الــــتكــــيس !!!!

[سجايا الروح]

بسم الله الرحمن الرحيم
خواتي العزيزات اتمنى انكم ما تفشلوني وتردون علي ؟؟
عندي أسئله كثيرة وحيرتني من فتره ..؟؟ على الرغم اني
بعض من الاهل والصديقات جاوبني بس بعدني أفكر بالموضوع ..؟
سمعوا قصتي ....:confusedبعد ما سويت بعض الفحوصات
تبين ان عدني تكيس !!!!!!!!!!!!!!!!!!!!؟؟؟؟؟؟؟؟؟؟؟
وسالت الدكتورة قالت لي أنها ما تقدر تعطيني علاج
لان سني صغير ولان الدورة منتضمة ...؟؟ وقالت لو استمر هذا
ممكن يسبب صعوبه في الحمل والولادة ؟؟؟!!
وبعدها تعرفت على وحده فيها تكيس اتصدقووون من 9 سنوات
تحمل واتسقط مع انها ما تتحرك وايد ولا تشتغل ؟؟؟ ولما
سألتها ليش ؟؟ قالت لان هيه عندها تكيس ........!!!
وزادت الحيرة ؟؟؟؟؟!!!!
المهم بعد ما تكلمت معاها فتره قالت لي مدام الدوره تجيني
كل شهر ما فيه مشكله .. وقالت انها أهي ما تجيها الدوره إلا
كل 3 شهوووور ؟؟؟؟؟؟
المهم انا الحين مب متأكدة وبلليييييييز ساعدوني
عرسي بعد شهرين ونص تقريبا ..وانا احب اليهااال وايد
المهم أبغييييكم اتفهموووني شو هو هالتكيس ؟؟
وكيفيه الوقايه منه ؟؟؟؟ وهل فعلا بلاقي صعوبه عند الولاده ؟
وهل صدق ممكن يسبب عقم لاسمح الله

:confused:
:confused:
:confused:
:confused:
ساااااااااااااااعدوني

[شوكولاتة]

عزيزتي بنت الكويتي.....

لاتخافين إن شاء الله قدامك الخير

أنا صحيح مو متزوجه لكن عانيت من هالتكيس .. وراجعت دكاترة واجد كلهم يقولون نفس الكلام .. يقولون : تعالي قبل لا تتزوجين نعطيك أدويه لاني بعد أعاني من إضطراب في الدورة وإرتفاع في هرمون الحليب

مع كذا طمنوني إن شاء الله انه ممكن ينزل .. والتكيس ممكن يزول بالادويه .. لانه مثل مافهمتني الدكتورة ان المبيض مايقدر ينتج بويضه جاهزة للتلقيح ..

لكن أكدوا علي كلهم إنه مهم العلاج قبل الزواج بشهر أو شهرين لانه مع الزواج بيصير صعب شوي.. ويمكن هاللي تقولين ان لها 9 سنين ماجابت عيال ماعالجت قبل الزواج .. لان وحده من صديقاتي كذا لها ثلاث سنين .. الله يرزقها ويعطيها يارب ماعالجت قبل الزواج وقالو لها الدكاترة انه مع الزواج صعب شوي ويطول ..

شوفي هذا الموقع إن شاء الله بتلقين فيه اللي يسرك

بشرى لاخواتي (مريضات التكيس) (http://go.3roos.com/NZ0GOUSonjC)

عموما تطمني أكثر الدكاترة قالوا لي انه مايخوف بس ا نتي روحي من الحين وعالجيه ووكلي أمرك لله .. وكثري من الدعاء إن الله يرزقك الذريه الصالحه والصحه والعافيه

تمنياتي لك بالتوفيق



http://www.fanateq.com/audio/tap/rm/583.rm

[سجايا الروح]

شكرا أختــــــــي شوكولاته

[رودين]

اختي العزيزه مرحبا فيك

اول شيء غيري دكتورتك على طوووووول

ثاني شيء انا كان عندي اول ما تزوجت وراح بعلاج وانا الحين أم لثلاثه

ملاحظه : ( حملت بعد شهر من العلاج التكيس الشديد )



شوكولاته مشكوووووووووووره

[*وله*]

عزيزتي لاتفكرين انا عندي نفس المشكله والحين لي سنتين ماحملت مع ان الدوره كانت منتظمه من قبل مااتزوج الى الشهرين الاخيرين معناته انه كان بسيط والحين زااايد لاني اتوقفت عن المنشطات 3شهور 0000والتكيس سبحان الله ماله سبب 0وفيه مين يحمل وعنده تكيس 0اي استفسار انا حاضره اساليني صار عندي خبره 0:Dاختك *وله*

[^^بنت الكويت^^]

هلا بنت الكويتي
##########
بقولج قصتي::انا كانت دورتي متخربطه رحت انظمها عند الدكتوره هذا قبل

لااتزوج ماسوولي لاتحاليل ولا عطوني حبوب منع الحمل علشان تنظم

الدوره الصراحه خفت اخذهم ونسيت الموضوع
#############################
يوم تزوجت تخيلي اول شهر بزواجي يتني الدوره ولمدة 17 يوم بدون توقف

طبعا زوجي صار مينون :) رحت لمستشفى خاص(السلام) سوولي تحاليل وسونار

وطلع عندي تكيس في المبايض عالجت لمدة سنتين وماكو فايده ماحملت

قررت اغير لمكان ثاني لاني ماشفت من هالمستشفى اي فايده .

رحت للدكتوره ماجده اليتامى اول ماشافتني وقتلها عن حالتي قالتلي اذا

بتحملين لازم تنزلين من وزنج قلتلها يعني مو بس انا متينه وكملت العلاج

بدون مااضعف وهم ماحملت:(

لمن طلع لي كيس ماء على المبيض من كثر المنشطات وقالتلي الدكتوره

لازم عمليه وسويتها سنة 99 شالت لي الكيس وسوتلي كوي على التكيس قالتلي التكيس مايصير نشيله
#########################
أدري طولتها بس تكفين كملي القصه
#########################
وهم عقب العمليه ماحملت:(
سوتلي تلقيح صناعي وهم ماكو فايده قالتلي مالج الا مركز اطفال الانابيب

وحولتني الدكتوره سوولي تلقيح صناعي مره وحده وقالولي مالج علاج عندنا الا اذا نزل وزنج

طلعت من عندهم وانا ابجي لاني فقدت الامل والايام تمر علي والي تزوجو معاي وبعدي حملو وولدو جم مره وانا اطالعهم

قلت ماكو الا انزل وزني وسويت عملية تحزيم معده وشفت الويل ونزلت 30 كيلو ورحت لدكتورتي مو المركز

شافتني انصدمت قتلها يلا بعالج قالتلي نولي بعد 10 كيلوات وتعالي الشهر الياي

قتلها بعد 10 انا تعبت ومليت قالتي نزلي هالعشره وتعالي

قلت ماكو الا ادش نادي رياضي علشان انزل بسرعه قبل موعد الدوره علشان اعالح

انطر موعد الدوره مايت ضاق خلقي لاني من ضعفت صارت دورتي منتظمه

شمعنى هالشهر تخربطت قلت بسوي تحليل واشوف

يوم سويت الحمدالله الحمدالله الحمدالله طلعت حامل:):):):)

ماصدقت رحت للدكتوره قالتي مو قتلج اذا ضعفتي كل مشاكلج بتنحل

والحمدالله عندي بنوته قمر عمرها سنه

والحين انا حامل بالشهر السادس

وعلى فكره:يوم ولدت رحت للدكتوره بشوف التكيس شخباره قالتلي خلاص مافيج تكيس راح لما ضعفتي
###########################################

وااااي تعبت

اسفه على الوقت الي راح تضيعونه في قراءة مشاركتي
ادري طويله :)

[سجايا الروح]

هلا ...أختي بنت الكويتي
مشكوووووووره اختي على مشاركتج
وبالعكس انتي ما طولتي علينا .......
مشكووورة حبيبتي

[سجايا الروح]

شكرا أختي وله :)

[^^بنت الكويت^^]

انتي بنت الكويتي وبالامارت شلون؟؟؟؟؟؟؟؟؟؟؟:rolleyes::s

[دندونه المزيونه]

الله يعطيك العافيه على هذا الموضوع الشيق

والله يوفقك يابنت الكويتي ويسعدك
:)

[سجايا الروح]

بنت الكويت ...
انا اماراتيه بس اسم العايله الكويتي ....
دندونه لا شكر على واجب

:)

[^^بنت الكويت^^]

بنت الكويتي


والنعم فيج

[بلبله عزيز]

مشكوره

[ام جعفرين]

اختي انا فيني تكيس وبالعلاج الحمد لله حملت ولا يسبب اجهاض ولا شي اهو بس يضعف البويضات بس اتكون عندك بويضات وايد اكثر من الوحدة العادية بس منشط انشاء الله وتحملين والتكيس خبرتني الدكتورة انه يروح مع الحمل والولادة

[ام نيلا]

اختي

اذا وزنج زايد نزلية ...لان احد اسباب التكس زيادة الوزن

وان شاء الله ربي ينولج اللي في بالج