مشاهدة النسخة كاملة : سؤال لكل وحدة جربت الامومة .. زجاجات الرضاعة
عذاري...
21/09/2007, 09:33 PM
بنات
انا الحين حامل في الشهر الثامن
وكنت مجهزة قبل اغراض البيبي
بس قاعدة الحين اشطب على بقية الاشياء
وعندي سؤال عن زجاجات الرضاعة
اللي شريتهم وحدة صغيرة
2 وسط
و2 كبار
واشتريت حلمات الرضاعة الصغيرة
هل راح احتاج الى زجاجات رضاعة صغيرة اكثر
خصوصا ان اللي عرفته ان البيبي حديث الولادة يحتاج الى الصغيرة اكثر حتى لا يختنق
فيا ليت كل وحدة مجربة منكم تخبرني عن تجربتها وكم زجاجة صغيرة
وكم حلمة رضاعة صغيرة اشتري
واكون شاكرة لكم
!بنونه!
21/09/2007, 11:50 PM
يا هلا ام شجاااع
بصراحه بالغتي بعدد الزجاجات
بالنسبه لي أخذت مرضعه بيجون الصغيره وهي متوفره بالصيدليات وبمحلات مذركير
هذي أعطي فيها الطفل المااااي أو الشاي الخاص بالطفل
بينما اخذ وحده متوسطه هذي غرضها للحليب فاني خذيت وحده عشان مدري الطفل يشرب بعدها صناعي او يرفض
اذا تقبل الصناعي بوقتها بشتريله عدد من الزجاجات أكثر وأكبر بالوقت اللي يحتاج الطفل حليب اكثر
وسلامتش خيوه والله يسهل عليج يارب
humsat.77
22/09/2007, 12:23 AM
هلا ام شجاع
الله يسهل عليش وتولدين بالسلامة
مثل ما قالت احلى شهد بالغتي بعدد الرضاعات
انا عن نفسي لما اجهز اشتري وحدة صغيرة وحدة وسط
لأن الطفل حديث الولادة يحتاج الى 60مل
واذا صار عمره شهرين بكون الضعف يعني 120مل
وبالنسبة للحلمات في هاي السن اخذي small او من 0-3
وانا عن نفسي ابدل الحلمات كل شهر تقريبا
عذاري...
22/09/2007, 12:31 AM
اوه اوه احلى شهد وهمسات هني يا حظي
شدراني يا امهات خبركم اول مرة ولا ادري شالموضوع
اذا جذي يعني خلاص ما راح احتاج زود
وبالنسبة للحلمات فعلا انا اشتريت من 0- 3
احلى شهد وهمسات روحوا على التجمع ترى ضعنا بدونكم
شموع خافته
22/09/2007, 03:34 AM
ياسلام سلم ههههههههههههههههههههههه انا أخذت اربع وحدة كبيرة قلت للحليب وحدة وسط قلت للأعشاب مدري وش هي ووحدة صغيرة للموية ووحدة لبستها تلبيس مثل طقم الاستقبال بس اذا كنت بطر ارضعه قدام الناس ياعيني على الأمهات الجدد ههههههههههههههههههههه
ام رغد2
23/09/2007, 11:52 AM
الله يسهل عليج وتولدين بسلامه
عذاري...
10/10/2007, 04:27 PM
شكرا يا غاليات
أحلى ملح
16/10/2007, 12:15 PM
ليش الزجاجات ؟؟؟؟
انا ماشريت ولا وحدة
لان الطفل اول اربع اشهر لازم ما يشرب الا حليب الام فقططططططط !!!
عذاري...
16/10/2007, 08:25 PM
عزيزتي احلى ملح واذا كانت الام عاملة تخلي ولدها بدون حليب فترة غيابها عن البيت؟؟؟
أحلى ملح
17/10/2007, 02:05 PM
صح كلامج يا ام شجاع انا نسيت هالنقطة :)
عذاري...
23/10/2007, 08:16 PM
العفو اختي احلى ملح
شفتي اذا كانت الام عاملة فاكيد طفلها راح يحتاج عالاقل رضعة صناعية في اليوم
qtr-dream
19/01/2008, 08:29 PM
الأم العاملة تشفط الصبح وتحطه في الثلاجة واللي قاعد عند البيبي يسخنه في جهاز التسخين الخاص بالحليب
بلا صناعي وعوار راس لازم الطفل مايتغير عليه الحليب اول الشهور
عذاري...
22/02/2008, 02:34 PM
مشكورة اختي qtr-dream كنت اتمنى ارضع بنتي طبيعي بس ما الله كتب لاسباب صحية
الحمد لله رب العالمين
دلوعة زوجي 2007
22/02/2008, 07:17 PM
الله يقومج بالسلامه حبيبتي
انا عن نفسي توني بجرب الامومه قريب ان شاء الله
من تجهيزاتي اخذت الي حد الان
3 صغار
2 وسط
والكبار تو الناس عليهم ..