المسك..................

[ام ديما]

حبيت اسئل عن المسك بعد الطهر وكيفيه استخدامه لا نى سمعت انه مفيد بعد الطهر من الدورة كيف وليش ؟ اللى تعرف ترد على الله يجزاها الف خير:)

[ام ديما]

وينكم عدد القراءات 42 ولا رد واحد حتى
وينك يا الام الحنون

[نور الهدى]

السلام عليكم مرحبا أختى الفاضلة

في وحده عملت أستشارة حول هذا الموضوع

وسوف أنقل رد الأستشارة

يمكن تحصلي علىالأفادة

أجيب على سؤالك فأقول:

روى الإمام مسلم في صحيحه عن عائشة رضي الله عنها قالت: سألت امرأة النبي صلى الله عليه وسلم كيف تغتسل من حيضتها؟ قال: فذكرت أنَّه علَّمها كيف تغتسل، ثم تأخذ فِرصةً من مسك فتطهَّر بها.

قالت: كيف أتطهَّر بها؟ قال: "تطهري بها، سبحان الله!" واستتر.

وأشار لنا سفيان بن عيينة (أحد رواة الحديث) بيده على وجهه ـ قال: قالت عائشة: واجتذبتها إليَّ، وعرفت ما أراد النبي صلى الله عليه وسلم، فقلت: تتبعي بها أثر الدم.
(فِرصة: أي قطعة).

قال الإمام النووي في شرحه لهذا الحديث:

(والمراد في هذا الباب بيان أنَّ السنة في حق المغتسلة من الحيض أن تأخذ شيئاً من مسك فتجعله في قطنة أو خرقة أو نحوها، وتدخلها في فرجها بعد اغتسالها، ويستحبُّ هذا للنفساء أيضاً؛ لأنَّها في معنى الحائض)، ثمَّ قال: (المقصود من استعمال المسك تطيب المحلّ).

ثم قال: (فإن لم تجد مسكاً فستعمل أي طيب وجدت).

والله أعلم.

من لها أون لاين

اسم المستشار الى رد على السؤال هو الشيخ خالد بن عبدالله بن على الخليوي

وبالتوفيق أن شاء الله

[ام ديما]

الله يجزاك يا اختى و مشكورة على الرد
وتسلمين والله افتدنى كثير

[زوجي حبيبي]

قوة بنات دايما اسمع عن المسك بس ماعمري جربته يعني مادري شللون اقول انا عبالي بس احط المسك من فوق لاني اتوقع اذا حطيته من داخل يلتهب او يصير شي بس لما قريت الحديث استغربت سوال يعني احط اي نوع من المسك ؟؟؟

واتمنى تجاوبوني

[لك روحي]

السلام عليكم
زوجي حبيبي
لازم تتاكدين ان المسك اصلي
وعادا يكون زي الحجر تمسحين فيه المكان او ممكن تبشرينه وتنقطينه بمويه(المسك مايذوب)
فيه انواع عند العطارين تكون رخيصه انتبهي منها اشتري من محلات العود

مره قريت ان المسك الي موجود الحين ماهو زي الي كان بعهد الرسول عليه الصلاه والسلام
ماهو خام ومخلط معاه اشياء فعلشان كذا استخدميه بس لاتتعمقين
وسمعت انه يحمي من الاتهابات ويعالجها وكمان يضيق المنطقه

انشالله اكون افدتك

[زوجي حبيبي]

والله تسلملي هالطله الحلوة لك روحي يعني مافيها ضرر اني انظف المنطقه كلها ومشكورة على النصيحه الحلوة

مشكورة والله

[لمياء بنت البحرين]

عادة نشتري المسك سائل
ممكن نستخدم هذا المسك(السائل)
أول مرة آسمع عن المسك شكله مثل الحجر
وفي حالة اني ما وجدت المسك ألي مثل الحجر
شنو آقدر استقدم من طيب

[لمياء بنت البحرين]

أنا أشتري المسك عادة من البودي شوب
(وايت مسك)

[لك روحي]

لميا حبيبتي انتبهي من هالمسك
مسك بادي شوب ريحته حلوه بس ماتشبه ريحت المسك الاصلي اببببببد
المسك الي بالمحلات التجاريه يكون مصنع وفيه كحول ومواد كميائيه تضر المكان وماتفيده باي شي
شلون اشرحلك .. بجبلك مثال شفتي العصاير الي بالسوبرماركت الي مكتوب عليها شراب العنب مثلا؟؟؟
هذي مافي ولا شي من العصير بس لون وسكر ونكهات وممكن يحطون فيتمينات علشان بالدعايه يقولون انه مفيد
طعمه عنب بس ماحطو فيه عنب طبيعي .. نكهات مصنعه كميائيا تعطي نفس الطعم الطبيعي

احنا نتكلم عن المسك الاصلي وشكل المسك الاصلي الخام زي الحجر
وفيه منه سائل بس مدري اذا كان مضاف له مواد ثانيه زي الكحول ولالا
وتلقينه في محلات العود الكبيره .. وحتى لو من محل مره مشهور ومعروف لازم تتاكدين انه مسك اصلي خام
المنطقه هذي كثير حساسه انتبهي حبيبتي من الكماويات فيها

زوجي حبيبي
انشالله مامنه ضرر خصوصا اذا نويتي انك تحطينه اتباع للسنه
انا دايما اشتريه من السعوديه واذا جيت لكندا انسى اخذه فماجربته للاسف للحين
بس قريت مره انهم يقولون ان المسك الموجود الحين مو زي حق زماان مخلط معاه اشياء ثانيه فانتي توكلي على الله حطي منه بس لاتتعمقين يعني خارجي

[دفء الجليد]

والله اول مرة اسمع بهالشي

اللي اسمع انه يحطون ملح في المنطقه علشان المنطقه تطهر

بس عموما انا شريت غسول من صيدليه واغسل فيه المنطقه من برى بس ما ادخله داخل كلش

واذا على المسك ..فبروح اشوف في محلات العود اذا في باخذ وبجرب

[زوجي حبيبي]

لك روحي تسلمين على النصيحة