مشاهدة النسخة كاملة : محتاجة اي معلومة عن مدينة "ميونخ"
Bluestar_1980
05/10/2007, 02:44 PM
السلام عليكم ورحمة الله وبركاته ....
هلا خواتي شخباركم؟؟؟
عساكم بخير وبصحة وسلامة ,,, ومبروك عليكم هالايام المباركة ... عسى الله يغفر لنا ولكم ... ويدخلنا في واسع رحمته...
خواتي بتعبكم وياي مرة ثانية.... اولا اشكر كل خواتي اللي ساعدوني بمعلومات عن مدينة هامبورج.. ان شاء الله تكون في ميزان حسناتهم...
بس خواتي المستشفى تغير لمستشفى ثاني في ميونخ....
فخاطري اعرف بعض المعلموات عنها مثل وين يتركز المحلات والمطاعم العربية في هالمدينة .... وأي معلومة ثانية أكيد بتفيد....
وجزاكم الله الف خير مرة ثانية.... والله لا يحرمني منكم.....
ღ الينبوعه ღ
08/10/2007, 07:54 PM
حبيبتي انطنيني فرصة اسال لان انا مدينتي تبعد عن ميونخ تقريبا اكثر من 5 ساعات وما اعرفها ولا مرة رحت لها بس اعرف من عايش بيها ويقربلي وان شاء الله اسال وارد الج خبر حبيبتي
Bluestar_1980
08/10/2007, 10:13 PM
مشكورة حياتي الينبوعة والله انج اصيلة ... وهذا الشي مب غريب عليكم يالعراقيين
Prof_Nona
08/10/2007, 11:29 PM
ميونخ من اجمل المدن تحفه بس للاسف روحت هناك من فتره فمش فككره اوى بس هيه غاليه جدا اغلى من بقيت الحتت الهناك فحولى متشتيش منها احسن و ربنا يوفقك
ღ الينبوعه ღ
09/10/2007, 07:45 PM
تسلمين حبيبتي عرفت معلومات صغيرة واكيد عندي اكثر
مينوخ تختلف عن باقي المدن اول شي لانها غالية حيل عن باقي مناطق المانيا يعني الفرق مو شوية بس لاتخافين من اي نايحة لانها بيها كثير عرب من ناحية المطاعم وكل شي وان شاء الله راح اسالك عن الاماكن انتي بيا منطقة بالضبط راح تنزلين
Bluestar_1980
09/10/2007, 11:40 PM
هلا خواتي ... مشكورات على الردود...
اختي الينبوعة والله مب متأكدة وين بالضبط.... لأني مب متأكدة من اسم المستشفى ...
بس أكيد بنحاول نلاقي منطقة فيها مطاعم عربية
Bluestar_1980
09/10/2007, 11:41 PM
بغيت أسأل كيف الجو بيكون الحين .... لأن بعد العيد بإسبوع بنروح... انا شفت في بعض المواقع ان درجة الحرارة الحين تقريبا 16- 19 كيف بيكون الجو على شهر 11
ღ الينبوعه ღ
11/10/2007, 07:52 PM
والله حبيبتي الجو هوايه بارد وطبعا مينوخ تكون دائما ابر المناطق برد اكثر من المناطق الي انا بيها
نبع الحلا
17/10/2007, 03:35 AM
السلام عليكم ورحمة الله وبركاته
حبيت اسالكم خواتي بنات المانيا
عن اكبر مستشفى يعالج امراض القلب باي مدينه يوجد ووش اقرب فندق للسكن جنب المستشفى وعن الاماكن والاسواق والمطاعم العربيه والاماكن السياحيه
اتمنى منكم ماتبخلون بالرد لاني محتاجه هالمعلومات ضروري
ويعطيكم العافيه
ظبى داري
25/11/2007, 01:54 PM
مراحب خواتي.. بغيت اسأل اختي الينبوعه بما انج فالمانيا شو رايج فيها وفسوقها وفالجو امممممم شو بعد مطاعمها وناسها بشكل عام بدون تحديد المنطقه ابغي اعرف عنها اكثر...واذا عادي الوحده تلبس حجاب وعباه؟؟؟ في مضايقات ولا عادي...؟؟