المساعد الشخصي الرقمي

مشاهدة النسخة كاملة : بنت عذاري يخلي لك احبابك بدل ماتحذفينه ساعديني



سوق واقف
23/07/2007, 03:42 AM
السلام عليكم

كيفكم بنوتات ؟
و كيفك اختي بنت عذاري

انا عندي مشكلة مضايقتني مرررررررررررررررررررررررر ررررة خصوصاً بعد خطوبتي
و حطيت موضوع بس انتي حذفتيه و قلت مكرر :(
أنا بحثت بس موعارفة كيف و انا ضايعة في هذا المنتدى فأرجوش ماتحذفيني موضوعي و تدليني على الحل الله يخليك ..:Zb_sor1:

أنا ضعيفة واجد من يوم يومي ضعيفة يعني ماكنت دبة و الحين ضعفت
وزني حوالي 42 و اعاني من مشكلة السيلوليت و الخطوط البيضا بشكل واضح على الركبتين و الارداف و ورى الساق ( البطة ) فأنحرج ان البس قصير ,, جربت دوف حق شد الجسم ماعطاني نتيجة و لا واحد في المية
أرجووووووووووووووووش عطيني حل زوجي يحب البس تنورة قصيرة و انا انحرج من منظر ساقي و ركبتي :(


و سلام ياطيبين(w)

منال الخليج
23/07/2007, 03:50 AM
امممم ياريت انشالله البنات يساعدونج لاني ماعرف حل لمشكلتج حبيبتي
كان ودي اساعد

وطن رحال
23/07/2007, 09:34 AM
وانا كمان نفس مشكلتك

بس الخطوط البيضاء زدات بعد الولاده

ونحييييييييييييييفه بنكسر من النحف

يعني يمكن وزني37

انشاء الله تساعدنا بنت عذاري

سوق واقف
24/07/2007, 02:33 AM
شدعوة ماحد ساعدنا :(

اجبروا بخاطرنا الله يجبر خواطركم يارب

سوق واقف
24/07/2007, 03:14 AM
وينك يابنت عذاري؟؟؟

أقصد السيليوليت الخطوط البيضا حول الركبة و الفخد

مهرهـ
24/07/2007, 03:53 AM
للسمنه إشربي حليب مع عسل ..

ولـ الخطوط البيضا إستخدمي خل التفاح اكثر من ثلاث مرات بـ اليوم ..وإفركيه

كتكوته نايمه
24/07/2007, 03:57 AM
البسي هيلاهوب شفاف يغطي عيوب الجسم او رشي بخاخ اللي مثل كريم الاساس واللي يكون خاص حق السيقان..
اما عن الضعف مادري شقولج
مره قريت ان فيه حل انج تاكلين اربع وعشرين ساعه كافي نوتيلا بيمتنج شوي
واكلي كل شي
اتمنى اني افدتج

حكاية غرام
24/07/2007, 01:51 PM
بالنسبة للأكل شوفي برنامجي الغذائي الي حطيته للأخت هنية الهنية ،،،

روح اللافندر
24/07/2007, 08:24 PM
شوفي حبيبتي اول شىء لازم تفطرين بدري يعني لا تعدين الساعه 9 -10 الصباح واذا ابكر يكون احسن وكذا تصير المعده تشتغل زين طول اليوم وترا بعد الساعه 8 تقريبا بالليل ماتشتغل المعده زين عشان كذا يقولون احسن شيء الواحد لاياكل بعد الساعه6-7 مساءا
ويفضل تفطرين على كوب حليب وموزه وبعدها بوقت افطري عادي
ثاني شيء مهم للي تبي تمتن لازم يكون اكلها سريع..اللي اكلها بطيء ماعمرها بتمتن..... لازم اللقمه ورى اللقمه :21_93:

حتى مايمدي المعده مسيكينه ترسل للمخ اني شبعت وقف
ثالث شيء كلي بين الوجبات مكسرات وزبيب وسناك وشوكولاته :poster_dev:...يعني بالعربي طول اليوم الفم مايوقف..زي اخونا في الله هذا :21_21:
وبكذا بتمتنين ان شاء الله واذا على اللبس ...البسي هيلاهوب لحمي وسوي رياضه للأرداف والأرجل حتى تنشد وخلطة بنت عذاري للسيليولايت شوفيها على هذا الرابط
http://www.3roos.com/forums/showpost.php?p=3158965&postcount=16

واتمنى اكون قدرت افيدك
اختك رووووووووح اللافندر

روح اللافندر
24/07/2007, 08:45 PM
بعد نسيت اضيف لك رابط لتمارين بنت عذاري لجسم مشدود بلا تشققات
http://www.3roos.com/forums/showpost.php?p=2653481&postcount=3
ترى اخذ مني وقت طويل وانا ابحث لك عن روابط الموضوع ....ابغى دعواتك
اختك..روح اللافندر

سوق واقف
25/07/2007, 03:28 AM
أختي مهرة ,,

تسلمين حبيبتي بس بسألك خل التفاح مضمون ؟ لاني شفت وصفة بالنسكافيه ؟ فوين الأفضل ؟ لاني ما ابي اجرب وصفتين في وقت واحد اخاف يكون لها اثر سلبي :gum:
و تسلمين على الرد


كتكوتة نايمة ,,

تسلمين حبيبتي بس أنا أبي حل جذري يعني مو بس شكلاً ,,
و البخاخ هذا من وين اقدر احصله و ايش اسمه ؟ و هل هو سائل او على شكل بودرة ؟؟؟

حكاية غرام ,,

ممكن حبيبتي اذا ماعليش امر تعطيني الرابط حق الموضوع ؟؟(f)


روح اللافندر
تسلمين لي بعد عمري الله يخليك لاحبابك والله و يقضي حاجتك يارب

بس انا مشكلتي ما اطييييييييييييق اكل
اللقمة ماتدش حلقي الا اذا قريب اموت من الجوع و احس انه بيغمى علي ,, و كذا مرة صارت و اغمي علي من قلة الاكل
حتى خطيبي منقهر فيني حيل ,, بس ماقدر والله احاول:( خصوصاً الرز ماحبه ابد

و بالنسبة لخلطة عذاري .. أنا رسلت لها رسالة استفسر فيها عن اشياء مافهمتها بس هي ماردت علي لا في الرسالة و لا في الموضوع مادري ليش :(
بسألك اياهم اذا قدرتي تجاوبيني جزاج الله خير حبي

وصفه بنت عذاري متوفره للجميع للتخلص من السيلولايت وعلاجه:


خذي زجاجه محكمة الغلق

امليها بقهوة نسكافيه لمنتصف حجمها

ضيفي لها زيت لوز حلو مع الخلط حتى يغطيها بانش واحد

ورشة ملح طعام + رشة بيكنج صودا (كمواد حافظه وماده مساعدة لتنشيط القهوه)

قبل الوصفه رشي كل الجسم بمخفف خل التفاح بطريقتي قبلها بساعه

ثم استخدمي مضاد السيلولايت من بنت عذاري واستحمي بعدها بماء دافيء

استخدمي الوصفه كل يومين لمناطق المعاناه من السيلولايت بالتدليك الدائري

ولاتنسوني من صالح دعاكم

أبغى اسأل : ايش تقصدين ببيكنغ صودا ؟؟؟ هو نفسه بيكربونات الصودا حق الطبخات ...؟؟؟

و ايش هو مخفف خل التفاح بالضبط ؟؟

و ايش تقصدين بمضاد السيليوليت من بنت عذاري ؟ هل هو نفسها الوصفة ؟؟؟

ردي علي الله لا يرد لك حاجة يارب

روح اللافندر
25/07/2007, 10:21 PM
عمري انت بيكنج صود هو نفسه بيكربونات الصوديوم وشوفي هذا الرابط لبنت عذاري
http://www.3roos.com/forums/showthread.php?t=165491

ومخفف خل التفاح بطريقة بنت عذاري على ما اعتقد انها تقصد (2 كوب ماء ورد + 1 كوب خل تفاح طبيعي بحموضة 4% او 5%) وتأكدي من هالكلام من الرابط اللي سبق وحطيته لك( تمارين لبشره بلا تشققات ولا تصبغات)

واخيرا اظن المقصود بمضاد السيليولايت من بنت عذاري هي الوصفه نفسها

بس ترى ماينفع حبووووبه خطيبك يبغاك تمتنين ولالالالالالالازم تلبين رغبته ...شوفي لوتبدين كل يوم الصبح ب7 تمرات على الريق اتوقع تنحل مشكلتك وتصير نفسك مفتوحه للأكل طول اليوم ...ولو ما قدرتي ...ابدي ب3 تمرات
ويوم بعد يوم زودي العدد تدريجيا لين ما توصلين 7 ...وان شاء الله تكونين بعدين حلوه ومربربه عشان خطيبك ...

وبعدين اش دعوه سوق واقف؟؟؟؟:8884:
وانا شايفه ان سوقك ماشي ...ما شاء الله مخطوبه :B_wink: (r)
الله يوفقك حبيبتي ويرزقك الذريه الصالحه
ودعواتك ان الله يخلي لي زوجي وعيالي :Zd_bye_3:

سوق واقف
28/07/2007, 01:08 AM
روح اللافندر تسلمييييييييين لي ياعمري و الله يخليك لاحبابك و زوجك و اولادك و يخليهم لك يااااااارب و يعطيك على قد نيتك الطيبة ياطيبة

انا سميت نفسي سوق واقف قبل ما انخطب خخخخخخخخخخخخخ و لان جربت مليون اسم انتو الله يهديكم ماخليتو لي اسم كله مستخدم
فقلت ماكو غير سوق واقف ههههههههههههههههههههههه

ألماسة*
28/07/2007, 01:51 AM
للسمنة والصحة ثنتين ومجربة

الاولى ماراح تقدرين عليه بس هو أقوى ومفعوله كويس ومامنه ضرر

وهو حليب النياق ( الإبل) يشرب مرتين في اليوم

ولا تنسي حليب أو ألبان النياق موصى به من الرسول الكريم صلى الله عليه وسلم

الثانية الله يصبرك كل صباح تفطرين على الحلاوة الطحينية وهذا في خلال شهر

بتطلع لك تضاريس مادري كيف ............و الله يوفقك

سوق واقف
28/07/2007, 02:08 AM
راح اجرب الثانية طبعا يا الماسة و تسلمين ياعمري و الله يقدم اللي فيه الخير هههه

الشامسيه111
28/07/2007, 05:31 PM
حبيبتي عندج البصل اعصريه واخلطي ماي البصل مع ملعقة عسل بتلاحظين انج بتمتنين وبتختفي الخطوط انا مجربه الخلطه