شو شعورج اذا سرتي مقابلة و ما انقبلتي

[فيف]

مرحبااااا عزيزاتي

بنات بغيت اعرف شو بيكون شعورج اذا سرتي مقابلة لوظيفه ( انترفيو) و لا سمح الله ما قبلوج ،،،،،

:cry:

[فيف]

محد رد علي

الله يسامحكم
:(

[‏احلى من العسل]

اكيد بالضيق لكن المره الثانيه بحاول احسن من عمري وبعرف شو الغلط عشان اعدله

[nona_82]

مرحبا اختي

يوم بجرب بخبرج

[nona_82]

شو تخصصج اختي ..يمكن اقدر اساعدج

[فيف]

شكرا على الردود خواتي

اختي نونه ان شاء الله ما تنحطين في هالموقف عزيزتي و تخصصي ادارة اعمال :)

[حزن الكون]

عااااااااااااااادي يمكن الله كاتب لي وظيفه احسن
وبدعي الله يعوضني
دمتي بوود

[على كيفه]

بقوول الله كريم

[3afary]

بضااااااايق وبتم اصيح :(

[نـــونــه]

بقوول


الحمدالله ع كل شي

^_^

[رنو *]

انا جربتها مرتين
عادي المره الاولى كان في واسطه المسؤوله خلت بنات اخواتها بدل عني
والثانيه تمت تسالني بالمنهج اللي كنت ادرسه بالجامعه حسيت عمري كاني بالامتحان
يعني مثلا جلست تقول لي عرفي وعددي واذكري اهم .. ؟؟؟
انا اخر شي صرت اضحك وقلت لها هذا امتحان ولا مقابله
وماصار نصيب
اللحين انا متوظفه ولا عند الوالد الله يطول عمره

[um_abduallah]

انا بعد بضايج موت

[مناليزا]

شعووور كتيييير محرج و بسبب احباااط والله بالذات لو كان عشمك في هالشغل كبيير

بس طبعا كل شي الحمد لله عليه

قدّر الله و ما شاء فعل

[مناليزا]

ضحكتيني والله رنو هههههه

الواحد بيكون خايف في المقابلة و مرتبك و انتي حلو ردّك : كأني بامتحان :)

الله يخليلك الوالد اميييين

[ملوكتى]

سبحان الله من شهر مر على هذا الموقف وربنا عوضبى بوظيفة أخرى

[لحظة ولهه]

هلا اختي
انا عن نفسي لا بضايج ولا غيره لانه كل شي قسمه ونصييب في النهايه .. واهم شي انه الوحده اتكون واثقه من عمرها ومن قدراتها .. وما اتم اتحاتي المقابله .. دشي عليهم بخطوات واثقه .. وردي على قد السؤال بدون فلسفه .. وفي النهايه الله يكتب اللي فيه الخير ..

انا دشيت بدال المقابله عشر او 15 وما قبلووني بس يوم الله رااد ثلاثه امكان طلبوني في نفس الوقت وانا اخترت الاقرب لميولي وتخصصي .. والحمد الله انا الحين موظفه من 9 شهور ومن اسبوعين دشيت مقابله وفي نفس الوقت انعرضت على الوظيفه بس ما حبيت اني اغامر .. تميت على شغلي الاولي ..

تحياتي لج يالغلا

[White Heart <3]

انا قبل يومين كان عندي مقابله بالشركه القطريه للطيران وتخصصي محاسبه بس بنات ادعولي يقبلوني بالوظيفه يارب









اخاف اذا ما تعينت نفسيتي رح تتعب واتضايق واخذ وقت لين ما انسى واحسن نفسي


الله يوفقننا

[centrino]

على حسب رغبتي وحاجتي للشغل
دخلت مقابلة وماردو علي (فهمت ان ماقبلوني) بس عادي مافيه مشكلة لأن ماكان عندي رغبة قوية في الشغل عندهم وبعض الأشياء كان مفروض أقول أقولها ولاقلتها وأشياء قلتها مفروض ماأقولها
ومقابلة ثانية أيضا ماردو لكن صارت من فترة قصيرة فعندي أمل يقبلوني لأني متحمسة لشغلهم مع انه أبعد وراتبه أقل من اللي قبل لكن حسيت انه أريح للبال
ان شاء الله يقبلونا في الوظائف اللي فيها خير لنا ونستمتع في وظايفنا

[مرموم]

السلام عليكم و رحمة الله و بركاته

أختي معناها ربّي مش كاتب لي رزق في هذا المكان...و ما مفروض أزعل أبدا...لأنه أمر المؤمن كله له خير...

و في نفس الوقت...أحاول أبحث و أطوّر من نفسي علشان أكون متميزة في أي مقابلات شخصية قادمة...

[wispy girl]

الله يوفقكم يارب..

[umm_7amoody]

عادي ... الله ما كاتبنها لي هالوظيفة

صارتلي مرتين و كنت مصليه استخارة قبل ما اسير ف الحمد لله راضيه بقضاء الله و قدرة

لان لو كان فيها خير لي و الله كاتبنها لي كنت بنقبل فيها

[طفوف]

بقول الخيرة فيما اختاره لله
و بحاول احلل شنو الخطأ اللي ارتكبته

[مصراوية]

انا بصراحه بيجي لي احباط في الاول وبتصدم

وبعدين برضا بقضاء ربنا وبقول اكيد ماليش نصيب فيها يمكن نصيبي احسن

بس بجد احساس رخم



وربنا يوفقني ويوفقكم ان شاء الله للوظيفه اللي فيها خير لينا

[اسرار الكون]

صابيني هذا الموقف لكني ما درت بال ولاهمني الموضوع
عاااااااااااااااااااااااا ااااااااااااااااااااااااا ادي بالنسبه لي
لأني من رحت ماتوقعت انهم يقبلوني
دقيت عليهم وقالوا تعالي بسرعه
ولا قالولي ان المقابله في نفس الوقت ولا كنت مستعده
وكان المجال الي عندهم رياض اطفال وانا كلمتهم في التلفون ورفضوا انهم يعطوني اي معلومات ورحت على عماي ماأدري ايش هي الوظيفه
وعملت المقابله وطلعت من عندهم وانا عارفه اني مراح انقبل
لأنهم سئلوني تحبين الأطفال قلت لهم قليل يعني بالعربي الفصيح مالي خلق للعيال
وسلامتكم.....

[العنزية1400]

راح اعتبرها تجربه

واستفيد منها