بنات تعالو شوفو صالون بتافيا شو سوا بشعر اختي؟!

[سود الهدب]

بنااااااات انا بدخل الموضوع ع طووووووووول..

والله اني مب يايه اقص عليكن ..ويشهد الله انكم عشان خواتي وتهمني مصلحتكن..ولا انا وايد مزحومه وملجه اختي كلها علي لانهاا ما تعرف شي فديتهاا..


المهم هي سايره تبا تصبغ شعرها عند صالون بتافيا وقالت لها تعالي الصبح..وسارت البنت وحليلها..ومشاااااءالله شعر اختي طوييييييييل لين تحت الركبه ونااااعم..المهم تولتها وحده شعرها احمر والله حتى ما اعرف شسمها او شوجنسيتهااا..كانت ناشه من الرقاد حسبي الله عليها وماده بوزها شبرين ولا انطقت بكلمه..اصلا يوم دشت عليهن هي كانت راقده ع الكنبه..

المهم اول ما استلمت شعر اختي ومسكت المشط وتمت اتسحيييه بقوووووووو ..ونصه تقطع..واختي تحملتهااا..قالت بعد شوي بتعدل..والله يا بناااات نص شعرهاااااااااااااا ع الارض..ووالله عصبت وقالت لها مابا شي ..وطلعت تصيح من عندهم تخييييلووووووو يا بنااات انه حتىىى جلده شعرهااا تعورهاااا لين الحين ,ماتروم تلمس شعرها بالمشط..,وضربهااا صداااع قويي....

بنااااات يشهد ربي علي اني بس بغيت افيدكم.. والسموحه جاني طولت عليكم

[روح_ الورد]

:qaq:


حسبي الله ونعم الوكيل!!
الله يعينهـا الصراحـة!!

معاملـة زفته!! وأنـا عمري ما دشيت ها الصالون!!
ما ادري حسيته مب لين هنـاكـ ،،


الله يوفق إختج ،،

[سود الهدب]

هيه والله يا روح الورد ولله انه البنت تصيح من شعرهااا وتسلمين ع مرورج غناتي وربي ويفجج

[شذى لبنان]

لاحول ولا قوة الا بالله
الله ياخد هالكوافيرة المجنونة
تقطع قلبي عالمسكينة اختك الله لايوفق هالصوالين ياما عانينا معهون

[ام خلفووون]

اففففففففففففففف

[maiooona]

و الله هالصالونات عليهم سوالف؟؟؟
انا اختي حق حفلة ملجتها الصالون سوولها سالفه و اختي المسكينه كانت على نياته و ما كلمتهم و لا سمعت كلامي كللش يوم كنت احذرها

السالفه انهم كانوا واعدينها انهم يسوون لها بروفه للمكياج و كل يوم وحده متحجبه (موظفه بالصالون)تقوللها ان اللي تمكيج ما تقدر تيي اليوم
و علقت اختي ليما يوم الحفله و يوم رحنا بنفس اليوم طلعت المتحجبه اهي نفسها اللي تمكيج !!
و حطت لاختي مكياج مأسااااااااااة ... انا كنت بحط بس توهقت من المكياج و هونت عنه و رديت البيت و حطيت لي مكياج خفيييف اي كلام
و تخيلوا رحنا بنفس وقت الحفله صالون ثاني و مسحوه و حطو لها شي غير بس الحمدللله كان زيين و حلو و الكل مدحه


خلاصة كلامي ان بعض الناس ما عندهم ضمييير


تحياتي
:9_33:

[خليج عدن]

بسم لله عليها ماتشوف شر

[Moorooj]

الله يكووون فالعووون

[غدووورة]

والله انا القصة اللي صارت مع صديقتي كوووووووووووووووووووووم

حجزت حق يوم عرسها في صالون ودفعت المقدم وكلللللل شيء تمام

تخيلوا يوم العرس راحت الظهر تتمكيج

صاحبة الصالون اللي تمكيج قالتها انا اسفة ما راح امكيجك اليوم لان عندي عروسة من العائلة المالكة راح تيجي بعد شوي

تخيلوا البنت عرسها بعد كم ساعة وهذي تقول انها ما راح تمكيجها

وقالتلها بكل برود روحي الكاونتر وخذي عمولتك انا اسفة

تخيلوا واللي تمكيج مواطنة

والله انا اموت لكن ما اتعامل مع مواطنات

احسنلي اتعامل مع اي جنسية ثانية حتى لو كااااااافرة لكن على الاقل تحترمني

[فيونكـه]

ياربي
الله يكفينا شر هـ الصالونات
عاد كل شي ولا توهقني يوم العرس
والله ارتكب فيها جريمه

[Omniyat Shop]

المفروض ما تسكت لها من اولها تقوم وتصرخ عليها بعد

انا الحمدلله كل شي اسويه بنفسي ،، عدا القص لان شعري قصير ويحتاج لضبط ..

بس خواتي مايطيعون الكلام ،، الا يسوون في الصالون .. مع اني اعرف اسويلهم بس بطره !

[المتعنيه]

اسميه هذا صالون بتافيا يباله حرق

وبتافيا وامها ما يعرفون يمكجيون الله يغربلهم

انا سرتلهم يوم عرس بنت اختي ظهروني سباله

مرض

يقولج لا تفكرين تروحين اذا شعرج طويل عند وحده جنسيتها عربيه احس ينقهرون يحبون يقطعونه وهاي مب اول مره تستوي هالحركه

سيري عند فلبينيات اخير لج

حسبي الله ونعم الوكيل

[ام قابوس]

حسبنا الله و نعم الوكيل

[برج دبي]

اختي سود الهدب انامن قلبي حاسه في اختج لأن انا بعد كان شعري روووعه بس منعقبما صابته العين

صارمثل :sad:ذيل القطه على قول خدامتنا :angry:حتى ذيل القطوة أحلى من شعري

انا يعني منكسر خاطري عليها واضن ان بعد هي معينينها مثلي وان شاء الله بيرد شعرهامثل قبل واحلى

[سنادي]

لاحول ولا قوة الا بالله

[أم مهوور]

صالون بتافيا طاح كرته من زمان....

[دلوعه نفسى]

مرحباا ... الصراحه صالون بتاافيا معامله زفته زفته زفته واااايد مب حلوه الله يهديهم بس

[ريناد2011]

مجرمااااااااااااات


وانا بيوم ملجتي رحت صالون ممتاز بالميك اب يمدحونه عندنا بس الشعر سئ جدااااااااااا



فرحت صالون ثاني للشعر



بهذلوني اش هالميك اب


موب حلووووو بنعدلج نحناااااااا

والمصيبه مجربتهم قبل كذا في مناسبه وووع قسم بالله كرهت نفسي وبكيت ذاك اليووووووووووم


وامي قالت امسحيه ولا تستقبلين الضيوف كذاااااااااااا


اللي يسمعهم بيصدقهمممممم

واسمه الواحه بجده سئ وتعامل الموظفات هناااااااااااك ما ينطاق قله حياااا

واذا طلبتي شئ سو لك عكسه

ما فيهم الا نائله كانت روعه في الشعر وتركتهم لها مده

[@ سفيرة الغرام@]

اعووووووووووووذ بالله والله لو تسوي بشعري جذي اذبحها مشكورة قلبي ما قصرتي يا الغاليه

[‏احلى من العسل]

لا حول ولا قوة الا بالله

الله يعينها ان شاء الله

لا تسيروله هالصالون مره ثانيه

الله يعينكم

[Noora]

مشكوره

[3sooolah]

غناتي خلي اختج تحط حمام زيت لشعرها عشان تريح الفروه

انا عن نفسي احط روب بارد ولا حنه او حمام زيت عشان اللفروه

[نوني الشامسي]

لو انا من اختج كنت صفعتها

[كلها دلع]

صراحه موقف لايحسد عليه

[مسزز غموضة]

السلام عليكم

اختي الموضوع ليس بمحله

ينقل لركن القصات والصبغات

[اريام2]

بتافيا جربته بتنظيف البشره وبعرسي زفت وهمن الفلوس بس لاتسكتين اختي كلمي مدام سلوى راعيه الصالون

[سود الهدب]

مرحبااا بنااااااااااااات ...الحين راعيه الصالون حاشرتنا تعتذر وادق حق امي واتاسف واتقول بتافيا بنفسها بتسوي لج وتحاول تقنع في اختي

ويقنعون اختيه واختي هب راضيه

تسلمووووووووووووون بنااات على مشاركاتكم ..وما قصرتن يا قلبي

[صلصوحه]

لا حول ولا قوة الا بالله

[دلوعةزوجها ع]

حسبي الله ونعم الوكيل!!
الله يعينهـا الصراحـة

[نكهة حلوة]

الله يكون في عونها ويساعدها

[أوراق الخريف]

http://3roos.com/up4/Halla-w-galla.gif

السلام عليكم ورحمة الله وبركاته

يا هلا بالطش.. والرش..
والعطر الي بالغرش..

http://3roos.com/up4/7cfe7232a6.gif

حرااااااااااااااااااااااا ااااام :(

والله في صالونات فيه الشغالييين وايد شايفات اعمارهن..
واخس شي عندي لما ادش الصالون وتسوي شعري لبنانيه.. احس انهم يغارون حيل على طول يبون يقصونه..
وفوق هذا يلعبون بالشعر اونه موضه ويقصون علينا.. ونحن يا غافلين لكم الله..

آخر مره رحت لصالون LBC مع اخو زوجي.. ومدحت لها اياه بعدما جربت عندهم قبل سنتين.. وللاسف ما خذت درس..
قبل سنتين رحت وشعري لخصري قصته لرقبتي.. وانا نسيت هالشي بس ركزت علصبغ لانه عجبني..
ورحت مع اخت زوجي والعامله اتفقت معاها بسعر وسوت شعريوكل شي وآخر شي قالت لي اقص شعرج قتلها لا زوجي بيذبحني حسيت انها غارت قالت لي مره وحده بيذبحج هذا نيوو لووك فدخلت اخت زوجي وقالت نحن ما نقص شعورنا جان تتسكت..
ويوم ييت احاسبها طلبت اكثر عنما اتفقنا عليه.. ما قلت شي قلت يالله.. ويوم طلعت النوط شكلها طمعت فقالت ما عندي خرده.. اتريينا.. وطرشت الحرمه الثانيه وهي روحت والثانيه ييت خذت أكثر 10-20 درهم قتلها كيف جذيه كل شووي اتغيرون قالت لي والله ما اعرف هي الي وصتني قل لتروح...........؟!

يعني حراميه عيني عينك..

حسبي الله عليهم..

وشكرا..

http://3roos.com/up4/0408.gif

[serenity]

والله الواحد يكره الصالونات من القصص اللي يسمعها! الله يعين اختج وحليلها.. إن شاء الله تكون احسن الحين

[عيوز متشفلته]

السلام عليكم:9_33:

بصراحه أنا واختي تمكيجنا في صالون بتافيا وكان روعه:21_207:

والكل سأل عنه وفي التسريحه قالت بتقص شعري شوي لانه خفيف

من تحت وقصته وبعد الشعر طلع روعه

بس لو كنت مكان أختج قطعت شعرها بنفس الطريقه بالضبط

على شان تتادب (w)

[MOMYZH]

لاحول الله ماتشوف شر

[خديجة 12]

تسلمييييييييييييييين

[M!Ss 7l@wa]

مسكينه
الحمدلله على كل شي ..
كذا ولا غيره ..

[بنت العين]

الصراحه هن وايد وغدات نحن تمكيجنا عندهم ومافيهن احترام
ويسلموووووووووو

[ليالي النسيم]

اهم شىء سمعة المكان او المحل ترى السمعة تلعب دور كبير

[خوالــي]

السلام عليكم ورحمة الله وبركاته

الصراحه صالون بتافيا معاملتهم زفت في زفت


انا سرت عندهم كان عندنا عرس وقلت لها ابا مكياج وتسريحه خفيفه

وخذت عني سعر تسريحه كامله وتخيلوا شو سوت لي

والله العظيم استشوار عادي مجرد انه طالعت الشعر على برع بس

وخذت عني تقريبا 250 درهم على الشعر مع انه شعري قصير هب طويل

يعني 250 درهم على استشوار هب حرام

بس شنقول غير حسبي الله عليهم يرفعون بسعر المكياج والشعر على كيفهم

[يمه]

الله يكون فالعون

[دلوعه20]

حتى ليالى لبنان عندهم
لبنانيه اسمها عليا الله لا يبارج فيها
خربت شعرى حرقتلى اياه بالاكسجين
ونصه طاح
كانت متهاده مع راعية الصالون وحطت حرتها فشعرى
حسبي الله عليهم

[@$%همس الوفا%$@]

ياعمري حتى انتو بالامارات عندكم نفس المشاكل اللي عندنا بالسعوديه :(
هما كذا دائما لئيمات كانك تشحذين ولا كانك دافعه وغالي بعد حسبي الله عليهن بس
ونصيحه يبنات لاتسلمين شعرك لمغربيه لو الموت اي جنسيه الا المغربيه والله تحوسك حوس لو انها فنانه ماتزينك تشوهك هذا غير الاخلاق الزفت
اللبنانيه احسهن مايعرفون للشعر احسهم مكياج واشياء ثانيه احس السوريات والاردنيات اطيب بالتعامل ويعرفون للشعر اكثر حتى يمكن تطلعين بنصيحه منهن ,مدري هذا اللي افكر فيه دايم حتى لاحظو شعر اللبنانيات دائما قصير وخفيف لانهم مايعرفون يعدلونه عكس السوريات مشاءالله طول وكثر يعني اسلم شعري لفلبينيه ولااسلمه لمغربيه او لبنانيه :)

[أشجان_2008]

حسبي الله ونعم الوكيل انا كمان هيك صار معي وقت عرسي بعد البروفات حططتلي يوم العرس ميك اب مو أصلي وساح قبل ما فوت الصالة ويومها الله لا يورجيكن البهدلة والبكى

[عبير 2006]

من جدى ذوق وهذا وهي بتدفع لهم فلوس

كيف لو ببلاش

هههههه


مبروك لاختك الله يتمم عليها

[SoOolviR]

الله يساعدنا ويها

[ضحكة كذوووووووووبة]

كلامك صح فيه كوفيرات اخلاقهم مو طبيعية كأنهم يسولونك شغلك ببلاش

[الامورة شجن]

مرحبا بنات

انا موب في الامارات بس حبيت اشاركم بالمصيبة اللي انا فيها ، تخيلو رحت عند صالون والله ما اتذكر شنو اسمه حتى وقصت شعري والمصيبة ما طول عقبها ولا حتى سم ، وقبل تقريبا اربع سنوات رحت عند وحدة وتخيلو شعري كيرلي يعني الاحسن ايكون طويل وكل ما طول كان احسن والله كان شعري لقريب نهاية ظهري ما وعيت الا شعري عند اذني كاني ولد تخيلووووووووووووووووووووو وووووووو شنو صار فيني والله من الصياح قمت كل استشور شعري عشان ايبين فيه طول واربطه ، والحين توبة نوبة ما اروح عند اي صالون ايقص شعري ، ولما افكر اروح اقص شعري بروح عند وحدة ثقة وانا خاطري اقصه بس اعدل اطرافه عشان تطلع القصة الاخيرة اللي ما طول عقبها انزعم قصةوالله لا يراويكم شنو شكل شعري ، لولا الزيت وحمامات الزيت جان ما تعتدل والحين احاول احط فيه زيوت عشان يطول وعقب ما يطول بفكر اني اقصه بس الاطراف او قصة على طول شعري ، والصراحة احس الصالونات تبي بس فلوس يعني مو مهم الزبونة معنى اهما لو يفكرون جان بالعكس بيستفيدون وااااااااايد اذا اهتموا للزبونة لانها راح اتجيب اليهم زباين واااااايد لكن حسبي الله عليهم ما همهم الا الفلوس ولا يا ريت على شي فايدة الا على خرطي

[أم شامة]

واللة واللة ما كذبتي حسبي الله ونعم الوكيل عليه من صالون بما اني تزوجت وهذا اليوم ما يرجع وغلطت ور وحتلهم يوم عرسي ما اسامحها لين يوم الدين واتمني يوصلهم الكلام:sm215:

[DarkStar]

حسبي الله ونعم الوكيل!!
الله يعينهـا الصراحـة!!ترى في وايد صالونات معاملتهم زفت خصوصا اذا كان الصالون معروف ووايد فية زباين يعاملونج زفت حتى المانكيرات بعد مغرورين وشافين روحهم

[شيماء الامارات]

بنات انتوا فتحتوا الماحع والله احس النه ما في صالون تثقين فيه وتسلمين نفسج له وانتي متطمنه ..........يعني والله ولا مره رحت صالوون ارتحت له سواءا كان صالون معروف او عادي جربت اللبنانيه المغربيه السوريه السودانيه المصريه الفلبينيه حتى الاثيوبيه والله ولا وحده ارتحت لها وداومت اروح عندهم كل فتره وفتره اروح صالون ااحط امل اني اطيح على صالون ثقه واتعامل معاه بس وين ....