تزيين غرفة الولادة ... افيدوني و استفيدوا

[قصايد دبي]

السلام عليكم و رحمة الله و بركاته ..

شخباركم كروشات ؟؟:21_207:

و شخبار النونو .. يالله .. الله يسهل عليكم يا رب .. و ان شاء الله نربي طبيعي بدون ألم و صريخ و حشرة..

موضوعي هو عبارة عن تزيين غرفة المستشفى ..

الصراحه .. تعبت و انا احاوط من محمصة لمحمصة .. و الأسعار غالية على لا شي ..

يعني من 1000 و فوق ..

و لو تشوفون الديزاين مب لين هناك ..

انا سرت محمصة أفراح .. الشغل حلو .. بس حسبلي الاستاند اللي يحطونه برع الغرفة ب 500

و الككاو ب 600 ( خمسين حبة ككاو ) و تزيين الغرفة من الداخل ب 400 .. يعني المجموع .. 1500 ..
:qaq:
و حرام اعق فلوسي على هالاشياء ...

و سرت محمصة ملك البن .. و قالي الشوكولا ب 250 .. و خمسين حبة ككاو و الاستاند و تزيين الغرفه من الداخل ب 1000 درهم ..

يعني صار المجموع 1250...

و بعد احسه وايد ..

فاتمنى من اخواتي اللي سووا في المحمصات .. و الشغل كان حلو و مرتب .. و بسعر معقول يفيدوني ...

مع العلم اني مسويه توزيعات انا بروحي ....

و حلو الشغل .. بس ابغي تزيين الغرفه و الاستاند ..


اختكم ..

قصايد دبي ..

:9_28:

[عروس و بس]

اختي و الله وناسة

على الاقل بيزين الغرفة و تفتكين

احنا بالسعودية ما عندنا كل وحدة تلف و تدور على رجولها

عشان تعدل الغرفة و يمكن تكملها و يمكن لا

بس اختي انا توني ام يديدة تقدرين تقولين لي شلون اجهز غرفة البيبي ؟؟

و لك مني دعوات التوفيق و التسهيل.....

[قصايد دبي]

عروس و بس

مرحبا بج اختي ..

انا اقصد الغرفه اللي بالمستشفى ... يعني لمده يومين و هالسعر ..

وايد خسر الصراحه ...

يعني لو الشغل حلو و مبتكر بنقول اوكي ..

بس مكرر .. و لو اتقوليله فكرتج .. يقعد مبهت فيج و لا كأنه عارف شي ..

يعني سالفه التور و البالونات .. مكررة ..

انا ادرو شي حلو .. و مرتب ... و سعره معقول ..

[ღ رآقيهـ ღ‏]

ان شاء الله بنات دبي يعطوك اماكن حلوة واسعارها مناسبة

ولو ما لقيتي حبيبتي زينيها بروحك يعني خذي الاستايل الي يعجبك بالسعر الي تقدرين عليه من اي مكان يعجبك مو شرط تتقيدين بمحلات معينه

[عروس مضيعه الصاله]

حبوبه

بغيت اقلوج ممكن انتي تسوين الاستاند بنفسك

مثلا تشترينه من هوم سنتر او محلات الاثات وتزينينه بشرايط وتودينه حق محل ورد يحطلك فيه ورد او اغصان الي على شكل اعواد تكون طويله ومتعرجه وممكن يصبغها لج بالون الي تبينه وبيكون ارخص من الورد بواجد

والشكولاته لا تخلينه ينزين لك كلها بس نصهم و يصفهم لك بطريقه حلوة او مثلا تكون نصهم زينتهم غاليه والنص عادي

[فنر بيتي]

للرفـــــــــــــــع:21_179:


لأني مثلكم محتاجه اسم محمصه فدبي تزين لي الغرفه بديكور رقيق وحلو ويستاهل جيمته:balloons:



كل ما سرت محمصه قال 1300 وفوووق:sa36::sa36:!!!! على شو ما ادري؟؟:sm215:



واللي بنيلسهم فالمستشفى يومين يعني حرررراااااااااااام هالخسر:21_178:




وانا عن نفسي اذا ما حصلت السعر اللي يعجبني ما بزين الغرفه ولا بسوي فيها شي:21_209::21_209:


يا ريت تدلوووووووووووونا على محمصه او بنات يشتغلن هالشغله واسعارهم تكون حلوه وشغلهم نظيف:87457::87457::87457:

[مريومه العسل]

الي تبي تزيين غرفه للمولود بالمستشفى عندي المحل وتقدرون تتفرجون على كل الموجود اتحداكم اذا ما عجبكم وفي مصممين اذا تبين تنفذين فكره معينه الي تبي براويها لصور وتقدر تسير المحل وتتفرج بنفسها الي تبي تتفضل عندي

[dm3a]

مرموومه انا ابغي اشووف الصور وابغي اعرف وين المحل ؟



ومشكوووره

[sose]

هلا الغاليات


الصراحه من يومين زرت و حده فدبي و تزينها كان رووووووووووووووووعه و سالتها و قالت لي اسم المحل جون للزهور و اسعاره وايد حلوه

[قصايد دبي]

انا زينت غرفتي عند ملك البن

سعؤ حلو

و الشغل أحلى

و الككاو كان لذيذ

و بدون ما ابالغ

بعد ما خلصوا

كذا شخص سألهم انتوا من اي محمصه

و كانت غرفتي باللون البرتقالي على البيج

فراشات + ريش+ ستاند كبير + شرايط + كمن نفاخة

شغل حلو و نظيف

[دلوعة 88]

هلا اخواتي،،

لو سمحتن ابا اسألكن كيف المحمصه تعدل الغرفه ... وكيف يعدلونها غير الاستاند والشوكليت ..

بليز اللي تعرف ترد علي ولو في صور حطوهن عشان الفايده ....

[موجه]

مرحبا الغاليات انا اول مره اشارك فهذا المنتدى بس من زمان ادخل واقرأ المشاركات ومشاءالله كل شي فيه حلو ومفيد...سؤالي للي ساكنات فالعين وين اقدر احصل محل ممكن يزينلي غرفة المستشفى ومشكورييين

[8-8]

اختي مصممة ديكور
قولي لنا امنو يقدر يسااعدنا وجزاج الله الف خير

[هات العلم]

واللة حرام يعرايس المبلغ هذا عشان يومين حطية في شي ثاني افيد لك ممكن تحطين شي في البيت احسن