الفرق بين حمل البنت والولد

[ام ديما]

اهلين بنات كيفكم ؟
بنطلب من كل حامل تقول لنا هل فيه فرق بين حمل البنت والولد عن نجربتها الشخصيه
انا بالنسبه لى اتوقع ما فيه فرق :):)

[الام الحنون]

انا احس ان البنت تمسك الرجول يعني بتحسي آلام دائمة من الشهر الاول برجولك .. وزيدي على ذلك الثقل من الشهر الاول ..والله اعلم ..

[ام ديما]

مشكورة يا ام الحنون على الرد وفعلا البنت فى الحمل يكون فيه ثقل ( يوم كنت حامل بديما كنت ثقيله مرة حتى كنت احس انه فينى توام )

[همسة]

السلام عليكم

هلا والله وغلا بالعرايس الحوامل

:)

والله يا أم ديما حمل البنات

فعلاً تحسين بثقل من أول الحمل

موثقل في الوزن لاااااا

يعني تحسين إنك مكسلة ومونشيطة مثل أول

وهذا أيضاً من واقع تجربة بعض الصديقات

[دائما عروس]

انا من ناحيتي حمل البنت مايبين عندي بطن
وفي الاولاد يفضحني وكل الي يشوفني يقول الله يعينج شكلك بييبين توم
لكن هالمره مع اني في السابع مب فاهمه شو سالفتي ماقدرة اميز بس يقولون الام تحس سبحان الله شو بيجيب وعندي احساس بجيب بنت :)
عموما بنت ولد مافي فرق المهم التساهيل
تحياتي

[رنين العود]

حملي بمريم كان ثقيل وكانت رجولي دوم فيها شد وسودت رقبتي وجسمي كامل اما حملي الان فهو خفيف وبكاد احس فيه والحمد الله

وكان بطني في اول حمل ما بظاهر اما الان شوي ظاهر

[أسيرة الأمل]

انا اللي اعرفه ان حمل البنت متعب وايد وخصوصا في الشهور الثلاثه الاولى... ومن خلال تجربتي الاولى والوحيده في حملي صارلي نفس ما ذكرتوا من اعراض مثل الكسل والتعب المستمر واسوداد الرقبه وآلام الارجل.....
والله يعينا احنا الامهات لا في حمل مرتاحين:eek: ولا في تربيه بعد مرتاحين:confused: بس الحمدلله على كل حال:)

[الغريبه]

لي طفلين بنوته وولد الله يخليهم يارب ويخلي لكل ام اطفالها


ففي حمل البنت يكون البطن مدور ولون بشرة الام يفتح :)


اما في حمل الولد يكون شكل البطن طولي والصرة تطلع لبرا شوي :o


كمان لون الرقبه يصير غامق اسمر والخشم يكبر في حمل الولد







اختكم الغريبه عضوة جديدة بمنتداكم الرائع

[ام ديما]

تسلمون يا حبايبي على الردود و مشكورة ما قصرتوا ;) ;)

[خوخه الحبوبه]

حمل البنت مرررررره صعب والولاده اصعب بس الام تحلو اذا حملها بنت
بس طلق البنت ازين من الولد يروح ويجي اما الولد على طول طلق حاااار
ادعولي مااحمل الا بعد4سنوات او اكثر لا نهم مانعيني مااستخدم ولا مانع حمل
الا بعد عملية المراااااااااره ادعولي اقوم باالسلامه
على فكره انا اخت خوخه خوخه مسكينه تعباانه حيل من الحمل
وعجبني صراحه المنتدى وانتو الي نورتوه زياده الله لا يحرمنا منكم;)

[سحاب الأمل]

:confused:
لاااااااااااااا
أخاف من الولادة http://smilies.sofrayt.com/%5E/q/frown.gif
http://smilies.sofrayt.com/%5E/q/bawling.gif
http://smilies.sofrayt.com/%5E/q/crying.gif

[خوخه الحبوبه]

انصحك لا تخافين من الولاده اذا خفتي تتصعب اكثر خلي كل شي عاادي
وخذي نفس عميق وقت الطلق هذي نصيحه للجميع

[لجين]

حيكم اللّه

بنسبة لى وأنا عندى أربع بنات وولد

حمل البنات يزين الأم وخليها تبيض ويزيد الوزن وثقيل من بدايتة

أما حمل الولد متعب وينحف ويسمر البشرة مع أن بشرتى بيضاء على حمرة سمرت

[كنار]

اخواتي انا بعد خايفة موت من الولادة
وانا هلحين بالشهر الثامن..........
وكل ما اسأل وحدة عن الولادة تخوف ولا لا , تقلي عادي مو مرة ,وانا عارفه انها بس ما بتخوفني
انا ابي وحدة تكون صريحه معي وتفهمني زين وش تحس الام وهي تولد ووين يتركز الالم بالضبط... ابي افهم كل شي ,, لانة حملي الاول ولاني دارية ايش الحكاية::s:confused:

[لجين]

أختى كناري هنا موقع طبى عن الولادة


http://go.3roos.com/vBvl0mwsmvY

[ندووووش]

بالنسبه لي عندي بنووته وولد والفرق بين حملهم يمكن اكثر شيء بالطلق حسيت ان فيه اختلاف لان طلق الولد حاررررر وورى بعض اما البنت لا يكون بارد ويعطيك فرصه تتنفسين زي ماقالت وحده من الاخوات ,, هذا الي انا لاحظته ,,

الله يهون على كل وحده حامل ويسهل ولادتهااااا قولووووو امين ..

<<<<< حامل :o

[روابي طيبة]

صحيح حمل البنت مرررة متعب وتقيل مرة وطبعا الي حملت باالولد قبل البنت هي الي بتفرق والى الاخت كنا ري لاتخا في من الولادة اللة يفرجها في لحضة وتنسيالاالم واللة يقومك بسلا امة

[لجونه]

من تجاربي أن البنت وايد أخف من الصبي آنه عن نفسي لما كنت حامل ب لجين كنت تعبانه لي الخامس أما ألحين الحمدالله آنه بالثالث والحمدلله لي ألحين ما حسيت بالتعب نفسه ما أدري يمكن عشان أول مره غير عن ثاني مره هذا الفرق بين البنت والولد

[عروس قديمه]

الحمل يختلف باختلاف الهرمونات..هي اللي تتحكم...

ولذلك من حمل لحمل يختلف؟؟لأن الهرمونات ونسبتها تختلف...

لكن بصفه عامه حمل البنت متعب ..وطلقها باااااااااااااااااااارد...

يعني انا تخيلوا..جاني الطلق ببنتي من الساعه 3 الفجر...ولدت الساعه 7ونص المغرب؟؟

[^^بنت الكويت^^]

انا عندي بنت والحين حامل باول السادس وسويت سونار قالولي ولد

الفرق الي حسيت فيه الحركه البنت تتحرك مبجر وتتحرك وايد

اما الولد حركته بطيئه

واحس ويهي يطلع فيه وايد حبوب من حملت

الي اعرفه ان يقولن البنت تحلي والولد يجكر:D

[ام ذياب]

حبايب انا سمعت انا الولد يتحرك في القسم الايسر من البطن والبنت في القسم اليمين ..ابي اتاكد اذا المعلومه صحيحه ...وهل في صدق اختلاف في حركة الياهل في البطن ...ابي معلومات من الامهاااات ...اذا ممكن طبعاااا..

ومشكورات وسوري علي الازعاااج ..

[ام ديما]

يارب يفدونك البنات يا ام ذياب

[بنت ابوظبي]

الاخت لجين ...
الف شكر على الموقع الرررررررررهيب
وربي يخلي لكم عيالكم ويحفظهم من كل شر.

[ام ذياب]

حبايب اتريي منكن الجوااب ..

[ريمانده]

مرحباااااا ........

مشكورين على الموضوع الى كذا ...

وانا عن تجربتي ...

الولد يخلى الوحده ...سمراء وجيكره ...:cool:

وعلى سوال( ام ذياب) عن حركت الجنين هذا موب صحيح

انا فيني ولد ومع كذا معضم حركتها في القسم اليمين

يعني انه هاذا الشي موب صحيح ...والله اعلم

تحياتي للجميع ...:)

[أم لسانين]

حيرتوني معاكم خواتي

انا و الحمد لله ما تعبت في الحمل موليه
لا في الوحام و لا بعده

و شد عضلي في ريولي كان يستوي لي في الاشهر الوسطانيه

اما عن شكل البطن

فكيف يعني طولي و كيف مدور ؟؟؟ ما فهمت عدل ؟؟؟

مب عارفه عندي بنت و الا ولد


في العيادة الخاصة اللي راجعت فيها قالوا لي بنت

و يوم فتحت ملف في المستشفى الحكومي ي قالوا ولد

و الله اني محتارة للحينه

و مب قادرة أشتري بعض الاغراض اللي تنعرف انها مال بنت او ولد

اشرحوا لي اكثر تراني بكريه و ما افهم في هالسوالف بسرعة

و السموحة

[فدائيه من الرياض]

كل أم في العاااااااااالم تختلف الأعراض عندها عن الأم الأخرى وهذا تابع للهرمونات والحاله الخاصه التي تحدث لكل إمرأه ...

فاللي قالوا ان حمل البنت مدور اما الولد طولي اقولهم بالعكس انا ولدي كان مدور وحتى كان مو مبين لحد التاسع وهو صغير اللي يشوفني يحسبني بالخامس نفس الشي بولدي الثاني واللي الحين انا حامل فيه وبدخل الشهر التاسع

واللي قالوا ان طلق الولد حااااااااااااار اقولهم ياليته حاااار ولدي كان طلقه ابرد من الثلللللللللج بدت معي علامات الولاده الساعه 4 الفجر وماولدت الا الساعه وحده بالليل وبعد طلعت الروووووووح ، والله يسهل بولادتي الثاني

اما اللي قالوا ان الولد يسمر وان الام تكون جيكره يعني شينه هههههه والبنت تحلي أقولهم ايضا على العكس انا بولدي الاول والثاني هذا كل من شافني يقولي شكلك حامل ببنت محلوه بزياااااااااااده حتى الإسمرار والكلف الحمدلله ماكنت اعاني منه بالعكس في الحمل بالأولاد أبيض بزياده

أما من ناحية التعب
فولدي الاول الحمدلله مرتااااااااااااااحه طبعا لأني بكريه يعني الجسم لسه طازه ماتعرض للتعب من حمل وولاده ولسه ماتفكك الحوض وتبهذلت العظام

لكن ولدي الثاني اللي انتظره متعبني مررررررررررره من الشهر الخامس

أما حركة البطن تراها ماتحدد انا ولدي كثير الحركه وكان يتحرك من اليسرى اكثر من اليمنى

عشان كذا يابنات ياحلوات لاتقيسون او تقارنون انفسكم بالحريم الحاملات غيركم ، فكل وحده تختلف عن الثانيه وكل حمل يختلف عن الآخر وكل الأشكال وحركة البطن والوحم والتعب وكل هذا مايحددلك اذا الجنين ولد او بنت مافيه شي اكيد الا " الألترا ساوند " اللي هي الأشعه

وسلامتكم :up:

[almaha555]

والله أنا كان حملي بنت .... فما أعرف الفرق ...بس أنا كنت عافان الله كله أرجع ... من أول يوم إلى آخر يوم ..... وكنت أعاني من الحموضة دايماً ... بشكل مستمر لمدة 9 شهور ... وكانت كله تضربني بريولها في ضلوعي ... بس هذا اللي أذكره والله ...:shy:

[عروس بعيدة]

السلاام عليكم..

أنا مع كلام فدائية.. 100%

وتحياتي للجميع

[umelias]

السلام عليكم

انا صار لي كم يوم في المستشفى بسبب حملي بيصيدني

تشنج وتوني خارجة والله متعبني وايد الحمل

والله يعطيكم العافية

[أم رواان]

سلمت يداكي يا قلبي عالموضوع

هذا اللي سمعته ان البنت تكون باليسار والولد باليمين والله اعلم

بس ممكن يختلف من واحده للثانيه

[**star**]

يرزق من يشاء سبحانه

سأل الله العظيم رب العرش العظيم ان يكون ما في بطني ولدا ذكرا تقيا

[om hussain_21]

الي يجي من الله حياه الله

[Buffy2008]

والله مدري انا عندي بنت وحده ,كان وحامي صعب فيها,غثيان وارهاق وتعب لحد بداية الشهر6تقريبا000
الان حامل بس اخف وحامي ولله الحمد غثيان بسيط لايذكر,بس احس في ثقل بظهري والم موطبيعي اذا نمت,الحمدلله ع كل حال والله يرزقني وياكم في الطفل السليم المتعافي ولد والابنت0000000000

[جوجو 24]

انا سمعت ان اللي تكون كسلانة وطول الوقت نوم يعني حامل ببنت انا بكريةوصايرة انام كثير يقولولي شكل معك بنت واللة اعلم لسع مابان الجنس

[انتظـــــااااار]

-




والله كلهم متعبييين

انا البكريه بنت

وبعدهاا وولدين

وكلهم ثقل وتعب والحركه ووحده ماشفت فرق

والحمدلله على سلامتهم



-