مشاهدة النسخة كاملة : مغتربات مصر ... تعالوا ..........
أسماء زكي الدين
07/06/2007, 08:49 PM
فتحت هذا الموضوع ليس لننعزل عن الأخريات لكن لأن هناك أمور لااااااااااااابد أن نناقشها مع بعض ...
أولها ماذا تحملين معك من مصر وأنت مسافرة لبلد الإقامة؟
ثانيا كم المدة التي تبعدين فيها حتى ترين أهلك؟
ثالثا وهي نقطة هامة ومزعجة بالنسبة لي ... تعليم الأطفال . . اسمع كثيرا بتعقيدات جمة تواجه العائدون نت الخارج حتى يلتحق أبناءهم بالمدارس المصرية إن لم يكونوا يدرسون في بلاد عربية ... :confused:
فمن جرب ذلك وكيف كان الحل ؟؟؟ :1_3:
ROSE3ROOS
08/06/2007, 08:22 PM
ليسة من مصر ولكن حبيت اني اقول لكم ربي يرجعكم لاهلكم ويحفظكم بالغربه, ويكون هااذا الموظوع وصلة بينكم وتخفيف للغربه.
أسماء زكي الدين
08/06/2007, 09:04 PM
تسلمي غاليتي ...
أسماء زكي الدين
08/06/2007, 09:17 PM
أخبركم عما احمله معي من مصر ..
1- لااااااااااااازم هدايا وتذكارات تعبر عن الثقافة المصرية للأصدقاء الباكستانيين وغيرهم من غير المصريين طبعا ...
2- جبنة رومي .. لأن البلد هنا ما كانت تعرف أي نوع جبنة فتعلمت عمل الجبن الأبيض ... والجبن الشيدر اصبح موجود ... والآن الكاسات السائلة .. ومن كم يوم لقيت جبنة طعمة المصرية ... ويا عيني على جمالة وطعامتك يا مصر ..
3- بعض الملابس مش كثير خصيصا الداخلية ... لا تضحكوا عليّ يا بنات عن جد هنا ما بيعرفوا الملابس الداخلية والأندر ... مش بيستعملوهم ... لكن بدأوا مش عارفة ليه بيجيبوهم أصلا ... لكن نص العمى ولا العمى كله ...
4- مهم جدا اليانسون والكركدية .. الدوم ...
5- كريمة الكيك البودرة لأن هنا عندهم بس قشطة وبتخلي التورتات ثقيلة ...
6- كتب .. لأنني افتقدت فترة طويلة الكتب باللغة العربية فأحضرت كمية منها
مش تقولا النت عوض أيوه فعلا .. لكن أنا باقتنع جدا بمسك الكتاب والقراءة فيه وأنا على السرير ...
7- كتب سلاح التلميذ لأولادي ... للغة العربية وهي أهم شيء في القائمة ...
8- حمامات كريم للشعر لأنهم هنا مش محتاجينها بصراحة فهي غير موجودة ...
9- بابا له كم سنة لاااااااااااااااااااااااا اااااااااازم قبل ما أسافر يشتري لي حمام ويجمده ويظل شاغل نفسه به كم يوم قبل سفري لغاية ما يعمله كتلة حجرية تتحمل الطريق ههههههههههههه الله يحفظه لي آخر مرة كنت فيها ما كنتش حابة أشيل حمام معايا وقلت له الله يخليك يا بابا .. بلاش منه ... أنا أكلت منه طول ما أنا هنا ... لكنه ربنا يحفظه ويطول في عمره رفض رفضا قاطعا ...
بصراحة كنت مكسوفة أطلع بحمام في الطيارة ... كان نفسي أقول له غير لي الحمام بجبنة رومي ... لكن خفت يجيب الجبنة على الحمام ...
بعض الناس بيجيبوا معاهم ملوخية مجمدة وجبن أبيض ... لكن بصراحة أنا باجيب حبوب البقدونس والملوخيةوبازرعهم بنفسي ونحصد وأجمدها في الفريزر ... هههههههههههه
ღ الينبوعه ღ
08/06/2007, 09:25 PM
ما شاء الله تبارك الرحمن عليج ربي يحفظ لج اطفالج ان شاء الله ويبعد عنج كل مكروة وكل شر اللهم امين حبيبتي
فتاة القلب الجريح
08/06/2007, 11:47 PM
اهلا وسهلا اختي اسماء احمدي ربنا انك في دوله مسلمه زي باكستان شوفي غيرك في بلاد الضلاله زي اوروبا وامريكا واسترالياء وان شاء الله ترقعو بسلامه للوطن الام مصر بس انا مش منها ومع الف سلامه http://go.3roos.com/bllt7vea5wy .
أسماء زكي الدين
09/06/2007, 07:58 AM
الينبوعة ... تسلمي أختي ربنا يبارك فيك ...
اهلا وسهلا اختي اسماء احمدي ربنا انك في دوله مسلمه زي باكستان شوفي غيرك في بلاد الضلاله زي اوروبا وامريكا واسترالياء وان شاء الله ترقعو بسلامه للوطن الام مصر بس انا مش منها ومع الف سلامه .
مين قال أختي الحمد لله أحمده وأشكر فضله ألف مرة وكلها بلاد اله ولكن الناس هم يعيثون فيها فساد ...
وعلى فكرة الدين هنا صفة فقط للأسف إلا من رحم ربي ... ممن سافروا لبلاد عربية مسلمة ...
مرمر مصر*
09/06/2007, 12:28 PM
حبيبتى اسماء انا حبيت ادخل واشارك بتجربتنا ف البيت احنا بابا الله يرحمه كان ف الكويت
وتوفى من سنه ونص .......
بس كان لازم ناخد معانا حاجات كتير كل لما نروح وماما كمان كانت بتسافر كتير بس احنا
ما اتعلمناش هناك بصراحه ........بس بابا يعتبر عاش فتره كبيره اوى اكتر من 25 سنه واتوفى
هناك برضو:confused::confused::confused:
لى عوده ان شاء الله وهاكمل الموضوع ........
أسماء زكي الدين
09/06/2007, 03:54 PM
حبيبتى اسماء انا حبيت ادخل واشارك بتجربتنا ف البيت احنا بابا الله يرحمه كان ف الكويت
وتوفى من سنه ونص .......
بس كان لازم ناخد معانا حاجات كتير كل لما نروح وماما كمان كانت بتسافر كتير بس احنا
ما اتعلمناش هناك بصراحه ........بس بابا يعتبر عاش فتره كبيره اوى اكتر من 25 سنه واتوفى
هناك برضو:confused::confused::confused:
لى عوده ان شاء الله وهاكمل الموضوع ........
مرمر مصر ...
أهلا وسهلا ومرحبا ...
سلمي لي على مصر كلها وحشتني الغالية :confused::confused::confused:
ربنا يرحم والدك ويدخله فسيح جناته يا رب ...
سعيدة أنا بدخولك والمشاركة ... :clap:
medowawa
12/06/2007, 02:09 AM
حبيبتي اسماء ماكنتش اتوقع انك مصريه
اولا لانك دايما بتتكلمي لغه عربيه فصحى وثانيا لان بلد الاقامه باكستان
وانا دايما بتابع مواضيعك في ركت التربيه والطفل وربنا يوفقك
انا مغتربه في السعوديه والقصه اني هنا من وانا عندي سنه
وفضلت لغايه الجامعه نزلت واتخطبت واتجوزت وفضلت فتره وفجاه جوزي جاله عقد ورجعنا هنا تاني
وطبعا المفروض اكون متعوده وخلاص بس مش قادره
حاسه بغربه فظيعه يمكن لان ماما واخواتي مش معايا
رغم ان اصحابي من ايام الثانوي هنا
ورغم ان عرفت جداد
بس للاسف ماتعرفتش على واحده مصريه شبهي
ويمكن مش حتفهميني بس انا نفسي في زوجين زيي انا وجوزي ونبقى ثنائي وولادنا يبقوا
زي بعض وبالتالي الغربه تخف
بس المشكله ان صحباتي اللي بحبهم مش متجوزات
والثنائيات اللي بتعرف عليهم مش زيي نهائي
احيانا في التفكير ساعات في المستوى الاجتماعي ساعات في الدين
يعني انا والحمد لله مش حقول متدينه لكن انسانه بحاول اكون كويسه لكن الاقيهم متزمنين لحد التقفيل وكله حرام
مش عارفه ليه ,,,,كان ديننا مقفول وزي مابيقولوا المتخلفين انه ارهابي
مع انه جميل جداوانا بحاول كدى في حياتي اعيش بعقليه متفتحه ودينيه من غير ماكون مغلقه على نفسي
واعيش حياتي بس في كتير بقابلهم مش كدى
ده غير المستوى الاجتماعي
ده غير الاطفال اللي ممكن الالفظ والتصرفات ماتنفعش مع ولادي
نفسي يكون في ناس زيي انا وجوزي بس المشكله انهم موجودين بس مش عارفه اوصل لهم
وعلى اد مابحب صحباتي بس هم مش متجوزات عشان جوزي يبقى مشترك معانا في خروجنا او اختلاطنا مع بعض
وطبعا انا وجوزي بنقوم بنشاطات كتيره مع بعض بس الاختلاط مع الناس حلو
خصوصا لو من بلدك وليهم نفس التفكير
يعني ممكن جوزي يقابلهم يقعد معانا شويه وبعدين يقوم يكلم واحد صاحبه او يلعب مع ولادنا لكن مفيش ثنائي نمارس معاه حاجات ممتعه
زي الشوي عل البحر او النشاطات التانيه دي فهماني طبعا
طولت عليكي ,,,,,,,,,,,معلش رغايه بقى
medowawa
08/07/2007, 04:26 AM
بنات خلونا نكمل كلام لان الموضوع راح منه كتير بسبب ظروف المنتدى اللي حصلت فحلينا نرجع التواصل....لان ده باب لينا في غربتنا
أسماء زكي الدين
13/07/2007, 12:19 PM
الحمد لله قدر ولطف والحمد لله بعض الردود اللي راحت ومواضيع قليلة كله يتعوض .... إن شا ءالله
medowawa
13/07/2007, 11:13 PM
ازيك يااسماء عامله ايه واخبار الحر عندكم ايه,,,نازله مصر السنه دي ولا لا
أسماء زكي الدين
15/07/2007, 11:45 AM
ازيك يااسماء عامله ايه واخبار الحر عندكم ايه,,,نازله مصر السنه دي ولا لا
أهلا حبيبتي ... الحمد لله بخير والحر حرررررررررررررررررررررررر رررر ...
أمبارح نزلت مطرة قبل العشاء ... كانت شديدة جدا مدتها خمس دقائق لكن كميتها كانت كبيرة جدا لدرجة إنها دخلت من البلكونة من تحت الأبواب وما سابتش غرفة غلا لما دخلتها ... واللي واصل دخل المطبخ وطلع من مصرف المطبخ أو نزل على السلم يزور الجيران خخخخخخخخخخخخخخخخ
فضلت أشتغل أمبارح لغاية الساعة 11 وبعدين تعبت ... والنهاردة المفروض أكمل ...
طبعا اتبهدلت أوراق وكتب لأن المطر طال المكتبات الأجزاء اللي تحت وشنط أولادي بتاعت المدرسة ...
وملابسسسسسسسسسس كنت غسلتها لكن بصراحة كنت حطاهم في الأرض في حجرتي علشان أفرزها واتخلص من اللي صغر ...
النهاردة بأى ح أطلع انشرهم تاني ... :sad::sad:
medowawa
16/07/2007, 06:25 PM
انت كنت سايبه الشبابيك مفتوحه ولا ايه
خدي بالك هنا الجووووووووووووووو حرررررررررررررررررررررررر رر
بس بلليل في شويه هوا بس سخنين
والرطوبه بدات المكيفات نعمه والله
Prof_Nona
17/07/2007, 12:17 AM
دى اغنية على بالى للفنانة عايدة الايوبى ومن كلماتها
على بالى ..على بالى..حبيبى على بالى..على بالى ...ابن بلدى على بالى
غربتنا ساعة لنجعلها طاعة
أسماء زكي الدين
17/07/2007, 10:06 AM
انت كنت سايبه الشبابيك مفتوحه ولا ايه
خدي بالك هنا الجووووووووووووووو حرررررررررررررررررررررررر رر
بس بلليل في شويه هوا بس سخنين
والرطوبه بدات المكيفات نعمه والله
لا يا ميدوا والله المطر ما دخلش من الشبابيك المطر دخل من تحت الأبواب
من البلكونة
أصلها كبيرة أوي ما شاء الله
والسطح ما فيهوش إلا مصفة واحدة للمطر تصرفه للبلكونة والبلكونة ما فيهاش إلا مصفة واحدة كمان
فمقدرتش تستوعب كل مية المطر وتصرفه في الشارع لقيت مية بتجري على كل الأوض جوه والمطبخ ونزلت من على السلم لتحت :D_smil1:
على رأي اللي قال كانت بتدور على حاجة ...:B_wink:
تخيلي أنا افتكرت إن في حاجة سادة المصفة برة في البلكونة طلعت أشوف ما لقيتش حاجة بس المطر كان لنص ساقي .... لكن بصراحة خلتنا نمسح البيت كله
آآآآآآآآآآآآآآآه يا ظهري :sad:
الله يعينكم على الحر أنا عارفة حر الخليج
هنا المطر هو اللي بيخفف عندنا الحرارة شوية المشكلتة بتبقى في الرطوبة
والهوا السخن ده مشكلة
اللهم قنا عذاب النار وأدخلنا الجنة مع الأبرار
many*bass
22/07/2007, 06:47 AM
بنات خلونا نكمل كلام لان الموضوع راح منه كتير بسبب ظروف المنتدى اللي حصلت فحلينا نرجع التواصل....لان ده باب لينا في غربتنا
ازيكوا انا برده من مصر بس مهاجره لامريكا مع جوزي يا رب تكون معرفتنا معرفه خير ان شاء الله:9_28:
medowawa
24/07/2007, 05:18 AM
ازيكوا انا برده من مصر بس مهاجره لامريكا مع جوزي يا رب تكون معرفتنا معرفه خير ان شاء الله:9_28:
حبيبتي اهلا بيكي معانا وربنا يعينك على غربتك
الهجره بره صاعبه يارب ترحعي قريب انشاء الله بلدك
medowawa
24/07/2007, 05:24 AM
اسماء ضحكتيني والله
بس كويس الصيف في مطر احنا جفااااااااااااااااااااااا ااااااااااااااااف
نشفنا من الجفااااااااااااااااااااا اااااااااف:sm215::sm215::sm215:
أسماء زكي الدين
24/07/2007, 07:01 AM
استودعكن الله الذي لا تضيع ودائعه
توتى وشيكو
25/07/2007, 05:36 PM
اهلا وسهلا ببنات مصر القمرات
ازيكم جميعا ؟ انا زيكم مغتربه فى السعوديه وانا صغيره كنت مع اهلى هنا وبعدين رجعنا مصر كام سنه وبعدين سافرنا الكويت وخلصت الثانويه ورجعت مصر ولما خلصت الجامعه سافرت الكويت اشتغلت هناك وبعدين رجعت مصر اتجوزت وجيت على الدمام وعشت فيها كام سنه وحاليا انا فى جده ويا عالم هنروح فين بعد كده
اسماء الله يعينك على اللى انتى فيه دا انتى بقيتى ست بيت ممتازة ولا يعلى عليكى ربنا يقويكى وترجعى مصر بالف سلامة
انا يا ستى برضه اهلى بيدونى حمام وكمان بحب المش بصورة مش عاديه وبرضه بنجيب جبنه رومى وجوزى حريص لما ينزل يجيب لكل اصحابه بسبوسه من مصر اه ونسيت اقولك انى بعشق الجوافه لو فى الموسم بجيب منها
بالنسبه للأجازات حسب تساهيل ربنا السنه دى مش هنزل مصر لانى لسه والده وماما وحماتى كانوا هنا وكمان انا بشتغل بقالى كام شهر ومش هعرف اخد اجازة
بالنسبه للمدارس هضطر وامرى لله ادخل ابنى مدرسه خاصه واااااااااااااااااااااااا ااااه من اسعارهم بس هنعمل ايه ؟ بصراحه معنديش استعداد انزل مصر اعيش هناك لوحدى دا غير بقا انى بموت فى السعوديه انا جمب احلى مكان فى الكون ( مكة المكرمة ) مهما اوصفلكم انا سعيده اد ايه مش هعرف كفايه ان لما الواحد يكون مخنوق يروح هناك يرجع وناسى الدنيا وهمومها الواحد لما يزور صاحبه صاحبه بيكرمه ويرحب بيه فما بالكم بقا الله عز وجل معلش اتحمست ورغييت كتير
اسيبكم فى امان الله
medowawa
28/07/2007, 06:35 AM
حبيبتي توتي وشيكو ازيك انا زيك في السعوديه بس في الخبر وانا كنت عايشه فيها وسافرت ورجعت متجوزه
بس ربنا يسهل انشاء الله ونرجع مصر قريبامييين يارب
ومبروك عل البيي وانا كنت بكلمك في ركن التربيه والطفل فاكراني لما سالتك عن الدكتور المصري اللي فيالمانع
انا الحمد لله ولدت وجبت بنت وفي المانع بس عند دكتوره اسمها اميمه والحمد لله كانت كويسه واخدت حقنه الظهر وريحتني
medowawa
28/07/2007, 06:36 AM
استودعكن الله الذي لا تضيع ودائعه
ايه يا اسماء رايحه فييييييييييييييييين:9_33:
توتى وشيكو
28/07/2007, 12:06 PM
ازيك يا ميدو طبعا فكراكى وحمد الله على سلامتك والحمد لله ان الابره ريحتك عشان تدعيلى
ايه اخبار الخبر وحشتنى والله ووحشنى اللف فى الراشد والاكل فى بيت التنور الصينى وستيك هاوس ويا سلام على الكورنيش كانت ايام جميله
medowawa
29/07/2007, 09:38 PM
الحمد لله كله كويس............وفي مول جديد ظهران مول احلى من الراشد كتيييييييييير والراشد فتح تبعه كارفور يعني كله من مكان واحد هدوم واكل وفي محلات وكوفي شوب كتيييييييييير فتحت وجمييييييييييله
الخبر اتغيرت كتير اوي
بس جده احلى ولا الخبر لاني طول عمري عايشه هنا وعمري مارحتها
رحت الرياض والمدينه ومكه طبعا ورحت حتت شفتها من بعيد بس جده عمري مارحتها حلوه
وشبه مصر زي مابيقولوا
توتى وشيكو
30/07/2007, 07:21 PM
بصراحه جده غير جميله اوى اوى تعتبر احسن حته فى السعوديه وكفايه قربها من الحرمين دى نعمه لا تقدر بتمن
medowawa
01/08/2007, 05:17 AM
صح حبيبتي عندك حق
الواحد لما بيروح عمره بيرتاح وبيحس انه ريح اعصابه من الدنيا وضغوطها
توتى وشيكو
01/08/2007, 12:44 PM
مقولتليش ايه اخبار البيبى ؟؟
بتدخلى على الشات والا لاء ؟
أسماء زكي الدين
04/08/2007, 09:52 PM
اهلا وسهلا ببنات مصر القمرات
ازيكم جميعا ؟ انا زيكم مغتربه فى السعوديه وانا صغيره كنت مع اهلى هنا وبعدين رجعنا مصر كام سنه وبعدين سافرنا الكويت وخلصت الثانويه ورجعت مصر ولما خلصت الجامعه سافرت الكويت اشتغلت هناك وبعدين رجعت مصر اتجوزت وجيت على الدمام وعشت فيها كام سنه وحاليا انا فى جده ويا عالم هنروح فين بعد كده
اسماء الله يعينك على اللى انتى فيه دا انتى بقيتى ست بيت ممتازة ولا يعلى عليكى ربنا يقويكى وترجعى مصر بالف سلامة
انا يا ستى برضه اهلى بيدونى حمام وكمان بحب المش بصورة مش عاديه وبرضه بنجيب جبنه رومى وجوزى حريص لما ينزل يجيب لكل اصحابه بسبوسه من مصر اه ونسيت اقولك انى بعشق الجوافه لو فى الموسم بجيب منها
بالنسبه للأجازات حسب تساهيل ربنا السنه دى مش هنزل مصر لانى لسه والده وماما وحماتى كانوا هنا وكمان انا بشتغل بقالى كام شهر ومش هعرف اخد اجازة
بالنسبه للمدارس هضطر وامرى لله ادخل ابنى مدرسه خاصه واااااااااااااااااااااااا ااااه من اسعارهم بس هنعمل ايه ؟ بصراحه معنديش استعداد انزل مصر اعيش هناك لوحدى دا غير بقا انى بموت فى السعوديه انا جمب احلى مكان فى الكون ( مكة المكرمة ) مهما اوصفلكم انا سعيده اد ايه مش هعرف كفايه ان لما الواحد يكون مخنوق يروح هناك يرجع وناسى الدنيا وهمومها الواحد لما يزور صاحبه صاحبه بيكرمه ويرحب بيه فما بالكم بقا الله عز وجل معلش اتحمست ورغييت كتير
اسيبكم فى امان الله
اهلا توتي وشيكو ... تعرفي يا أختي المثل اللي بيقول الزمن خير معلم ... واللي بيقول اللي ما علمهوش أبوه وأمه يعلمه الزمن! هذه انا ...
ربنا ييسر لك أمورك ويعينك
أسماء زكي الدين
04/08/2007, 09:54 PM
على فكرة يا توتي انا عملت مش قديم ويجننننننننننننننننننننن ... تيجي تاكل معايا ؟؟
كان نفسي استفتحه بكرة لكن عندي ضيفة على الغدا مش معقولة أاكلها مش خصيصا إنها إيرانية
توتى وشيكو
04/08/2007, 10:55 PM
اسماء الف هنا وشفا يا قمر وربنا يسعدك
أسماء زكي الدين
06/08/2007, 01:12 AM
اسماء الف هنا وشفا يا قمر وربنا يسعدك
الله يهنيك يا توتي ... البنت جات وانا كنت تعبانة جدا ... مش قادرة أقف على رجليّ
دخلت هي طبخت لنا هههههههههههه
كنت مكسوفة جدا منها
قلت لها : تعالي يوم الأحد الجاي ح اكون طابخة من بلليل:21_207:
توتى وشيكو
06/08/2007, 10:07 AM
عادى بتحصل يا اسماء وسلامتك الف سلامة الظاهر قرينا عليكى
medowawa
08/08/2007, 04:38 AM
ازيمن يا بنات فين بقيت البنات اللي عرفونا نفسهم ومشوا ليه مابيتكلموش
اسماء ازيك عامله ايه واخبارك ايه انت والكمبيوتر
وانت يا توتي بنتي الحمد لله كويسه عندها 7 شهور وحروح اطعمها بكرى ان شاء الله
بس متعلقه بيها لسه نونه بقى واحلى عمر ليهم لا بيقلوا ادبهم ولا بيتكلموا
انا عندي ولد عنده 2 و9شهور
بس مجنني وبكرى هي تكبر وتجنني معاه:sm2441::sm2441::sm2441::sm240::sm240:
توتى وشيكو
08/08/2007, 11:12 AM
صباح الخير ازيك يا اسماء ؟؟
ميدو ربنا يخليهوملك هما العيال مزعجين بس البنات بتبقى اهدى انا عندى محمد 4 سنين الا شهر ونص وشيكو سنتنين و8 شهور وليلى شهر ونص
بتقضى وقتك ازاى عندك اصحاب فى الخبر ؟؟
أسماء زكي الدين
08/08/2007, 02:16 PM
عادى بتحصل يا اسماء وسلامتك الف سلامة الظاهر قرينا عليكى
الحمد لله على كل حال ... هههههههه الله يسلمك ... لا أبدا هي البنت دي موعودة معايا عموما قلت لها إذا جيتي الأحد القادم أطبخ بالليل قبل ما تيجي :2_106::2_106::2_106:
أسماء زكي الدين
08/08/2007, 02:19 PM
ازيمن يا بنات فين بقيت البنات اللي عرفونا نفسهم ومشوا ليه مابيتكلموش
اسماء ازيك عامله ايه واخبارك ايه انت والكمبيوتر
وانت يا توتي بنتي الحمد لله كويسه عندها 7 شهور وحروح اطعمها بكرى ان شاء الله
بس متعلقه بيها لسه نونه بقى واحلى عمر ليهم لا بيقلوا ادبهم ولا بيتكلموا
انا عندي ولد عنده 2 و9شهور
بس مجنني وبكرى هي تكبر وتجنني معاه:sm2441::sm2441::sm2441::sm240::sm240:
الحمد لله حبيبتي انا بخير والكمبيوتر ربنا يهديه يا رب هي مش ناقصة الفترة دي أي مصاريف مفاجأة ... (g)
أسماء زكي الدين
08/08/2007, 02:39 PM
على فكرة يا بنات الأولاد أصبحوا ايسر في التربية من البنات هذه الأيام
صدقوني عن تجربة
البنات جننونييييييييييييييي ابني كان اسهل منهم بكتيييييييييييييير ربنا يحفظهم كلهم ايام زي العسل
توتى وشيكو
08/08/2007, 06:30 PM
اسماء ربنا يخليهوملك انا لسه بنتى صغيره هشوف اسهل والا زيهم اصل هما عفاريت ما شاء الله عليهم
ولادك اد ايه ؟؟
أسماء زكي الدين
09/08/2007, 11:11 AM
اسماء ربنا يخليهوملك انا لسه بنتى صغيره هشوف اسهل والا زيهم اصل هما عفاريت ما شاء الله عليهم
ولادك اد ايه ؟؟
ربنا يحفظها إن شاء الله علشان بنتك هي الأولى ح تكون هادية ورقيقة لأن البنات مهما كانوا عفاريت وهم صغيرين لما بتبدأ تشوف أمها وتحس إنها زي ماما بتلاقيها بقت رقيقة وطيبة لا وح تساعدك مساعدة في شغل البيت ... :poster_dev:
ابني ما شاء الله عمره 11 سنة وبنتي جهاد عمرها 7 وجمانة الشهر الجاي تتم أربع سنوات :2_106::2_106:
توتى وشيكو
09/08/2007, 03:01 PM
ما شاء الله ربنا يخليهوملك وتفرحى بيهم عن قريب
medowawa
09/08/2007, 08:59 PM
انا لي صحبات من ايام الثانوي لسه موجودين وبقابلهم
وكمان بابا هنا معايا وماما بتيجي في زيارات
وكمان احنا بنخرج كتييير
بس بردوا مصر وحشاني جدا جدا جدا
توتى وشيكو
10/08/2007, 05:44 PM
طيب والله كويس يا ميدو عندك حد مسليكى
انا يا ستى بشتغل وايام الاجازة بنخرج مع صاحب جوزى ومراته وعياله من سن عيالى تقريبا واحيانا ان وجوزى بنخرج لوحدنا يا بنروح نقعد فى مكان او نعمل شوبنج والحياه ماشيه على هذا المنوال
medowawa
11/08/2007, 02:26 AM
انا بقى كنت بحكي لسه لاسماء عن اني لحد دلوقتي لسه مالقتش الكبلز ده اللي انا وجوزي نخرج معاهم
يعني اصحاب جوزي مش متجوزين او مرتتهم في مصر
وصحباتي مش متجوزات واللي متجوزه جوزها مايعرفش جوزي لانهم من جنسيه تانيه وجوزي مش متعود يتعرف على ناس مش من جنسيته
يعني السودانيين ممكن بس غيرهم بيستغرب شويه
ولما بنتعرف على حد جديد لاما معقدين حياتهم والستات لوحدها والرجاله لوحدها وطبعا احنا عادي بنخرج ستات وجوازهم وولادهم
لاما يعني مش زينا في المستوى ومش قصدي اننا كلاس بقى وكدى ههههههههههههههههههههه
لا انا قصدي تحسي انهم زيك مالقتهمش لسه
وبصراحه احيانا بقول اريح
وجوزي مصاحب ابن عمي جدا بس هو لسه ماتجوزش خاطب بس بنخرج معاه بس طبعا ببقى نفسي يبقى معايا بقى ست زي
بس يابختك انك بتشتغلي انت خريجه ايه انا بدور بس انت عارفه السعوده ولازم الخبره يعني لو ماكنتش بشتغل وقاعده بربي ولادي
لا ماينفعش لازم خبره لما اتخنقت نفسي اشتغل,,,,,,,,,,,,,,
medowawa
11/08/2007, 02:27 AM
وانت يا اسماء عامله ايه وحشانا والله
انت بتشتغلي بردوا ولا زي حالاتي شغاله في المنزل هههههههههههههههههههههه
توتى وشيكو
11/08/2007, 11:20 AM
ان شاء الله يا ميدو قريبا هتتقابلى مع الجروب اللى ترتاحيله انا صاحب جوزى لبنانى ومراته لبنانيه وفعلا فى بينا توافق فى كل حاجه ولما بنخرج بنستمتع مع بعض ودا ملقنهوش مع كتير من المصريين اللى هنا يمكن العيب فينا
انا خريجه كليه التجارة ومعايا كام كورس فى الكمبيوتر والانجليزى وكنت اشتغلت قبل كده مره فى الكويت ومرة فى مصر بس اقولك على حاجه كل اللى كتبته دا طظ فيه لانى مشتغلتش بيهم انا مقتنعه ان كل شغلى بسبب واحد توفيق من ربنا لانى ايام الدمام كنت بدور فلقيت نفسى حملت وقلت هدور تانى جبت شريف وبعدين جينا هنا وكان جوزى يقولى مش هندور غير لما يكمل شريف 3 سنين وفجأه حملت تانى فى ليلى وقالى انسى الشغل نهائى وبعدين جت علينا ظروف وهو ساب الشغل فعرضت عليا جارتى ادور انا على وظايف فى الجراي وكنت حامل فى الرابع وبعدها خدت منى السى فى وفجأه اتصلوا بيا وروحت عملت انترفيو 5 دقايق ونزلت لجوزى قالى معلش تتعوض قلتله بالعكس الحمد لله اتوفقت فيه فصدقينى لا هو شطارة منى والا تعليم والا اى حاجه كله بيد رب العالمين الف حمد وشكر ليك يا رب
وان شاء الله قريبا تتوفقى فى شغل وتجربى بقا الشحططه بين البيت والشغل زيي
اسماء مختفيه فين ؟؟؟ مخبيه المش عننا
medowawa
14/08/2007, 02:46 AM
ربنا يوفقك يا حبيبتي يارب
انا معايا بكالوريوس علوم قسم كيمياء وانت اديتيني الامل اني ماياسش وادور,,,انت عارفه انا مش مشكله عندي المرتب المهم يكون مكان مريح ارتاح فيه ويكون نظيف ومعايا ناس كويسه ومواعيده يعني عاوزه حاجه للظهر
حاجه تفصيل مش كدى,,,,بس اعمل ايه لو مالقتش ده اقعد في بيتي احسن
وانا بصراحه حرجع ادور تاني لاني بحب مفهوم ان الست تشتغل بس باللي يتناسب مع ظروفها وحياتها وبيتها
ياريتك يا بنتي كنت لسه في الدمام كنا خرجنا مع بعض ههههههههههههههههه
بمناسبه المش انا حماتي بعتالي مش كافيار مصري معتبر وقالتلي زوديه انت بقى
فناويه انشاء الله اضبطه اصل احنا قابلناها في العمره قريب
انا مش عارفه فين بقيت البنات يتحمسوا جدا وبعدين خلاص
توتى وشيكو
14/08/2007, 10:11 AM
اه والله يا ميدو لو كنا لسه فى الدمام كنا عيشنا حياتنا بس الحمد لله على كل حال
ان شاء الله تتوفقى فى شغل يكون مريح ودوامه كويس ومرتبه ممتاز ولعلمك مفيش حاجه صعبه على ربنا انا اول ما عملت الانترفيو قالولى مواعيد دوام كانت صعبه جدا رجعت اتكلمت مع جوزى وقلتلهم لاء مينفعش عندى عيال وفضلنا نتفاوض لغايه ما اتظبط شويه وبرضه مش شطارة عموما ليا رجعه تانى هرغى معاكى بس لازم اقفل الشغل ينادينى
medowawa
16/08/2007, 06:54 AM
يارب يا بنتي يسمع منك ربنا
امال فين اسماء مش ظاهره والبنات هو مفيش الا انا وانت اللي رغايين ولا ايه
توتى وشيكو
16/08/2007, 03:14 PM
والله مش عارفه ليه محدش بيشارك معانا اوعى تختفى انتى كمان
انتى يا ميدو جهزى السى فى بتاعتك عشان لما تحتاجيها تلاقيها جاهزة ودورى لغايه ما تلاقى ان شاء الله وقبل دا كله قولى يا رب
medowawa
17/08/2007, 06:51 AM
ياااااااااااااااااااااااا ااااااااااااارب
لا والمشكله ان فيه ناس بتدخل ومابتشاركش يعني صفحه المصريات المغتربات تتقفل وبعدين فين اسماء وهي صاحبه الفكره
توتى وشيكو
17/08/2007, 11:18 AM
صباح الخير يا ميدو ايه اخبارك واخبار الكتاكيت ؟؟؟
انا مستغربه ان اسماء مش بترد بجد الصفحه هتتقفل وهو مفيش مغتربات غيرنا احنا التلاته والا ايه ؟؟
طيب يا ميدو شاركى انتى وانا هشارك ونحاول اننا نستمر لغايه ما حد يعبرنا
أسماء زكي الدين
19/08/2007, 08:14 AM
أهلا يا رغاية أنت وهي هههههههه
فين أسماء؟ فين أسماء؟
وبعدين ليه بسألوا على المش ؟؟؟
هنا المش ده أعجوبة ,, يا سلام .. يا سلام
ده عملة نادرة جدا
وعلى فكرة أنا عاملة فسيخ بس خايفة أقرب عليه لحسن اروح فيها
انا يا ميدو كنت باشتغل وادرس السنة اللي فاتت
وبعدين صاحبة المدرسة كرهتني فيها فسحبت ولادي وما رحتش تاني
على الرغم إنها كانت بتديني مرتب حلو أوي على ثلاث أيام شغل وساعة واحدة
وواحد من ولادي كان مجاني.. يعني مش بأدفع له مصاريف !!
لكن معقولة تشترينا بالراتب؟
توتى وشيكو
19/08/2007, 05:53 PM
معلش يا اسماء فى ناس كده بتاخد الامور بطريقه شخصيه بكره تتوفقى فى احسن منه انتى وميدو ان شاء الله
وايه يا ميدو لاقينا اسماء تختفى انتى محدش رغااااااااااااااااااااااا اااااااى غيرى انا
أم ياسين العسل
19/08/2007, 06:11 PM
ممكن اشاركم مع انى مش مغتربات ولا حاجه
أم ياسين العسل
19/08/2007, 06:18 PM
يااااااااااااه دانتوا فى ملكوت تانى دانا قريت ال6 صفح اللى فاتوا حسيت بكل اللى بتحسوا بيه
انا يمكن هكون متغربه لكن لانى هتجوز ان شاء الله بعيد عن اهلى بس هى اه 5 ساعات سفر بس بردوا حساها غربه وربنا يوقوينا ويقويكم ويرجعكم لمصر بالسلامه
medowawa
20/08/2007, 02:08 AM
ازيكم يا بنات عاملين ايه,,,اصل انا مابقعدش غير بلليل غالبا لما الولاد والزوج بينامه ...واحيانا وهم صاحيين فتلاقيني بقعد متاخر
ازيك يا اسماء انت فين يابنتي ...وليه المديره زهقتك احكيلنا وفضفضي
وكنت بتدرسي ايه بقى يعني كان معاكي ايه وبتدرسي ايه
وازيك يا اسيره حنانه مش مهم مغتربه او لا اشتركي معانا عرفينا اخبار مصر كفايه انك في بلدك والله ,,,انت حتروحي انت وجوزك فين,,,في اي مدينه ربنا يعينك
توتى وشيكو
20/08/2007, 10:03 AM
صباح الخير عليكم جميعا
وارحب بالاخت اسيره حنانه ونتمنى دايما انها تشارك معانا ومش مهم انها مغتربه والا لاء
ها يا اسماء ادخلى يا ستى وفضفضى خلى القعده تحلو
النهارده انا عندى اليوم الرخم اللى فيه دوامين وزهقانه خالص وماليش مزاج اشتغل فى حاله من الملل
ليلى النهارده هيروح جوزى يطعمها يارب متسخنش انتم عارفين انا بحس انها عامله زى القطه الصغيره لانها مفعوصه وكل يوم لما برجع من الشغل بلاضى قطه صغننه اوى قاعده قدام باب العمارة فارده جسمها اول ما بشوفها بفتكر لولو علطول
ميدو لازم نتقابل فى يوم ونرغى ان شالله على الشات رغم انه ملللللللللللللللللللللللل للللللللل وبطىء اوى بس احسن من قلته
medowawa
20/08/2007, 07:22 PM
ازيكم يا بنات عاملين ايه
ربنا يعينك يابنتي على التطعيم انا بنتي طعمتها ويومها رجلها ولامت وسخنت وكان يوم ملل
وانت بتسبيي بنتك فين وانت في الشغل وولادك ربنا يعينك
وانت يا اسمااااااااء انت فين احكيلنا ماساتك مع المديره عشان نستفيد احسن انا بدور على شغل
أم ياسين العسل
20/08/2007, 07:26 PM
ميرسى يا حبايبى بجد انا عاجبنى موضعكم جدا
انا هتغرب فى مصر بردو هههههههههههههه بس على فكره صعب اوى لما تكونى مع اهلك فى بلد واحده ومش قادره تشوفيهم
توتى وشيكو
20/08/2007, 08:39 PM
والله يا اسيره اهو كله غربه بره جوه محصله بعضها الله يعينك ويعينا ونتحمل الفراق
medowawa
22/08/2007, 04:32 AM
غريبه انا كتبت مشاركه امبارح ومش باينه وبرده في كزا موضوع والغريبه كمان ان لما فتحت صفحه مكتبي ولا حاجه باينه وبيقول لي لا يوجد ولا مشاركه غريبه جدا جدا
medowawa
22/08/2007, 04:35 AM
لا كلامي بان اهه لما بعت المشاركه اللي فاتت مشاركتي بانت مع اني لما كنت بقرا الموضوع مالقيتوش غريبه
المهم انت عاملين ايه وعارفه يا اسيره حنانه غريبه انك تبقي جنبهم ومابتشفيهمش يعني نصيحه لازم تتعبي وتروحيلهم انا طبعا مش عارفه الموضوع بس اهلك دول اهم حاجه والل مالوش خير في اهله مالوش خير في حد
medowawa
22/08/2007, 04:37 AM
ازيك يا توتي وشيكو عامله ايه ...واخبارك ايه وبنتك عملت ايه في التطعيم بتاعها انا كتبت موضوع في الشؤون الاسريه ابقي شوفيه وقوليلي رايك
وفين اسماء البنت دي بتغطس فين انا مش عارفه:sm2441::sm2441::sm2441:
توتى وشيكو
22/08/2007, 10:11 AM
صباح الفل يا ميدو وايه اخبارك واخبار البيبى ؟؟
لولو طعمتها امبارح والحمد لله مسخنتش بس طول اليوم بتزن اكيد موجوعه من الابرتين اللى خدتهم واحنا بنطعمها قلنا نودى توتى للدكتور بيقول سنانه بتوجعه طلع عنده خراجين فى سنتين اللى قدام والدكتور بيقول لازم يتشالوا الواحد بجد زهق من كتر تعب العيال كل يوم قصه اما المفعوص شريف مش عايز ينطق هيفرسنى كل حاجه عنده لازم لها قصه انتى عارفه انه مشى على سن سنه و9 شهور لفيت بيه عند الدكتاره فى الدمام والخبر وجده ومصر وعملت اشعه وكله قال زى الفل وبيعند ودلوقتى برضه نفس القصه فى الكلام بس اللى يفقع المرارة انه بيغنى مع الاغانى تقوليله بتقول ايه يبصلك بقرف طيب قول بابا يقولك توتى قول ماما يقول شيكو قول توتى مينطقش قوليلى بس اعمل ايه فى ابو مخ صعيدى دا
أسماء زكي الدين
22/08/2007, 11:41 AM
عارفين يا جماعة انا تعبانة جدا صحيت من يومين دراعي الشمال بيألمني جدا ومش بأقدر استعمله وضلعتي الشمال برضة
وشاغل مخي وتاعبني المدارس انا دايخة مع أولادي علشان المدارس .. الله يجازي اللي كان السبب
النهاردة أخذت بنتي الصغيرة - وأكيد ح أحكي لكم على ماساتها في الحضانة اللي قبلها .. أخذتها ورحت الحضانة اللي سجلتها فيها علشان تتأكد إنها غير اللي كانت بتروحها خااااااااااااااالص وأهم حاجة أتأكدت منها إن المدرسة بتاعتها غير وأن "التيتسر" المعلمة يعني الأولانية مش فيها ... واشتريت لها وردتين قماش من الصغيرين اللي بنلزقهم على الهدايا علشان تديهم واحدة للمدرسة الجديدة وواحدة للمديرة أقامت أدت الاثنين للمدرسة بتاعتها هههههههههه
وقالت لي أنا بأحبها وإحنا ماشيين - طبعا بالإنجليزي - فالمدرسة قالت لها لكن أنا بأعشقك مش بأحبك بسس وباستها
لما قابلت المديرة قالت لي إن في فصلين لسن بنتي والمدرستين أعرفهم والاثنين حلوين لكني طلبت منها تخلي جمانة مع المدرسة اللي اسمها "حنة" علشان نفسية البنت قلت لها خلاص بنتي اتبرمجت على إن دي مدرستها
باقي الاثنين الكبار ابني المفروض يروح الصف السادس المدرسة دي نفسها عايزين يودوه الصف الخامس قلت لأ وبنتي عايزين يودوها الصف الأول لكن لما كلمت المديرة اقتنعت إن بنتي تروح الصف الثاني وأنا مع المدرسة نساعد ها إنها تنمي مستواها وترفعه
على فكرة الولاد مش كسلانين دا ابني جايب 80% في امتحان التقديم إن شاء الله عايزينه يجيب 100% علشان ياخدوه! قلت لهم والله لو المدرسة اللي كان بيدرس فيها مستواها كويس ما كنتش ح أجيبه لكم هنا .. ادعوا لي يا بنات بجد قرفت وتعبت وما فيش ولا حاجة اتعملت ...
توتى وشيكو
22/08/2007, 12:54 PM
يا عينى يا اسماء دا انتى طالع عينك والله انا كمان ليا قصه مع المدرسه بتاعه توتى السنه اللى فاتت وان شاء الله هنوديه مدرسه كويسه بس على الله يفلح فيها لان المدرسه الاولى كانت وحشه خالص
zahrt elnouba
22/08/2007, 01:20 PM
السلام عليكم ورحمة الله وبركاته
ممكن اشارك معاكم انا كمان مغتربه بقالى 8سنين دلوقت وعايشه فلوكسمبورج
توتى وشيكو
22/08/2007, 05:20 PM
اهلا وسهلا بيكى دا انا ما صدقنا حد يشارك
medowawa
24/08/2007, 06:13 AM
ياه يا اسماء انت مالك اليومين دول ...الامور ملخبطه عندك وبعدين انا مش فاهمه ازاي يدخلوا ابنك في صف غير صفه
اللي بينقل من مدرسه بيدخل الصف اللي هو فيه علطول,,,هو ايه النظام عندكم
وماتدايقيش نفسك انشاء الله الامور حتتحسن
بس اضحكي كدى وروقي
الا اخبار المش ايه:D_smil1::D_smil1::D_smil1::D_smil1::D_smil1 :
انا عارفه انه كله بسببه
medowawa
24/08/2007, 06:17 AM
ازيك يا توتي عامله ايه ماتقلقيش من ابنك سيبيه وهو بكرى حيصدعك ومش حيبطل كلام لما حتتمني انه يرجع يسكت تاني
كل طفل له شخصيه ووضع يعني ماتقارنيش,,وانشاء الله حيبقى بغبغان قريب:21_87::21_87:
medowawa
24/08/2007, 06:19 AM
السلام عليكم ورحمة الله وبركاته
ممكن اشارك معاكم انا كمان مغتربه بقالى 8سنين دلوقت وعايشه فلوكسمبورج
:sa31::sa31::sa31::wavetowel2::wavetowel2::21_104:
توتى وشيكو
24/08/2007, 11:27 PM
مساء الخير يا حلوين عملتوا ايه فى الويك اند ؟
medowawa
25/08/2007, 06:19 AM
انا بقى خرجت يوم الخميس اتغديت بره ...ههههههههههههههههههههه
واتمشينا شويه
ويوم الجمعه قضيناه بيتوتي
توتى وشيكو
25/08/2007, 06:14 PM
انا يا ستى شغالتى كانت اجازة والخميس قضيته هو والجمعه فى البيت بس هى جت 8 ونص بالليل خرجت انا وجوزى عملنا شوبنج
medowawa
25/08/2007, 10:39 PM
امال فين البنات هي حتصفصف انا وانت بردوا
والمشكله اننا مشغولين وورانا بيت وولاد وانت كمان بتشتغلي يعني برده عندنا وقت نتكلم برده مع بعض
هم خايفين ولا ايه
توتى وشيكو
26/08/2007, 11:47 AM
خلاص يا ميدو نرغى احنا لغايه ما البنات تتشجع
اخبار الجو عندك ايه اكيد فى رطوبه بس فى سبتمبر اكيد الجو هيكون حلو هنا حر علطول مفيش شتا خالص بينى وبينك احسن انا بكره الشتا موت وبكره لبس الجواكت دا ربنا رحمنى من برد الدمام الله يعينك ويعين البيبى
zahrt elnouba
30/08/2007, 04:19 PM
السلام عليكم
شكرا ليكى يا توتى وشكرا ليكى ياMEDOWAWAع الترحيب بيه
انا غبت عليكم ورجعت مفيش غير صفحه واحده ايه النشاط ده دا احنا مصريين يعنى رغايييييييين فينكم
roslean
01/09/2007, 01:34 AM
السلام عليكم ورحمة الله وبركاتة
عايز اسال المصريات بجدة حد بيعرف عن المجموعات المصرية بجدة وياريت يقولى على ارقام تليفونتهم حتى لو على الخاص وانا اكون مشكورة ليها جدا جدا جدا:9_33:
ღ الينبوعه ღ
01/09/2007, 02:20 PM
ان شاء الله يفيدونج البنات
medowawa
02/09/2007, 01:04 AM
ازيكم يا بنات يا حلوين عاملين ايه انا بقالي فتره مابدخلش لاني مشغوله شويتين
وبعدين مابقعدش غير في المساء والسهره ,,,وفبقيت احيانا بنام بدري مؤدبه
بس توتي وشيكو فين
وانت عامله ايه يا زهره النوبه مش ده اسمك بالتعريب ولا غلط
احكيلنا بقى عنك شويه عشان نتعرف عليكي اكتر
night lover
02/09/2007, 02:38 AM
ان شاء الله البنات بيفيدونج
أسماء زكي الدين
02/09/2007, 11:15 AM
الحمد لله سجلت معاذ وجهاد في مدرسة كويسة برضة لكن مش زي اللي كنت عايزة أدخلهم فيها لكن قرفوني وضغطوا على أعصابي لدرجة إني سجلتهم في مدرسة تانية. وكلهم ح يكونوا في منطقة واحدة لكن البهدلة بأى في إن بنتي الصغيرة في مدرسة وهم في مدرسة تانية ...
خايفة من اختلاف وقت الإجازات والدراسة !!
وصلت للمدرسة يوم الثلاثاء .. ومن يوم الأربعاء وأنا مش بأرجع البيت إلا مرتين في اليوم لأني بأجيب لهم الكتب واللبس والأحذية وكله كوم والأحذية كوم تاني بصراحة ...
وامبارح طلعت أربع مرات ورجعت نمت بهدوم الخروج وكنت طوووول الليل متضايقة وكل شوية أقول ح أقوم أغير وآخد حمام علشان أعرف أنام لغاية النهار ما طلع ههههههههههه
دلوقتي ح أقوم أطلع علشان باقي الشرابات للمدرسة أروح أشتريها واشتري حاجة للغدا علشان تتطبخ وادعوا لي لسة قدامي حفلة تجليد ...
توتى وشيكو
06/09/2007, 02:59 PM
حقيقى انا من سكان جده بس للاسف معرفش عن المجموعات حاجه عموما هسأل وان شاء الله اقولك
توتى وشيكو
06/09/2007, 03:04 PM
ازيك يا ميدو ويا اسماء والى كل المغتربات يا رب تكونوا جميعا بصحه كويسه
medowawa
07/09/2007, 11:29 PM
انا الحمد لله كويسه وانت يا اسماء عامله ايه ولما تفوقي تحكيلنا بالضبط ايه حكايه المدارس عندك وليه كل مدرسه ليها نظام...لان هنا كل المدراس تبتدي وتخلص في نفس الوقت وربنا يعينك على التجليد
وانت يا توتي وشيكو عامله ايه هنا رمضان مش زي مصر مابتحسيش بيه زي مصر والفانوس والاضاءه اللي بتبقى ماليه الشارع والراديو ,,,,,والف مبروك عليكم كلكم رمضان
وياريت نكمل كلام في رمضان ونحكي برورجرامنا ونحاول نعمل نشاطات في رمضان عشان تفضل مصر معانا
انا حشتري لولادي فوانيس ...ويولعوه بليل يناموا وهم مولعينه,,ليله اول يوم في رمضان
وطبعا انا بموت في العرقسوزس وبدور عليه بس الحمد لله هو موجود
وكمان الخشاف جوزي بيحبه جدا
والسمبوسه عاوزه احضرها ...وطبعا ححاول اشغل الراديو في رمضان عشان بالنهار بيكون في برامج حلوه على اذاعه مصر وبجيبها من الدش طبعا
وكلكم تقولولي حتعملوا ايه كمان عشان نربط ولادنا برمضان في مصر ونعمل الطقوس دي هنا في غربتنا برده
وحشتني بتاع الكنافه وبتاع القطايف والمسحراتي يا احلى بلد يا مصر
ونفسي اتسحر في الحسين ونصلي الفجر في الجامع ........الله
vanvoon77
09/09/2007, 08:19 PM
hi
ana 7aba awy asharek ma3akom bema eny ba3any men 7ayaty hena f iceland
ana kont ta3baaaaaaaaaaana awy w mo7bata awel ma geat a3eesh hena ma3 goozy , ana met3aweda 3ala el 7ayah bara masr le2eny 3esht 3omry kolo f qatar bas goozy w ahlo mehagreen hena w 3aysheen hena men zaman w bema eny qarart atgawez ensaan 3aayesh hena yeb2a lazem kont abadeeh 3an kol zekrayaaty w 3omry elly sebto wara dahry w an2el 7ayaaty ma3aah hena ,, bas ya rab yekoon howa me2adar dah
barby small
09/09/2007, 08:39 PM
انا مغتربه فى السعوديه هى بلد مميزه بمكه والمدينه
وكل اللى اعرفهم هناك مصريين بس للاسف كل لما اتعرف على حد تحصل مشكله ليه راجعه
توتى وشيكو
10/09/2007, 10:15 AM
الاخت فانفون اهلا بيكى معانا ومعلش كلنا سيبنا حياتنا وروحنا مع اجوازتنا لان دى سنه الحياه امر واتفرض علينا ولازم نتعامل معاه
شرباته معلش هما اغلب الناس فى الغربه متعرفيش ليه قلبهم مش بيبقى على بعض بصى انا معممتش مقولتش كل خدى بالك وان شاء الله تتوفقى فى حد كويس
بس انتى فين فى السعوديه انا فى جده وميدو فى الخبر
vanvoon77
11/09/2007, 01:32 AM
thank's ya toty ... w howa yeb2a ezay f '3orba tool ma f banat zay el 3asal zayoko
توتى وشيكو
17/09/2007, 09:48 AM
شكرا يا فانفون وان شاء الله بكره تتخلمى بالعيال وهتتعودى ولما تنزلى مصر زيي فى اجازة هتحسى ان فى حاجه غلط وانك عايزة ترجعى بيتك بسرعه ورمضان كريم
medowawa
19/09/2007, 06:20 AM
ازيكم يا بنات انا كتبت مشاركه لي ومش عارفه مش موجوده ليه
المهم انتم عاملين ايه انا كتبت عن مشاركات لينا في رمضان عن ازاي حنحضر له وان مصر وحشاني برمضان وفوانيسها وكدى
وكتبت في مشاركه عن الغربه وناس الغربه وفي بيتغير وفي لا وبرده مش موجوده
medowawa
19/09/2007, 06:23 AM
كنت عاوزه اسلم عليكم وازيك يا توتي عامله ايه واخبارك ايه
انت عارفه انا لما بنزل اجازه مابحسش بحاجه غريبه بالعكس ماببقاش عاوزه ارجع وبتبقى مصر وحشاني وببقى عاوزه اعيط
كلها قريب ونرجع انشاء الله
شهد23
19/09/2007, 12:33 PM
السلا عليكم ورحمه الله وبركاتة وكل سنة وانتم طيبين
اتمنى الاقى معاكو فى الركن مصريات مغتربات فى السعودية
medowawa
26/09/2007, 05:05 AM
ايوى يا شهد اهلا بيكي انا مغتربه في السعوديه
انت فين في السعوديه
barby small
29/09/2007, 12:08 AM
انا مغتربه فى السعوديه يا شهد وتحديدا فى الطائف
كنت بعت مشاركه يا اسماء
وادينى بكملك هنا المصريين مش كويسين مع بعض اللهم الا القله القليله
وعلى فكره صحيح انا فى غربه لكن كل اللى اعرفهم مصريين
لكن مع كده مش كويسين واكتشفت انه ما ينفعش ان يكون فى علاقات اقوى من الازم ولقيت ان الافضل ان احنا تكون علاقتنا محدوده فقط لاغير
وشكرااااااااااااااااااااا اااا
اختكم باربى
helwaya
08/10/2007, 11:42 AM
السلام عليكم يا بنات
ازيكم يا كتاكيت
ايه دا
آخر مشاركة بقالها كتير اوي
دا احنا في 10 دلوقتي
يانهار
عموما انا مغتربة زيكوا ونحب نتعرف على بعض .. انا في الرياض :cool2:
دي اول مشاركة ليا بس اتشجعت لما لقيت الرابطة دي واتبسطت جدااااااااااااااا:z_clap:
وسلامي ليكوا
توتي .. وميدو .. وفانفون ... واسماء
توتى وشيكو
08/10/2007, 01:05 PM
اهلا بيكى يا جميل وسط الرابطه ومعلش هى نايمه حبتين بس نتمنى بعد رمضان الناس تشارك وتصحصح وسلامى لكل الحلوات ميدو واسماء وفانفون وشهد وباربى صمول
شهد23
08/10/2007, 03:47 PM
اتمنى اننا نتجمع كلنا ونتعرف على بعض اكتر
عروسة نعومة
12/10/2007, 09:02 AM
السلام عليكم
أولا ... كل سنة و انتو كلكم طيبين و دايما يا رب بألف خير :9_28:
بيتهيألي معظمكم في السعودية و العيد عندكم النهاردة ... عندنا في مصر لسه بكرة ان شاء الله
ثانيا .. أنا برضه كنت كتبت مشاركة طويلة من فترة شهر تقريبا و لما ما لاقيتهاش ظهرت زعلت أوي :confused:
المهم ... حابة أتعرف عليكم :21_201: ، انا كنت عايشة في الرياض لحد تالتة اعدادي و بعد كده نزلت مصر بس كل سنة بانزل في الاجازة الكبيرة و أقضي الصيف مع بابا في السعودية
و ربنا يعينكم في غربتكم و كل سنة و انتم جميعا طيبيبن
لحظةحب
17/10/2007, 04:19 AM
السلام عليكم ورحمة الله وبركاته
بصراحه موضوعكم حلوو..انا لسه عايشه فى مصر..بس كلها 3 شهور ومسافره اعيش فى الكويت ..ومش عايزه اقولكم احساسى انى هسافر واتغرب عن اهلى واعيش فى بلد تانيه بيتعبنى قوى..خصوصا ان هستقر فى الكويت ومفيش امل انى ارجع استقر فى مصر لان جوزى اساس جنسيته كويتى وعايش وبيشتغل فى الكويت يعنى مستحيل يستقر فى مصر..بس زيارات وخلاص
بصراحه ربنا يعنكم على الغربه..ويعنى انا كمان لما اسافر :(
كل عام وانتم بخير يابنات انا حبيت اشارك مع انى شاركت قبل كدة والمشاركة اتمسحت معرفش لية بس احب اعرفكم على نفسى انا رور زوجى سعودى وعندى بنوتة عمرها 5 شهور ربنا يحميها يارب وعايشة بالسعودية من سنة وشهرين ومن ساعة ما جيت ما رحتش مصر بس شكل فى روحة عن قريب قولوا انشالة :9_33:
أسماء زكي الدين
17/10/2007, 01:45 PM
كل سنة وأنتوا طيبين يا حلوين
وعيدكم إن شاء الله كان سعيد ...
معلش الجامعة أخدتني والبيت والولاد وطبعا شهر رمضان وبعده العيد .. وتعبت جدا في رمضان
مش من الصيام لأ . أصبت بقرحة في المعدة .. ادعوا لي ربنا يفرجها عليّ ...
الحمد لله أنا شغلت نفسي بالجامعة والدراسة وربنا رزقني بجامعة لا تعرف الإجازات
حتى إجازة العيد نفسها كانت بالضبط زي إجازة نهاية الإسبوع مع يوم قبلها ويوم بعدها
لكن إحنا أضربنا عن الحضور وكبرنا إجازتنا لغاية يوم الاثنين القادم 22/10
حتى أولادي غيبتهم النهاردة من المدرسة ... خلينا نشبع نوم شويتين ..
على فكرة العيد عندنا كان يوم الأحد ..
أحب حجابى
18/10/2007, 07:47 PM
بسم الله
جزاكم الله كل خير
انا محتاجاااااااااااااااااااا اااااااااااااااكم يا مصريين يا حبايبى وحشتنى اللهجة المصرية
انا بردم مغتربة فى السودان الشقيق
بجد بلد هادئة وجميلة بلد بكر بها الكثير من الخيرات .....والحب
حب الاسلام والملتزمين
الحمدلله
بس مصر وحشتنى وحشتنى اوى وخصوصا انها اول مرة اتغرب كل ده بعيد عن مصر بئالى 3 شهور
اشكركم
منى عراقى
30/10/2007, 02:08 AM
السلام عليكم ورحمه الله وبركاته
متتصوروش موضعكم عجبنى اد ايه على فكره انا مصريه مقيمه بالامارات من حوالى 8سنيين بس بسافر مصر كل سنه تقريبا واحيانا فالسنه مرتيين على فكره الامارات بلد جميل جدا كان نفسى مصر تكون كده بس الحمد لله على كل شيء
اما باللنسبه لموضوع الحاجات اللى با خدها من مصر فا تقريبا اشياء لا تذكرلان كل حاجه هنا بس فى حاجات بكون نفسى اخدها ومش بقدر كل مره بكون همشى من مصر وانا مسافره بيكون نفسى اخد معايا امى وابويا واخواتى لانهم بصراحه اكتر حاجه بحتاجلها واناهنا
أكبر قلب
31/10/2007, 01:47 AM
الله يردكم الى دياركن سالمات غانمات
توتى وشيكو
31/10/2007, 03:27 PM
احب اسلم على كل المغتربات واتمنى من الله عز وجل ان يهون علينا جميعا الغربه
medowawa
03/11/2007, 12:55 AM
ازيكم يا بنات عاملين ايه واخباركم ,,,انا بقالي فتره طويله مادخلتش ومبسوطه اننا زدنا ,,,انا وتوتي وشيكو من زمان هنا,,,,وكان نفسنا حد يكون موجود,,,ياريت كل واحده تقول بتقضي يومها ازاي في الغربه
اليوم العادي
وياريت نتواصل اكتر
وانا رايي ان بلدي احسن بلد في الدنيا ومختلفه عن بلاد كتير وبحبها جدا جدا جدا
زنازللها قريب انشاء الله,,ويلا بقى ابداوا احكوا يومكم ازاي
حكاية روح عاشقة
03/11/2007, 01:32 AM
بجد الموضوع تحفة دى اول مرة ادخل اشوفه
انا مش مغتربة ولا حاجة بس عجبنى الترابط بينكم واتمنى تقبلونى صديقة ليكم
حكاية روح عاشقة
03/11/2007, 01:34 AM
كل سنة وأنتوا طيبين يا حلوين
وعيدكم إن شاء الله كان سعيد ...
معلش الجامعة أخدتني والبيت والولاد وطبعا شهر رمضان وبعده العيد .. وتعبت جدا في رمضان
مش من الصيام لأ . أصبت بقرحة في المعدة .. ادعوا لي ربنا يفرجها عليّ ...
الحمد لله أنا شغلت نفسي بالجامعة والدراسة وربنا رزقني بجامعة لا تعرف الإجازات
حتى إجازة العيد نفسها كانت بالضبط زي إجازة نهاية الإسبوع مع يوم قبلها ويوم بعدها
لكن إحنا أضربنا عن الحضور وكبرنا إجازتنا لغاية يوم الاثنين القادم 22/10
حتى أولادي غيبتهم النهاردة من المدرسة ... خلينا نشبع نوم شويتين ..
على فكرة العيد عندنا كان يوم الأحد ..
الف مليون سلامة عليكي يا اسماء ان شاء الله تكونى بخير
توتى وشيكو
03/11/2007, 06:39 PM
حكايه روح عاشقه اهلا وسهلا بيكى يا قمر بينا
ميدو ازيك يا جميل وحشانا انا حقيقى بحب مصر اوى اوى بس هى مش احلى بلد احلى حته فى العالم هى مكه تجنن يا بنات الكعبه ليها رونقها وخشوعها انا لو خيرونى مش هختار غير انى اكون جمب الحرم كفايه لما اكون متضايقه بروح هناك بيت الكريم واشكيله همى ربنا يكتبهالكم يا بنات
اسماء سلامتك يا قمر فينك طمنينى عنك
وسلامى لك المغتربات ويا ريت نتواصل كل يوم
مغربية مغتربة
02/01/2008, 08:07 PM
أين أنتم يا مغتربات بلجيكا؟؟؟تعالو نتجمع هنا و نتعرف على بعضنا البعض
الـــــــرومانســــــيه
06/01/2008, 04:09 PM
هلا يا اخت مغربيه ومغتربه
اتمنى ان تلاقين البنات ما حبيت اطلع بلا رد او سلام وسلامي الج
مغربية مغتربة
06/01/2008, 11:27 PM
بارك الله فيك أختي،أتمنى أن أجد أخوات تقطن بهذه البلاد،لأن الغربة قاسية:confused:
ahlameye
07/01/2008, 01:31 PM
حبيبتي كثير نعرف جماعات راحو البلجيكا وبالاخص( هالصت ) وفرحانين وعايشين بسعادة الا انت ولهذا اقترح عليج ان تتعرفي على صديقات عربيات مو شرط تكون من جنسيتك واذا عندك وقت فراغ اقضيه بتعلم اللغة او برنامج مفيد على الكومبيوتر .... وقلبي معاكوطمنيني عليك بين فترة واخرى
lolo4cool
14/04/2008, 02:34 PM
ايه ده يابنات معقول بنات مصر يسيبوا موضوع زي ده احنا عايزين نرجع الموضوع تاني لانه موضوع جميل ، عموما انا مصرية مغتربة في الامارات ياريت نتواصل ولو في حد مغترب في الامارات يتواصل معايا
ام يايا
15/04/2008, 07:47 PM
الموضوع حلو قوي ياريت فعلا البنات يرجعوا يتواصلوا تاني انا في السعودية في القصيم
أسماء زكي الدين
17/04/2008, 07:04 AM
الموضوع رائع فعلا ... لكن يأخذنا عن التواصل مع بقية المغتربات عموما يالله أرجعوا تاني
توتو وشيكو غايبة من زمان ما شفتهاش
مين بأى نازلة مصر في الإجازة؟؟
لحظةحب
17/04/2008, 08:40 PM
اسماء جزاك اللى خيرا انك احيتى الموضوع تانى
بجد الموضوع فكرته حلو قوى
ftoon20
01/05/2008, 11:04 PM
السلام عليكم
والله موضوع جميل ياريت نتواصل ونكمل فيه
dew.dew
02/05/2008, 11:18 PM
لو عوزتوا حاجه راسلونى ع الخاص انا فى الخدمه يا بنات بلدى
أم نور عيوني
17/05/2008, 09:31 PM
ايه ده يابنات معقول بنات مصر يسيبوا موضوع زي ده احنا عايزين نرجع الموضوع تاني لانه موضوع جميل ، عموما انا مصرية مغتربة في الامارات ياريت نتواصل ولو في حد مغترب في الامارات يتواصل معايا
السلام عليكم
انا كمان مصرية و مقيمة في الامارات في العين ياريت فعلا نتواصل بشكل دائم
haduih
02/06/2008, 05:14 PM
رفع..
وجدان احمد جاد
13/06/2008, 10:03 PM
فييييييييييييييييييين المشاركات؟؟؟؟؟؟؟؟؟؟؟؟؟:Y_hi_ 3:
انا مصريه مقيمه فى الكويت بقالى 3 شهور وحامل وهاولد كمان شهر ونص باذن الله :sad:ربنا يهون عليا لانى لوحدى معرفش اى حد هنا خاااااااااااااااااااااااا ااااااااالص
واحتمال اولد قيصرى كمان وعندى بنت عمرها سنتين ونص ...........
هارجع واكملكو
haduih
14/06/2008, 12:02 PM
للرفع
وجدان احمد جاد
14/06/2008, 03:15 PM
انا رجعتلكو تانى
شوفو يا بنات انا لما جيت الكويت جبت معايا كزبره خضراء :21_195:متضحكوش عليا بس اصل انا من هواة المحشى والكزبره هنا ملهاش اى ريحه اطلاقا وجبت فاكهة الموسم على ما اتذكر فراوله وبرتقال وجبت حلويات شرقيه وكرنبه لان الكرنب هنا ورقه سميك مش حلو اوى وحماتى ادتنى لحمه وفراخ بانيه لان جوزى بيحبها وجبت سلك مواعين وليف مواعين يكفى السنه كلها وجبت حاجات كتير لو افتكرت هارجع واقولكو عليها
المهم انتو اخباركو ايه فى الغربه يا بنات انا صحيح نفسى ارجع مصر اوى بس هنعمل ايه اكل العيش صعب
المشكله هنا ان الحياه ممله اوى يعنى انا لو احتجت كيلو طماطم ولا حاجه لازم انزل الجمعيه مع جوزى مش زى عندنا فى مصر الواحد ينزل السوق كدا ويلاقى بدل البياع 3 او4 وينقى براحته كل حاجه محتاجه ترتيب قبلها مفيش حاجه اسمها لما يخطر على بالى حاجه اعملها فى ساعتها
يووووووووووووووووووووه ده فى حاجات كتير الواحد مفتقدها
اشوفكو بعدين سلام دلوقتى
انهار العراق
15/06/2008, 12:46 AM
الله ايعنك يا حبيبتي وجدان تقبلي مروري
وجدان احمد جاد
15/06/2008, 10:55 AM
شكرا اختى ام بساسه
فينكو يا مغتربات ؟؟؟؟
فينك يا اسماء؟؟؟
انتى فتحتى الموضوع وروحتى فين؟؟؟
انهار العراق
17/06/2008, 03:43 PM
وجدان اشلونج وشخبارج حتنزلي مصر بلعطلة الصيفيه وبعد فضفضي ياختي احتمال انا بروح مصر اعالج ابني اعملو عمليه ادعيلي تتطلع التاشيرة
وجدان احمد جاد
17/06/2008, 07:09 PM
الحمد لله اخت ام بساسه
الف سلامه على ابنك ربنا يكرمك وتطلع التاشيره
انا والله مش هانزل مصر الصيف ده لانى هاولدفى شهر8 وانا لسه جايه من 3 شهور المهم ربنا يتم شفاء ابنك
guevara82
30/06/2008, 11:47 AM
ازيكم يا بنات
انا حسافر جده فى اخر شهر تمانية الجى ... ودى اول مرة اسافر فيها بره مصر ... و انا خايفه جدا من الوحدة هناك خصوصا انى حسافر بعد فرحى باسبوعين و سعتها زوجى اول ما حنوصل حيرجع لشغله على طول ... انا بس كنت عايزة اعرف معلومات عن طبيعه الحياة فى جدة و هل فى هناك مكتبات زى الشروق و مدبولى هنا فى القاهرة اقدر اشترى منها كتب ... و ياترى اقدر الاقى هناك انشطه اقوم بيها واقدر اشغل فيها وقت الفراغ الكبير ... انا اصلى متعودة هنا فى القاهرة على الشغل و الخروج مع اصحابى وخايفه جدا من فكرة انى ابقى لوحدى طول اليوم ما بين اربع جدران
من فضلكم فيدونى
belle_fille
01/07/2008, 07:30 AM
حبيبتى ازيك , انا مقيمه فى جده بس حاليا فى اجازه فمصر , جده جميله جدا هتعجبك بأذن الله وهى احلى مكان فى السعوديه واهلها بيطلقو عليها جده غير وفيه مهرجان بيتعمل هناك لو تسمعى عنه (( جده غير)) بالنسبة للمكتبات فيه مكتبة جرير دى مكتبه كبيره , طبعا لاماكن الخروج والفسح فيه مولات كتير حلوه زى ( الصوارى , ايس لاند , الصيرفى , سكاى دايفنج ,... الخ) وهناك فيه بحر لو تحبى تخرجى للبحر , كورنيش , يعنى هى عامة شبيهه باسكندريه الى حد ما . اتمنالك حياه جميله هناك ويكون بينا تواصل باذن الله
guevara82
01/07/2008, 10:20 AM
انا متشكرة جدا جدا على اهتمامك وردك ... بس معلش عندى سؤال تانى ... يعنى انا اقدر امارس الاجتماعيه عادى زى هنا فى مصر ولا مش اقدر اتحرك من غير زوجى ... انا اسمع انه هناك الستات مش بيخرجوا لوحدهم زى عندنا فى مصر ... هل ده صحيح ؟؟
واخيرا متشكرة ليكى و ارجوا فعلا ان يكون بنا تواصل :)
belle_fille
02/07/2008, 11:34 AM
حبيبتى ولا يهمك اسالى براحتك واى حاجه عايزه تستفسرى عنها انا تحت امرك , بالنسبه للاجتماعيه لاء للاسف مش زى عندنا فى مصر ممكن نخرج لوحدنا وكدا لازم مع زوجك ودا احسن لان هنا فيه جنسيات مختلفه كتير ومتعرفيش طباعهم ولا اخلاقهم ايه فكدا احسن زوجك معاكى فكل مكان دا حمايه ليكى بس ممكن لما تروحى مول وحابه تتمشى مع صديقه ليكى مفيش مشكله او حديقه او الاسواق دا مفيش منه خوف انما فالشارع لوحدك او تخرجى مكان لوحدك لا مينفعش وهو فالاول هيبقى صعب عليكى بس فتره وهتتعودى وهيبقى الامر عادى ولما تتعرفى على حد وتعملى صداقات بتهون الموضوع شويه
danosha
07/07/2008, 01:30 PM
السلام عليكم ازيكم يا بنات انا مصرية و قاعدة في الكويت مع جوزى بقالي سنة و 5 شهور
بس زهقانة اويييييييييييي و زي ما قالت الغالية وجدان الحياة هنا مملة بس هنعمل اية اكل العيش مر
وجدان احمد جاد
08/07/2008, 12:46 AM
اهلا اختdanoshaانتى عامله ايه فى الجو الحر ده انا همووووووووت من الحر والتكييف عندى مش اوى انا قاعده فى الفروانيه انتى فين فى الكويت؟ وبتشتغلى ولا لا؟
danosha
08/07/2008, 11:26 AM
اهلا يا وجدان ازيك يا قمر انا ساكنة في السالمية و بشتغل الحمدلله ولا كنت اتجننت هنا من الوحدة و خصوصا اني لسة معنديش اطفال ادعيلي باة .. الحر جميل بس الحمدلله التكيف كويس :)
اليماامة
08/07/2008, 12:20 PM
الله يعينكم على الغربة انا مش متغربة بس حاسة بوجع الغربة
yehia2007
08/07/2008, 05:58 PM
السلام عليكم
ازيكو يا بنات انا قريت الموضوع وعجبنى اوى وياريت ترجعو تانى عشان نتواصل كلنا مع بعض
انا ام نور مصريه مقيمه فى الرياض متزوجه من 4 سنين وجيت هنا عروسه وبنزل مصر فى الاجازات الحياه هنا ممله جدااااا لانى مليش اصحاب خالص ولا حتى جيران مختلطه بيهم لان الجيران هنا مش اوى وانا مش بحب الاختلاط باى حد وبخرج يوم واحد فى الاسبوع مع جوزى وبنتى
نسيت اقولكم ان نور عندها سنه وخمس شهور وهى اللى مسليانى وطبعا النت هى دى حياتنا ههههههههههههه
ان شاء الله ليا رجععه تانى
سلام يا قمرات
ازيكم يا بنات ويا ستات انا لسه مش مغتربه بس ان شاء الله هنضم لفريق المغتربات بعد 3 شهور تقريبا يعنى بعد ما اتجو هنسافر على السعوديه ان شاء الله عشان جوزى بيشتغل هناك
نسيت اقلكم انى فعلا مش عارفه اخد ايه واسيب ايه هو بيقولى كل حاجه موجوده بس انا برده مش مطمنه بس انا حاسه انى شويه وهاخد حيطان البيت معايا كمان انا مرعوبه من موضوع الغربه ده وخصوصا انى هروح عروسه وهفضل لوحدى طول النهار وطبعا طول الليل هيبقى نايم وهبقى لوحدى برده مش هشوفه غير قليل قوى وبعدين هبقى انا والوحده والغربه وفقط
وجدان احمد جاد
09/07/2008, 01:29 AM
اهلا يا وجدان ازيك يا قمر انا ساكنة في السالمية و بشتغل الحمدلله ولا كنت اتجننت هنا من الوحدة و خصوصا اني لسة معنديش اطفال ادعيلي باة .. الحر جميل بس الحمدلله التكيف كويس :)
السالميه حلوه انا روحتها 3 او4 مرات ربنا يكرمك ويرزقك الذريه الصالحه انا عن نفسى هاموت واشتغل بس جوزى بيقولى هتودى البنت فين واللى جاى كمان شهر ان شاء الله هتوديه فين هو كمان بس انا هاحاول اقنعه بعد ما ولد ان شاء الله ادعيلى بس الاقى شغل
وجدان احمد جاد
09/07/2008, 01:35 AM
نسيت اقلكم انى فعلا مش عارفه اخد ايه واسيب ايه هو بيقولى كل حاجه موجوده بس انا برده مش مطمنه بس انا حاسه انى شويه وهاخد حيطان البيت معايا كمان انا مرعوبه من موضوع الغربه ده وخصوصا انى هروح عروسه وهفضل لوحدى طول النهار وطبعا طول الليل هيبقى نايم وهبقى لوحدى برده مش هشوفه غير قليل قوى وبعدين هبقى انا والوحده والغربه وفقط
ربنا يتمم لك على خير ويرزقك بالذريه الصالحه وانتى باذن الله هتحسى بونس والغربه هتروح شويه بشويه مع الانشغال بالبيت والعيال اما بالنسبه للى تاخديه واللى متخديهوش والله اللبس هناك احلى اكيد لكن مفيش زى اكل مصر مش عارفه بالظبط فى حاجات طازجه هناك ولالا زى الكويت هنا مفيش حاجه طازجه بس خدى معاكى سمنه بلدى وعسل وبط وحمام وكدا
ربنا يتمم لك على خير
وجدان احمد جاد
09/07/2008, 01:39 AM
السلام عليكم
ازيكو يا بنات انا قريت الموضوع وعجبنى اوى وياريت ترجعو تانى عشان نتواصل كلنا مع بعض
انا ام نور مصريه مقيمه فى الرياض متزوجه من 4 سنين وجيت هنا عروسه وبنزل مصر فى الاجازات الحياه هنا ممله جدااااا لانى مليش اصحاب خالص ولا حتى جيران مختلطه بيهم لان الجيران هنا مش اوى وانا مش بحب الاختلاط باى حد وبخرج يوم واحد فى الاسبوع مع جوزى وبنتى
نسيت اقولكم ان نور عندها سنه وخمس شهور وهى اللى مسليانى وطبعا النت هى دى حياتنا ههههههههههههه
ان شاء الله ليا رجععه تانى
سلام يا قمرات
اهلا ام نور بس السعوديه حلوه وكبيره انا باسمع انها حلوه اوى وكفايه الاماكن الطاهره اللى فيها ووالله الاختلاط مش حلو انا والله كل اللى اعرفهم هنا ناس معارفنا وقرايبنا من مصر لكن معرفتش حد جديد واحمدى ربنا انك بتخرجى مره فى الاسبوع انا بقى بخرج مره كل اسبوعين وساعات كل 3 اسابيع اصل ازواجنا بيتعبو اوى فى الشغل ربنا يعينهم ويعينا على الحياه بعيد عن مصر وعن اهلنا وحبايبنا
yehia2007
10/07/2008, 02:29 AM
اهلا ام نور بس السعوديه حلوه وكبيره انا باسمع انها حلوه اوى وكفايه الاماكن الطاهره اللى فيها ووالله الاختلاط مش حلو انا والله كل اللى اعرفهم هنا ناس معارفنا وقرايبنا من مصر لكن معرفتش حد جديد واحمدى ربنا انك بتخرجى مره فى الاسبوع انا بقى بخرج مره كل اسبوعين وساعات كل 3 اسابيع اصل ازواجنا بيتعبو اوى فى الشغل ربنا يعينهم ويعينا على الحياه بعيد عن مصر وعن اهلنا وحبايبنا
اهلا بيكى يا قمر فعلا والله عندك حق الاختلاط وحش وبيجيب مشاكل والواحد مش بيحب المشاكل عشان كده انا مرتاحه يومى الحمدلله بيضيع كله ومش بحس بيه والخميس بستناه عشان اخرج ههههههههههههههه والله الواحد لو لف اى حته بيحس ان خرجواستمتع اهو تغيير انا فى الرياض يعنى بعيده عن الحرم طبعا بس عموما الرياض جميله اوى وفيها اماكن حلوه ومولات جميله
على فكره انا كنت عايشهمع اهلى فى الكويت وانا صغيره درست هناك لحد اولى ثانوى وبعد كده نزلت مصر كملت ودخلت الجامعه وبعدين اتجوزت وسافرت السعوديه هى دى سنة الحياه ربنا معانا يارب
yehia2007
10/07/2008, 02:42 AM
نسيت اقلكم انى فعلا مش عارفه اخد ايه واسيب ايه هو بيقولى كل حاجه موجوده بس انا برده مش مطمنه بس انا حاسه انى شويه وهاخد حيطان البيت معايا كمان انا مرعوبه من موضوع الغربه ده وخصوصا انى هروح عروسه وهفضل لوحدى طول النهار وطبعا طول الليل هيبقى نايم وهبقى لوحدى برده مش هشوفه غير قليل قوى وبعدين هبقى انا والوحده والغربه وفقط
الف مبروك يا قمر وربنا
يتملك على خير يا ترى حتبقى فين السعوديه ياريتك تيجى جمبى فى الرياض ههههههههههه
على فكره انا كمان جيت هنا عروسه ومتخافيش حتتاقلمى على الوضع بسرعه حتلاقى يومك بيروح فى البيت والطبيخ ولما تشغلى نفسك ع النت كمان مش حتحسى بحاجه خالص
بالنسبه للحاجات اللى عايزه تاخديها هنا الحمدلله كلللللللل حاجه متوفره يعنى متشليش ع الفاضى ومتكتريش فى اللبس لو تعرفى انا كنت جايه معايا شنطتين كباااااار هههههههههه ودفعت وزن 500 جنيه اه والله زى ما بقولك كده وكمان نزلولى فى الوزن كانو عايزين 700 بس والله كل الحاجه اللى اخدتها بقيت اوزعها فى رمضان ع الناس الغلابه وهدوم جديده والله ولا اتلبست وجزم وشنط ايه مقلكيش
اوعى تعملى زيى حرام تشترى لبس كتير لان هنا اللبس عبايه بس وتحتها اى حاجه يعنى لو لبستى بنطلون وبدى حاجه خفيفه كده عشان الحر تحت العبايه خلاص كفايه وغير كده ان هنا الاختلاط محدود يعنى حتروحى فين عشان تلبسى لبسك خساره والله
الشتوى هما حاجتين تقال على البنطلونات وخلاص وهنا كل حاجه موجوده وتجنن
انا كنت جايبه حتى الفرشه بتاعت السنان والمعجون والشامبو والكريمات اوعى تعملى كده متاخديش اى حاجه خالص غير غياراتك الداخليه وقمصانك ومتكتريش كمان هنا كل حاجه جميله ورخيصه
شوية مكياج بسيط لاستعمالك العادى ولما تيجى ان شاء الله حتلاقى هنا كل حاجه متوفره برفانات ولبس وكريمات ومكياجات اسمعى كلامى ومتتعبيش نفسك فى الشرا وفرى فلوسك احسن
بالنسبه للاكل طبعا مامتك حتبقى عايزه تديكى حمام وبط والحاجات دى هاتى اللى انتى عايزاه فى شنطه هاند بالك تبقى فى ايدك وتطلعى بيها الطياره مش حتحتاجى وزن زياده وبرده ارجع واقولك الاكل هنا بالهبل والناس مش وراها حاجه غير الاكل هههههههههه بس عشان انتى عروسه لازم تاخدى كم اكله عشان ترتاحى كم يوم وربنا يوفقك
وجدان احمد جاد
11/07/2008, 12:42 AM
كنت عاوزه اسالك danosha هى مزارع الصليبيه فين انا سمعت ان فيها لبن طازج لو سمعتى هو فين يا ريت تقوليلى لان معدتنا نشفت من لبن العلب
danosha
13/07/2008, 01:25 PM
وجدان حبيبتي انا اول مرة اسمع عن مزارع الصليبية دي :)
انا اصلا بحب اللبن المعلب :D
RoseRaka
15/07/2008, 08:08 AM
ازيك ياقمرات الموضوع دا جميل أوى انا مصريه عايشه فى الامارات بقالى حوالى 3 سنين وقبل كدا كنت باجى الامارت فى الصيف بس اقعد شهرين ولنزل مع ماما لانى كنت بدرس فى الجامعة انا لسه انسة بس جوازى بعد 5 شهور هنزل مصر اعمل الفرح وارجع تانى لان زوجى بيشتغل فى الامارات بردوا انا بصراحة مش حسة بغربة اوى لانى معايا كل الاسرة هنا بس برودا كتير بحس ان مصر وحشتنى اوى اوى اوى واهلى اللى هناك وصحابى
وربنا يهون علينا جميع الايام والغربة ونحقق كل أمانينا
yehia2007
16/07/2008, 02:10 AM
اهلا بيكى يا روز والف مبرو مقدما على الجواز
ربنا يتمملك على خير يارب
وكويس اوى ان اهلك ومامتك معاكى كده مش حتحسى بفرق خالص والبلد انتى عارفاها يعنى مفيش غربه ان شاء الله
many*bass
21/07/2008, 06:35 PM
تجمع بنات امريكا في ركن الشعر
http://www.3roos.com/forums/t363376.html#post6703815
ياريت الي في امريكا تشترك معانا وانا من مصر
وجدان احمد جاد
31/07/2008, 02:07 AM
فين البنااااااااااااااااااااا ااااااات؟؟؟؟؟؟؟؟؟؟؟؟
magyyyy
05/08/2008, 02:48 PM
(*) اولا احب اعرفكم (*)بنفسى انا ماجى مصريه مقيمه فى جدة من سنتين وللاسف مكونتش صدقات زى اللى عندى فى مصر بس بعد ما دخلت الموقع دة وتصفحته جتلى فكرة يا رب تعجبكم ونقدر ننفذها ايه رايكم لو عملنا رابطه للبنات المصريات المقيمات بجدة كل واحدة مننا تقول على المكان اللى بتسكن فيه ونحاول نشوف الناس اللى قريبه من بعضهاوبعد ما نبتدى نتعرف على بعض على النت شويه نحاول نتقابل فى مكان نتفق عليه فى يوم يناسبنا كلنا لان طبعا كلنا او معظمنا متزوجات ومرتبطات بمواعيد عمل الازواج خلينا نبدا بالفكرة دى وانا عندى افكار تانيه كتير يا رب تعجبكم بس لما تردوا عليه الاول واوعوا يا بنات تنفذوا الفكرة من غيرى هزعل بجد اوى:confused:
magyyyy
05/08/2008, 03:11 PM
(*) انا ماجى (*) مصريه مقيمه بجدة من سنتين وللاسف مكونتش صدقات زى اللى عندى فى مصر ولما دخلت الموقع دة لقيت ان فى بنات كتير بتعانى من نفس المشكله الوحدة والملل والفراغ فجتلى فكرة يا رب تعجبكم انا فكرت نعمل زى رابطه للبنات المصريات فى جدة بمعنى ان كل واحدة مقيمه فى جدة تكتب عن ظروف شغل زوجها ان كانت متزوجه او مواعيدها ان كانت غير متزوجه ومقيمه مع اسرتها مثلاومكان السكن اللى مقيه فيه يعنى بالتقريب حى ايه فى جدة وبعدين نشوف الناس القريبه من بعضها ونتفق فى يوم معين يناسب ظروف الجميع ونتقابل فى مكان يكون قريب من الكل مثلا مول من المولات المعروفه ودة هيكون بترتيب مسبق فى ميعد معين دى الخطوة الاولى ننفذها الاول وبعدين ابقى اقولكم على باقى الخطوات ويارب تعجبكم مستنيه ردودكم واقتراحتكم بس يا بنات اوعوا تنفذوا من غيرى بجد هزعل اوى لو حد اخد فكرتى مش هسمحوا ابدا:confused: لو عيزنى اكمل اقتراحاتى وعجبكم الموضوع قولولى ولو معجبكوش بردة قلولى ونتناقش انا بحب اسمع كل الاراء ويارب ننفذ الفكرة ونقدر سوا نتخلص من الوحدة والفراغ
(f)
وجدان احمد جاد
06/08/2008, 02:18 AM
فكرتك حلوه يا ماجى يا ريت الاقى اللى تنفذها معايا هنا فى الكويت
magyyyy
06/08/2008, 03:53 PM
(*)شكرا يا وجدان على زوقك اتمنى ان الفكرة تنجح ادعيلى وانشاء الله هتلاقى اللى ينفذها معاكى فى الكويت
magyyyy
11/08/2008, 02:25 PM
فين المصريات والناس اللى بتشتكى من الغربه ليه محدش بيعلقعلى فكرتى
توتى وشيكو
16/08/2008, 08:40 PM
انا مصريه وعايشه فى جده وساكنه فى البوادى وبشتغل فى الروضه ممكن نتكلم على الخاص يا ماجى والا الماسينجر
روان اشرف عبد الرحمن
19/08/2008, 08:39 AM
تعالو يا مغتربات مصر فى الامارات ايه رئيكم نتقابل سوىعايزة تجمع لبنات مصر فى الامارات نهون الغربه على بعض او حتى نكلم بعض كل واحدة تقول عايشه فين وايه الحاجات الرخيصه وايه الاماكن الرخيصه ونتبادل خبرات كثيرة عارفه انكم مش هتخذلونى
روان اشرف عبد الرحمن
19/08/2008, 08:50 AM
انا مصريه اعيش فى الامارات منذ عامين وكنت فى راس الخيمه وبعدين روحت ابو ظبى اما دلوقتى فى المرفق متزوجه وعندى طفلين هه مين هيقول ظروفه بعدى فى انتظار ردودكم تحيا مصر
روان اشرف عبد الرحمن
19/08/2008, 08:56 AM
طيب مفيش مشكله هفتح الموضوع وارد على نفسى بالنسبه للحاجات الرخيصه مش بلاقيها غير فى اللولوهايبر فى ابو ظبى وكمان جمعية ابو ظبى اللى فى المينا لان فى اللولو وزارة الاقتصاد منزله تخفيضات على منتجات كتير والجمعية بتاعت ابو ظبى فيها حملة مكافحاة الغلاء هه يارب حد يشارك ولو بابتسامه
روان اشرف عبد الرحمن
19/08/2008, 03:52 PM
تعالو يا مغتربات مصر فى الامارات ايه رئيكم نتقابل سوىعايزة تجمع لبنات مصر فى الامارات نهون الغربه على بعض او حتى نكلم بعض كل واحدة تقول عايشه فين وايه الحاجات الرخيصه وايه الاماكن الرخيصه ونتبادل خبرات كثيرة عارفه انكم مش هتخذلونى
ملكة الطناش
19/08/2008, 03:57 PM
هههههههههههههههههههههههه انا قولت ادخل اشجعك انا اه مصرية بس في مصر هههههههه
ربنا يوفقك يا قلبي يارب كان نفسي افيدك بس اختي رجعت من الامارات خلاص يالا قدر الله
محدش بيرد يمكن معدش مصريات في الامارات ههههههههههههه
magyyyy
19/08/2008, 04:04 PM
انا معنديش مانع اهلا بيكى معلش انا قرات رسالتك بس دلوقتى ممكن تراسلينى على الخاص لانى ان ياهو مش ماسنجروبعدين انا هكتب موضوع فى الركن دة قريب تابعينى ونتكلم زى ما انتى عايزة
انا ساكنه فى السليمانيه ولسه مش بشتغل انتى بتشتغلى ايه :flower:
روان اشرف عبد الرحمن
19/08/2008, 11:15 PM
هههههههههههههههههههههههه انا قولت ادخل اشجعك انا اه مصرية بس في مصر هههههههه
ربنا يوفقك يا قلبي يارب كان نفسي افيدك بس اختي رجعت من الامارات خلاص يالا قدر الله
محدش بيرد يمكن معدش مصريات في الامارات ههههههههههههه
والله انتى زى العسل مصريه وفى مصر سلامى لعصير القصب والفول والطعميه وتحيا مصر انا كدة معنوياتى اترفعت كفايه زوقك وبعدين ولا يهمك انا بتبادل خبرات مع نفسى مفيش مشكله ميرسى يا قمر على ذوقك
كل حلمى نونو
20/08/2008, 12:49 AM
ايه يا روان !!!!!!!!!!!!!
عامله دوشه ليه ؟؟؟
انا يا ستى مصريه فى امارة عجمان
بس لسه نفسى فى نونو ...... ادعى لى
و بجيب حاجة البيت من كارفور او هايبر
كل حلمى نونو
20/08/2008, 12:59 AM
ازيكم يا بنات
انا هنا فى الامارات ....... تقريبا من سنه و نص
و ما اقول لكم بقى على الملل و النفسيه التعبااااااااانه
تعرفت على واحده عن طريق النت ( سودانيه ) علمتى درس ..... ان مفيش وفاء و لا اخلاص لصداقات النت
تفتكروا رأيى صح؟؟؟؟؟؟؟؟؟
والهى متعقده يا بنات
ملكة الطناش
20/08/2008, 01:41 AM
ده انتي اللي عسل يا روان والله
اختي التانية ربنا يرزقك بنونو قريب يارب
بوسة كبيرررررة قوي قوي مني ليكوا
انا اختي كانت في عجمان علي العلم
بنت النهاردة
20/08/2008, 02:50 AM
ربنا يهون عليكم الغربة ويرجعكم بالسلامة
كل حلمى نونو
20/08/2008, 11:04 AM
ده انتي اللي عسل يا روان والله
اختي التانية ربنا يرزقك بنونو قريب يارب
بوسة كبيرررررة قوي قوي مني ليكوا
انا اختي كانت في عجمان علي العلم
شكراااااااا يا ملكه على الدعوه الحلوه ........ ما تنسونيش فى رمضان من دعواتكم
بس تعالى قولى لى ......... انتى مطنشه مين بالظبط :D
ربنا يهون عليكم الغربة ويرجعكم بالسلامة
ااااااااااااااااااااااامي ن حبيبتى
روان اشرف عبد الرحمن
20/08/2008, 11:09 AM
ايه يا روان !!!!!!!!!!!!!
عامله دوشه ليه ؟؟؟
انا يا ستى مصريه فى امارة عجمان
بس لسه نفسى فى نونو ...... ادعى لى
و بجيب حاجة البيت من كارفور او هايبر
انا دانا هاديه خالص مش مجنونه ههههههههههه نورتى الامارات ربنا يرزقك باحلى واجمل نونو فى الدنيا ربنا يرزقك بالذريه الصالحه فى اقرب وقت ميرسى لردك
روان اشرف عبد الرحمن
20/08/2008, 11:10 AM
ربنا يهون عليكم الغربة ويرجعكم بالسلامة
اللهم امين اللهم استجب دعائك ويحقق لكى امانيكى
كل حلمى نونو
20/08/2008, 11:25 AM
انا دانا هاديه خالص مش مجنونه ههههههههههه نورتى الامارات ربنا يرزقك باحلى واجمل نونو فى الدنيا ربنا يرزقك بالذريه الصالحه فى اقرب وقت ميرسى لردك
شكراااااااا يا جمييييييييل على الدعوه الحلوه يا ام روان
طبعا روان بنتك ......... يعنى هو من 40 سنه كان فى اسم روان :tongue:
روان اشرف عبد الرحمن
20/08/2008, 11:31 AM
شكراااااااا يا جمييييييييل على الدعوه الحلوه يا ام روان
طبعا روان بنتك ......... يعنى هو من 40 سنه كان فى اسم روان :tongue:
40 سنه لا خالص انا يابنتى 17 سنه ونصف اة روان بنتى عقبال ما يجيلك ياقمر انا بعتلك على الخاص لو عايزة نكمل شكلك عسوله
كل حلمى نونو
20/08/2008, 11:41 AM
40 سنه لا خالص انا يابنتى 17 سنه ونصف اة روان بنتى عقبال ما يجيلك ياقمر انا بعتلك على الخاص لو عايزة نكمل شكلك عسوله
انا دخلت على الخاص ......مافهمتش اوى ....... كتبت اسمك فى خانة الاصدقاء
بس مش فاهمه اوى ايه اللى هيحصل
بما انك اختى الكبيره ممكن تفهمينى ......... بس من غير ما تضربينى :D
انا عارفه يا بنتى انك صغنوووووووووونه و انا كمان صغنوووووووووووووووووونه :wink:
ممكن تعتبرينى اخت لروان(x)
انا هصلى الظهر
ايمان81
21/08/2008, 09:01 PM
حلو اوي يا بنات الموضوع ده وربنا يصبركم في الغربه ويرزقك يا اختي الكريمه بالذريه الصالحة ان شاء الله في القريب العاجل
أسماء زكي الدين
22/08/2008, 08:36 PM
ازيكم يا بنات
انا هنا فى الامارات ....... تقريبا من سنه و نص
و ما اقول لكم بقى على الملل و النفسيه التعبااااااااانه
تعرفت على واحده عن طريق النت ( سودانيه ) علمتى درس ..... ان مفيش وفاء و لا اخلاص لصداقات النت
تفتكروا رأيى صح؟؟؟؟؟؟؟؟؟
والهى متعقده يا بنات
أبدا يا عزيزتي، إذا كانت علاقتك بها لم تكن ناجحة فهذا قد تواجهينه بدون نت ، وحتى من الممكن تواجهيه في إطار العائلة نفسها، هي حالة وقد تصادفي غيرها ومثلها الكثيرات لكن عن تجرةهناك علاقات ناجحة جدا جدا عن طريق النت ...
خففي عن نفسك وكرري المحاولة مرات ومرات.
حلم عمرى
23/08/2008, 04:52 PM
فييييينكم بنات :rolleyes:
انا الموضوع ده شدنى اوى :)
انا مصريه مقيمه فى السعوديه فى الرياض بس ليا شهرين
وهتجنن من الوحده لسه مأنجبتش عشان يكون فى حد يسلينى
بجد اهلى وحشونى اوى :confused:
ومش قادره اتاقلم على الجو هنا
انا كنت فى مصر ليا اصحاب كتير جدا وهنا ماليش الا اثنين جيران واكبر اوى فى السن
شكلى بقى باااااايخ جدا وهما بيتكلموا وبكون مش فاهماهم اوى بحكم السن:o
مين هنا مقيم بالسعودية
كل حلمى نونو
24/08/2008, 11:40 AM
حلو اوي يا بنات الموضوع ده وربنا يصبركم في الغربه ويرزقك يا اختي الكريمه بالذريه الصالحة ان شاء الله في القريب العاجل
الله يخليكى يا ايموووووووو
أبدا يا عزيزتي، إذا كانت علاقتك بها لم تكن ناجحة فهذا قد تواجهينه بدون نت ، وحتى من الممكن تواجهيه في إطار العائلة نفسها، هي حالة وقد تصادفي غيرها ومثلها الكثيرات لكن عن تجرةهناك علاقات ناجحة جدا جدا عن طريق النت ...
خففي عن نفسك وكرري المحاولة مرات ومرات.
ان شاء الله يا اسماء ......... والله ربنا يعلم انى اصيييييييييييييييله جداااا مع اصحابى :D
فييييينكم بنات :rolleyes:
انا الموضوع ده شدنى اوى :)
انا مصريه مقيمه فى السعوديه فى الرياض بس ليا شهرين
وهتجنن من الوحده لسه مأنجبتش عشان يكون فى حد يسلينى
بجد اهلى وحشونى اوى :confused:
ومش قادره اتاقلم على الجو هنا
انا كنت فى مصر ليا اصحاب كتير جدا وهنا ماليش الا اثنين جيران واكبر اوى فى السن
شكلى بقى باااااايخ جدا وهما بيتكلموا وبكون مش فاهماهم اوى بحكم السن:o
مين هنا مقيم بالسعودية
معلش يا حلم ........ بكره تتعودى على كده
و ان شاء الله ربنا يعجل لك فى اقرب وقت بالنونو
عل فكره انا فى الصعيد كانت جارتى فى عمر ماما و بناتها كانوا زى اخواتى
و لحد دلوقتى بتصل بيها و بسأل عن اخبارهم
حياة رائعة
13/10/2008, 04:53 AM
البنات المصريين اللى فى الامارات
ايه اخبار الحياة معاكم ؟؟؟؟؟؟
جوزى بيفكر يشتغل هناك وانا اروح وراه
ياريت تفهونى اخباركم ايه هناك ومبسوطين ولا لاء ؟
love_me_more307
13/10/2008, 06:15 AM
يظهرررررررررررررر
ان الموضوع محدش دخله من شهور
اعرفكم بنفسيي ياللي مش موجودين
متزوجه من 3 شهور وانا حاليا في مصر بس ادعولي ربنا ييسر سفري لزوجي كمان شهرين
هو في الامارات في العين
في حد هنا من الامارات ومن العين يعرفني الجو عامل ايه هناك قبل مااجي باذن الله؟؟
حياة رائعة
13/10/2008, 07:24 PM
انا كمان عايزة اعرف ايه النظام هناك ؟
هل مبسوطين والشغل عال العال ولا محبوسين فى البيت ولا ايه الموضوع ؟
ياريت يا بنات مصر اللى عايشين فى الامارات تردو علينا
الجو كمان عامل ازاى ؟
roro30
28/10/2008, 01:37 AM
السلام عليكممممممممم
انا شكلى كدة اصغرررررررررررررررر واحدة فيكم ههههههههههه:D:D:D
انا ان شاء اللة كمان امممممم يعنى قولو كدة 7 شهور 8 شهور هتجوز وهروح السعودية:(
هعيش فى جدة ان شا ءاللة وكل دة هنزل مرتين فى السنة عشان هبقى فى اخر سنة فى الكلية :D:D عمايل الحب بقى ههههه:tongue::tongue:
واية تانى:D ؟
اةةة اللى عايشة فى السعودية خاصة جدة انا سمعت عن الحفلات او مش حفلة دة زى ما بيقولو اجتماع المصرين اللى عايشين فى السعودية بيجتمعوا مع بعض او مش حتى مصرين اى دولة فا دة صحيح ولا اية بالظبط ؟
معلش انا رغيت كتير:D صدعتكو
واشوفكوا على خيرررررررررررررر
عطرالحياةالياسمين
28/10/2008, 08:57 AM
السلام عليكم...
عاملين اية واخباركم اية في الغربةيارب يكون كله تمام
انا طبعا مصرية :wink:مغتربة وعايشةفي قطر(حبيبتي:15:)
بقالي حوالي9شهور..وقبلها عشت طفولتي كلهالحد الثانوية
في السعودية(وحشتني هى واصحابي الي فيها)
يعني متعودة على الغربة حتى لما كنت في مصر كنت دايما متنقلةيعني مش راكزة:D
المهم عايزة اقولكم حاجة اتعلمتها من كتر ترحالي...
المهم انكم تعرفو ازاي تنبسطو بوقتكم وازاي تحبو البلد
وطالما معاك اولادك وجوزك فده يهون عليكم كتير
هو المشكلة الاساسية اية:rolleyes:اقولكم هى بعدنا عن اهلنا
لكن دي سنة الحياةوالنت والتليفونات موجودة(t) خليكم على طول معاهم وياسلام لو عندكم كمبيوتر زي في البيت
مش حتقومو من علية وحيعدي الوقت بسرعة من غير ماتحسو.... طولت عليكم مش كده...طب متزهقوش
:tongue:انا حقوم وارجع مرة تانية نكمل كلام
خلي بالكم من نفسكم وربنا يرعى الجميع...(f)(f)(f)
الى اللقاء.....
عطرالحياةالياسمين
29/10/2008, 11:37 AM
السلام عليكم......
اية هو انا دخلت والمصريات اختفو ولا اية:rolleyes:
انتم مشغولين ولا معندكمش جديد(w)
(c) طيب لما تفضو ابقو تعالو نتكلم عن اخبار مصر
سلامي ليكم جميعا وبالتوفيق.......
سندريلا الشاشه
30/10/2008, 10:35 AM
up
up
up
milena
31/10/2008, 07:27 PM
jiji mar7babik azaaaaaaaaayn
هلا مغتربة
فعلا الغربة صعبة
سندريلا الشاشه
04/11/2008, 05:59 AM
والله الغربه صعبه وانا جربتها في بلجيكا سنتين وبأذن الله راح اكون عندك بعد كم شهر يعني على بداية
السنه الجديده بأذن الله ويمكن تطول مدة الغربه هالمره لعلاج العقم..................
dandona om jou
09/11/2008, 12:45 AM
انا مصرية عايشة في الكويت من و انا كنت صغيرة و بردو مكتوب كتابي و جوزي في الكويت بس هوا بقاله بس 5 سنين هنا
roro30
09/11/2008, 01:43 AM
السلام عليكم...
عاملين اية واخباركم اية في الغربةيارب يكون كله تمام
انا طبعا مصرية :wink:مغتربة وعايشةفي قطر(حبيبتي:15:)
بقالي حوالي9شهور..وقبلها عشت طفولتي كلهالحد الثانوية
في السعودية(وحشتني هى واصحابي الي فيها)
يعني متعودة على الغربة حتى لما كنت في مصر كنت دايما متنقلةيعني مش راكزة:D
المهم عايزة اقولكم حاجة اتعلمتها من كتر ترحالي...
المهم انكم تعرفو ازاي تنبسطو بوقتكم وازاي تحبو البلد
وطالما معاك اولادك وجوزك فده يهون عليكم كتير
هو المشكلة الاساسية اية:rolleyes:اقولكم هى بعدنا عن اهلنا
لكن دي سنة الحياةوالنت والتليفونات موجودة(t) خليكم على طول معاهم وياسلام لو عندكم كمبيوتر زي في البيت
مش حتقومو من علية وحيعدي الوقت بسرعة من غير ماتحسو.... طولت عليكم مش كده...طب متزهقوش
:tongue:انا حقوم وارجع مرة تانية نكمل كلام
خلي بالكم من نفسكم وربنا يرعى الجميع...(f)(f)(f)
الى اللقاء.....
:D ازيك يا جميل
نورتينا:wink:
انا ان شاء اللة هبقى فى السعودية بعد كمان 8 شهور ان شاء اللة وهتغرب بقى:D بداية الغربة :(
قوليلى بقى قطر حلوة ؟ يمكن لنا نصيب اننا نروح هناك:D
عطرالحياةالياسمين
11/11/2008, 12:18 AM
:D ازيك يا جميل
نورتينا:wink:
انا ان شاء اللة هبقى فى السعودية بعد كمان 8 شهور ان شاء اللة وهتغرب بقى:D بداية الغربة :(
قوليلى بقى قطر حلوة ؟ يمكن لنا نصيب اننا نروح هناك:D
السلام عليكم... ازيك ياجميل عاملة اية
اولا توصلي السعودية بالسلامة ولما توصلي وتشوفيها ابقي سلميلي عليها
وخاصة جدة لو حتقعدي فيها لان طفولتي كلها كانت هناك وليا زكريات ياريتها تعود وامانة لو روحتي الحرم تدعيلي انا واولادي وزوجي معلش عارفة انك ماتعرفنيش لكن الدعوة ثواب..
ثانيا :قطر تحفة بجد في كل شئ ومريحة واهلها كمان جمال انا لسة ماتعملتش مع حد قطري لكن الجو السائد هو الود والبلد صغيرة لكن ممتعة في كل الاماكن الي ممكن الواحد يروحها
ولو حصل نصيب ونقلتي وجيتي قطر يشرفني طبعا نتقابل ونكون اصدقاء
وانت لما توصلي السعودية ابقي احكيلي عن انطباعك الاولي
وان شاء الله تكون الغربة هينة عليك وتلاقي الي يانسك وفي مصريين كتير هناك من السهل انك تعملي علاقات
بالتوفيق وتوصلي بالسلامة وشكرا على مداخلتك(f)(f)(f)
عطرالحياةالياسمين
11/11/2008, 12:34 AM
انا مصرية عايشة في الكويت من و انا كنت صغيرة و بردو مكتوب كتابي و جوزي في الكويت بس هوا بقاله بس 5 سنين هنا
السلام عليكم..
ازيك ياجميل نورتي تجمع المصريات المغتربات واعتقد ان انت اقدم مغتربة لانك مغيرتيش الاماكن وفي نفس البلد من زمان انت على كده معاك الجنسية الكويتية ؟ وياريت تحكيلنا على البلد واهلها وياترى بتتكلمي كويتي ولا المصري غالب انا عندي اتنين من صديقاتي المصريات برده عايشين هناك من ضمنهم واحدة لها نفس ظروفك ومتجوزة برضه هناك وجوزها بيشتغل مدرس وصاحبتي التانية بقالها حوالي 7 سنين هناك
الظاهر ان المصريين عاملين توزيع جغرافي محصلش على باقي انحاء الوطن
يارب الكل يرجع سالم لاهله في النهاية والكل يكون سعيد في البلد الي هو فيه...واتمنالكم جميعا الحياة البسيطة الهادئة ودامت دياركم عامرة بالافراح:15:وياريت نتقابل دايما على صفحات منتدى عروس :)
ونعرف اخبار بعض ونحكي تجاربنا ومواقفنا ...
ده طبعا يرجع لحسب الوقت الي كل واحد فاضي فية:wink:
بس ياريت الصفحة دي ماتغلقش وتفضل تستقبل من الاصدقاء كل جديد
ونلتقي قريبا على فنجان(c) نسكافية لاني بعشقه..اتفضلو طبعا
الى اللقاء.......(f)
nevow
11/11/2008, 09:54 AM
انا مصريه وخلاص علي اخر السنه راح اسافر الي السعوديه وبجد انا فرحانه اوي علشان رايحه اجمل ارض في الدنيا وفي نفس الوقت خايفه علشان حسيب بلدي واهلي ودي اول مره اسافر فيها
لو ممكن اخت سعوديه مقيمه في مصر تقولي ايه الحاجات الي ممكن اخدها معايا من هنا الي السعوديه مش موجوده هناك؟ :8875:
تدعوا لي علي الصبر في الغربه! :21_195:
عطرالحياةالياسمين
12/11/2008, 12:32 PM
انا مصريه وخلاص علي اخر السنه راح اسافر الي السعوديه وبجد انا فرحانه اوي علشان رايحه اجمل ارض في الدنيا وفي نفس الوقت خايفه علشان حسيب بلدي واهلي ودي اول مره اسافر فيها
لو ممكن اخت سعوديه مقيمه في مصر تقولي ايه الحاجات الي ممكن اخدها معايا من هنا الي السعوديه مش موجوده هناك؟ :8875:
تدعوا لي علي الصبر في الغربه! :21_195:
السلام عليكم....
اولا توصلي بالسلامة ان شاء الله
ثانيا انت مش محتاجة تاخدي حاجة معاك لان بكل بساطة كل الي تتمنيه حتلاقية هناك ويمكن تشوفي حاجات مشوفتهاش في مصر
بس خدي هدوم خاصة بيك لان هناك الاعتماد الكامل على العبايات
وكمان الملابس العادي بتاعنا حتلاقية غالي هناك
ومش بسهولة حتلاقي زوقك
ثالثا لو ليك في الاكل وبتحبي حاجات معينة زي الحمام ممكن تجمدية وتخدية معاك او الكبدة في ناس بتاخد الجبنة الرومي المصري معاها
لانك حتلاقيها غالية هناك وبياخدو البسطرمة الرنجة
شوفي انت وزنك والحاجات الضرورية قوي وان شاء الله حتلاقي كل حاجة هناك...توصلي بالسلامة وربنا يصبرك على البعد
لكن ماتخفيش النت مقرب الحبايب ودايما تكوني معاهم ان شاء الله...(f)
دعواتي لك بانك تلاقي السعادة والراحة هنااااااااااك:)
nevow
12/11/2008, 03:06 PM
السلام عليكم....
اولا توصلي بالسلامة ان شاء الله
ثانيا انت مش محتاجة تاخدي حاجة معاك لان بكل بساطة كل الي تتمنيه حتلاقية هناك ويمكن تشوفي حاجات مشوفتهاش في مصر
بس خدي هدوم خاصة بيك لان هناك الاعتماد الكامل على العبايات
وكمان الملابس العادي بتاعنا حتلاقية غالي هناك
ومش بسهولة حتلاقي زوقك
ثالثا لو ليك في الاكل وبتحبي حاجات معينة زي الحمام ممكن تجمدية وتخدية معاك او الكبدة في ناس بتاخد الجبنة الرومي المصري معاها
لانك حتلاقيها غالية هناك وبياخدو البسطرمة الرنجة
شوفي انت وزنك والحاجات الضرورية قوي وان شاء الله حتلاقي كل حاجة هناك...توصلي بالسلامة وربنا يصبرك على البعد
لكن ماتخفيش النت مقرب الحبايب ودايما تكوني معاهم ان شاء الله...(f)
دعواتي لك بانك تلاقي السعادة والراحة هنااااااااااك:)
:15:يعطي العافيه وشكرا علي اهتمامك اختي:15:
roro30
12/11/2008, 06:26 PM
السلام عليكم... ازيك ياجميل عاملة اية
اولا توصلي السعودية بالسلامة ولما توصلي وتشوفيها ابقي سلميلي عليها
وخاصة جدة لو حتقعدي فيها لان طفولتي كلها كانت هناك وليا زكريات ياريتها تعود وامانة لو روحتي الحرم تدعيلي انا واولادي وزوجي معلش عارفة انك ماتعرفنيش لكن الدعوة ثواب..
ثانيا :قطر تحفة بجد في كل شئ ومريحة واهلها كمان جمال انا لسة ماتعملتش مع حد قطري لكن الجو السائد هو الود والبلد صغيرة لكن ممتعة في كل الاماكن الي ممكن الواحد يروحها
ولو حصل نصيب ونقلتي وجيتي قطر يشرفني طبعا نتقابل ونكون اصدقاء
وانت لما توصلي السعودية ابقي احكيلي عن انطباعك الاولي
وان شاء الله تكون الغربة هينة عليك وتلاقي الي يانسك وفي مصريين كتير هناك من السهل انك تعملي علاقات
بالتوفيق وتوصلي بالسلامة وشكرا على مداخلتك(f)(f)(f)
مرسى على الرد يا جميل
وان شاء اللة هدعيلك
ولو ليا نصيب اكيد انى اروح قطر اكيد هقولك :D بس احنا بس نتجوز لول
مرسى تانى مرة
أم نور عيوني
12/11/2008, 06:32 PM
ازيكو يا احلى مصريات عاملين اية في الغربة ربنا يعينني و يعينكم
ام عبودى القمر
13/11/2008, 02:54 AM
ازيكم يابنات ياقمرات انا مغتربة فى زامبيا واصلا من اسكندرية بقالى 2.5 تقريبا من يوم ما تجوزت وفضلى سنتين تقريبا بس حرجع ليبيا لان زوجى ليبى يعنى من غربة لغربة الله يعين بس مهما كان لبيا خير من زامبيا ع الاقل اهلها اخواتنا ونفس طباعنا بس المشكلة البعد عن الا هل والله يعينا يااااااااااارب
أولا سلامى لكل المغتربات:con1: ثانيا أرجو تقبلونى مابينكم انا حاليا مش مغتربة :no:لكن ربنا يكرمنى وعلى اول السنة أسافر لزوجى إنشاء الله فى أبوظبى:JUMP: وطبعا حالى حال الباقيين خايفة جدا:sad: بس الفرق أنى حقيقى تعبانة جدا بدون زوجى:21_195: وهو كمان أصلى ما بينا قصة حب وأفلام:21_209: المهم اناعايزة أعرف أيه اللى اخدوا معايا وأيه اللى هناك أحسن وخاصة أنى نفسى أعمل فيها عروسة جديدة أصلى مكنش ليا شهر عسل مش عارفة جوزى بيقولى اللبس هناك أحلى بس كنت سمعت أنى حاجات اللى زى كارينا مش فى:sm215:أيه تانى مش عارفة أنا دماغى ورمت من التفكير وهناك هعمل أيه لوحدى أنا بزهق بسرعة أوى:cry: وهنا أنا فى مامتى واخواتى وولاد اخواتى وأصحابى وهناك مش فى حد خالص خالص
أرجوكم أفيدونى ولى رجعة ليكم وربنا يعين الكل الغربة حقيقى صعبة
عطرالحياةالياسمين
13/11/2008, 06:53 AM
مرسى على الرد يا جميل
وان شاء اللة هدعيلك
ولو ليا نصيب اكيد انى اروح قطر اكيد هقولك :D بس احنا بس نتجوز لول
مرسى تانى مرة
السلام عليكم...
ان شاء الله تتجوزي ويكون احلى فرح واحلى حياة تعيشيها
وتوصلي بالسلامة مع جوزك وياريت تتعرفي باخت لينا عضوة هى برضه مسافرة السعودية...ابقو راسلو بعض على الخاص علشان تعرفو تليفونات بعض..هى مشاركة معانا في صفحة المغتربات المصريات...اكيد قريت مداخلتها..يارب تكون الفكرة عجبتك:)
وتتقبلو هناك وتهونو الغربة على بعض... وشكرا لانك اهتمي بالدعوة وربنا
يجزيك خيرررر...وتصحبكم السلامة..
عطرالحياةالياسمين
13/11/2008, 06:57 AM
ازيكو يا احلى مصريات عاملين اية في الغربة ربنا يعينني و يعينكم
السلام عليكم....
اهلا بيك ويارب يتقبل دعائك ويعين كل المغتربات
ويطمن اهلهم عليهم ويجمع شمل الاحباب(f)(f)
عطرالحياةالياسمين
13/11/2008, 07:01 AM
ازيكم يابنات ياقمرات انا مغتربة فى زامبيا واصلا من اسكندرية بقالى 2.5 تقريبا من يوم ما تجوزت وفضلى سنتين تقريبا بس حرجع ليبيا لان زوجى ليبى يعنى من غربة لغربة الله يعين بس مهما كان لبيا خير من زامبيا ع الاقل اهلها اخواتنا ونفس طباعنا بس المشكلة البعد عن الا هل والله يعينا يااااااااااارب
السلام عليكم....
حمدا لله على وصولك بالسلامة...بس يعني اية الي وداك زامبيا
ملقتيش حتة اقرب من كده..:D
وبعدين انت بتقولي انك متجوزتيش وفي نفس الوقت جوزك في ليبيا
تيجي ازاي دي ياريت تفهيميني:rolleyes:
وربنا يعينك على الغربة ويرجعك بالسلامة لاهلك ولوطنك(f)
عطرالحياةالياسمين
13/11/2008, 07:10 AM
أولا سلامى لكل المغتربات:con1: ثانيا أرجو تقبلونى مابينكم انا حاليا مش مغتربة :no:لكن ربنا يكرمنى وعلى اول السنة أسافر لزوجى إنشاء الله فى أبوظبى:JUMP: وطبعا حالى حال الباقيين خايفة جدا:sad: بس الفرق أنى حقيقى تعبانة جدا بدون زوجى:21_195: وهو كمان أصلى ما بينا قصة حب وأفلام:21_209: المهم اناعايزة أعرف أيه اللى اخدوا معايا وأيه اللى هناك أحسن وخاصة أنى نفسى أعمل فيها عروسة جديدة أصلى مكنش ليا شهر عسل مش عارفة جوزى بيقولى اللبس هناك أحلى بس كنت سمعت أنى حاجات اللى زى كارينا مش فى:sm215:أيه تانى مش عارفة أنا دماغى ورمت من التفكير وهناك هعمل أيه لوحدى أنا بزهق بسرعة أوى:cry: وهنا أنا فى مامتى واخواتى وولاد اخواتى وأصحابى وهناك مش فى حد خالص خالص
أرجوكم أفيدونى ولى رجعة ليكم وربنا يعين الكل الغربة حقيقى صعبة
السلام عليكم....
انت طبعا حبيبتي نورت واهلا وسهلا بيك مابينا وباي حد دا احنا نزيد عزوة
وربنا يجمعك مع زوجك بالسلامة ويديم عليكم المحبة:15:
بس ماتخفيش من الغربة كلنا اهل في النهاية... حبة حبة حتتعودي على الوحدة وبعدين حتبدأى تكسبي صداقات جديدة وتتعرفي بناس مختلفة
وبالنسبة للحاجات الي ممكن تاخديها حسب رغبتك بس زي ماقولت قبل كده لاخت عزيزة علينا ان كل شئ حتلقوه متوفر برة في اي دولة
هى الحكاية ان في ناس بتحب تاخد علشان توفر هناك بسبب فرق الاسعار
وكل واحد حر :wink:وربنا يطمنك دايما على اهلك واصحابك وتكونو دايما على اتصال ببعض(t)ماتخافيش بس مسقلت وقت وحترستقي نفسك وتتصرفي في كمبيوتر ووصلة نت والامور حتمشي عال وساعتها
حتحسي انك معاهم على طول...ربنا يوصل الجميع بالسلامة
وتقبلي مروري ومشاركتي(f)(f)(f)
أم عمرو ومنة
ربنا يخليهم ليكى وطبعا جوزى عنده كمبيوتر:Dوأكيد هيشوف النت قبل ما أروح لأنى دى وسيلة إتصالنا:wink:وطبعا أنا هأكد على الموضوع ده انا حياتى النت وانا هنا وبرضه وسيلى إتصالى بأهلى وأصحابى:21_186:فمابالك بالغربة
أنا كمان ليا إستفسار مهم اوى المقمين هناك موضوع المدارس أنا بنتى عندها حاليا 3سنين أيه الوضع هناك بالنسبة لمعياد التقديم و السن :21_140:ويا ريت الأسعار وياسلام لو التعليم القرنساوى لأنى هنا كنت ناويى إنشاء الله أدخلها التجربية الفرنساوى:21_209:كان نفسى تتكلم فرنساوى:D
معلش صدعتكم :Zd_bye_3:
أم نور عيوني
14/11/2008, 01:03 AM
أولا سلامى لكل المغتربات:con1: ثانيا أرجو تقبلونى مابينكم انا حاليا مش مغتربة :no:لكن ربنا يكرمنى وعلى اول السنة أسافر لزوجى إنشاء الله فى أبوظبى:JUMP: وطبعا حالى حال الباقيين خايفة جدا:sad: بس الفرق أنى حقيقى تعبانة جدا بدون زوجى:21_195: وهو كمان أصلى ما بينا قصة حب وأفلام:21_209: المهم اناعايزة أعرف أيه اللى اخدوا معايا وأيه اللى هناك أحسن وخاصة أنى نفسى أعمل فيها عروسة جديدة أصلى مكنش ليا شهر عسل مش عارفة جوزى بيقولى اللبس هناك أحلى بس كنت سمعت أنى حاجات اللى زى كارينا مش فى:sm215:أيه تانى مش عارفة أنا دماغى ورمت من التفكير وهناك هعمل أيه لوحدى أنا بزهق بسرعة أوى:cry: وهنا أنا فى مامتى واخواتى وولاد اخواتى وأصحابى وهناك مش فى حد خالص خالص
أرجوكم أفيدونى ولى رجعة ليكم وربنا يعين الكل الغربة حقيقى صعبة
اهلا بيكي يا قمر في الامارات مقدما
فعلا حاجة كارينا مش هنا حاولي تجيبي منها اما اي حاجة تانية هتلاقيها هنا ان شاء الله
انا طبعا مروحتش ابو ظبي غير مرة واحدة لاني في العين بس تقريبا الحاجة هي هي في كل مكان
أم نور عيوني
14/11/2008, 01:07 AM
أولا سلامى لكل المغتربات:con1: ثانيا أرجو تقبلونى مابينكم انا حاليا مش مغتربة :no:لكن ربنا يكرمنى وعلى اول السنة أسافر لزوجى إنشاء الله فى أبوظبى:JUMP: وطبعا حالى حال الباقيين خايفة جدا:sad: بس الفرق أنى حقيقى تعبانة جدا بدون زوجى:21_195: وهو كمان أصلى ما بينا قصة حب وأفلام:21_209: المهم اناعايزة أعرف أيه اللى اخدوا معايا وأيه اللى هناك أحسن وخاصة أنى نفسى أعمل فيها عروسة جديدة أصلى مكنش ليا شهر عسل مش عارفة جوزى بيقولى اللبس هناك أحلى بس كنت سمعت أنى حاجات اللى زى كارينا مش فى:sm215:أيه تانى مش عارفة أنا دماغى ورمت من التفكير وهناك هعمل أيه لوحدى أنا بزهق بسرعة أوى:cry: وهنا أنا فى مامتى واخواتى وولاد اخواتى وأصحابى وهناك مش فى حد خالص خالص
أرجوكم أفيدونى ولى رجعة ليكم وربنا يعين الكل الغربة حقيقى صعبة
أم عمرو ومنة
ربنا يخليهم ليكى وطبعا جوزى عنده كمبيوتر:Dوأكيد هيشوف النت قبل ما أروح لأنى دى وسيلة إتصالنا:wink:وطبعا أنا هأكد على الموضوع ده انا حياتى النت وانا هنا وبرضه وسيلى إتصالى بأهلى وأصحابى:21_186:فمابالك بالغربة
أنا كمان ليا إستفسار مهم اوى المقمين هناك موضوع المدارس أنا بنتى عندها حاليا 3سنين أيه الوضع هناك بالنسبة لمعياد التقديم و السن :21_140:ويا ريت الأسعار وياسلام لو التعليم القرنساوى لأنى هنا كنت ناويى إنشاء الله أدخلها التجربية الفرنساوى:21_209:كان نفسى تتكلم فرنساوى:D
معلش صدعتكم :Zd_bye_3:
شوفي يا قمر بتنك حالا هنا تدخل كي جي 1 ان شاء الله والاسعار طبعا بتتراوح بين الغالي والرخيص بس اخت جوزي مودية بنتها مدرسة في دبي مصاريفها 14 الف درهم في السنة
هي غالية طبعا و في حاجات اقل بس هنا المدارس المحترمة غالية موت
مش عارفة بقى بالنسبة للفرنساوي اية النظام
مرسيه ليكى اوى يا أم نور بس ياترى هى مرتاحة فى المدرسة دى
:confused:وأدعولى ربنا يهدى جوزى لأحسن بيفكر ينزل وخلاص مش قادر يستحمل ويهون عليه وعلينا الجاى
أم نور عيوني
15/11/2008, 01:07 AM
مرسيه ليكى اوى يا أم نور بس ياترى هى مرتاحة فى المدرسة دى
:confused:وأدعولى ربنا يهدى جوزى لأحسن بيفكر ينزل وخلاص مش قادر يستحمل ويهون عليه وعلينا الجاى
الحمد لله يا قمر هي مرتاحة بس في مشكلة كبيرة من وجهة نظري انا لمدرسة دي مفهاش منهج ديني مش بيدرسوا دين للاطفال ودة عيب خطييييير جدا
هو جوزك بيشتغل اية يا قمر
ان شاء الله ربنا يصلح حالكم ويهديكم للخير
السلام عليكم...
ازيكم يابنات مصر عاملين اية يارب تكون الاخبار عندكم كلها خير
بس في موضوع حابة اعرفه منكم لو عند حد منكم خلفية
لاني بصراحة سمعت عنه ومش عارفة اية اوله من آخره :(
هل حد سمع منكم عن حكاية الدكتور المصري الي اترفعت علية قضية في السعودية وحكمو علية بالجلد ومتهيقلي الجلد وصل ل 1700جلدة
لو حد عنده اية اسباب الحكاية ولية كده يقولي
وهل في جديد او تدخل من مصر لفض الموضوع....
عارفة ان الموضوع مزعج لكن ده مصري ولازم نعرف اية الي صابه...
اتمنالكم حياة سعيدة بعيدة عن المشاكل.... :(
ازيك يا قمر انا الحقيقة اول مرة اسمع عن الموضوع دة ياترى اية السبب
أم نور
طبعا ده عيب خطير بس بينى وبينيك كده كده لازم الواحد ميعتمدش على المنهج دينى بس فى المدارس لأنى للأسف مش بيكون فى إهتمام بيه وربا يسهل وأحنا نتابعهم ،وانا جوزى بيشتغل محاسب وإنشاء الله لما أجى أنا كمان هحاول أشتغل انا برضه خريجة تجارة قسم محاسبة
أم عن موضوع المصرى أه دول دكتورين وأتحكم عليهم ب1500جلدة كان أتنفذ نص الجلدات والباقى كان هيتنفذ بالرغم من المطالبة أنى حالتهم الصحية لا تسمح والسبب انهم متهمين انهم نقلوا مرض لمريضة سعودية لكن انا مش عارفة التفاصيل بالظبط ده اللى كنت سمعته فى البرنامج اللى بيجى على الحياة
عطرالحياةالياسمين
15/11/2008, 07:44 PM
ازيك يا قمر انا الحقيقة اول مرة اسمع عن الموضوع دة ياترى اية السبب[/quote]
السلام عليكم....
ازيك ياجميل انت عاملة اية انا برضه اول مرة اسمع بالموضوع ومعرفش لية
ربنا معاهم وحسب rocaهم نقلو مرض للمريضةمن بنات السعودية
ربنا يسترها علينا ومايتحكمش علينا ظلم وانت منورة الصفحة
اتمنالك حياة سعيدة في الامارات...تقبلي مروري(f)(f)(f)
عطرالحياةالياسمين
16/11/2008, 09:03 PM
أم نور
طبعا ده عيب خطير بس بينى وبينيك كده كده لازم الواحد ميعتمدش على المنهج دينى بس فى المدارس لأنى للأسف مش بيكون فى إهتمام بيه وربا يسهل وأحنا نتابعهم ،وانا جوزى بيشتغل محاسب وإنشاء الله لما أجى أنا كمان هحاول أشتغل انا برضه خريجة تجارة قسم محاسبة
أم عن موضوع المصرى أه دول دكتورين وأتحكم عليهم ب1500جلدة كان أتنفذ نص الجلدات والباقى كان هيتنفذ بالرغم من المطالبة أنى حالتهم الصحية لا تسمح والسبب انهم متهمين انهم نقلوا مرض لمريضة سعودية لكن انا مش عارفة التفاصيل بالظبط ده اللى كنت سمعته فى البرنامج اللى بيجى على الحياة
السلام عليكم...ازيك ياجميل
اولا رنا يخليلك بنتك بس حتلاقي كل المدارس كده الخاصة مش بيهتمو بالدين للأسف لأن انا بعاني من الحكاية دي مع ابني يادوب بيكتبو ان علية سورة كدا وانا الي بحفظ
وانت زي خريجة تجارة قسم محاسبة لكن للأسف ملقيتش شغل عندي شوية نواقص واهمها اللغة عندي منعدمة
وهنا بيهتمو جدا باللغة والكمبيوتر
يارب يكون حظك احسن من حظي لأن الشغل حيشغل وقتك كتير وبيدي احساس تاني
ربنا معاك وتوصلي بالسلامة...مع تحياتي(f)(f)(f)
nevow
17/11/2008, 12:22 AM
السلام عليكم....ازيك ياجميل نورت صفحة المغتربات
ويارب دايما معانا :)
بس انا شايفة انه على الأقل كان لازم الدكاترة المصريين الي هناك وان مكانش كل المصريين يعملو وقفة احتجاجية
على الأقل الحكومة تعرف ان في ناس وراهم ومهتمية بيهم
وان مش بالسهل يظلمو حد ومحدش حيسأل
تحياتي ليك وشكرا على متابعتك(f)(f)
تحياتي لكي ايضا حبيبتي ممكن سؤال انت كنت عايشه فين في السعوديه
ام عمرو منة
أنا سعيدة جدا بترحبيك بيا وفعلا هى دى لازم تكون مسئوليتنا فى الفترة القادمة سواء كنا فى مصر أو بره أنى احنا نهتم بتعليم أولادنا دينيا
ربنا يوفقك فى شغل انا من ناحية الكمبيوتر الحمد الل واللغة هى دى اللى بحاول أقويها لنها كويسة لكن مش ممتازة وربنا يوفقنا حميعا للخير
أم نور عيوني
17/11/2008, 11:48 AM
أم نور
طبعا ده عيب خطير بس بينى وبينيك كده كده لازم الواحد ميعتمدش على المنهج دينى بس فى المدارس لأنى للأسف مش بيكون فى إهتمام بيه وربا يسهل وأحنا نتابعهم ،وانا جوزى بيشتغل محاسب وإنشاء الله لما أجى أنا كمان هحاول أشتغل انا برضه خريجة تجارة قسم محاسبة
أم عن موضوع المصرى أه دول دكتورين وأتحكم عليهم ب1500جلدة كان أتنفذ نص الجلدات والباقى كان هيتنفذ بالرغم من المطالبة أنى حالتهم الصحية لا تسمح والسبب انهم متهمين انهم نقلوا مرض لمريضة سعودية لكن انا مش عارفة التفاصيل بالظبط ده اللى كنت سمعته فى البرنامج اللى بيجى على الحياة
اكيد طبعا يا قمر لازم احنا يكون الاهتمام من عندنا قبل المدرسة
بس تعرفي لما يبقى من جهة رسمية زي المدرسة بيكون كويس
وان شاء الله ربنا يقدرك و تشتغلي
ازيك يا قمر انا الحقيقة اول مرة اسمع عن الموضوع دة ياترى اية السبب
السلام عليكم....
ازيك ياجميل انت عاملة اية انا برضه اول مرة اسمع بالموضوع ومعرفش لية
ربنا معاهم وحسب rocaهم نقلو مرض للمريضةمن بنات السعودية
ربنا يسترها علينا ومايتحكمش علينا ظلم وانت منورة الصفحة
اتمنالك حياة سعيدة في الامارات...تقبلي مروري(f)(f)(f)[/quote]
اا الحمد لله يا قمر و ربنا يبارك لك في عمر و منة و بالنسبة لموضوع الدكاترة من وجهة نظري ان العقوبة قاسية جدا لان مفيش اي عقوبة في الدنيا سواء شرعية او قانونية تقول ان في حكم ب 1500 جلدة !!
انا شايفة ان دة ظلم
السلام عليكم...ازيك ياجميل
اولا رنا يخليلك بنتك بس حتلاقي كل المدارس كده الخاصة مش بيهتمو بالدين للأسف لأن انا بعاني من الحكاية دي مع ابني يادوب بيكتبو ان علية سورة كدا وانا الي بحفظ
وانت زي خريجة تجارة قسم محاسبة لكن للأسف ملقيتش شغل عندي شوية نواقص واهمها اللغة عندي منعدمة
وهنا بيهتمو جدا باللغة والكمبيوتر
يارب يكون حظك احسن من حظي لأن الشغل حيشغل وقتك كتير وبيدي احساس تاني
ربنا معاك وتوصلي بالسلامة...مع تحياتي(f)(f)(f)
طيب شوفي يا ام عمر على الاقل دول حتى بيدوا خلفية انك تحفظي سورة كذا
انما المدرسة اللي باقول ل roca عليها دي مفيش خاااالص ودة لانها فيها جنسيات مختلفة و ديانات كتير
ام عمرو منة
أنا سعيدة جدا بترحبيك بيا وفعلا هى دى لازم تكون مسئوليتنا فى الفترة القادمة سواء كنا فى مصر أو بره أنى احنا نهتم بتعليم أولادنا دينيا
ربنا يوفقك فى شغل انا من ناحية الكمبيوتر الحمد الل واللغة هى دى اللى بحاول أقويها لنها كويسة لكن مش ممتازة وربنا يوفقنا حميعا للخير
انا بقى معايا ليسانس اداب و تربية انجليزي و اشتغلت في مدرسة خاصة بس للاسف مرتحتش وسبتها بسبب اسلوب الادارة اللي بيعاملونا على اننا عبيييد
عطرالحياةالياسمين
17/11/2008, 01:14 PM
تحياتي لكي ايضا حبيبتي ممكن سؤال انت كنت عايشه فين في السعوديه
السلام عليكم....
حبيبق قلبي انا كنت عايشة في عروس البحر الأحمر جدة
مدينة تحفة وجميلة واكيد تطورت كتيررررررررررر عما كنت فيها
علشان انا رجعت مصر سنة 94
ونفسي ارجع ولو عمرة او حج الحمدلله عملتهم قبل كده بس نفسي ارجع تاني اعملهم ادعيلي ربنا يكرمني انا وجوزي ونروح
وانت ان شاء الله حتتمتعي جدااااااا في الحرم
متنسنيش بالدعاء ...وبالتوفيق (f)(f)(f)
عطرالحياةالياسمين
17/11/2008, 01:21 PM
ام عمرو منة
أنا سعيدة جدا بترحبيك بيا وفعلا هى دى لازم تكون مسئوليتنا فى الفترة القادمة سواء كنا فى مصر أو بره أنى احنا نهتم بتعليم أولادنا دينيا
ربنا يوفقك فى شغل انا من ناحية الكمبيوتر الحمد الل واللغة هى دى اللى بحاول أقويها لنها كويسة لكن مش ممتازة وربنا يوفقنا حميعا للخير
السلام عليكم ....
حبيبتي rocaانت منورة صفحات المفتربات في كل وقت
انت و حبايبي المصريات كلهم الي دايما مشاركين معانا :15::15:
وربنا يوفقك في شغل ان شاء الله ويكرمك بمدرسة كويسة لبنوتك
وان شاء الله مع بعض متابعين دايما اية الأخبار...
تحياتي لك دائما...(f)(f)(f)
nevow
17/11/2008, 04:48 PM
السلام عليكم....
حبيبق قلبي انا كنت عايشة في عروس البحر الأحمر جدة
مدينة تحفة وجميلة واكيد تطورت كتيررررررررررر عما كنت فيها
علشان انا رجعت مصر سنة 94
ونفسي ارجع ولو عمرة او حج الحمدلله عملتهم قبل كده بس نفسي ارجع تاني اعملهم ادعيلي ربنا يكرمني انا وجوزي ونروح
وانت ان شاء الله حتتمتعي جدااااااا في الحرم
متنسنيش بالدعاء ...وبالتوفيق (f)(f)(f)
السلام عليكم
ان شاء الله راح ادعيلك في اول عمره ليا وان شاء الله تروحي بنفسك وتعملي العمره بنفسك
طب ممكن لو سمحتي تقولي ليا عن المدارس في السعوديه اخبارها ايه وايه احسنها:15::15::15:
عطرالحياةالياسمين
18/11/2008, 12:03 AM
(f)
السلام عليكم
ان شاء الله راح ادعيلك في اول عمره ليا وان شاء الله تروحي بنفسك وتعملي العمره بنفسك
طب ممكن لو سمحتي تقولي ليا عن المدارس في السعوديه اخبارها ايه وايه احسنها:15::15::15:
السلام عليكم.....
ماتحرمش منك ياحبيبتي وربنا يوصلك بالسلامة اهم حاجة
ويجعل دعائك مقبول ان شاء الله....
بالنسبة للمدارس حتلاقي يامة في الخاص والحكومي
ومدارس خاصة بتحفيظ القرآن ...
بالنسبة لية انا كنت في الحكومي واختي كانت تحفيظ القرآن .... مدارس تحفيظ القرآن طبعا افضل
حكمل معاك بعدين لما اتاكد من المدارس
مع تحيااااااتي لك(f)(f)(f)
انا بقى معايا ليسانس اداب و تربية انجليزي و اشتغلت في مدرسة خاصة بس للاسف مرتحتش وسبتها بسبب اسلوب الادارة اللي بيعاملونا على اننا عبيييد
انا فعلا خايفة من الموضوع ده خاصة أنى عمرى مشتغلتش ده من ناحية ومن ناحية تانية انا مش من محبى الشغل خالص:ss: بس نظرا للظروف علشان أقدر أكون بجانبه لازم أشتغل وربنا يقوينا ويصبرنا
أم عمرومنة
السلام عليكم ....
حبيبتي rocaانت منورة صفحات المفتربات في كل وقت
انت و حبايبي المصريات كلهم الي دايما مشاركين معانا :15::15:
وربنا يوفقك في شغل ان شاء الله ويكرمك بمدرسة كويسة لبنوتك
وان شاء الله مع بعض متابعين دايما اية الأخبار...
تحياتي لك دائما...(f)(f)(f)
مرسيه ليكى والصفحات منورة بيكم(f)(f)(f)وأنا فعلا سعيدة لمتابعتى معكم
ربنا يسهالهالى ويجمعنى بيه قريب
..★شـــااانيل★..
18/11/2008, 12:39 PM
(تنبيه)
التناقش في أمر سياسي يخص
توجهات الحكومات أمر غير مقبول على الموقع
و لو تكررت المخالفة ستقوم الإداره
بإقاف العضويات المشاركه
m3zoza
18/11/2008, 12:42 PM
ana mortariba fi baljika orido ta3arofa 3layki okhti
m3zoza
18/11/2008, 12:44 PM
ana maghribiya
شهد31282
18/11/2008, 07:21 PM
السلام عليكم ورحمة الله وبركاته
انا من اسكندرية وعايشة فى قطر مع جوزى
مبسوطة اوى انى لقيت واحدة مصرية عايشة هنا فى قطر واتمنى اننا نكون اصحاب وهى ام عمر ومنه
عطرالحياةالياسمين
18/11/2008, 11:13 PM
السلام عليكم ورحمة الله وبركاته
انا من اسكندرية وعايشة فى قطر مع جوزى
مبسوطة اوى انى لقيت واحدة مصرية عايشة هنا فى قطر واتمنى اننا نكون اصحاب وهى ام عمر ومنه
السلام عليكم.....
ازيك ياجميل عاملة اية ومبسوطة كمان ان انت تكوني صديقتي...(f)(f)(f) ان شاء اراسلك على الخاص واديك رقم البيت (t)
تكلميني ونتعرف اكتر ان شاء الله...
انا ساكنة في منطقة الهلال عند النادي الأهلي لو تعرفية
انت عندك اولاد وجوزك بيشتغل اية
حبعتلك دعوة صداقة على المنتدى وان شاء الله نتراسل من خلال الخاص....سعيدة بدخولك ومرورك وتقبلي تحياتي(f)(f)(f)
عطرالحياةالياسمين
18/11/2008, 11:21 PM
(تنبيه)
التناقش في أمر سياسي يخص
توجهات الحكومات أمر غير مقبول على الموقع
و لو تكررت المخالفة ستقوم الإداره
بإقاف العضويات المشاركه
السلام عليكم....
اختي العزيزة احنا مدخلناش في اي حاجة سياسية
احنا كل نقاشنا عن حادثة وقعت واية اسبابها ومن جهة نظرنا عبرنا عن الظلم الواقع واعتقد ان في اركان اخرى في المنتدى زي الدردشة مسموح بتناول مواضيع حتى لو كانت حوادث
ودي حادثة لكن تخص مصريين حبينا نعرف من بعض اية ظروفها ونبدي تعاطفنا.....شكرااا لتدخلك ويارب مايكونش الي جاي فيه شئ ممنوع والمتابعة منكم مفيدة وسنحرص على عدم خرق القواعد
وجدان احمد جاد
19/11/2008, 06:48 AM
ازيكو يا مغتربات يا مصريات يا حلوات
فين المصريات فى الكويت؟؟؟؟؟؟؟؟؟
شهد31282
19/11/2008, 10:36 AM
السلام عليكم....
اختي العزيزة احنا مدخلناش في اي حاجة سياسية
احنا كل نقاشنا عن حادثة وقعت واية اسبابها ومن جهة نظرنا عبرنا عن الظلم الواقع واعتقد ان في اركان اخرى في المنتدى زي الدردشة مسموح بتناول مواضيع حتى لو كانت حوادث
ودي حادثة لكن تخص مصريين حبينا نعرف من بعض اية ظروفها ونبدي تعاطفنا.....شكرااا لتدخلك ويارب مايكونش الي جاي فيه شئ ممنوع والمتابعة منكم مفيدة وسنحرص على عدم خرق القواعد
وعليكم السلام ورحمة الله وبركاته
اوكى ياام منة انا مستنية منك رقم تليفونك وان شاء الله يكون تعارف خير
marool
19/11/2008, 11:04 AM
السسلام عليكم
الموضوع فكرته حلوه اوى لسه مكتشفاه حاليا رغم انى اعرف الموقع من زمان بس ده يرجع انى حاليا فى جده بقالى حوالى شهر
وماجى وبنوته كمان قالوا انهم فى جده ياريت يابنات نتواصل سوا ونفيد بعض ونهون على بعض وان شاء الله تبقا صداقه حقيقيه ونتقابل على ارض الواقع ونبقا اخوات لبعض فالغربه
ياريت كل المصريات الى فى جده يتواصلوا معايا هنا او على الخاص
تحياتى للجميع وربنا معاكو اهل قطر والامارات
عطرالحياةالياسمين
19/11/2008, 09:50 PM
وعليكم السلام ورحمة الله وبركاته
اوكى ياام منة انا مستنية منك رقم تليفونك وان شاء الله يكون تعارف خير
السلام عليكم.....
ازيك يا شهد عاملة اية
بقولك اية انت عندك اولاد في المدرسة المصرية للغات
في بكرة اجتماع اولياء الامور والمدرسات في المرحلة التمهيدية
انا بكرة رايحة علشان ابني هو في كلاس توم
لو عايزة نتقابل هناك الوقت حيبقى الساعة 7 تقريبا
بكرة حدخل واشوف ردك مستنياااااااااااكي....
تقبلي تحيااااتي ....(f)(f)(f)
عطرالحياةالياسمين
19/11/2008, 09:55 PM
السسلام عليكم
الموضوع فكرته حلوه اوى لسه مكتشفاه حاليا رغم انى اعرف الموقع من زمان بس ده يرجع انى حاليا فى جده بقالى حوالى شهر
وماجى وبنوته كمان قالوا انهم فى جده ياريت يابنات نتواصل سوا ونفيد بعض ونهون على بعض وان شاء الله تبقا صداقه حقيقيه ونتقابل على ارض الواقع ونبقا اخوات لبعض فالغربه
ياريت كل المصريات الى فى جده يتواصلوا معايا هنا او على الخاص
تحياتى للجميع وربنا معاكو اهل قطر والامارات
السلام عليكم....
اهلا بيك وبكل صديقاتنا الجداد ونورتو صفحة المغتربات المصريات
عايزين فعلا نحس بعزوة وان لينا احباب نهون على بعض الغربة ان شاء الله
بسرعة حقوم علشان ميعاد المسلسل الاجنبي
وابقى ارجعلكم تاني ...تصبحو على خير..(S)
تقبلي مروري وتحياتي...(f)(f)(f)
nevow
21/11/2008, 09:21 PM
فينكم ياجماعه
عطرالحياةالياسمين
22/11/2008, 09:03 AM
فينكم ياجماعه
السلام عليكم.....
ازيك ياجميل انتم الي فين ؟؟؟
انتم سبتم الصفحة وروحتو ! انا كل مادخل الاقي نفسي لوحدي هنا
وعرفت ان انتم عملتو رابطة للمغتربات المصريات في السعودية
عجبتني فكرتكم جداااا بس انا حدخل عليها اعمل اية !
مبسوطة انك مريتي علينا تاني :)
وان شاء الله نبقى على تواصل...
تقبلي تحيااااااتي (f)(f)(f)
nevow
22/11/2008, 11:53 PM
السلام عليكم.....
ازيك ياجميل انتم الي فين ؟؟؟
انتم سبتم الصفحة وروحتو ! انا كل مادخل الاقي نفسي لوحدي هنا
وعرفت ان انتم عملتو رابطة للمغتربات المصريات في السعودية
عجبتني فكرتكم جداااا بس انا حدخل عليها اعمل اية !
مبسوطة انك مريتي علينا تاني :)
وان شاء الله نبقى على تواصل...
تقبلي تحيااااااتي (f)(f)(f)
انا معرفش اي رابطه تانيه غير دي ومش ممكن اسيبها ابدا
بصي ام عمرومنه انت تعرفي مدينه رابغ سمعتي عنها او تعرفي عنها اي حاجه ساعديني لو سمحتي:15::15::15:
http://www.3roos.com/forums/../uploder/uploded20080901/287713/11227386766.gif
وشكرا علي الرد والاهتمام
عطرالحياةالياسمين
23/11/2008, 12:53 AM
انا معرفش اي رابطه تانيه غير دي ومش ممكن اسيبها ابدا
بصي ام عمرومنه انت تعرفي مدينه رابغ سمعتي عنها او تعرفي عنها اي حاجه ساعديني لو سمحتي:15::15::15:
http://www.3roos.com/forums/../uploder/uploded20080901/287713/11227386766.gif
وشكرا علي الرد والاهتمام
السلام عليكم.....
ازيك ياجميل neovow عاملة اية منوراني جداااااااا
انا بصراحة معرفش عن البلدة دي حاجة :o
بس ممكن اسالك صديقة سعودية من اصدقائي وارد عليك تاني
بالمفيد ان شاء الله... خلي بالك من نفسك وجهزي امتعت السفر علشان توصلي بالسلامة ارض المملكة...
تقبلي تحيااااااااااااتي (f)(f)(f)
nona1117
23/11/2008, 01:20 AM
السلام عليكم علي فكره انا مقيمه في الرياض وبرضوا عندي نفس المشكله عدم التوافق مع بعض الاصدقاء او الفرق الاجتماعي والاهم الفكري وده الاهم وارحب بيكي صديقه ليه.....وشكرا
عطرالحياةالياسمين
23/11/2008, 02:26 AM
السلام عليكم علي فكره انا مقيمه في الرياض وبرضوا عندي نفس المشكله عدم التوافق مع بعض الاصدقاء او الفرق الاجتماعي والاهم الفكري وده الاهم وارحب بيكي صديقه ليه.....وشكرا
السلام عليكم....
اهلا بيك معانا في صفحة المغتربات وان شاء الله تقدري تتواصلي مع اخواتنا
المصريات المقيمات في السعودية من خلال الصفحة
يمكن تلاقي الصديقة الي تكون قريبة منك على قدر كبير في الطباع والفكر
وكلنا مع بعض نساند بعض ونهون على بعض الغربة ...
انت بقالك قد اية هناك ؟ واشتغلتي ولا لسة ؟
ومرحبا بيك صديقة لنا جميعا...
تقبلي مروري وتحياااااااااااااتي (f)(f)(f)
marool
23/11/2008, 03:07 AM
البنات الى فى جده فيييييين
هسالك على موضوع رابغ يا نوفو ان شاء الله متقلقيش
واى حاجه ياجميل تعوزيها لما تيجى ان شاء الله تؤمرى
وكمان انتى اكيد ان شاء الله هتنزلى فاجازة الاسبوع تتفسحى فى جده نبقا نشوف بعض
يا ريت كنت عايزة أعرف ميعاد تقديم المدارس فى أبو ظبى أمتى علشان أشوف هلحق ولا أيه
ام عبودى القمر
24/11/2008, 08:56 PM
انا جيييييييت فينكم تعالو نحكى ملييييييييييت
عطرالحياةالياسمين
25/11/2008, 09:02 PM
انا جيييييييت فينكم تعالو نحكى ملييييييييييت
السلام عليكم....
اهلا بنور الشمس المصرية نورتي
شوفي عايزة تتكلمي في اية وانا معاك
بس متزهقيش بعد شوية وتملي خلي نفسك طويييييييييييل :D
انا بدخل كل يوم حشوف بقى اية الجديد بتاعك
وريني شطارتك في الكلام والحواديت
تقبلي مروري وتحيااااااااااااتي (f)(f)(f)
عطرالحياةالياسمين
26/11/2008, 03:36 PM
السلام عليكم......
فينك يانور الشمس وفينكم يابنات انا متابعة لقائتكم
في رابطة المغتربات بالسعودية حلو ان في كتير مصريات
في السعودية يارب تتجمعو على خير ويارب الاقي حد في قطر
يجتمع معايا بدل ماانا قاعدة لوحدي :(
بااااااااااااي
yehia2007
28/11/2008, 10:57 PM
السلام عليكم
انا مصري مقيمه فى الرياض
بقالى اربع سنين ونص
وعندى بنوته انا معنديش اصدقاء هنا خالص ولا متعرفه على جيران الحياه هنا مقفوله جدا بس الواحد اتعود بيقضى يومه مابين البيت والنت والمطبخ زطبعا بنتى بتاخد وقت كبير اوى معايا والحمدلله اليوم بيعدى والحياه ماشيه
فسحتى بتبقى يوم الخميس بنخرج فيه ونغير جو
جربت اتعرف على ناس لكن ما قدرتش اندمج لاختلاف الطباع والمستوى الفكرى والاجتماعى ففضلت افضل فى حالى
ياريت اتعرف عليكم ونبقى اجمل صحبه
ام نور
عطرالحياةالياسمين
28/11/2008, 11:09 PM
السلام عليكم
انا مصري مقيمه فى الرياض
بقالى اربع سنين ونص
وعندى بنوته انا معنديش اصدقاء هنا خالص ولا متعرفه على جيران الحياه هنا مقفوله جدا بس الواحد اتعود بيقضى يومه مابين البيت والنت والمطبخ زطبعا بنتى بتاخد وقت كبير اوى معايا والحمدلله اليوم بيعدى والحياه ماشيه
فسحتى بتبقى يوم الخميس بنخرج فيه ونغير جو
جربت اتعرف على ناس لكن ما قدرتش اندمج لاختلاف الطباع والمستوى الفكرى والاجتماعى ففضلت افضل فى حالى
ياريت اتعرف عليكم ونبقى اجمل صحبه
ام نور
السلام عليكم...
اهلا ام نور بيك معانا منورانا ومنورة كل المغتربات
عايزاك تدخلي على موضوع المغتربات بالسعودية
حتلاقية موضوع حلو وممكن من خلاله تكسبي صداقات
لانهم كلهم اخوات لينا مغتربات في السعودية
والاجمل انك حتلاقي كتير من الرياض فسهل
تتعرفي على حد منهم ان شاء الله ..يارب اكون افدتك
تقبلي مروري وتحياااااااااتي (f)(f)(f)
nevow
29/11/2008, 02:56 AM
ازيك ام عمرو ومنه انا معجبه جدا بنشاطك وردك علي العضوات الجداد وياتري سئلتيلي علي مدينه رابغ او سكن ارمكو عرفتي عنه اي حاجه لانك قولتي حتسئلي ولا نسيتيني ياقمر
وشكرا
وجدان احمد جاد
29/11/2008, 04:08 AM
ام عمر ومنه انتى نشيطه وانا بحب اقرا ردودك اوى يا ريتك كنتى فى الكويت :confused:
يعنى عمرى ما هلاقى حد فى الكويت ابدا؟؟؟؟؟؟؟:confused::confused::confuse d: