شاي (كرك)

[فواكه]

السلام عليكم

لو سمحتوا حبيت اعرف طريقة عمل شاي حليب ( كرك) الي يسونه الهنود......... الي تعرف تكتب الطريقه بلييييييييز :)

[بنت دار زايد]

طباختنا الهندية اتسوي شاي رهييييييييييييييب

شخني الماي وحطي فيه سكر وعقب مايغلي الماي عدل حطي لبيتون وعقب مايستوي لونه احمر غامج ويكون ساااااااااااااااااااخن حطي حليب ريمبو وخلي على نار هادية 10 دقايق او 15 دقيقه وبس وعقب شربيه:D بالهنا والعافيه

[فواكه]

مشكوره اختي ما قصرتي :)

[عروس دبي]

في وحدة اعرفها شربت كرك هي مسوتنه وعيبني ..


بستغربين الطريقة


اول شيء تيبين ماي وشكر وحليب وتفورينهم وبعدين تحطين شاي


وتقصرين على الضو جربي وشوفي وممكن اذا تحبين نكهات تحطين هال

["هنوودة الحلووة"]

مرحبا

انا اسوي الشاي والكل يقول غاوي

صبي في الجدر ماي وشكر وهال وشاي بودر وبعد ما يفور الشاي اتاكدي من الطعم { الشكر والشاي } وبعدين اضيفي الحليب وخليه على نار هادئه ,,, ويمكن اضافة زنجبيل طازج حسب الرغبه ,,,وبالعافيه

اختك

مزيونة دبي:)

[عروس دبي]

عزيزتي مزيونة دبي طريقتج حلوة ياريت تعطيني المقادير بالضبط اللي


تسوينها سواء لدلة او كوب يعني الشكر والشاي والحليب ومشكورة

[دهن الورد]

مرحبا.................(c)

أخواتي شاي الكرك لذيذ وكلنا نحبه وفي اله اكثر من طريقة أنا بصراحه شفت طريقته على أصولها في بلاده الهند كانوا يتفننون فيه...... بس لا تكثرون وايد منه تراه يسبب الضغط وهذه معلومه صحيحه يعني في ناس يدمنون عليه....... ما اريد اخوفكم اشربوا منه بس مب وايد يعني مب كل يوم ولا يصير عاده يوميه عندكم.. والله يكفيكم شر الامراض,,,,,,,,,,,,,,,,,,,,,,,,,,,,,,,,,,,, ,,,,, :smile: وتسلمون(c)