مشاهدة النسخة كاملة : أريدحل
bent_eboha
05/04/2003, 05:10 PM
خواتي مشكلتي هي أن زوجي على قد حاله وأنا مقدره هالشي ... هو دايما يحاول يسعدني .. مرتاحة وياه والحمد لله ... مشكلتي في أهلي دايما يحسسوني بالنقص ... دايما لما أطلع معاهم يشترون الأشياء الغالية ويقولون لي ما تبين نحنا بندفع لا تخافين ... هذا الموقف يتكرر كل مرة أطاع معاهم ... دايما يقولولي إذا بتعتمدين على الفلوس اللي يعطيك إياها زوجك ما راح تعيشين وتلبسين مثلنا .... وزوجي معارض إني اشتغل في مكان مختلط لازم خاص للسيدات ..... وطبعا أهلي يعتبرون هذا تخلف ... ما أدري شو أسوي تعبانه نفسيا لدرجة فقدت الجنين إلي في بطني من شدة التفكير وحرق الأعصاب .... ســـــــــــــــــاعدوني
أختي الغالية .... الدنيا مظاهر انتي تبين تسعدين في حياتج باللبس والمظاهر ولا بالريل الصالح إلي يسعدج وتدخلين الجنة بسبته .. حبيبتي فكري .. الرزق من الله ودام انه أهلج جي يحسسونج .. حسسيهم انتي انه ما ناقصنج شي ... رد عليه الرد المقنع .. لو نحن كلنا بنطالع الناس شو يلبسون وشو يسون كلنا بنعيش في هم .. احمدري ربج واشكريه على هالزوج الصالح إلي حبج وعزج و حطج في عينه .. وصدقيني صدقيني ,.. كل ما في هالدنيا زايل وما بناخذ شي من وراه .. أهم شي نسعد في حياتناااا مع إلي يحبونااا ويعزونا .. اكفاية وجودهم في حياتنااا يسعدنا .. وحرام هالجنين سار بسبتة التفكير في شي تافهة ابدي حياة يديده وحطي إيديج في إيد ريلج .. ورزقكم من الله انتي ما تدرين يا ما ناس كانوا على الله وعلى المعاش إلي ياخذونه وسبحان الله رزقهم بفضله بسبة إيمانهم القوي .. وانشالله الله بيرزقكم واكفاية انه مالكم مال حلال ..
والسموحه جان طولت عليج ..
وسوري نسيت على طاري الشغل وما يباج تشتغيل في مكان مختلط .. أقولج حقيقة صايره في شغل اختيه وهو شغلهم مختلط اتقول والله ما انروم ناخذ راحتنا الكل يضايقنا .. جان زين كنا كلنا حريم في مكان واحد .. أقولج الغالية هاذه لريلج ومن حقه يغار عليج .. ولا تسمعين رمسة الأهل لأنج بتضيعين ... والسموحه
السلام عليكم ورحمة الله وبركاته
عزيزتي..
دام ان زوجج مب مقصر معاج في شي وانتي مرتاحه معاه لا تسمعين كلام الناس ولا تضغطين على نفسج وعليه
عيشي على قد الي يقدر يعطيج عشان الله يطرح بينكم البركه ويزيدكم من فضله
أما بالنسبه للشغل.. فإذا تحسين انكم محتاجين لمصدر ثاني للدخل حاولي تقنعينه بوجهة نظرج وانشالله ربي يقدم لكم الي فيه الخير
بارك الله فيج ووفقج لما يحب ويرضى