احبه ولا ادري شلون اتأكد انه يحبني

[يا سامع الدعاء]

السلام عليكم و رحمه الله وبركاته
اخواتي العزيزات اخواني الاعزاء
احيكم قبل كل شي لانها هاذي اول مشاركه لي في المنتدى
و اتمنى ان اكون اختكم ..
في البداية انا حابه اني اذكر لكم اني دائما في كل موضوعاتي راح اتكلم عن نفسي ...
يعنى اي مواقف تصادفني راح اذكرها لكم في المنتدى هذا واتمنى اني احصل على النصيحه منكم...
موضوعي الاول هو عبارة عن اني احب شخص و لا ادري ان كان يحبني او لا و طبعا هذا صعب اني اعرف هو يحبني او لا وفوق هذا كله صعب اني اظل احبه وهو ما يدري ولا انا ادري ان كان يحبني او لا.....
اطلب منكم اعزائي افادتي بطريقة من خلاها اعرف انه يحبني او لا....
طبعا انا اعرف ان اكيد ... في احد مرة بهذه التجربه ... و اتمنى انه نهايتها .. كانت سعيده...
انا نفسيا تعبانه بس حاليا ولما كتبت الى ا خواني في المنتدى واخواتي احسن وطبعا على الله توكلي... انه راح يصير لي شي .. بقوة الله...
اشكركم اخواتي اخواني
و اتمنى منكم الرد السريع على موضوعي
ولا تبخلون علي بالنصيحه اينكانت النصيحه ... راح اتقبلها بصدر رحب...
اشكركم
مع تحياتي

[فتاة الخزامى]

هلا يا سامع الدعاء.. سؤالج مهم بس أعتقد مكانه في الركن العام.. و نصيحتي لج تأكدي في البداية إن قلبه فارغ..يعني يمكن يحب وحدة غيرج و وفي حقها و أنتي متعذبة عشانه و تعيشين حب من طرف واحد.. و أهم شيء لا تصارحينه بحبج إذا تأكدتي إن ما في باله أحد.. خليه هو اللي يصارحج لأن الريال ما يحب البنت اللي تربع وراه ..لا يحبون اللي هم يتعبون عشانها..و مهما كان خلي عندج ذوق و أسلوب في الكلام عشان تكسبينه..و تحياتي

[دلولة]

سمعيني تبين نصيحتي احتفظي بقلبج لزوج المستقبل والله ان الحب بدون زواج ما وراه الا المذلة وعوار القلب شوفي والله اعرف وحدة كانت تحب واحد من وهي عمرها16 سنة وتمت وياها لين ما صكت ال26 سنة وكل ما تقدم لها واحد ارفضت وكان حبيبها يقص عليها ويحدد لها كل مرة موعد بانه بيخطبها وفي النهاية راح وتزوج بنت عمة والبنت الحين صكت 33 ولا حد تزوجها وخسرت كل شيء تحملي اتحطين نفسج بهالموقف وبعدين فكري بهلج وبامج وشبيصير فيهم لو درو انج على علاقة مع واحد والله حرام اتخلين اخوانج يمشون بالشارع وهم منزلين روسهم بالارض والله يهديج ويهدينا معاج

[الرومانسيه]

هلا اختي

اما نصيحتي لج ما اتعذبين عمرج وخلي قلبج متل ما قالت اختي

لزوج المستقبل

صدقيني الغاليه انا اعرف وااايد بنات حبوا شباب وتركوهم بعدين

بحالات لا يرثي لها

انا ما اقولج كل الشباب شذه بس الغالبيه للاسف خاصه

شبابنا احنا الخليجين ابعدي فكرج عن هذي السالفه

وان شا الله بيج بصيبج



بحفظ الرحمن ...


:rolleyes::rolleyes::rolleyes:

[العنزية]

نصيحيتي لج يا اختي انك تنتظرين لين ماهو يبدي بحبه لج ولكن اسمعيني ان الصبر مو مطلوب في كل الاوقات اي ان الصبر له حدود اظن انك فاهمتني عدل والله يوفقج بس انتي ماذكرتي اهو شنو تصرفاته ما لمح ولو بشي بسيط اذا كنت ماتقدرين تقولين بالعام تطرشيلي على الخاص وانشاء الله اقدر افيدك;) ;) ;)

[سر1ب]

السلام عليكم ورحمة الله وبركاته ..

هلا اختي

نصيحتي لك ان تنسيه حب من طرف واحد ما يفيد واولاً التمادي فيه محرم

واحتفظي بمشاعرك لزوج المستقبل وحاولى أن تشغلي نفسك بما ينفعك

ولاتحاولي تفكري فيه او تسألى عنه حتى تتمكني من نسيانه تمام

ومافي داعي ان تتخذي طريقة لتعرفي هل هو يبادلك الشعور أم لا فكم

من الشباب اتخذ الفتاة فريسة لأعمله الدنيئة ثم أتخلى عنها بكل سهولة

كلمات الحب بسيطة ممكن تقال في أي وقت وخاصة لمثل هؤلاء لايعرفون

قيمتها الحقيقي أو معناها اذا أرادك أو يحبك سيتقدم لخطبتك ولاشك .

نصيحتي لك دعيه وشأنه وأنتبهي لمستقبلك وبإذن الله سوف يرزقك الله

الزوج الصالح الذي يستحق تلك المشاعر

سراب