مشاهدة النسخة كاملة : لجميع المغتربين في لندن حاليا" او من فتره قريبه جدا"
elbanoootah
19/07/2007, 01:43 AM
:1_3::9_33::1_3:
السلام عليكم ورحمة الله وبركاته
:1_3::9_33::1_3:
ياعرايس طالبتكم طلب..رفيجتي رايحه لندن تتعالج من مرض (الله يجيرنا وياكم)
ما حددولها وين في لندن بالضبط بس والله محتاجه اتعرف عن السكن مثلا شقه غرفه او غرفتين (مفروشه طبعا") بكم ووين؟ وارخص مكان للمواد الغذائيه و الحلال..وخطوط الجوال والمواصلات وكل شي يحتاجه كا مغترب او مغتربه في لندن...
حتى لو موقع اقدر اعرف منه...
:1_3::9_33::1_3:
ارجوكم الله الله فيني يابنات بليز لا تردوني والله البنت.....قدر الله ما شاء فعل....
:1_3::9_33::1_3:
Gulf Girl
19/07/2007, 02:49 AM
السلام عليكم ورحمة الله وبركاته ..
مرحبا اختي ...
انا بصراحه كنت في لندن فترة ونفس الشي كانت رحلة علاجه حق امي ربي يشفيهــا ...
وراح اقولج الاشياء اللي اعرفها ...
أول شي رفيجتج رايحه تقرير والا على حسابها الخاص ... !! ... لان يفرق وايد ...
اذا تقرير لا تحاتي شي ... ان شاء الله بتكفيها الفلوس وكل شي ...
اما اذا على حسابها الخاص .. فالله يكون في عونها ... لان الشقة بس يمكن تكلف 100 الف ريال في فترة قصيرة
لندن غاليه والسكن فيها غالي ... وطبعا لان بالاسبــوع ...
السكن ..
أكثر الناس العرب يسكنون في منطفة اجوارد روود ... ان كان سياحه والا علاج ....
عندج في عمارة اعتقد يسمونها العمارة الحمرا .... هي قريبة من مستشفى كروم ويل ... واجار الشقة اعتقد 600 جنيه بالاسبوع ...
وفي طبعا الفنادق ... اعرف مريضة كانت قاعده بالهلتون اللي في الاجوارد رود ... واعرف ناس قعدوا في ثيستل ماربل ارج ...
وانتي قولي لي اي مستشفى راح تروح ... وان شاء الله بسالج ابوي عن سكن قريب منها ...
الأكل ....
بتلاقي وايد اماكن مكتوب عليها حلال ... Halal >>
احنا كنا نشتري من اجوارد رود ... نسيت اسم المكان .. بس هو لبناني ... وعنده حلال طبعا كل شي ....
وفي بتلاقي محلات هنود وايده بس هاذولي حراميه .. يغلون الاغراض ....
وفي طبعا الساينزبيرز ... تسكو ... وفي جمعية السلفرجز . وهردز ... بس اخر 2 شوي اغلى من الباقي ..
الموصــلات ...
انا كنت دوووووووم رايحه راده في الباص لان اطلع في اليوم اكثر من مرة ... وروحه رده فالتكسي طبعا يكلف ...
الباص خل تشتري لها كرت يكفيها شهر ... كل شهر تجدد ... اخر مرة كان الشهر بــ 70 جنيه ... وطبعا حسب
يصير تاخذ كرت حق باص بس او باص وقطار ... !! ... والاسعار تتفاوت ...
وعندج لندن مقسمينها في المواصلات حق Zones >> يعني 1 2 3 4 5 و جي ... فاهيه تقدر تختار زون 1 بس ...
او زون 1 و2 ... وطبعا الاسعار اهني تتغير ....
وطريقتها وايد سهله قولي لها لا تحاتي ولا شي .... بس تاخذ الخريطه تبع الباص وراح تعلم عليه ان شاء الله هو سهل يعني ...
القطار طبعا وايد اسرررع من الباص .... لكن انا من يوم ما صارت الانفجارات صرت اوسوس ... وبالليل بعد ما يمدحونه !! ... وهي وراحتها ...
الموبايل ....
انا فتحت لي خط Vodaphone >>
الرقم رخيص مو غالي تقريبا 5 جنيه ... لكن لازم تعبيه ... يصير 5 و 10 و 20 و 50 و 100 اعتقد ...
وطبعا في كروت تستخدمها عشان ارخص بالف مرة .... بس انا ولا مرة استخدمتها ما كنت اعرفها
لكن ربعي يستخدمون كروت بـ 5 جنيهات تخليهم يتكلمون 5 ســاعات ... وشي وايد حلو صراحه ...
واذا تتكلم من تلفون ارضي وما عندها كرت .... في رقم ابوي يعرفه انا بصراحه نسيته يعطيها ارقام تدق عليها
قبل الرقم اللي تبيه ويكون السعر مخفض ...
والانترنت بتلاقيه في ستار بكس كله عندهم واير لس لو تبي ... ويصير تشترك في شركه AOL للانترنت تقريبا 20 باوند بالشهر وحسب السرعه اللي تبيها الاسعار ترتفع ... !! ...
الاشياء اللي بتحاتجها من قطر ... ان كانت راح تطبخ طبعا البهــارات ... لان اكلهم هم غير ويبعون كل شي مفرق ...
القهوة طبعا .. القناد ... هالاشيا يعني مافي عندهم ... بس اكثر الامور والاغراض راح تلاقيها هناك ...
ملابس للشتا والصيف ... واذا تلبس عباتها بعد عادي لان وايد عرب فيها لندن ويلبسون ...
واي سؤال انا حــاضرة ... :) ...
:9_33::9_33::9_33:
ღ الينبوعه ღ
19/07/2007, 03:06 AM
الله يشفيها ان شاء الله
الجرح الدامي
19/07/2007, 04:17 PM
الله يشفيها ان شاء الله
اسمحلي بعدي ما رحت بريكانييا بس اطوف فييها ترانزيييت
السمووووووحه
الأماكن المشتاقة
19/07/2007, 08:24 PM
حبيبتي الله يشافيها يارب
منطقة اجوارد روود غالية ماأنصح فيها..
في مطاعم حلال وشقق في مايل إند سعرها أرخص.. صج هي بعيدة عن الهايد بارك شوي بس المواصلات متوفرة..هناك بعد بتلاقي محلات تبيع أشياء عربية وبقالات مغربية خاصة في منطقة بو
أتمنى إني فدتج..وماعليها شر..
أي خدمة أنا حاضرة ..حاليا بلندن..:B_wink:
elbanoootah
20/07/2007, 02:00 AM
gulf girl يزاج الله الف خير ويعطيج الف صحه وعافيه ويشافيلج امج فديتها
مشكوره واااااايد وااااايد والله مشكوره من كل قلبي يا بنت ابلادي..
وانتو بعد مشكورين على مشاركتكم الغاليه
الله يشفي جميع عبيده واجر وعافيه بأذن لله
يعطيكم العافيه عرايس
elbanoootah
20/07/2007, 02:04 AM
واختي الاماكن المشتاقه يعطيج الصحه والعافيه مشكوره فديتج...
newstar
20/07/2007, 11:54 AM
هلا أختي والله يشفي مريضتكم. يا ريت تقولين لنا اسم المستشفى عشان نقدر نساعدج وبشري بالخير.
+::+::أميـرة الـورد ::+:+
20/07/2007, 01:42 PM
الله يشفيها ان شاء الله
elbanoootah
20/07/2007, 01:54 PM
للحين ماحددولها اي مستشفى.. وهي رايحه عن طريج الدوله والمشتشفي هنيه مقدمين على اكثر من مستشفى فلندن عشان يحصلون على اقرب موعد..اوكي حياتي؟
يزاكم الله خير
لب لفواد
20/07/2007, 02:44 PM
الله يشفيها ويعافيها أن شاء الله.......
megastore
20/07/2007, 03:06 PM
هلا الغـــــــــــاليه ...........
الله يشافيلكم مريضتكم و يعافيها ...........
الأخت قلف قيرل ماقصرت و الله يعطيها العافيه .............
بالنسبه للشقق ........ تقدرين تشوفين عن طريق مكاتب تأجير الشقق و موجوده بكثره....... و يطلعولج الشقه اللي تبينها و المنطقه و انصحج تتعاملين مع اجانب مش عرب هناك لأنهم حراميه ويغلوون وايد ...
بالنسبه للمطاعم العربيه متواجده و بكثره ..في الأجور رودEdgewer road ( عرب رود) عقولتهم ...بس غاليين بعد Queen's way بعد فيها مطاعم ...... و البقالات العربيه اللي في الأجور رود فيها ملحمه بعد و كله ذبح حلال لو حابه تطبخون في الشقه
صراحه معضم المناطق فيها مطاعم عربيه . و محلات...
وعن المستشفى فمعروف كروم ويل .........وااااايد اوكيه ...... وماعليه كلام .......وفيه شقق للأجار عداله و اسعارهم ارخص من اجور رود ...
وعن كرود الأندر غراوند و الباصات .......اطلعينها من اي محطة أندر غراوند و تطلعلج رخيصه واااااااااااااااااااااااا اااااااااايد و تستخدمينها للباصات و الطارات الأندر غراوند .... وشهريه
و عن التيلفونات فالفودافون اوكيه هناك ............ و لو بتتصل للبلاد تستخدم محلات التيلفونات ارخص ...... ووايد منتشره هالمحلات هناك ....
واي سؤال حاضرين :)
شكرا
elbanoootah
20/07/2007, 05:00 PM
اوكي حبيبتي مشكوره بس لو سمحتو بنات ابي الاسامي بالانجليزي احسن
ماعليكم امر ومشكورين
Gulf Girl
21/07/2007, 01:08 PM
مرحبا اختي ....
العفو يالغاليه .. ومشكورة على دعائج الحلو ...
والله يعافي مريضتكم ويردها لكم بالسلامة ان شاء الله ...
بس بغيت اعرف اسامي شنو اختي اللي تبيها بالانجيزي ؟!! ..
فديتج الله يعافي جميع المرضى وعموما الاخوات كلهم قالولج اجور رود وانا الصراحه اسكن فيها وانا في لندن حاليا ومايردج الا لسانج