مشاهدة النسخة كاملة : هل الدورات و العمل التطوعي ينفع؟؟
السلام عليكم بننات
في موضوع ابي اطرحه عليكم و كل وحده تقول بتجربتها
هل الدورات بختلف انواعها ...كمبيوتر ...تعامل مع العملاء ...التفكير الابداعي .. اللغه ......الخ
و العمل التطوعي ...
هل هذي الاشياء اذا وجده في السيره الذاتيه تاثر بايجابيه ...و لا وجودها مثل عدمها ما تفرق
بانتظار ارائكم و تجاركم
مرموم
28/10/2007, 01:00 AM
هلا بك أختي
لا طبعا تفرق كتير...و في المقابلة بيسألوكي عليها
حتى لما تقدمي سيرة ذاتية على النت تلاقي في مكان للدورات...يعني شو أخدتي...
لأنه هذا معناه إنك تثقفي نفسك طول الوقت...مش بس قاعدة...
الله يوفقك إن شاء الله :)
-%-سحابة حب-%-
28/10/2007, 09:54 AM
تفررررررق
اصلاً الحين كله يسألون عن الدورات
الدورات ما بتفرق كثير لكن اهم شي الخبرة ...والعمل التطوعي يعتبر خبرة لك
شكرا لكم خواتي على المرور
اذا هذي الاشياء تنفع ...و انا عن نفسي اامن فيها انها مهمه للسيره الذاتيه ...و خاصه العمل التطوعي ...لان يعتبر كانج اشتغلتي في مكان و اكتسبتي خبره ...و خانه الخبره جدا مهمه في كل سيره ذاتيه و في كل اعلان عن وظيفه
لكن ليش واااايد منا او الاغلبيه ما يجربه و ما يحب يجره ؟؟؟ ليش يرفضون العمل التطوعي ؟؟..ليش يرفضون العمل في مكان ذو راتب ضغيف و لو لمده زمنيه بسيطه فقت لاكتساب الخبره ؟؟ ليش ديما نبي نوصل للاعلى السلم من غير ما نصعد درجه درجه؟؟
اتمنى يكون في تفاعل للموضوع ...و نشوف اراء المختلفه
3sooolah
28/10/2007, 10:31 PM
سام عليكم
اكييييييييييييييد الدورات لها فاعليه كبيره جدا
و العمل التطوعي عد لها دور واااااااااااااااااااااااي د كبير
اساليني انا
يلست ف البيت 3 سنوات اخويه كان معارض الوظيفه مع اني تخرجت من كلية التقنيه بامتياز
و تميت يالسه ف البيت ثقفت نفسي ماخليت دوره مادخلتها ماخليت مكان ما رحت لهم و رزيت ويهي و قلت ماتبون متطوعات مابي فلوس بس خلوني اساعدكم انا اعرف واعرف واعرف
والله ان العمل التطوعي واااااااااااااااااااااااا ااايد ساعدني كشهاده و كخبره و لعب دو كبير ف اكتساب المعارف
دوري اقرب مكان على بيتكم و روحيلهم و رزي ويهج لاتستحين الناس تدور الشغل المجاني يبون حد يساعدهم
قوليلهم مابي غير شهاده
و الله كا مكان كنت اتمنى اشتغل عندهم و عاره ان مستحيل فكنت اسير اتطوع عندهم و ارضي قلبي المسكين
و والله العظيم اني كذا مكان لما تطوعت عجبهم شغلي و عرضوا عليه وظايف
بنات دوروا حوالينكم وين ممكن تتطوعين
مدرسه
عياده
وزاره
جمعيه
اي مكان اي شي
والله لاتغلطون هالغلطه اكم تيلسون ف البيت وتقولون ماشي وظيفه دوروا على اي مكان تتطوعون فيه لانه هالشي بيساعدكم واااااااااااااااااااايد
اصلا ف المقابله لما تقولون عمل تطوعي بيهتمون وااايد لانهم بيعرفون انج من داخلج انسانه عمليه و تساعدين الغير ومو مصلحجيه
بالتوفيق خواتي
احلام النهار
29/10/2007, 01:24 AM
اكيد تفرق لانها مثل الخبره
شكرا لكم خواتي على المرور
لكن ليش واااايد منا او الاغلبيه ما يجربه و ما يحب يجره ؟؟؟ ليش يرفضون العمل التطوعي ؟؟..ليش يرفضون العمل في مكان ذو راتب ضغيف و لو لمده زمنيه بسيطه فقت لاكتساب الخبره ؟؟ ليش ديما نبي نوصل للاعلى السلم من غير ما نصعد درجه درجه؟؟
انا عن نفسي اتمنى اني اشتغل عمل تطوعي لكن كيف هنا السؤال.....وحتى الجمعيات الخيرية الي عندنا يكون العمل بالمجان يعني حتى مبلغ رمزي ما في انا ما عندي مانع اني اشتغل تطوعي لكن بشرط توفر المواصلات لاني ما عندي الي يوديني واعتقد الاغلبية عندهم نفس المشكلة
وبالنسبة للعمل في مكان ذو راتب ضعيف انا اشتغلت بمكان تخيلي ورضيت براتب ما تاخذه الفراشة او المستخدمة لكن رضيت فيه في كله في سبيل الخبرة
سام عليكم
اكييييييييييييييد الدورات لها فاعليه كبيره جدا
و العمل التطوعي عد لها دور واااااااااااااااااااااااي د كبير
اساليني انا
يلست ف البيت 3 سنوات اخويه كان معارض الوظيفه مع اني تخرجت من كلية التقنيه بامتياز
و تميت يالسه ف البيت ثقفت نفسي ماخليت دوره مادخلتها ماخليت مكان ما رحت لهم و رزيت ويهي و قلت ماتبون متطوعات مابي فلوس بس خلوني اساعدكم انا اعرف واعرف واعرف
والله ان العمل التطوعي واااااااااااااااااااااااا ااايد ساعدني كشهاده و كخبره و لعب دو كبير ف اكتساب المعارف
دوري اقرب مكان على بيتكم و روحيلهم و رزي ويهج لاتستحين الناس تدور الشغل المجاني يبون حد يساعدهم
قوليلهم مابي غير شهاده
و الله كا مكان كنت اتمنى اشتغل عندهم و عاره ان مستحيل فكنت اسير اتطوع عندهم و ارضي قلبي المسكين
و والله العظيم اني كذا مكان لما تطوعت عجبهم شغلي و عرضوا عليه وظايف
بنات دوروا حوالينكم وين ممكن تتطوعين
مدرسه
عياده
وزاره
جمعيه
اي مكان اي شي
والله لاتغلطون هالغلطه اكم تيلسون ف البيت وتقولون ماشي وظيفه دوروا على اي مكان تتطوعون فيه لانه هالشي بيساعدكم واااااااااااااااااااايد
اصلا ف المقابله لما تقولون عمل تطوعي بيهتمون وااايد لانهم بيعرفون انج من داخلج انسانه عمليه و تساعدين الغير ومو مصلحجيه
بالتوفيق خواتي
كلامج اختي صح 100% ..و ياريت فعلا كل الخوات الي يقولن مب لاقين وظيفه يسون جذي و يجربون ..و فعلا التجربه خير برهان
و شكرا اختي على المرور و المشاركه بالموضوع ..
اكيد تفرق لانها مثل الخبره
صح حتى لو حسسوج في المكان الي تقدمين عليه انه مب مهم ...لكن تفرق يعني لو يرجعون للسره الذاتيه لكل المتقديم على الوظيف ...و يشوف الخبرات الي له اعمال تطوعيه في مختلف الاماكن تكون فرصته احسن من الي تخرج و مرت عليع السنين و هو يالس و ايده على خده
و شكرا اختي على المرور و المشاركه بالموضوع
انا عن نفسي اتمنى اني اشتغل عمل تطوعي لكن كيف هنا السؤال.....وحتى الجمعيات الخيرية الي عندنا يكون العمل بالمجان يعني حتى مبلغ رمزي ما في انا ما عندي مانع اني اشتغل تطوعي لكن بشرط توفر المواصلات لاني ما عندي الي يوديني واعتقد الاغلبية عندهم نفس المشكلة
وبالنسبة للعمل في مكان ذو راتب ضعيف انا اشتغلت بمكان تخيلي ورضيت براتب ما تاخذه الفراشة او المستخدمة لكن رضيت فيه في كله في سبيل الخبرة
مافي شي مستحيل ...و اذا المشكله المواصلات ...خلاص دوري اي احد من قرايبج موظف في مكان بحيث انج تروحين و ترجعين وياه ..او مكان يكون قريييب جدا من مكان عمله ...و روحي تطوعي في نفس مكان عمله و لو لمده شهر و لا شهرين المهم تتعلمين شي جديد و خبره ... و في نفس الوقت تكون توفرت لج المواصلات..
و ربي ييسر لج ان شاء الله
و شكرا على المرور ..
بصراحه ما توقت ان الموضوع بيكون عليه اقبال يوم طرحته ..
و الحين بقول لكم تجربتي
انا توظفت في مكان براتب جدا جدا ضعييييييييف حتى اقل من كل الموظفين في هذا المكان ...و ما اهتميت و حاولت بس اني اتعلم اي شي ...و كل كنت اصبر نفسي ان زايد شي على السيره الذاتيه ...و كل ما اتعلم شي يديد افرح اروح البيت و اكتبه من مهام وظيفتي في السيره الذاتيه و كل ما كانت تزيد المهامات كانت افرح ...و بعدين طلعت منها بس تميت فيها شهر ..لكنها كانت بدايه جيدا
و لقيت عقبها وظيفه احسن منها و براتب احسن منه بشوي بس و لكن الدوام طويييييييييييييييييييييل صبح لين العصر ...و واااااااااااايد عجبتني الوظيفه هذي ...و ظلين فيها 6 شهور ... و تعلمت فيها واااااااااااااايد اشياء و فعلا استفد منها بشكل ما تتصورنه ...و لكني تركتها لسبب اني حاليا برع البلاد ....لكني قررت اني اول يوم اوصل البلاد ارجع لهم و اتطوع عندهم ...لان المتطوع مب لازم يداوم صبح و عصر ..و هذا يناسبني اكثر
لازم الواحد ما يهتم لكلام الناس و لا يحلم بالوظيفه عاليه من البدايه ...بصراحه وصلت لي وايد تعليقات من ناس ليش اشتغل في هذي الاماكن و كيف ارضى براتب مثل هذا ..في قالوا عني اني شغاله و الي قال عني خدامه ...و لكن مب مهم .. هم يالسن بالبيت من يوم تخرجوا و ايدهم على خدهم .... و انا عندي ايمان قوي ان شاء الله اني راح احصل الوظيفه المناسبه و المحترمه و الي احلم بيها قبل الي قالوا عني هذا الكلام ...و بذكرهم ان شاء الله بس خلوني احصل وظيفه
و حبيت اضيف نقطه ان في وايد يقولون نحن خلاص متوكلين على الله متى ما بتي الوظيفه يت ....لكن هم ناسين ان من شروط التوكل على الله ...الاخذ بالاسباب ...يعين مب نيلس و ايدنا على خدنا لالالا لاااااازم نسعى علشان ربنا يوفقنا صح ...و مثل ما يقولون ....اسعى يا عبد و انا اسعى معاك
ياله يا خواتي نبي تجاربكم و ارائكم علشان نشجع باقي البنات على العمل التطوعي ... و علشان كلنا ترقى بخبراتنا و نلاقين الوظيفه الي نحلم بيها ان شاء الله