يا ناااااااااس فكرو امعاي ..راح أجن من تعدد الخيارات

[ant]

السلام عليكم ياحلوووووووين
اشكركم على مروروكم و قراءة موضوعي

راح أقول لكم قصة حياتي مختصرة وارجوكم نوروا بصيرتي و دلوني على الطريق

انا متزوجة وعندي اولاد و طبعا قاعدة بالبيت استقلت من عملي وواصلت دراستي العليا في الطفولة و أنا خريجة اقتصاد منزلي عام يعني غذاء وتغذيه و أمومة وطفولة و بعدها فضلت اني اقعد اربي عيالي واجابل زوجي , حالتنا الاجتماعية متوسطة , وزوجي ما يطلب مني العمل ومساعدته ..
المشكلة أني انا زهقت من القعدة بطاليه , مع العلم أني مألفه كتاب بالتغذية والحيمة و اشرفت على أكثر من 7 اشخاص قبل ان اطبع الكتاب حتى يطلع الكتاب بشل واقعي و سهل تجربته ..
وكنت حابة أني اعمل كأخصائية تغذية في احد النوادي الصحية اللي عندنا ببلادنا لكني استحي بصراحة ...
ثانيا .. انا دارسة دبلوم ارشاد اسري و ممارس بالبرمجة اللغوية العصبية و اكتب مقالات في الصحف القطرية في شؤون الاسرة لان الكثيرين يقولون لي ان عندي ملكة الاقناع وتبسيط الامور وتحليلها و ايجاد الحلول العملية والمقنعة .. و كنت اتمنى اني اكون استشارية في شؤون الاسرة والطفل , ولكن هذا معناته اني التزم بدوام حكومي .
ثالثا ..أصبحت مندوبة لمؤسسة الفرحة للاعلام الاسري لطرح دبلوماتها المتخصصة بالاسرة والانماء لااجتماعي و توني باديه فيها يدوبك من شهر ولين الحين ماشفت نتايجها ..وصدقوني انا ما خذتها من بااب الاجر اكثر من باب التجارة لان الدال على الخير كفاعلة ..
رابعا ..نفسي القي محاضرات لمعلمات رياض الاطفال و الامهات في كيفية التعامل مع طفل الروضة و اعمل دورات تدريبية في فن التدريس برياض الاطفال وخاصة بأني متخرجة بتقدير امتياز ..لاني كنت مستمتعه وانا ادرس هذه المواد و ودي اسوي شيء لتغير طرق تعليم الطفل و خاصة لمعلمات الروضة اللي الله يهديهم يدرسون عيالنا على البركة ..و طبعا لا استطيع اني افتح مركز تدريب او روضة عشان ابلش فيه ..

لهذا انا محتاره ماذا اختار و مالذي يناسبني و يناسب شخصيتي ومؤهلاتي العلمية ؟؟؟

ارجو كم بعد ما قريتواااااااااااااا موضوعي لا تهملون الرد علي ....
وعطوني وجـــــــــــــــة ..

[ant]

ملاحظة نسيت اقول اني احب اصمم العبي ..وعندي ملف بتصميماتي و سويت كم وحدة من عباياتي لكن تدورون عمليات الاستنساخ في هاي الزمن صارت سهلة ومن بعدها ماصرت اثق بخياطين العبي وفضلت حتى اني اشتري جاهز .....

[ant]

افااااااااااااااااااااااا ااااااااااااااا محد مر علي

[صمت الجرووووح]

حبيبتي الله يوفقج ان شالله والله حتى انا قعدت في البيت عشان زوجي واعيالي بس اكيد ماجؤرين عندالله ان شالله
يالغاليه اتمنى انك تستفيدي من الي بقوله تقدري تعاملين مع المدارس المستقله وتعرفين اشكثرهم احين وفيها تمهيدي تلقين محاضرات ودورات طرشي للمدارس نموذج سيرتج ووشو الي تبينه وانواع الدورات حتى الروض لاتنسينهم وكذلك موضوع انج مصممه تعرفين ان المدارس كل وحده عندها حفله ويوم ترفيهي تقدرين تعرضين تصميمج في اليوم هذا والتفصيل على الطلب صدقيني بتصيرين زحمه واعتقد تعرفين حد في المدارس هذي والله يوفقج ان شالله:flower:

[على كيفه]

الله يوفقج

[ant]

صمت الجرووووح أشكرج على مروروك و اقتراحج ...والله يوفقنا كلنا

[مجرد سرااب]

اتمنى لج كل التوفيق ان شاء الله فديتج

والله يقدم لج اللي فيه الخير وفعلا اقتراح اخت صمت ممتاز جدا ويناسبج .. واتمنى اي راي من البنات يقولونه و لا يبخلون به لج فديتج :)

ما حبيت ادش بدون لا ارد وانا اشجعج وربي يوفقج

[ant]

تسلمين ياسراااااااااااااب .. و انا انتظر ردود الاخريااااااااااااااات ..بليززززززززززز لا تلبسوني

[تاج77]

انا مع صمت الجروح بالراي والله يوفقك

[ant]

تسلمين يا تاج و يوفق الجميبع ..بس ممكن حد يشور علي بعد ..مو معقولة اشتغل بياعة حجي ..يعني القي محاضرات ..يمكن الناس ما تبي تسمع ..ابغي شيء يدخل لي ربح و أنا واثقة انه راح يفيد الناس و استمتع فيه ..

[ant]

اشرايكم أكون مرشدة غذائية تراني نزلت من وزني 20 كيلو جرام في ثمان شهور وكانوا القروب اللي معاي فعلا متحمسين وانا اقدم لهم النصيحة والحافز على لااستمرار على الحمية ..لا وبعد كان هناك دكتور يشرف على كل خطواتنا ..بس المشكلة المكان وين اقابل الناس ..اغلب اللي كنت اشرف عليهم هم هلي وربعي ..
بليززززززززززززز قولولي اذا هذا ممكن يصير ولا اكنسل الفكرة

[أحلام صغيرة]

انا احس افضل شي لج الشغل الحكومي خاصه في المراكز اللي تهتم بالأسره
لان بالشهاده اللي عندج مايصلح شغل من البيت

تقدرين تصممين عبي وتتعاملين مع خياط معين ينفذ لج الموديلات

[ant]

تسلمين اختي احلام صغيرة على رايج .. و اقتراحاتج بس العمل الحكومي انا شاردة منه مع انه معاشاته اتهبل ,,وتفكني من العبالة والتفكير ..بس يا معين

[موتي ولاحزن زوجي]

مشاء الله عليج مؤهلاتج عاليه الف جهه تتمنى انضمامج لها طيب انتي ليش كارهه العمل الحكومي تخصصك مطلوب وانتي داعمته باكثر من شهاده اشتغلي بالحكومه لحد ماتأمنين المال المطلوب وبعدين فكري بمشروع حاسه انه عندج طاقات دفينه تقدرين اطلعينها شوفي دام عندج طموح وهمه ومدعوم بالمؤهلات تقدرين توصلين لاعلى المراتب

[ant]

موتي ولا حزن زوجي

تسلمين الغالية على مروروك .و كلامج الطيب ,,الشغل الحكومي التزام , و مش مرن كفاية , و ما ابي اشتغل في مكان ما يناسبني لاني جربت خمس سنوات كنت موظفة بشيء لا هو تخصصي ولا يمت لشخصيتي بصله ..لين ما امنت و شريت لابيت وقلت لهم بعدين باي باي .. ابغي وظيفة مرنة وفي نفس الوقت ممتعة وتناسب تخصصي و شخصيتي ..بس بالحكومة ما اظن القى , يحللون معاشاتهم صح لا وبعد مو عاجبهم الشغلوكله على حساب عقلي وقلبي وعيالي وبيتي .. والله المستعان

[ديمة000]

الله ييسر لك كل خير

[ant]

وياكي يا ديمة

[fire lily]

اختي استخيري وبالتوفيق ان شاء الله

[zanoubia]

الله يوفقك ... شوفي اللي تبدعين فيه اكثر و....استخيلري وتوكلي على الله

[ant]

اشكركم خواتي على مروركم و نصيحتكم بالاستخارة ان شاء الله اليوم بنام على استخارة والله يعين

[noor2]

السلام عليكم

اختي ممكن ترسلين لي ايميلج على الخاص؟

[ant]

هلا اختي نوووووور شيكي على الخاص ..