفك وتوضحي له أن ما يقوم به حرام وإذا لم يستجب بلغي أحدا من أهله وأثبتي ذلك بالأدله حتى يصدقوك وأما الرجل الذي واعده زوجك فعليك أن تخبريه بالحقيقه بطريقة مؤدبه ودبلوماسيه وتحلي الموضوع بهدوء

وعو الله أن يريك الحق حقا ويرزقك اتباعه وأن يريك الباطل باطلا ويرزقك اجتنابه

والسلام

[سماهر]

السلام عليكم

اختي الكريمه لما قريت الموضوع حسيت انه فيه شئ غلط في تصرفات

ريلج لانه اي زوج يحب زوجه ما يعرض سمعتها للقيل والقال

وبعدين البدايه كانت انه يرسل المسجات بروحه وبعد جذي خلاج ترمسين

الشباب غصب عنج وبصراحه الله يعلم باجر شو اللي راح يسويه

والمفروض انه يحافظ عليج مامام انه يحبج

انتي في البدايه لا تسكتين عن تصرفاته لانه راح يتمادى زياده

خبري حد من اهله ابوه مثلا عن افعاله وانتي بنفسج حطي حد لهاي

الفعايل الشينه لا تسمحين ليه انه يتعامل وياج بهاي الطريقه

لانه بصراحه انسان غير جدير انه يحافظ على بيته وزوجته

[دلع الدلوعه ^_^]

لاحول ولا قوة الا بالله ياختي يااليائسه


لا تياسي من رحمة الله

الظاهر ان زوجك قد اكل لحم خنزير لان لحم الخنزير هو اللي يخلي الرجال ديوث ( الحمد لله الذي عافانا مما ابلاهم به وفضلنا على كثير ممن خلق تفضيلا )

الله يهديه يارب العالمين

بس انتي تتصرفين اليوم ياخذك وانتي نتغطيه بعباتك ويخليهم يشوفونك ويبغاكي تكلمينهم بالتليفون اخا ف بعدين يطور الامر للاسوا :confused: يعني يمكن بعدين يدخلهم عليكي لو سمح الله

يااختي يا اليائسه

لازم توصلين الموضوع لهلك لان الحده الزم ماعليها دينها وكرامتها

الله يحفظكي ويرعاكي

[العروس الهاربة]

لا حول ولا قوة الا بالله

وحسبي الله ونعم الوكيل على رجال الايام هذي

والله يهديك ويشرح صدرك للخير ويختارلك مافيه الصلاح يارب

:eek: :eek: :eek: :eek: :eek: :eek: :eek: :eek: :eek: :eek: :eek: :eek:

[zazlan]

زوجك ما يحبك لا تقولين لا يحبى لو يحبك يا ما سوى شذي و ما تخافين واحد من الرجال هذوليك يروح وراك بالسيارة ويدخل البيت ويسويلك شيء ما فكرتى هذا كله حرام وزوجك ما عنده ذمه ولا ذرة أحساس روحى وقولى لأهلك قبل ما يفوت الفوت ما ينفع الصوت ، لا تنفذين أي شىء حقه علشان ما تأخذين الذنب معاه وبسرعه وأنا آسفه فى ردي هذا سامحنى :mad:

[محبة الحياة]

لا حول ولا قوة إلا بالله ..

أختي الكريمة ..

مثل ما قالوا الأخوات ... لا طاعة لمخلوق في معصية الخالق .. حتى لو كان زوجج ...

أنصحج بالتقرب إلى الله تعالى بالعبادات والطاعات .. وأكثري من الدعاء بأن يهدي الله تعالى زوجك ..

أصلحي ما بينك وبين ربك .. حتى يصلح الله تعالى لك ما بينك وبين زوجك إن شاء الله ..

أوصيك مرة أخرى بالدعاء .. الدعاء .. وخاصة في الثلث الأخير من الليل ..

وحاولي أن تنصحي زوجك بلطف ... وتخبريه أن ما يفعله يغضب الله تعالى ..

هذا ما لدي .. وأسأل الله أن يصلح لك زوجك ويهديه إلى الصواب ...

[عهد]

سبحان الله معقوله في ريال يسوي بحرمتة جذا ... انتي شرفه الصراحه انا مستغربه من هالسالفه إلي موليه ما ادش المخ ..:eek:

[اليائسه]

جزاكم الله الف خير يا خواتي على نصايحكم والبنات اللي ما مصدقات اقولكم صدقوا لاني والله العظيم ما اقص عليكم .
بس بقولكم شي انا بعد ما كتبت هالموضوع امس يعني بعده بخمس دقايق اتصل بي زوجي وقالي انه كنسل البطايق اللي كان يراسل فيها الشباب وانا ما صدقته غير لما اتصلت وشيكت على الارقام وسألته ليش كنسلهم قال انه مل من اللعب على الشباب وانه بس خساره على الفاضي :eek: الصراحه انصدمت منه لاني طوال هالسنوات اصرخ عليه وانصحه وادعي ان الله يهديه :D والحمد الله تحقق كل شي بس والله اني اخاف يرد لأفعاله .
تدرون بنات انا ريلي وايد وايد طيب واللي بتشوف علاقتنا ويا بعض بتنصدم لأنه عسل .

[عاشقة الدار]

بسم الله الرحمن الرحيم

اختي هذا ريلج انسان مريض نفسيا ولاوم تشوفين له حل لان اكيد هذا الشي ناتج عن خلل في التربية ولان اكيد ما عندة ايمان كافي بالله عز وجل لان الشيطان الحين مستحوذة انتي لازم تودية محاضرات دينية والله تخلي احد اهو ريلج يحترمة ويقدرة ان يكلمه وانتي لا تسمعي كلامة لان معصية وهذي الله ما يرضى فيها انتي لاتطيعينة والي يحب عمره ما يسوي جذي اكيد ما يحبج ولا يهتم فيج وانتي لازم اتشوفين لج حل والاخوات ما قصرو ا معاج الله يعطيهم العافية وانتي فكري بالكلام ....

أختكم:

[سيدة الثلج]

لا حول ولا قوة الا بالله ,,,,,


يا أختي الطيبة اسمحي ليه اقولج انه ريلج انسان تافهه ,,,, وما ينقعد وياه
لانه مو مهتم في سمعته وسمعت زوجته ,,,, كيف يحاول انه يدني صورة
زوجته جدام الناس بهذي الطريقة ,,,,, واسمحي ليه اقولج انه زوجك
مهتم في الماديات الي ياخذها من الشباب ,,,, على حساب كرامتج
وسمعتج ,,,,, اختي الكريمة انصحج باللجوء الي الله ,,,, والدعاء له بتوبه
وانشاء الله ,,, وباذن الله ,,, راح الله يهديه لطريق الخير على ايدج,,, وفهميه
زوجك انه لا طاعة لمخلوق في معصية الخالق,,,,

تحياتي لج

سيدة الثلج

[**العروسة ترف**]

معقولة!!! هذا ريال او......؟؟

جد جد جد موراضية اتدش بمخي,,..؟؟


بس انا تذكرت قصة.. والعن من هالقضية..وبقولها باختصار.. ان وحدة حبها واحد وتبادلوا الحب وتزوجها وسافروا على اوربا لشهرالعسل..؟؟؟





















واذا بالزوج يدخل اصدقائه الاوربيين على زوجته ويطلب انها تعاشرهم؟؟ وانهارت الزوجة..؟؟ وقال لها انتي ليست الزوجة الاولى وانا تزوجتكي كي ارضي اصدقائي كونهم يحبون معاشرة العربيات... وانهم يدرون عليه بالمال الوفير جراء ذلك..؟؟

فاي حب هذا؟؟ واي زوج يفعله بحرمته هذا؟؟
والبنت المسكينة ضاع شرفها واغتصبت من قبل الوربيين وغادرت بلادها.. وزوجها اتصل باخوانها وباهلها .. وأخبرهم؟؟






















بان بنتكم.. خائنة.. وهذي صورها مع اوربيين(صورها الخسيس) ولاتشرفني.. وسوف اطالب بتعويض من المحكمة تجاه الخيانة.. واسترجع المهر.. وسوف اهرجها... ولن اطلقها وسأعلقها..؟؟؟


القصة حقيقية....:mad:

[دلوعة]

الله يعافينا :( :mad: :confused:

[لطووووف]

استغفر الله العظيم والله شي ما يدخل العقل حبيبتي صدقيني لا تقولين انه ريلج يحبج بالعكس احس انه يستغلج ويحتقرج وتمنى انج تحطين حد حق هالموضوع والله يجيرنا من هالبلاوي آآآآآآآآمين

اللهم نسالك الستر والعفاف ونسالك الرجل الصالح

[بنت عسير]

الله يعينك اختي

واسمحي لي اقول زوجك ما هو رجال

لو كان رجال ما سمح لاحد انه يشوف طرف منك ما هو يرسلك تاخذين الهدايا


تحياتي

[هدب نجد]

أختي اليائسه تبين رأي بصراااحه زوجك مو رجاال لأن مافي رجال بهالدنيا يعرض سمعته وسمعت زوجته للخطر وغيير عن كذاا لا تقولين انه يحبك عمر الحب ماكان بالهدايا والكلام الحب بالتصرف والمحافظه على الحبيب لانه جوهره بالنسبه له وانا بنظري انك ولا شي بالنسبه لزوجك لان لو جد يحبك ماكان ارخص كرامتك لهالدرجه والمشكله هو الي يطالبك بهالاشيااء ..انا برأي انك تتفاهمين معه على تصرفااته الي مستحيل تكون طبيعيه واذا مافااد اتمنى انك تصونين كراامتك وعفتك وتدخلين احد بالموظوع واذا برضو ماجاب نتيجه انفصلي عنه يمكن الطلااق اكرم لك اذا الحين وهو زوجك سوا فيك كذا وطلب منك هالاشيااء بكره لما يكون عندك عيال منه وش بسوي فيهم ويطلب منهم ؟؟؟ فكري بمستقبل عيالك ومستقبلك الي سوا هالفعل ممكن يسوي اكبر منه عموما الرد لك والرأي الاخير لك لانك انتي عاايشه الوظع وحاسه فيه واسفه على اي كلمه جرحتك فيها او سببت لك ضيقه بس انا جد مستغربه كيف صاابره على ظياع كرامتك واذاا زوجك هانت عليه كراامتك كيف تهون عليك انتي؟؟؟؟

[مرموم]

مش ممكن يكون هدا الكلام صحيح..


الراجل بيطلق مراته لما يشك فيها أو يحس منها بأشي..


كيف انتي حاطة عينك بعينه و هوه أصلا أهانك أفظع أهانة..وين أحساس أنو بيغار عليكي اللي كل واحدة بتحب تحسوا..


في أشي غلط في الموضوع..أنا حاسة أنو في حلقة مفقودة في النص..


آسفة على أسلوبي..بس ما كان ينفع غير هيك..

[visitor]

استغفر الله

ها حرام العيشه وياه

[سهارا]

ما اقول الا ان الانسان البعيد عن الله دايما يحتار كيف ممكن يتصرف!!!!!!!!
والا ديننا الحنيف واضح ومايبيله اي حيره في مثل هالمواقف .. ولو انا سألتك -وش تعتقدين موقف الدين من تصرفك انتي وزوجك ؟؟؟ اكيد بتردين وبتقولين حرام بدون تردد!!!
طيب دامك عارفه ليش تتمادين الا اذا كان هالكلام جايزلك!
وانتي عارفه انه لاطاعه لمخلوق في معصيه الخالق.. بلا احبه بلا كلام فاضي .. لحقي نفسك واستغفري ربك وتوبي اليه .. واوقفي في وجه هذا المذنب الذي لايخاف الله وغيري المنكر بيدك لانك قادره على ذالك بالتأكيد واذا لم تفعلي فهذا ظعف في ايمانك والعياذ بالله..
..............................
.............................
نسأل الله العافيه

[المكسوره]

اختي انا رايي من رائي عاشقة الدار





الله يعينك ويساعدك ولازم تخلين احد من اهلك يدخل




ويعرضونه على طبيب نفسي

[أم.هديل]

بصراحه أحتي زوجك انسان خبيث وديوث وأنصك انك تحبرين أهلك فورا وتتركين هالشيطان لأن من يفعل مافعل لاخير فيه ولا وازع ديني يمنعه من فعل ها لأفعال الشيطانيه...............أتمنى أنك ماتستهينين بالأمر لانه خطير جدا ان كنت صادقه...

[الرمانه]

اختي اليائسه فعلا قال تعالى (ما يلفظ من قول إلا لديه رقيب عتيد). صدق الله العظيم واقول لك اذا كنتي صادقه

بسألك انتي كم عمرج وكم عمر زوجج حشى لو نا قصين عقل ما سوو ا سواته خلينا نقول هو مريض نفسي لكن انتي شلون ترضين على نفسج الا انج مستا نسه عا السالفه او زيه مريصه ولازم لكم علاج مستعجل
وين يا ختي الدين وين التربيه اللي اهلج ربوج عليها هذا حرام يكون رجال ويعد من الرجال وين الامانه اللي والديج اكيد وصوه عليهااللي هي انتي وينكم من كما تدين تدان وما سويت يابني ادم سوي لك
الحمد لله اللي انتبهتي اخيرا ولحقتي على با قي عمرج
انقذي روحج واهربي منه لانج مانتي حاسه بعظم المصيبه لانج تحبينه
والحب معمي قلبج قبل عيونج انشلي نفسج من الرذيله اللي انتو فيها
قبل لاتندمين بعد مايفوت الندم :confused::confused::confused:

والمسامحه لاني خايفه عليج

[الصدى]

معقولة فيه زوج يسوي الي يسويه زوجك معاك الاانه ماعنده رجوله



ولايمكن يكون يحبك ولاحتى واحد بالميه الزوج يغار على زوجته من النظره



لو كانت بالغلط وشلون عاد زوجك يكلم شباب وياخذك معاه انا لااصدق



كلامك لاني ماصدق ان فيه زوج ممكن ايسوي مع زوجته هذا الشي




الافي ثلاث حالات


اما ان زوجك ديوث والعياذ بالله




اومريض نفسي الله يشفيه ويعينك





او يوجد بينكم عداوه قديمة ويحاول الانتقام بكي اللهم ياكافي






لانه يمكن يكون فيه انسان بشخصيه هذي واذا فيه لماذا توفقين على




تصرفاته الحب ليسى مبرر انك ترضين على نفسك وعلى اهلك العار



اين والدك واخوانك من الي قاعد يصير معاك واكيد لو رفضتي بشدة ماراح


يغصبك تعملين هذا الشيى


رفضتي بشدة :mad::mad::mad::mad::mad:







كلام خارج عن المالوف والله ايش رايكم يابنات :mad::mad::mad:

[محتارة بالحيل]

بصراحة الغلط مو في زوجك ابد الغلط فيك انتي اللي ساكتة له

يعني تحسبين انك اذا صارختي عليه او هاوشتيه خلاص؟؟؟؟ اوبكيتي خلاص؟؟

شي قوي ذا في بالك؟؟


الغلط 100%100 انك ساكتة له

ولاكان قلتي له ياتصير رجال يااروح بيت اهلي ويمدحون الطلاق


والله يوفقك ويهديه يارب

وانا مع كلام الاخوات كلهم:) :)

[بنت الزين]

الصراحه ريلج انسان ما يستاهل انج تعيشين معاه
وبعدين اذا اكتشفوا أهله والا اهلج يقدر بكل بساطه يرد عليج اللي سواه
انتي كيف ترضين على عمرج المهانه حرام عليج والله بتتحاسبين على كل
شي يوم القيامه ...........لاحول ولا قوة إلا بالله

[اليائسه]

بنات انا مب عايبني الشي اللي كان يسويه فيني وكم من مره اعترضت بس اني اخبر حد من اهلي او من اهله لااا لاني ما ابي المشاكل تكبر بينا وتوصل للطلاق لاني عندي عيال واخاف عليهم وعيالي صغار .
وعن كلامكم انه ما يحبني بالعكس هو يحبني ولعلمكم هو يضايج لما الشباب يطالعوني او يتحرشون فيني .بس ليش يسوي هالشي وياي ما ادري انا حاسه انها حاله نفسيه .
وصدقوني انا عارفه ان الشي اللي نسويه حرام ودايما اقوله على هالشي .بس منو يسمع.

[أم فارس]

معقوله هذا رجال ويحب زوجته بعد!!!

انا اقولك ياأختي انتي لازم ماتسكتين على هالموضوع لأن بعدين الأمور يمكن تتطور لأكبر من كذا..

شوفي اختي انتي كلمي رجلك أولاً عن هالموضوع وتفاهمي معاه وحاولي فيه يترك هالعاده القبيحه واذا شفتي انه مافيه فايده لازم تخبرين اهلك عن هالموضوع وتكلمين احد منهم ينصح زوجك لأن هذي بصراحه سالفه غريبه وماينسكت عليها
:mad:

[سماهر]

اختي انتي لازم تكلمين اهلج عن سوالفه ترى السكوت مب في صالحج

ابدا ولا في صالح عيالج

وبعدين شو ها لتناقض يحبج ويغار عليج من صوب ومن صوب ثاني

يخليج تكلمين الشباب

لا اختي لاتستهينين في السالفه لانه مب طبيعي موليه

وانتي خلي في بالج شئ انه اليوم خلاج ترمسين الشباب

الله يعلم باجر شو اللي بيسويه واعتقد انج فاهمه كلامي زين

الحقي عمرج الحين وخبري الاهل واذا شفتي انه بعده مستمر على

فعايله من رائي الطلاق افضل لج ولعيالج

وتذكري ان المهم بالنسبه للعيال هي التربيه الدينيه

ومن وين بتي هاي التربيه ما دام ريلج هاي فعايله


الله يهديه ويهدي الجميع ان شاء الله

[رودين]

عزيزتي لكل كفي ووفي

مافيه الا حل واحد الطلااااااااااااق هذا لا يؤتمن عليك ولا يحبك وانسان

شجع ونصاب ويستغلك في انحطاطه

أطلقي منه قبل لا يشوه سمعتك عند أهلك وناس ساعتها محد بينفعك


وأرجو منك يا أختي انك تتأكدين انه ما عليكى اشرطه مسجله او صور

موزعه


وبعدين انتي فين عقلك من أول ما سوى حركه مثل هذى ليش ما أخذتى

موقف بسرعه

انا اشوف انك تكلمين اهلك في الموضوع

الله يستر عليك

[hanaalalawi]

السلام عليكم ورحمة الله وبركاته : أما بعد في واحد من الحلين :
إما تخبرين ها الريال وتتعاونين معاه على حل ها المشكله أو
تقنعين ريلج بزيارة دكتور نفسي
والله يصبرج .

[جزيرة الكنز]

السلام عليكم
حرام عليكم شوي شوي على البنت هي اكيد مسكينة محتارة ايش تسوي
خصوصا انه عندها اطفال وانها تحب زوجها وهي اكيد لو عاجبها الوضع ما لجأت لنا وطلبت عونّا
بصراحة انا اشوف انه اذا رجع لحركاته هذي تخيرينه اما الطلاق او انه يبطل هالحركات نهائيا ولا يحلم انك تساعدينه مرة ثانيه وهو اكيد ماراح يطلقك لانه يحبك ولان بينكم اطفال وربي انشاءالله بيساعدك لان هدفك هو ارضاءه سبحانه وتاكدي انه من ترك شيء لله عز وجل عوضه الله خير منه

[ام عزيز 1000]

كن قبل نشوف المسلسلات العربية وما نصدق اللي فيها ونقول كذب وتمثيل لكن اللي نسمعة هاليومين واللة يشيب الراس
اذا سالفتج يابنت الحلال صج فكي عمرج من هالريال وعفوا على هالكلمة اللي مو في محلها

[الأسيرة]

أختي اليائسه..
صدقيني ريلج ما يحبج ...لو يحبج كان حافظ على كرامتج...وين الغيرة الإسلامية ؟؟؟؟
أولاً: انت المفروض ما تعيشين معاه اليوم يخليج تسايرين رياييل بكره بييبهم البيت...اعذريني على صراحتي بس هذي الحقيقه..
ثانياً: أنصحج انج ما تنقادين لطلباته و تمسكي برايج ..و إذا أصر تركيله البيت...أنا ما أقول هالكلام عشان أخرب بيتج...بس صدقيني أنا أبي مصلحتج..يمكن بهالوسيله يحس بقيمتج....
و الله المستعان...

[زهرة الفل]

حبيبتي اليائسة واللة قصتك زي الاساطير ما تتصدق بس شوفي روحي بيت اهلك واقعدي عندهم بحجة انة زعل بسيط واذ كان يحبك راح يجي عندك ويترجاك انك ترجعين وساعتها يا يخلي اللي هوة فية او واللة البعد عنة غنيمة وتري متي اخترتي رضا اللة سبحانة ماراح يخذلك وربي يعوضك احلي مليوووووووووووون مرة ولاترجعين تقولين احبة لان واللة الكلمة هذي كبيرة في حقة وما يستاهلها فكري فكري وقولي ويش يصير لان اذا كان ينبسط لسوالف مع الشباب فكيف يكون مع الجنس الناعم اسفة بس واللة قربت اطق من زوجك هذا اللةالمستعان:mad::mad::mad::mad::mad:: mad::mad::mad::mad::mad::mad::mad:

[زهرة بوظبي]

السلام عليكم ورحمة الله وبركاتة اختي العزيزة ارجعو انتي وزجكي الى اللة ففي تقو ا الله تنجو من اي مكروة او احفظو اللة يحفظكم اختكي في للة;) زهرة بوظبي ٍٍ

[nrlove4ever]

خبري أهلج بسرعة و اطلبي الطلاق لأن اللي يستغل حرمته عشان يجيب فلوس الله أعلم عقب شو بيسوي

بعدين يسوي عمره بنية و حركات عيب إنه رجل يسويها

و اللي يسوي هالأشياء الصراحة و اسمحيلي على هالكلمة ما عنده لا شرف و لا كرامة

الله يصبرج و يعينج