المساعد الشخصي الرقمي

مشاهدة النسخة كاملة : دخيلكم ملكتي بعد اسبوعين ساعدوني



عروس دار الزين
11/03/2003, 04:58 PM
السلاااام عليكم ورحمة الله وبركاته

أخواتي العزيزات لي الشرف بتسجيلي في منتداكم الاكثر من رائع
واتمنا كل منا يفيد الثاني :D


أخواتي انا عندي اكبر مشكلة في العالم واحس انه ماله علاج بس دخيلكم اللى تعرف ولو معلومة بسيطة تفيدني
ويزاها الله عني خير الجزاء

انا ملكتي بعد ا سبوعين بالضبط
انا بشرتي دهنية ومشكلتي اني اعاني من حب الشباب في وجهي بس مو وااايد لكن الحب لونة احمر قوي بس على الخدود
وخدي الايمن اكثر من الخد الايسر :o

والله مادري شو بسوي في ويهي عشان يختفي الحب حتى لو مؤقتا انا اريد طريقة تخلية يختفي مؤقتا بس في الحفلة اذا عرفتوا واللى تعرف طريقة تخلية يختفي نهائيا يكون افضل

دخيلكم اهتموا في الموضوع ولا تودروني :confused:

عروس دبي
11/03/2003, 07:43 PM
عزيزتي بالنسبة للحب ممكن تحطين عليه مرة وانا كتبت هذا الموضوع

لوحدة قبل شوي بس بعيدلج الكلام تاخذين مرة وتودنينها في فنيال عليه

شوية ماي وتمسحين مكان الحب وممكن تجربين العسل بعد عشان الوقت

ضيق وتستفيدين واهم شيء لأن بشرتج دهنيه انج تنظفينها وخاصة بعد

ما ترجعين من برع واشربي كثر ما تقدرين ماي وحاولي تركزين هذي

الفترة على الفواكة والخضرة عشان تنقي الويه .....

اتمنى اكون افدتج الغالية وتستفيدين........

عروس دار الزين
11/03/2003, 10:00 PM
مشكووووووورة الغالية

على المعلومة والله يحفظج ;)

زهرة الاشواك
11/03/2003, 10:48 PM
اختي عروس دبي يا ريت توصفينا المرة او تحطين لها صورة اذا ممكن لاني قريت كثير عنها وما عرفتها وانا اعاني من نفس المشكلة وعريسي هذه السنه

**العروسة ترف**
12/03/2003, 12:22 AM
وبالنسبة لمشكلتج اختي( عروس دار الزين) من الناحية العلاجية..اظن الوقت موكافي.. وجربي وصفة الأخوات يمكن تييب نتيجة معاج..وأما من الناحية المكياجية...<---------حلوة هذي مكياجية ماعلينا...ايه تقدرين تحطين نوع من الكريم وينباع بالصيدليات اسمه cover cream وطريقة تدهنين فيه مكان الحبوب..وتغطينهم بطبقة هذا الكريم...قبل ماتحطين الفانديشن(كريم الاساس) وانشاءلله بتستانسين من نتايجة المذهلة...وعطينا رايج فيه...<---------------تسويله دعاية:D

عروس دبي
12/03/2003, 07:59 AM
عزيزتي المره مثل الخيلة لونها على بني وحبتها صغيرة وهي لها هذا

المسمى فقط وممكن تحصلينها عند العطارين اذا كنتي من دبي ممكن اقولج على اماكن تنباع فيها .......

وياليت اللي عنده صورة لها يحطها .......

عروس دار الزين
13/03/2003, 02:00 PM
العروسة ترف والله أج ماقصرتي انتي والاخت الحبوبةعروس دبي

والله يوفقكم في حياتكم انشاء الله مثل ماساعدتوني وساعدتوا خواتكم الثانيات :)