غرفة نوم تفاحي

[بياض الثلج2008]

شلونكم بنات هاي اول مشاركة لي وياليت تفيدوني لون غرفة نومي تفاحي مايل للابيض و التسريحة فستقي شنو اللون المناسب للموكيت والستارة والمفرش ارجو ا المساعدة

[ام عمـار]

انا اقترح اللون يكون تفاحي سادة و فيه نقوش فستقي

او ابيض و تكون النقضة فستقي و تفاحي

و انتي بكيفك بعد

بس لو تحطين صور يكون اوضح

[بياض الثلج2008]

تسلمين اخت ابرار الجنة على اقتراحك بس احس بتصير الغرفة لون واحد مافيها حياه .كلك ذوق

[White Heart <3]

اختي حطي لنا صورة عشان نقدر نساعدج




انااحس تسوين لون الستاره اغمق بشوي من لون الجدار وعليه الوان فستقيه والوان ثانيه ويعدين ممكن تسوين وسايد ملونه على لون الستاره والالوان الي فيهم ............انا عن نفسي احب الالوان الى تكون فلاااااااااااااااااااش يعني مثلا الوردي الفوشي ........بس لو تحطين صوره بنعرف نساعدج اكثر ونضبط لج بالالوان اذا انتي محتاره



اتمنى اكون افدتج شوي

[بياض الثلج2008]

http://www.3roos.com/uploaded/197026/01195244925.jpgشكرا على ارائكم وهذه الصوره

[بياض الثلج2008]

وش دعوة حطيت صورة على الفاضي ولافيه ولارد وينكم ياصحب الذوق

[Hypercool]

السلام عليكم..:21_103:
اختي انا كنت ناوية استخدم هالالوان مع الاخضر الفاتح ...

http://www.3roos.com/uploaded/64403/11195376789.jpg

الابيض والاسود بيطلع الاخضر بشكل جميل ومودرن... انصحج بهالفكرة ترى رووعة...
ولاحظي ان اللون الرمادي داخل بعد في الدرجات الموجودة ...
وتقدرين تدخلين بعد اكسسوارات بسيطة باللون الفوشي (او البنفسجي اذا تحبينه )..
في الصورة حاطين ورد..

ان شاء الله اكون افدتج....

[طيوبة وحبوبة]

اللون الفوشي او البنفسجي او الاورنج الغامق

[White Heart <3]

انا رأيي من رأي الاخت Hypercool


الصورة الى نزلته Hypercool
http://www.3roos.com/uploaded/64403/11195376789.jpg


وافضل لون مناسق هو الفوشي وكثري من الاكسسوارات الفوشيه ومثل هالالوان يعني كأنج شوي شوي تخبين اللون الرمادي لان الى مبين من صورة التسريحه كأنه فستقي على رمادي شوي ........يعني حطي اشياء بسيطه رماديه مثلا فصلي لج وسايد او اشتري مفارش الى يحطونه على طرف الكرسي (يغطيه شوي ) وبعدين عاد العبي باللونين التفاحي والفوووشي .........اتمنى اكون ساعدتج

[بياض الثلج2008]

يعطيكم الف عافية على ارائكم ومساعدتكم ماقصرتوا

[M!SS Cavalli]

اناا اقول الفوشي الوردي او البنفسجي العنبي بيصير روعه
او تاخذين ستااره فيهااا الاخظر والفوشئ والاصفر الستايل البناااتي الله يهنيج

[بنوتة التوت]

مشكورة قلبي على الموضوع وأقترح أنك تحطي لون سكري يعني جدار سكري وحدار تفاحي
كذا يطلع حلو
تقبلي مروري ولكي مني أجمل التحية,,,

[عذبة الطباع]

موفقه ياقلبي

[hoba bodyyy]

انا رأى انك تعملى السجاد والستاير على لون روز هيبقى تحفه تحفه او ممكن عندك البنى او البنفسجى هيبقوا حلوين اوى

[^_^ عصفورة حبيبها ^_^]

هلا اختي اللون التفاحي لون جميع جدا وهادئ ويناسبه عدة الوان مثل اللون البيج او الاصفر او الاحمر اما بالنسبه للاثاث اللون البني الغامق المائل للسواد او البني الفاتح جدا بلون العسل
اتمنى اكون افدتج اختي العزيزة

[جولنارمودي]

ممكن اورنج حلو يطلع