اللي تعرف علاج الحاااارق او الحرقه تساعدني جزاكم الله ألف خير

[ريـــــانة العود]

بنااااااااات أنا في الشهر السابع وأعاني من من الحارق لدرجه اني ماقدر اكل شي كله من خوفي من الحارق
ودايما يجيني بالليل لدرجه اني اتوعى من نومي

اللي تعرف حل لهالمشكله بليييز تفيدني ؟؟؟؟؟

[alhalwa6_6]

انا كنت نفسج بحملي الاولي وخاصه بليل

بس كنت اشرب حليب طازج بارد على طول يخفف

واكل خيار وايد اوكي للحرقه عن تجربه

والحل الثالث كنت اخذ دواء من الصيدليه خاص للحارق وخاص للحوامل
وكنت اشرب منه مرات


بس اكثر شي كنت اخذ كوب حليب طازج وخلاص
لانه مفيد ويخفف على طول

وان شاء الله اكون افتدج

[الدمشقية]

فعلا اختي الحليب البارد كتييير كويس للحرقة
وكمان عندك مطحون قشر الرمان كويس بل راائع للحرقة بس خليكي على الحليب لانك حامل وربي يتمملك على خير

[ام الورود*]

الحليب ......الخيار .........الخس .........العنب ........دعواتج

[endless hope]

الحليب والخيار والتفاح

[nasiba]

هنا في لندن يوجد دواء هائل للحرقة إسمه gaviscon
و هو جيد للمرأة الحامل و أرجو يكون عندكم في صيدلية
الله يسهل ولادتك

[kuwaiti girl]

عليج بالاشياء البارده ..

مثل خيار - لبن مراعي مخلوط بالحليب مراعي ( عشان يصير خفيف )

والله يواجرج

[EmOoOo!]

ااااه ياربي الله يعيييينك انا تعذبت منها بحملي لدرجة اني كنت وانتي بكرامه ارجع و ماكان ينفع معي لا خيار ولا حليب ولا فاكهه بس نفع معاي دوا شراب اسمه اسيكون ممتاز جدا بس يوم دخلت التاسع ماصار يفيد وسلمت امري لله

[.cute women.]

حبيبتي امضغي بعض أوراق النعناع يقولون تخفف الحرقة

[ميس_الريم]

اهلين اختي
انا بنفس شهرك

وبرضوا اعاني منها وكلامك سليم اصحى بالليل بس تعرفين من ايش


لاتخلين نفسك جوعانه وقت طويل كلي وجبات كثيره باليوم 6 وجبات خفيفه

وابعدي عن الحوامض والحار والصلصات والبهارات والغازيات


وكثري من الفاكهه والخضر والزبادي والحليب البارد


لانها جابت معاي بنتيجه كويسه

[Blossoms]

انا ينفع معي الخيار والزبادي مفعولهم رهيييييب

[فوانيس]

اللبن
الزبادي
الخيار

[**ام يارا**]

الحليب البارد

[أم عذبة]

مرحبا ....

فعلا يا أختي الحليب الطازج البارد أحسن شي للحرقه ... وهذا غذاء للجسم

وأحسن من الأدويه ... لا تكثرين من الأدويه في فترة الحمل .. تراها مب زينه ..

أنا نفع معاي الحليب الصراحه .. حتى الدكتوره كانت تقول لي اشربي الحليب ..

وإن شاء الله تقومين بالسلامه يا رب ...

[ريـــــانة العود]

تسلمووووووووووووووووووون كلكم والله يجزااااااااااكم الف ألف خير

[**((عقد لولو))**]

الحليب واللبن البارد

[عرووووس البحرين]

الحليييييييييييييييييب وعن تجربه

والخياااار

[ريـــــانة العود]

تسلمين حبيبتي عالرد
جربت الحليب والخيار فادني والله بس مؤقت مايطول مفعوله

[سرايا الحب]

اختي انا نفس مشكلتج .. بس بجرب الحليب والخيار و غيره مثل ما قالو البنات وبرد عليج

[هدى ع]

مرحبا حبيبتي
أنا أعاني من نفس الموضوع
وكل إلي قالوه صحيح
وإذا حابة تجربين أدوية moxal
هو عبارة عن شراب
والثاني zentak عبارة عن أقراص

[*~JeWeL~*]

ابعدي عن الاشياء المقلية

وعليج بالخيار والجزر والتفاح الاخضر والحليب ولازم يكونون بااااااااااردين

[ღ رآقيهـ ღ‏]

حليب بارد وخيار مثل ما قالوا الاخوات

وقللي المقالي والدهون والحلويات بالمره

والبهارات بعد خففي منها والشطة

[mofida]

انا كنت استخدم السمسم روعة

[aka]

الحليب و الحمص (حب)

[يقين19]

انا بالشهر السابع ولاعت جبدي من الحرقة بس اذا حسيت بحرقه على طووووووووول الحليب وتروح
بس يقولون الحريم ان الحرقة دليل على وجود شعر بالجنين ..........

[فر111شة]

انا كنت مثلك اصحى من النوم من كثرة الحارق

ومانفع معي لا حليب ولا خيار ولا شي حتى الدكتوره اعطتني شراب

مدري وش اسمه


بعدها ارتحت مره لما اعطتني حبوب زنتاك قبل ما انام آخذ حبه

وابقى طول اليوم مرتاحه


حاولي تسألين الدكتوره عن الموضوع بتفيدك اكثر

[جيري الشقيه]

كل تجارب الاخوات جربتها بس كلها موقته وترجع الحرقه بسرعه
النعناع روعه من جد كلي قد ماتقدرين الكرنب والتفاح بدون قشر
الحليب يرفع معدل الحموضه بالمعده على شان كذه ترجع الحرقه بعد شربه بفتره بسيطه
الزنجبيل الاخضر ممتاز للحرقه ابشريه وحطيه بمويه لمدة 6ساعات ثم اشربي مويته كذا مره باليوم
الحبوب ايضا ممتازه بس للامانه ماجربتها وانا حامل جربتها في غير وقت الحمل

[عيون وليد]

الله يكون بعونك يارب ويتمم حملك

ذكرتيني بنفسي والله ماكان لاحليب ينفع ولا خيار ولا ادويه يعني كان العلاج مؤقت بس ترجع الحرقه مره ثانيه بس اكتشفت حل رهيب

تعرفين الحلاوه الجيلاتين الي تنباع بالكيلو في المراكز التجاريه اسمهااا جيلوووو جيبي لك منهااااا وربي انهااااا روعه مثل البلسم يطفي الحرقه بشكل رهيب

[السمره الكحيله]

مرحبا حبيبتي ..
هذا شي طبيعي جدا تعرفين ليش لأنه البي بي ما شا الله
شعره غليض والشعر هو الي يسوي حارق للحامل

انصحج بقلاص زبادي قبل النوم وقوليلي النتيجه