المساعد الشخصي الرقمي

مشاهدة النسخة كاملة : محلات لفساتين وجلابيات الحوامل في الامارات (تم دمج الاستفسارات المتعلقة)


عائشة1234
06/08/2006, 10:21 AM
بنات الله يخلكم ساعدوني ظروري لأن ما بقى غير اسبوعين للعرس و أمي حامل وماتعرف من وين تشتري فستان للحوامل أو جلابية تكون كششششششششششششششخة نفس الممثلات الكويتيات و الله اللي بتساعدني بدعيلها من كل قلبي باللي تباه حرااااااام أنا مابي أردها مهما يكون هي أمي ................. الله يخلكم أنا مالي غيركم :sad: :cry:
بارووو
06/08/2006, 01:07 PM
ليش ما تأخذ من عند كبرى القصير

او فيه في الموقع بنات يأجرن فساتين
بنت بلادها
06/08/2006, 03:16 PM
انزين حبوبه إنتي من وين ؟؟!! علشان أقدر أساعدج :shy:

محل "عتيج الصوف" في بوظبي عنده جلاليب حلوة ومبتكرة

أنا اعديبه من سنة تقريباً .. وحصلت عنده أشياء وايد حلوة

عاد بصراحه ما ادري إذا بتلقين عندهم الحين جلاليب حلوة لأني من زمان ماسرتله ؟!!

أو تقدر الوالدة تاخذ قطعة شيفون مشيره أو ساده فيها شك خفيف او وسط .. وتفصلها عند أي مصمم أو خياط والفستان يكون بدون موديل وحركات يعني قصه عادية وواسعه مع درابيه او زم عند الصدر والاكمام ضيجة وطولها ثلاثة ارباع يعني لين الكوع .. يعني الفستان يعتمد على القطعة مب الموديل وأي خياط شاطر يقدر يخلصه في أقل من أسبوعين

موفقه إن شاء الله حبوبه :shy:
عائشة1234
06/08/2006, 06:25 PM
هيه بس المشكلة ماشي وقت العرس عقب اسبوعين و أنا ما عرف شو اسوي و الله حرام يعني أمي شو بتلبس ....................... بس ملاحظة أمي هب كبيرة في السن هي صغيرة الله يخللي ايها
عائشة1234
07/08/2006, 02:10 PM
حرام 42 وحدة دخلت و لا ساعدتني .................. انزين ع الأقل عطوني اسامي محلات فساتين الحوامل ...........
بنت كنافه
07/08/2006, 02:14 PM
اتمنى البنات يساعدوج
انا ما اعرف وين يبيعون فساتين حوامل
الي اعرفه انهم يفصلون
أم الشامة
07/08/2006, 02:31 PM
اممممم حبوبة سيري دبي وبتحصلين شكثر
في فساتين بسيطه وتناسب الحوامل
وان شاء الله تلاقون
فتاة الإمارات
07/08/2006, 02:50 PM
أختي لو تبين جلابيات شرات الكويتيات .. عندج محل في بوظبي اسمه الاسطورة للازياء الشرقيه..
في الميزان .. في بناية شارلز جوردان .. في شارع النصر (عدال السفارة البريطانية)

وموديلاتهم كلها من تصميم انسام الخلف..
وأعتقد هي المصممة اللي مسوية مال ممثلات ( عديل الروح ) ..

بس للأمانة أختي

ترا أنا ما سرت ولا مرة ولا تعاملت معاهم
هذا كله على حسب كلام البنات في منتدى ثاني:gum:
حصه السويدى
07/08/2006, 03:47 PM
جيكى عالخاص
عين الوعل
07/08/2006, 03:57 PM
اللة يوفقش!!!!!!!!!!1
نوووسهUAE
07/08/2006, 05:27 PM
فيهوحده في قسم ركن التسوق تبيع نفس هالجلابيات اسمها الاميرة سارة
M a r i a
07/08/2006, 05:30 PM
السلام عليكم

في محل في الامارات مول في دبي الطابق الثاني اسمه اظني البيت البحريني عندهم جلابيات حلوه وراقيه
بنوته85
07/08/2006, 05:33 PM
حبيبتي أنا أعرف وحدة تبيع جلابيات كويتية نفس اللي في المسلسلات الكويتية.. وأسعارها واااااااااااايد حلووووه وفخمه بعد .. صدق راقيات الجلابيات.. وصدقيني مابتطلعين من عندها الا وانتي راضية..
الحرمه اسمها أم فجر وهيه من الشارجه..

إذا تبين رقمها أو أي معلومة عنها أنا حاضرة..
الفــراشة
08/07/2007, 12:28 AM
السلام عليكم ورحمة الله وبركاتـــــــــــــــــــ ـة


شخبــاركم يا عــرايس ؟؟؟

ان شاء الله بخير



خلونا ندخل في المووضوع واللي هو امبين من عنوانه ^____^


ممكن ادلوني على المحلات اللي تبيع فساتين للحوامل؟؟

مو مشكله اذا كانت المحلات في دبي او الشارجه او اي مكان في البلاد



اترياااا ردودكم خواتـــــــــــــي
شمـس و قمـر
08/07/2007, 09:11 AM
http://img89.imageshack.us/img89/1056/sespodem119we1.gif
الغالية
الفــراشة

انا مو امارتية.. بس سألت صديقة من دبي وخبرتني
انه في المحلات العادية ممكن تلاقين قصات وموديلات ملائمة
مثل: نيو لوك اللي في امارات مول ومحل دبنهامز
H&M في امارات مول وسيتي سنتر وابن بطوطة

وان شاء الله تقومين بالسلامة


لك ورود مودتي واحترامي..
http://img89.imageshack.us/img89/2664/116jg7.gif

http://img89.imageshack.us/img89/1056/sespodem119we1.gif
الفــراشة
08/07/2007, 10:49 AM
الله يسلمج الغالية

وجزاج الله خير على المساعده ما قصرتي والله

..انتي مو من البلاد وساعدتيني ...انا اعتب على بنات البلاد اللي شافو وما ردو لي

ان شاء الله بسير بشوف هالاماكن
النظره الحزينه
08/07/2007, 01:29 PM
الغاليه بتحصلين لبس ينفع للحوامل في اليشمك بس الحين حر
بس انتي من اي اماره عسب نساعدج اكثر؟
ام شواخي
08/07/2007, 01:41 PM
افا يا فراشه لو سألتيني جان جاوبتج

المهم يالغاليه في وايد محلات مثل البوشيه في بوظبي وتحفة العروس في مركز مدينه زايد في بوظبي وفي مركز البستان في دبي عند غواني وفي الصحارى مول بعدفي محل ما احيد شو اسمه
هاللي اعرفهم وان شالله اتحصلين اللي خاطرج فيه
شوق ن
08/07/2007, 01:48 PM
دونا مودا بوظبي

بوتيك زهيرمراد دبي

و شي في الشارجه محل في الفردان يقولون حلو و عندج الميجا مول بعد

و العين مول وايد يمدحون الفساتيين هناك

هذيلا اللي اذكرهم حاليا
الفــراشة
08/07/2007, 04:19 PM
النظره الحزينه ..>>> انا من راك واقدر اوصل لين دبي اذا بشتري ما اعتقد اني اقدر اوصل بوظبي او العين ...وما ابي البس من اليشمك مثل ما قلتي حر وابا شي خفيف واليشمك شغلهم ثجيل ابا اتحرك وانا مرتاحه في العرس ^___^


أم شواخي ..>>> الغاليه ان شاءالله بسير البستان وباجي المحلات اللي في الشارجه ...اما بوظبي ما اقدر اوصلها ..زمشكوووره ما قصرتي


شوق...>>>>> ان شاء الله بمر المحلات اللي قلتيها لين احصل اللي اباه ...ومشكوووووووووووووووووره
سحر2005
12/12/2007, 06:50 PM
السلام عليكم
باختصار شديد حبايبي بنات دبي
ابي ملابس حمل حلوه بناااطيل جينز وبلايز ووووين القاهم بدبي
بليز قولولي اسم المول او المحلات انتظركم وكلي شووق حبايبي
oumadam
12/12/2007, 06:53 PM
كنت اتمنى اساعدك لكن انا من قطر انش شاء الله البنات يدلوك
سحر2005
12/12/2007, 07:04 PM
يسلمو عزيزتي على مرورك
ام سيافي
12/12/2007, 10:29 PM
اختي في محل في مركز بالم سترب(جميرا) للحوامل بس مااعرف شو اسمه.
سحر2005
12/12/2007, 10:31 PM
اختي في محل في مركز بالم سترب(جميرا) للحوامل بس مااعرف شو اسمه.

الف شكر حبيبتي عالمعلومه الله يجزاك كل خير ويوفقك يارب
ويحقق لك الي ببالك
هملووله بنت صوغان
13/12/2007, 12:52 AM
اختي محلات ماذر كير برجمان وبن بطوطه
الحب الحب
13/12/2007, 06:39 AM
هلا الغاليه انا اشتريت جينزات من محل H&M موجود هذا المحل في السيتي سنتر و إمارات مول و بتحصلين عندهم قمصان بعد و فيه محل اسمه نيو لوووك في السيتي سنتر

والله يسهل عليج يا رب
سحر2005
13/12/2007, 08:42 AM
هلا الغاليه انا اشتريت جينزات من محل H&M موجود هذا المحل في السيتي سنتر و إمارات مول و بتحصلين عندهم قمصان بعد و فيه محل اسمه نيو لوووك في السيتي سنتر

والله يسهل عليج يا رب

الله يسلمك حبيبتي الف شششششششكر عالرررررد يااذوووق
سحر2005
13/12/2007, 08:43 AM
اختي محلات ماذر كير برجمان وبن بطوطه

الله يسلمك حبيبتي الف شششششششكر عالرررررد يااذوووق
سحر2005
19/12/2007, 06:55 AM
يسلمو عزيزتي على مرورك
كرووم
19/12/2007, 01:46 PM
السلام عليكم

بنات أبا فستان للحوامل لان عندي عرس من الاهل شهر 1

ممكن تذكرلي اسماء محلات في الشارجة و الا دبي

و مشكورات:flower::flower:
عروس الدوحه
25/12/2007, 01:13 PM
كان ودي اساااعدج بس مااعرف

بالتوفيق اذا لقيتي قوليلنا عشان نستفيد
*ام ماريه*
04/01/2008, 11:37 AM
السلام عليكم ورحمة الله وبركاته

خوااااااتي بنات الامارات محتاجة فستان سهرة لحامل ضرورررررررررررررررررررري عدنا عرس بعد اسبوع وبعدني ما تجهزت
الحب لك
04/01/2008, 12:50 PM
أختي الغاليه... مبروكين

انصحج اتروحين مركز البستان في دبي او مركز الفردان في تالشارجه بصراحه عنهم تشكيله حلوة وفي موديلات تنفع للحوامل


بالتوفيق حبووبه
فيافي
04/01/2008, 06:37 PM
وعليكم السلام ورحمة الله وبركاته

اختي طرشتلج عالخاص ...
حنكولة
13/01/2008, 02:03 AM
الله يسهل عليج الولادة ان شاء الله ............... ملابس الحمل الاجينها في كل السناتر..............
بنت النوور
18/03/2008, 06:03 PM
حبابي وين احصل فساتين راقية وبسيطة للحامل في دبي ولاالشارجة


ممكن تردون لاني محتاجة ضروري ما شيء وقت
مووني2000
01/04/2008, 10:31 AM
معزومه على عرس والمشكله اني حامل وادور فستان سهره حلو وسعره مناسب ويكون اجار تقدرون تساعدوني :o
غرشوبه_2009
01/04/2008, 10:43 PM
والله لو أعرف قلتلج بس خبريني من وين خيتي فستان العرس لأني انا بعد ادور فستان حق عرسي ((الامارات))

أوكي باااي بس الله يخليج لاتنسين بلييييز.......... وانا ضروري لان عرسي جريب...


غرشوبة_2009... باااااااااااااااي وهلا والله مراااحب
عاليه21
04/04/2008, 06:47 PM
انا عندي فستان حمل فصلته ب 3000 درهم ....عند مصممه في الشارجه واسم المحل ليس ان لاف...الفستان وردي لونه فيه حركه من يدام والبروش مركب صوب الصدر وماخذتنه ب 700درهم من محل ازرار...الفستان حرير ناعم مافي شي..بس وايد روعه في اللبس لبسته مرة وحده شهر 1.....وممكن اتروحين للمصممه اتضيجينه اذا بتشترينه...خبريني بكم تبين تشترينه...واذا ايجار خبريني كم تبينه وبشوف اذا السعر عجبني...