مشاهدة النسخة كاملة : الحريم المتزوجات نبي خبرررررررررتكم ،،،،،
بسم الله الرحمن الرحيم
اخزاتي العزيزات ،،، عضوات المنتدى
ابي طلب صغنون منكم وادري انكم ماراح تقصرون
اختي بعد عشره ايام بتكمل 4 سنوات زواج وطبعا بتسوي حفله صغنونه
اللي تبيه منكم ..
وش ممكن تقدم هديه حق زوجها لأنها محتاره وايد
هي ماتبي تقدمله ساعه لأنها سوتها قبل كذا وما تبي تجيب جهاز جوال
لأن أخينا في الله توه شاري جهاز جديد فياترى وش ممكن تعطيه هديه ؟؟
ادري طولتها وهي قصيره :D:D
تحياتي ..
Cafe latte
10/04/2003, 12:53 AM
:) تم نقلة لركن افكار وتجارب
وش دعوا عاد 48 وحدة اللي قرو الموضوع مافيكم وحدة
عطتني فكرة ....
صراحة ماهقيتها منكم ...تفشلوني مع اختي ....
تحياتي لكم .....
نور الهدى
11/04/2003, 12:35 PM
السلام عليكم
شو رأيك تشترى ساعة
في ساعات راقيه تجى معاها قلم
في علبه حلوه
**العروسة ترف**
11/04/2003, 12:53 PM
اشتريله عطر رجالي حلو..او مجموعة عطور عربية حلوة وكشخة...;)
همس الليالي
11/04/2003, 01:20 PM
سلااااااااااام
ايش رايك تشترين له خاتم فضه وبه حجر كريم مع محفضة نقود كشخه
;) ;)
هموووووو:o سه
angel_eyes
11/04/2003, 02:10 PM
فكرة الخاتم حلوه
اهم شي تكووون غريبه وممكن يظل يتذكرها
العطر شوي وينتهي
دلوووووووووعه
12/04/2003, 12:53 AM
انا راي تشتري له شيء هو محتاجه وماعنده وتغلف الهديه وتحط عليه صورت زواجهم
العسل
12/04/2003, 01:42 AM
اي شي يكون يحبه او يحتاجه
عن جد شاكرة لكم خواتي تجاوبكم معي ...
وان شاء الله نردها لكم في المناسبات ...
تحياتي لكم ...
عروس قديمه
12/04/2003, 07:43 PM
انا من رايي تشترين له شي هو يحبه وانتي ادرى بزوجج وشو يحب..
ولو كانت حركات رومانسيه وحفله تكون احلى من الهديه;)
funtastic
12/04/2003, 07:53 PM
شوفي يا أختي تروح اختج سنتر كشخة
وتشتري نظارة شمسية لزوجها وغترة من السبيشل
وكم عطر رجالي أو حتى نسائي رووووعة أو دهن عود
معتق وإن بغت ازيد ازيد وتحطه في صندوق خشبي
وتكتب بطاقة رومانسية وسلامتك وعقبال الألف عام :o
الماضي الجميل
12/04/2003, 07:58 PM
عندي فكره ماادري إذا بتعجبك
تشتري له طقم كبك وميدالية مفاتيح من قزاز بما انك من ارض الحرمين
تعرفين قزاز عنده ماركات رجاليه خرافيه
والله يسعدهم ويمن عليهم بالراحه والاستقرار للأبد
هايدي
12/04/2003, 07:59 PM
شوفي ياحبيبتي ندو .........ايش رأيك في هذه الفكرة
اشتريلوا بيجامة حلوة ومعه طقم قلم وكبك ومدالية أو عطر وتحطيه في علبة علي شكل قلب وتحطي فوقها وردة وتربطي القلب بشريطة حمرا
وبصراحة أنا سويتها ....... وكانت مرة خطيرة ;) :o :D
ام صلوح
13/04/2003, 10:43 AM
أختي ندو :D
أنا عضوه جديده و حبيت أني أفيد أختج لأن ذكرى ميلاد زوجي آخر هالشهر
و باديه في تجهيز الهديه له.
يعني زوجي لأن عنده مكتب جديد نويت أشتري له البرواز اللي ينحط على
المكتب و عليه أسمه، مع ميدالية مفاتيح لأنه حاليا محتاجها.و برواز فيه آيه
قرآنيه. مع بطاقه و خاطره مطبوعه بس من تأليفي. :o
ممكن أختج تقتبس شي من هالأفكار . بس صدقيني البساطه و أن الهديه
تعبر عن أختج واااااااايد حلوه خصوصا لما يحس أنها عارفه الشي اللي
ناقصه و تهديه بتكون أحلى هديه ;)
و تمناتي لختج بالسعاده
مع تحياتي أختج ام صلوح الملوح
nrlove4ever
17/04/2003, 07:41 AM
مجموعة عطور عربية و دخوون ممكن تكون فكرة حلوة
تحياتي
ازهار المدينه
22/02/2004, 06:34 AM
:o
لآلىء من دموع
22/02/2004, 07:46 AM
انا فكرتي انها تشتري له قلم ماركة وتسوي له حفلة رومانسية خاصة
فيهم:o
او تشوف شنو هو محتاج وتقدمه له ومعاها بطاقة معطرة بعطرها الي هو
يحبه وعليها بوسه من احمر شفاها(wink)
شمسة المهيري
24/05/2005, 11:13 AM
أكار حلوة بالتوفيق
-%-سحابة حب-%-
27/05/2005, 02:26 PM
ممكن مجموعة بجامات (شورت .. بنطولون طويل .. كم قصير او طويل .. الخ)
تشكل له يعني مجموعه او ممكن تيشيرتات مع عطوور وتحطها بعلبه +بطاقه فيها كلمه حلوه
ان شاء الله تعجبج الفكره :)
زبرجد
27/05/2005, 11:13 PM
ممكن تهديه دبلة جديدة
او ماكينة حلاقة اذا كان من النوع اللي يحلق في البيت على طول
او تشتري له شيء صغير يتعلق في السيارة يعني تحفة صغيرة او آية قرآنية
خليني افكر شوي
........
........
.......
..........
........
او عطر رجالي تكون ريحته هادئة
او اي شئ
لأن الرجال هداياهم محدووووودة بالحيل
الوحدة ماتعرف ايش تجيب لزوجها
عروسة فرش
29/05/2005, 11:49 AM
شوفي اختي احلى شي في الهدية حاجة الشخص لها ، يعنى اختك تفكر اول شنو زوجها محتاج و اذا ما لقت شي بعدين تفكر في شي حلو و رومنسي ، و فكرة الخاتم وايد حلوة ، مرة شريت لزوجي خاتم فضة عليه نقش خفيف فيه حجر لونه اسود ما اعرف شنو اسمه ، استانس عليه واااايد <<<< يحب الخواتم
ممكن اذا زوجها في شغله يحتاج للقلم كثير تقدر تشتري له قلم ماركة و شكله حلو بس لا تقدمه ، تخبيه بين اغراضه و تخليه اهو يشوفه بروحه <<<مجربة
حب البحرين
29/05/2005, 12:01 PM
مرحبا اختي الكريمة
ان شاااااااء الله العمر كله لأختك وزوجها
الله لايحرمهم من بعض جعل الله ايامهم كلها هنا وسعادة آمين يارب العالمين
ممكن تسايسه مثلا تقول صديقتي الفلانية تريد شراء هديه لزوجها بغيت اعرف رايك بصفتك أنت كرجل شو الشيء الي ممكن تقدمه لزوجها ... شو الأشياء الى يحبها الرجال ...
وتحياتي
موفقين ان شاء الله
SHREEFA
29/05/2005, 12:06 PM
تقدر تشتريله بووك قلم ماركة عالميه كرسيتيان ديور كارتير ديبون
مرحبا أختي
نـــــــــــــــــدو
ما شاالله عليج.. حلو اهتمامج باختج
الله يخليكم لبعض
المهم
أنا عضوة يديدة ..بس حبيت أضيف على لمسات خواتي >> ما شاالله أفكار روعة!
أنا بقول لج عن اللي سويته له بالعيد ..
و كان ودي أقول لج عن اللي بسوي له إياه يوم زواجنا
بس خايفة يفتح الموقع و يحرق المفاجأة!! >>
بالعيد
فصلت له كم دشداشة ألوان يعني بني , رماي..
و شريت له غترة لكل دشداشة..
و كم بدلة رياضة>> يموت فيهم
و فصلت له جلابيات للبيت
و خذت صندوق راقي به كوبين للقهوة بنفس نقشة الصندوق >> كان وده يشتري واحد عادي للمكتب بس ما كنت أخليه
خذت من الصندوق كوب واحد و حطيت مكانه شوكولاته
و خذت له بعد نعال مندوس
و علبة عطر dunhill
و قرآن صغير غيرت تغليفته بنفسي بالدانتيلات و الخرزات بشكل حلو
و حطيت القرآن بصندوق كريستال
و حطيت عليه ورد مجفف و بطاقة صغيرة كتبت فيها " لم أجد خيرا من كتاب الله ليحفظك"
و صنعت له بطاقة من نفس تغليفة القرآن.. و كتبت فيها عبارة العيد
وحطيت كل الأغراض بصندوق حجمه يناسب و رشيت الأغراض بعطر يحبه ما عدا أحلا دشداشة و غترة .. و النعال
و حطيت الصندوق بكبت ملابسه من تحت و علقت الدشداشة و الغترة ( بعد ما عطرتها و دخنتها)عند دشداشة العيد اللي فصلها هو.
و حطيت النعال عند الباب و بداخله وردة
و نش بو الشباب الصبح و عيونه متورمة و تفاجأ بلون دشداشة غريب بكبته و فرك عيونه يتأكد.. و يسألني عن اللون>> المسكين مو عارف شالسالفة.. عاد أنا طنشت و قلت له ما أدري ......
(ما راح أطول عليج )
و بعد شوي يطلع ويشوف الحلويات و الورود بالصالة و يندهش أكثر .. و شوي يطلع يبي يلبس نعاله و يشوف النعال تغير !!!
و عيبته الحركة واايد و استانس عليها..
و كان أحلى عيد
<><><><><><><><><><><><>
عالعموم تقدر أختج تشتري له ساعة إذا يحب يلبس >> ريلي ما يحب!! بس بشتري له و بعلمه يلبس!!
خليها تحاول أشياء يشوفونها ربعه و يسألونه عنها >> لأنه بيحس بمعنى الهدية لما يسألونه ربعه > تذكري الرجل طفل كبير!!)
و مثل ما قالوا خواتي قبلي .. شي هو يحبه و يحتاجه ..و لو شي بسيط
أشيا تنفع هدايا مثل:
محفظة
ساعة يد
عطر
موبايل
نعال
ميدالية وقلم
.......
و تحلا الهدية بطريقة تقديمها..
و تحاول ما تخلي زوجها يشك أو حتى يحس بأنها تجهز له هدية حتى تكون مفاجأة
بالونات القلوب تنفع بهالليلة
قلب كبير تكتب فيه عبارة حلوة و تحطها بالسقف فوق السرير تماما بحيث أنه مجرد ما يحط راسه يشوفها
<>><><>><>>><><><><><
الله يوفقها و يسعدها
آسفة على الاطالة :o
أختك
مآقي
عفاري 6
29/05/2005, 12:43 PM
الغاليه نبين رايي ؟
انا يوم ميلاد ريلي اهديته عقد على شكل قلب صغير مرصع بالالماس مع سلسله خفيفه يعلقها بالسيارة
وعجبته وااااااايد
وكل واحد يركب السيارة يباها
ما ادري شو رايج ؟!
حلوين المشم
07/06/2005, 01:59 AM
مرحبا
انا من رايي انها تاخذله قلم من ماركة مشهورة وبصراحة احلى ماركات ديور وكارتيير لانه الرجال يستخدمون الاقلام بكثرة وخصوصا لما يوقعون على اوراق او في مواضيع اخرى في الشغل.
انا عن نفسي عيد ميلاد زوجي الجاي بهديله قلم عشان كل مايستخدمه يتذكرني بس هو غصب عنه لازم يتذكرني كل وقت مب بس لما يستخدم القلم.
تحياتي
زوجة خالد
07/06/2005, 10:36 AM
عقبال العمر كله أختي ............ اهم حاجة تعملي إلي تحسي إنه بيفرح زوجك ....... أي شغله مهما كنت بسيطة او غاليه تكون منك اكيد بتفرحه .......... عن نفسي اذكر من فترة مرت ذكرى غاليه علينا وهي اول مرة اشوفه فيها..... صممت بطاقات لأجلها كانت كل بطاقة تحمل معنى إلنا ... وكمان صممت شعار لمرور اول سنة وطلبت من محل كريستالات حفره في كريستاله.. وتكون ميدالية لسيارته... وجمعت الكل البطاقات والميدالية في ظرف وارسلته بالبريد بحيث يوصله في نفس اليوم ... وعن شعوره كان جد فرحاااااااااااااااااااااا اااااااان ومبهووووووووووووووور بإلي فاجأته له
بنت الرمس
07/06/2005, 11:32 PM
شو رأيك تشتري له محفظه وتكتبي له شىء حلو مثلا(الحب لك وحدك) أو اي عيباره أنت تختارينها
أو ميداليه تطبعين صورته عليها
جنة العشاق
14/08/2005, 11:54 PM
بعطيج فكرة الليلة الحمراء.. هذي صدق انا مجربتها.. و دايما زوجي يطلبها مني .. بس أطنشه.. لأني ابا اسويها من غير طلب و أفاجئه مرة ثانية.. (a)
هي الفكرة بسيطة وايد.. لكن تفرح القلب وااااااااايد..
اترسي الغرفة بالونات حمرة.. و سوالف حمراء.. مثل رسالة حمرة.. مخدة حمرة.. شموع حمرة.. دباديب حمرة..:flower:..
و ايسكريم تووت .. يمي يمي
( حتى اخوي الصغير كان عنده كم من سيارة حمرة.. استلفتهم منه)
و خذي له كيكة مزينة بالفراولة.. و خلي لبسك يكون أحمر.. و مغري..
و خففي الأضواء.. و حطي موسيقى كلاسيكية.. بتصير الليلة صدق حمراء..
---------------------------
و في بعد وايد انواع هدايا ممكن تاخذيها لزوجك..
مثل طقم عطر.. مع الشور جيل.. و كريم بعد الحلاقة...
اذا كان زوجك مولع بالإلكترونيات... أو الطيور.. أو الافلام... خذيله اي شي يحبه.. و صدقيني الريال كل شي يعجبه و حتى لو كان
بسيييط...
بريد المحبة
15/08/2005, 02:21 AM
لو متزوجة انا كان ساعدتك اختي بس ان شاء الله مره ثانيه لانه توني جديده معاكم ومنكم نستفيد
تحياتي
ورد الخريف
15/08/2005, 02:53 AM
خذي مصحف حلو
والعبرة في المعنى ومو في الهدية
m00ny_y
19/03/2007, 01:54 AM
مرحبا عزيزتي
أنا عن نفسي أحب أشتري لزوجي أشياء ما تخطر على باله
مثلا منظار
و جهاز للمشي
كاميرا فوتو
ماكينة حلاقة و تنعيم راقية
......الخ
فكري مثلا شو يعجبة و ما يخطر على باله إنج ممكن تشتري له
و لا تنسين الرسائل الغرامية و الشموع و الشوكولاته و كلها على شكل قلوب
على فكرة و مرة سكويت له كيكة عليها صورته هذي أول مرة حد يسوي له هذا الشي فاستانس وايد
إنشا الله تستفيدين من هذي الأفكار:shy:
2paradise
19/03/2007, 03:23 AM
ممكن طقم اقلام شيك
لولو الروقي
27/12/2009, 12:47 AM
انا اقول خوذي مرايه واطبعي صورته فيهاااااااااااااا وحطيها بعلبه وغلفيها وبسسسسسسسسسسسسسسس
تحياااااااااااااااااااااا ااااااتي ,,,,, لولو الرووووووووووووقي